Morgunblaðið - 17.05.1980, Blaðsíða 48
Sfminn á ritstjórn
og skrifstofu:
10100
LAUGARDAGUR 17. MAÍ 1980
Síminn
á afgreiðslunni er
83033
Múr svölungur
er svartur
hvíta kverk
mi-ö
(Mynd úr Fuglabók AB)
Múrsvölungar
í Reykjavík
MÚRSVÖLUNGUR er nafn á
farfugli af svölungaætt og
gistir hann stundum ísland
sem flækingur en er algengur
um alla Evrópu. Félagar í
fuglaskoðunarferð Náttúru-
fræðifélagsins á uppstign-
ingardag sáu 2 múrsvölunga
við Garðskagavita og með
þeim einn blásvöiung.
Erling Ólafsson, sem var
leiðbeinandi í ferðinni, sagði í
samtali við Mbl., að fuglarnir
hefðu eflaust borist til lands-
ins með vindum frá megin-
landinu, sem hér hafa verið
ríkjandi að undanförnu. Kvað
hann menn einnig hafa orðið
vara við múrsvölunga í miðbæ
Reykjavíkur en fuglinn er al-
gengur flækingur í Færeyjum
og Islandi. Múrsvölungur er
auðgreindur frá svölum af
löngum, ljámynduðum vængj-
um, sótsvörtum lit og hvítri
kverk, sem reyndar sést
sjaldnast. Sést hann sjaldan
nema á flugi og veiðir hann
skordýr sér til matar á fluginu
og sagði Erling að stundum
mætti sjá hann yfir Tjörninni
í Reykjavík. Þá sagði Erling
að á Suðurnesjum mætti nú
sjá fjölda íslenzkra varpfugla
og flækinga t.d. rauðbrysting
og sanderlur, sem kæmu þar
við á leið sinni til Grænlands.
Mexikanar
vilja kaupa
Boeing 727 á
2 milljarða
MEXIKANSKIR aðilar hyggjast
kaupa aðra Boeing 727 þotu
Flugleiða sem hefur um nokkurt
skeið verið á söluskrá, en þótt
samið hafi verið um kaupverð
hefur ekki verið gengið endan-
lega frá samningum ennþá. Sölu-
verð mun vera liðlcga 4 milljónir
dollara eða um 2 milljarðar
króna.
Sigurður Helgason forstjóri
Flugleiða sagði í samtali við Mbl. í
gær að þess væri að vænta að mál
varðandi þennan hugsanlega
kaupanda skýrðust fljótt kaup-
endur væru í farvatninu, en hins
vegar væri jafnframt verið að
kanna ýmsa möguleika á því að
leigja vélina ef ekki reyndist unnt
að selja hana að svo stöddu.
Hefjast sérviðræður VMSÍ
og VSÍ á næstu dögum?
V innu veitendasambandið
efast enn tim umboð Alþýðu-
sambands Islands til samninga
„ÞAÐ liggur í loftinu. að vinnu-
veitendur ætli á grundvelli sér-
krafna Verkamannasambandsins
að gera eitthvert tilboð og iafnvel
hefja viðræður við VMSÍ fyrir
næsta sáttafund ASÍ og VSÍ,“
sagði Guðmundur J. Guðmunds-
son, formaður Verkamannasam-
bands íslands i samtali við Morg-
unblaðið i gær. Sagði Guðmund-
ur, að gefið hefði verið í skyn, að
þetta tilboð snerti fleiri aðila
innan ASÍ, t.d. iðnverkafólk og
verzlunarmenn, og hann kvaðst
hafa svarað því til, að Verka-
mannasambandið væri tilbúið til
viðræðna við Vinnuveitendasam-
band íslands, en VMSÍ væri þó
ekki fallið frá sameiginlegum
kröfum.
Morgunblaðinu barst í gær svo-
hljóðandi fréttatilkynning frá
ASÍ: „Á fundi viðræðunefndar
ASÍ og VSÍ hjá sáttasemjara í dag
þokaðist ekki til samkomulags.
Fulltrúar VSI tilkynntu á fundin-
um, að þeir hefðu ekki lokið
athugun sinni á tillögum Verka-
mannasambands íslands og ýms-
um fleiri atriðum og væru því ekki
reiðubúnir til efnislegra um-
ræðna. Skipun sáttanefndar, sem
að frumkvæði ASÍ var til umræðu
á fyrri fundi, bar nú aftur á góma
og fulltrúar VSÍ báðust undan því
að hún yrði skipuð að svo stöddu.
— Næsti fundur er boðaður föstu-
daginn 23. maí og lýstu fulltrúar
VSI því yfir, að þá muni efnisleg
afstaða þeirra liggja fyrir.“
Þorsteinn Pálsson, fram-
kvæmdastjóri VSI sagði í samtali
við Morgunblaðið eftir sáttafund-
inn í gær, að vinnuveitendur hefðu
verið að skoða framkomnar kröf-
ur, einkum kröfur VMSÍ, en þeirri
skoðun væri enn ekki lokið. „Það
stendur óhaggað, að við vitum
ekki, hvort hægt er að gera
rammasamning við Alþýðusam-
bandið. Það er ekkert ljósara um
umboð þeirra enn og á meðan svo
er, er allt málið í sjálfheldu. Þá
stendur og enn á svörum frá
ríkisstjórninni um þríhliða við-
ræður og það tefur að sjálfsögðu
rnálið."
Þá sagði Þorsteinn Pálsson, að
ein af kröfum Vinnuveitendasam-
bandsins, sem samþykkt hefði
verið á kjaramálaráðstefnu þess í
október, hafi lotið að samræmdum
kjarasamningi og einföldun
launakerfisins. Hann kvað tillögu
VMSÍ um kerfisbreytingu ganga
að sumu leyti í sömu átt og
skoðanir Vinnuveitendasam-
bandsins. Um skipan sáttanefndar
sagði Þorsteinn, að vinnuveitend-
ur teldu, að skipan hennar myndi
spilla fyrir „á þessu stigi málsins".
Sjálfstæðismenn um Jan Mayen samninginn:
Ekki ánægðir — en
standa að samþykkt
Notar Alþýðubandalagið neitunarvald í ríkisstjórninni?
„ÞINGFLOKKUR sjálfstæð-
ismanna styður samþykkt þessar-
ar þingsályktunar um heimild til
handa rikisstjórninni að stað-
festa Jan Mayensamkomulagið, “
sagði Geir Hallgrimsson, formað-
ur Sjálfstæðisflokksins, á Al-
þingi í gær, „þó hann sé ekki alls
kostar ánægður með samnings-
drögin.“ Þessi samningur væri
ótvírætt betri en enginn, þ.e.
norsk útfærsla við Jan Mayen, án
þeirra réttinda, viðurkenningar
og fordæmis, sem þrátt fyrir
annmarka draganna felst i þeim,
bæði veiðihagsmuni og land-
grunnsrétt.
Eyjólfur Konráð Jónsson sagði
þetta samkomulag áfanga í bar-
áttu fyrir íslenzkum hagsmunum
og réttindum á Jan Mayen svæð-
inu. Þó ég sé ekki ánægður með
samningsdrögin tel ég engan vafa
leika á því, að þau eigi að
samþykkja. Ef farið hefði verið að
stefnumarkandi tillögum sjálf-
stæðismanna frá haustinu 1978, í
stað þess að láta reka á reiðanum
og glata dýrmætum tíma, hefðum
við staðið betur að vígi og náð
lengra nú. Meginmáli skiptir nú
að nýta það sem vinnst í sam-
komulaginu og ná sem víðtækastri
heimasamstöðu um áframhald-
andi réttindagæzlu.
Geir Hallgrímsson vitnaði til
yfirlýsinga forsætisráðherra þess
efnis, að mál væru ekki afgreidd í
núverandi ríkisstjórn með at-
kvæðagreiðslu. Þetta þýðir, sagði
hann, að Alþýðubandalagið hefur
neitunarvald um nýtingu þeirrar
heimildar til handa ríkisstjórn-
inni, sem þessi þingsályktun felur
í sér. Spurningin er, hvort Alþýðu-
bandalagið nýtir þetta neitunar-
vald — eða ómerkir gagnrýnis-
atriði sín með málamyndamót-
mælum og áframhaldandi stjórn-
arsetu, eins og það hefur raunar
oftar gert. Ríkisstjórn ber að láta
í té stefnumarkandi forystu í máli
sem þessu, sagði Geir, og ágrein-
ingurinn vitnar um hvers vænta
má af núverandi ríkisstjórn.
(Sjá nánar á þingsíðu Mbl. bls 27.)
Álverið
stækkar
Tímamót voru hjá ísal í gær er
tekin voru í notkun síðustu
kerin af þeim 40, sem eru i
viðbyggingu við kerskála 2. Við
þessa stækkun aukast afköst
verksmiðjunnar um 14% og
verður framleiðslugetan 84 þús-
und tonn á ári. Sjá nánar á bls.
19.
Ljósm. Mbl. Emilía.