Morgunblaðið - 17.02.1959, Blaðsíða 20

V EÐRÍD
Suð-austan rok og rigning
Svaðilför
togarans Gerpis — Sjá bls. 11
39. tbl. — Þriðjudagur 17. febrúar 1959
Dauðaslys á togara
út af Vestfjörðum
ÍSAFIRÐI, 16. marz. — Togarinn
Þorsteinn Ingólfsson kom hingað
inn aðfaranótt sunnudagsins.
Sviplegt slys hafði orðið um borð
[ togaranum og einn skipverja
beðið bana. Maðurinn sem beið
bana var Ottó Guðmundsson frá
Hafnarfirði.
Þorsteinn Ingólfsson kom hing-
að inn á laugardaginn og tók hér
ís. Hélt hann aftur út á miðin
um hádegisbilið.
Togarinn mun ekki hafa verið
búinn að vera á miðunum nema
nokkrar klukkustundir er hið
sviplega slys bar að höndum. Ottó
Guðmundsson ,sem var háseti á
skipinu, hafði fallið í stiga er
liggur niður í hásetalúkarinn.
Hafði hann komið illa niður á
höfuðið og var meðvitundarlaus
er skipsfélagar hans komu honum
til hjálpar og lögðu hann í koju
sína. Þegar togarinn kom hingað
inn var Ottó Guðmundsson lát-
inn. Hinn látni sjómaður var 48
ára að aldri og bjó á öldugötu 4
í Hafnarfirði. Hann var ættaður
frá Þingeyri. — G.
Háskólaráð veitir
ammnmgu
Morgunblaðinu hefir borizt
eftirfarandi ályktun, sem
gerð var á fundi Háskóla-
ráðs í gær: ^
„í 1. tölublaði Stúdentablaðs,
Gunnþórunn
Hulldórsdóttir
A SUNNUDAGINN lézt hér í
Reykjavík Gunnþórunn Hall-
dórsdóttir, leikkona, á 88. aldurs-
ári. Lézt hún á heimili sínu,
Amtmannsstíg 5.
Með Gunnþórunni er fallinn í
valinn einn af forvígismönnum
leiklistarinnar hér á landi. Hún
var síðust eftirlifandi af stófn-
endum Leikfélags Reykjavíkur.
Fyrstu sporin á leiksviði steig
hún í Breiðfjörðsleikhúsi við
Bröttugötu, í ársbyrjun 1895.
Hún hafði leikið um eða yfir 100
hlutverk á leiksviði hér í bæn-
um, langmest hjá Leikfélagi
Reykjavíkur, þar sem hún lék
um 70 hlutverk. Síðast þeirra
var gamla konan, Anna heyrnar-
lausa, í „Jónsmessudraumur í
fátækraheimilinu". Ásamt Frið-
finni Guðjónssyni, lék hún við
opnun Þjóðleikhússins í Fjalla-
Eyvindi. Hún var kosinn heiðurs-
félagi Leikfélagsins 1938. Hún
var ein langfremsta leikkona Is-
lands fyrr og síðar.
KÓPAVOGUR
SKEMMTUN Sjálfstæðisfélag-
anna í Kópavogi er í kvöld í
Breiðfirðingabúð.
KEFLAVÍK
FULLTRÚARÁÐ Sjálfstæðisfé-
laganna i Keflavík heldur fund í
Sjálfstæðishúsinu annað kvöld,
miðvikudag 18. febr. kl. 8,30. —
Kosnir verða fulltrúar á Lands-
flund Sjálfstæðisflokksins. Einn-
ig verður rætt um flokksmál.
sem út kom 7. þ.m., birtist grein
með fyrirsögninni Pereat. Grein-
in er nafnlaus. Ber því ritnefnd
blaðsins og útgefandi, sem er
Stúdentaráð Háskólans, ábyrgð
á ritsmíð þessari, en hún er ó-
makleg persónuleg árás á mennta
málaráðherra, dr. Gylfa Þ. Gísla-
son, og að rithætti og allri gerð
fullkomlega ósæmileg. Háskóla-
ráð telur Háskólanum og stúdent-
um almennt mikla hneisu gerða
með birtingu þvílíkrar ritsmíðar
og lýsir megnustu vanþóknun á
slíku athæfi.
Háskólaráð telur, að ritnefnd
hafi gerzt sek um brot á 24. gr.
laga um Háskóla íslands nr. 60/
1957, sbr. reglugerð fyrir Háskóla
fslands 35. gr., þar sem kveðið
er á um það, að „háskólaráð get-
ur veitt stúdent áminningu eða
vikið stúdent úr skóla um tiltek-
inn tíma eða að fullu ,ef hann hef
ur gerzt sekur um brot á lögum
og öðrum reglum Háskólans eða
reynzt sekur um háttsemi, sem
er ósamboðin háskólaborgara".
Háskólaráð vildi ekki að þessu
sinni grípa til brottvikningar, en
áminnir Stúdentaráð eindregið og
alvarlega um að gæta betur sóma
Háskólans og sjálfs sín í blaða-
útgáfu sinni“.
Einar Jónsson

Á vegum listkynningar Morgunblaðsins hefur undanfarið stað-
ið yfir sýning á eftirprentunum Helgafells á listaverkum nokk-
urra íslenzkra myndlistarmanna. Myndin hér að ofan er af list-
ofinni mynd eftir Ásgerði Búadóttur. Nefnist listaverkið:
Kona með fugl.
Leitinni að
Júlí bráð-
lega hœft
ENN hefur ekkert spurzt til tog-
arans Júlí frá Hafnarfirði, sem
hvarf um fyrri helgi vestur á
Nýfundnalandsmiðum, í hinu
ægilegasta veðri er þar geysaði.
Lancaster-flugvél frá kanad-
íska flughernum í Torbay og
Neptune-flugvél frá bandaríska
flughernum leituðu í gær, en
skyggni var mjög slæmt, Ákveðið
hefur verið að halda leitinni
áfram í dag.
Líkurnar fyrir því að togar-
inn eða skipbrotsmenn af honum
finnist, minnka nú óðum. Flug-
vélar og skip hafa leitað á feikna
stóru svæði, en árangurslaust. —
Hafa flugvélar og skip kannað
um og yfir 60,000 fersjómílna
svæði, síðan leitin að togaranum
hófst.
En á Nýfundnalandsmiðum
hefur síðan skipið hvarf verið
mjög risjótt veður, hvassviðri og
frost, snjókoma og skyggni lé-
legt. Hafa flugvélarnar verið
búnar ratsjám, jafnframt því
sem sérstakir varðbergsmenn
hafa verið í leitarfluginu, þegar
því hefur verið við komið að
fljúga yfir hafflötinn undir skýj-
um.
Líkur eru til að leitinni verði
mjög bráðlega hætt.
Mesta Jbrumuveður sem komih
hefur í áratugi
HEITA má að stormar hafi verið
stöðugir hér á landi undanfarnar
3 vikur og hefur þetta haft hin-
ar alvarlegustu afleiðingar í för
með sér fyrir þjóðarbúið, því
ekki hefur verið komizt á sjó.
Útgerðarmenn og sjómenn eru
langþreyttir á þessu stöðuga að-
gerðarleysi. í svo sem tvö skipti
munu bátar hafa komizt út á
miðin. Ekki var þó um að ræða
almennan róður bátanna í bæði
skiptin. Fóru þessir róðrar að
mestu út um þúfur, því bátarnir
hrepptu storm yfir línunni og
urðu ýmist frá að hverfa eða
drógu aðeins lítinn hluta af
henni, og afli rýr.
Á sunnudagsmorgun gekk hér
yfir Reykjavík mesta þrumuveð-
ur, sem komið hefur í áratugi.
Aðalþrumuveðrið var milli kl.
7—7,30. Ekki er kunnugt um að
tjón hafi hlotizt hér í bænum af
völdum þess, en skammhlaup
varð á háspennulínunni til bæj-
arins og var rafmagnslaust
nokkra stund í bænum. Þegar
þrumuveðrið stóð sem hæst, tald.
ist mönnum að 20 eldingarleift-
ur hafi sézt og í kjölfar þeirra
óskaplegur þrumugnýr.
Talið er að þrumuveðrið hafi
staðið lengur ýfir í nærsveitum
bæarjns, t.d. hafði það staðið leng
ur á Keflavíkúrflugvelli.
AKUREYRI, 16. febr. — Hingað
hefur enginn blaða- eða bréfa-
póstur borizt frá því á miðviku-
daginn var, að hann kom með
flugvél frá Reykjavík. Á fimmtu-
daginn kom hingað að vísu flug-
vél að sunnan en hún flutti
hvorki póst né blöð.
Elding kveikti í
Borgarneskirkju
Glœsilegur sigur lýð-
rœðissinna í Múrara-
félagi Reykjavíkur
UM síðustu helgi fór fram stjórn
arkjör í Múrafélagi Reykjavíkur.
Tveir listar voru í kjöri. A-listi
sem borinn var fram af meiri-
hluta uppstillingarnefndar og
studdur af lýffræðissinnum og B-
listi, er skipaður var kommúnist-
«m og studdur af þeim.
Úrslit urðu þau, að A-listi lýð-
ræðissinna hlaut 91 atkv., en B-
listi kommúnista 61 atkv.
Stjórn félagsins er nú þannig
skipuð:
Einar Jónsson, formaður,
Jón G. S. Jónsson, varaform.,
Ásmundur Jóhannsson, ritari,
Hilmar Guðlaugsson, gjaldkeri
styrktarsjóðs og
Þráinn Þorvaldsson, gjaldkeri
félagssjóðs.
Varastjórn:
Þorsteinn Ársælsson,
Jón V. Tryggvason
Baldvin Halldórsson.
Trúnaðarmannaráð:
Guðni Halldórsson,
Hreinn Þorvaldsson,
Ólafur Bjarnason,
Stefán B. Einarsson,
Sighvatur Kjartansson,
Jón Guðmundsson.
BORGARNESI, 16. febr. — í ó-
venju miklu þrumuveðri, er gekk
hér yfir á sunnudagsmorguninn,
laust eldingu niður í kirkju kaup.
túnsins, sem nú er í smíðum og
kom upp eldur í henni. Elding-
arnar orsökuðu víðar skenííndir
hér.
Þrumuveðrið, sem stóð óslitið
að heita má frá klukkan 7—8
árd., virðist hafa náð hámarki
sínu um kl. 7,30 — Var þrumu-
gnýrinn þá einna mestur og er
það álit manna að um það leyti
hafi eldingunni slegið niður í
turn kirkjunnar. Álitið er að eld-
inginn hafi komizt eftir vatns-
leiðslulögn allt út í net, sem klætt
er með, en kirkjan er múrhúðuð.
I öðrum útveggnum hefur svo
kviknað í trétexklæðningu. Þeg-
ar að var komið í kirkjuna um
hádegið, var hún full af reyk,
og rífa varð múrhúðunina frá á
kafla, til að komast að eldinum
og kæfa hann.
í nokkrum húsum sprungu raf-
öryggi, en í samkomuhúsinu og
og á heimili Sig. Guðsteinss. hljóp
eldinginn í rafeldavélar og stór-
skemmdi þær báðar.
Á bænum Árbrekku, sem er 10
km frá Borgarnesi, laust eldingu
í húsið, og þar sem hún hljóp í
steypustyrktarjárn við stiga þar
í húsinu, sprengdi eldingin stein-
inn frá járninu.
FUNDURINN, sem vera átti í
kvöld fellur niður af óviðráðan-
legum ástæðum.
Varðarfundi frestað !
>
N
VEGNA ófyrirsjáanlegra atvika verður Varðarfundinum, ■
sem átti að vera í Sjálfstæðishúsinu í kvöld frestað. ■
Nánar auglýst síðar. i
Landsmálafélagið VÖRÐUR. ■