Morgunblaðið - 30.05.1979, Blaðsíða 5
MORGUNBLAÐIÐ, MIÐVIKUDAGUR 30. MAÍ1979
5
Magnús H. Magnússon ráðherra;
„Hef umboð meiri-
hluta þingflokksins”
Vilmundur Gylfason alþingismaður:
„Ekki kunnugt um
afsal þingflokksins”
MORGUNBLAÐIÐ hafðl í gær samband við Magnús H.
Matínússon heilbrigðisráðherra og innti hann eftir þvf
hvort hann teldi sig hafa umboð Alþýðuflokksins f
ráðherranefndinni sem á að fjalla sérstaklega um
aðferðir f efnahagsmálum og einnig innti blaðið Vilmund
Gylfason eftir þvf hvort hann áliti Magnús hafa
tilheyrandi umboð til samningagerðar.
„Umboð mitt,“ sagði Magnús, „felst í því að ég hef
meirihluta þingflokks Alþýðuflokksins á bak við mig. Þaö
hefur ekki verið gengið frá því formlega, en það er öruggur
meirihluti sem stendur að baki mér. Það má hins vegar
segja að það sé biðstaða í þessu í bili á meðan sáttanefnd er
að störfum, en við erum jafnhliða að skoöa þetta frá öllum
hliðum."
„Mér er ekki kunnugt um“, svaraði Vilmundur Gylfason,
„að þingflokkar afsali sér umboði til örfárra manna og
þingflokkur Alþýðuflokksins hefur ekki veitt neitt umboð
til samningagerðar í efnahagsmálunum. Það er alveg ljóst
og yfirlýst af forsætisráðherra, enda skilningur alls
samfélagsins, að bráðabirgðalög verða ekki sett, nema að
gulltryggt sé að þingmeirihluti sé því fylgjandi. Þótt'
kannski sé talað um ákveðnar aðgerðir þá verða þær aldrei
að lögum nema að málið verði fyrst afgreitt í öllum
þingflokkum stjórnarinnar og ég tel eðlilegt að stjórnar-
andstöðunni verði einnig kynnt málið jafnhliða."
Mannsins enn saknað
Hólmavík 29. maí.
EINS og komið hefur fram í fréttum hefur farið fram vfðtæk leit að 25
ára gömlum manni, ólafi Kjartanssyni frá Sandhólum í Bitru, sem
hvarf að heiman frá sér um kl. 22 sunnudaginn 20. maí. Ólafur er
einhleypur, til heimilis hjá foreldrum sínum í Sandhólum, en hefur
fjárbú á næstu jörð, Þórustöðum. Þar sem annatími er nú mikill í
sveitum við sauðburð var ekki undrazt um ólaf fyrr en á
mánudagsmorgun, 21. maf, er f ljós kom, að hann hafði ekki komið
heim.
Þegar farið var að svipast nánar
um kom í ljós að bátur heimilisins,
sem notaður er til hrognkelsa-
veiða, hafði verið settur fram og
fannst hann rekinn nokkru innar
með firðinum. Dráttarvél, sem
Ólafur hafði farið á, stóð við
uppsátrið. Hugsanlegt er, að Ólaf-
ur hafi farið út á bátnum að vitja
um rauðmaganet, en fallið útbyrð-
is. Björgunardeild Slysavarna-
félags íslands á Hólmavík kom
strax á vettvang og hefur haldið
uppi víðtækri leit, en án árangurs.
Skorað er á alla þá, sem einhverj-
ar upplýsingar gætu gefið um
ferðir Ólafs, að láta tafarlaust
vita. Þessar upplýsingar fengust
hjá sýslumannsembættinu á
Hólmavík. Fréttaritari.
Hjarta- og æðavemdarfélag Reykjavíkur:
Áhugi á að koma á fót
endurhæfingarstöð
fyrir hjartasjúka hér
AÐALFUNDUR Hjarta- og æðaverndarfélags Reykjavfkur 1979 var
haldinn mánudaginn 14. maf á Hótel Borg. Flutt var skýrsla um starfsemi
félagsins að undanförnu og lesnir reikningar. Þá fór fram stjórnarkjör og
voru kjörnir þeir Árni Kristinsson, Eyjólfur K. Sigurðsson. Nikulás
Sigfússon, Ottó A. Michelsen og Ólafur Jónsson. Varamenn f stjórn voru
kosnir: Albert Guðmundsson og Sigrfður Valdimarsdóttir og endurskoð-
endur þeir Kristján Friðriksson og Páll S. Pálsson.
Að loknum fundarstörfum flutti
dr. Árni Kristinsson erindi um
endurhæfingu hjartasjúkra. Lýsti
hann þörf endurhæfingar, meðferð
og möguleikum á gagnsemi. Þá sagði
hann frá endurhæfingarstöðvum
erlendis. Það kom einnig fram í
erindi Árna að um 40% dauðsfalla á
Islandi stafa að einhverju leyti af
hjartasjúkdómum.
Umræður sem spunnust vegna
erindis Árna snerust að mestu um að
það væri verðugt verkefni fyrir
Hjarta- og æðaverndarfélag Reykja-
víkur að stuðla að því að koma á fót
endurhæfingarstöð fyrir hjarla-
sjúka hér á landi.
Á blaðamannafundi, sem hin
nýkjörna stjórn félagsins hélt, kom
það m.a. fram að eitt af fyrstu
verkefnum félagsins verður að afla
nýrra félaga til þess að vinna að því
að koma þessari endurhæfingarstöð
á fót. Eyjólfur K. Sigurðsson sagðist
hafa dvalið á einni slíkri stöð í
Þýskalandi. Sagði hann að þangað
hefði komið veruWa veikt fólk en
eftir ákveðna þjálfun hefði það náð
heilsu aftur.
I öðru lagi er fræðsla um hjarta-
og æðasjúkdóma ofarlega á baugi.
Hefur félagið í hyggju að halda
fræðslufundi með innlendum og er-
lendum fyrirlesurum ásamt fræðslu-
myndum, eftir því sem aðstæður
leyfa. Á fundinum kom það einnig
fram að deyfð hefði verið í starfsemi
félagsins að undanförnu en nú væri
ætlunin að lífmagna starfsemina.
Á vegum Hjartaverndar er starf-
rækt rannsóknastofa og hafa þangað
komið 50.000 manns. Nikulás Sigfús-
son sagði á blaðamannafundinum að
rannsóknir á fólki á aldrinum 34—60
ára hefðu sýnt að kransæðasjúk-
dómar væru algengustu sjúkdóm-
arnir og algengi þeirra verið 10%
meðal karla á þessu aldursstigi og
8—9% meðal kvenna.
Hjarta- og æðaverndarfélag
Reykjavíkur var stofnað árið 1964 og
eru félagar um 1000 manns. Félagið
á aðild að Hjartavernd, landssam-
tökum hjarta- og æðaverndarfélaga
á íslandi, en í þeim eru um 3000
manns.
------***■
Stjórn Hjarta- og æðaverndarfélags Reykjavfkur. Talið frá vinstri
Eyjólfur K. SigurAsson, Árni Kristinsson, Ottó A. Michelsen, ólafur
Jónsson og Nikulás Sigfússon. Ljósm. F.miiu.
Rétt spor írétta átt,
sporin íTorgió!
Nr. Stæröir Verö
5 36-40 15.400
6 36-41 15.600
7 36-40 15.600
8 35-41 15.600
9 41-45 12.900
10 41-46 16.800
Póstsendum.
Nr. 5
Nr. 7
Nr. 9 Herraskór
Nr. lO Herraskór
Austurstræti
sími: 27211