Morgunblaðið - 31.08.1980, Blaðsíða 12

Morgunblaðið - 31.08.1980, Blaðsíða 12
44 MORGUNBLAÐIÐ, SUNNUDAGUR 31. ÁGÚST 1980 IlrossahrinKekjan var vinsæl meðal yngri kynslóðarinnar Ljosmyndir Halidór Bilabrautin var alitaf vinsa l meðal ungra sem aidinna. Menn verða víst seint sammála um fegurðarsamkeppni, en því verður þ6 varla neitað að hér er glæsilegur hópur samankominn. I.jósmynd ól.K.M. Gamla Tívolí: Æjvintýraheimur í Vatnsmýrinni Nú þegar Ileimllið '80 hefur endur- vakið tivolí á íslandi er ekki úr vegi að rifja upp. að hér var á árum áður Tívolí i Vatnsmýrinni og er ekki að efa það. að margir eiga þaðan góðar minningar. Þar komu saman bæði ungir og gamlir og skemmtu sér konunglega saman í alls konar leik- ta kjum og á dansstaðnum þar, Vetr- argarðinum. var ævinlega líf og fjör. Það var 9. febrúar 1946 að hlutafé- lagið Tívoí hf. var stofnað og stóðu að því þeir Þorleifur H. Eyjólfsson húsa- smíðameistari, Thor R. Thors, verzlun- armaður, Sigurgeir Sigurðsson hæsta- réttarlögmaður, Stefán Bjarnason, verkfræðingur og Kjartan Ásmunds- son, gullsmiður. Bæjarráð veitti hluta- félaginu tveggja hektara lóð í Vatns- mýrinni og það varð fyrsta hlutverk þeirra félag að ræsa landið fram og þurrka, en þarna var votlendi mikið. Þá festi félagið kaup á skemmtitækj- um frá Englandi og Danmörku og í júlí 1946 var Tívolí opnað í fyrsta sinn. Ævintýraheimur Og þá var ævintýrið hafið. Meðal þess, sem þá var hægt að fullnægja ævintýraþörfinni og leikgleðinni við, var bílabraut, parísarhjól, hestahring- ekja og áttfótungurinn svokallaði, en hann þótti fullglæfralegur og oft kom fyrir að mönnum varð bumbult í hringferðunum með honum, fljótlega var hætt að nota hann. Á hverju ári var svo einhverju nýju bætt við og þegar á leið gátu menn séð sig í réttu Ijósi í speglasalnum, látið hræða úr sér líftóruna í draugahúsinu, sem síðar varð að undrahúsi. Menn gátu farið í ævintýralegar flugferðir í rakettu- brautinni og staðið tímunum saman við skotbakkana til að telja sér trú um að þeir væru beztu skyttur bæjarins. En það, sem fullorðna fólkið fékk hvað mesta útrás við, var að mölva postulín- ið, og er ekki að efa að það hefur komið í veg fyrir margan heimilisófriðinn og það hefur að sjálfsögðu verið kúguðum eiginmönnum sönn ánægja að hefna sín athelvítis diskunum. Fyrir yngstu kynslóðina var að sjálfsögðu fjöldinn allur af leiktækj- um, svo sem rólur, vegasölt, renni- brautir og margt fleira. Þá var þarna líka leiksvið, þar sem ýmsir skemmtikraftar komu fram og sýndu listir sínar, bæði innlendic og erlendir. Þar á meðal voru loftfim- leikamenn, kraftakarl, sem dró bíl fullan af fólki með tungunni, fakír, sem lagðist á flöskubrot og lét síðan mölva gangstéttarhellu með sleggju á maganum á sér. Dýragarður__________ Á tímabili var vísir að dýragarði í Tívolí og mátti þar sjá alls konar dýr, sem fengin voru að láni frá dýragörð- um í Evrópu. Það voru meðal annars ljón, hlébarðar, birnir, apakettir, leð- urblökur og margar tegundir fugia, fiskar, skaldbökur og froskar. Eitt af þvi sem mesta athygli, ringulreið og hamagang vakti, var þegar flugvél flaug yfir svæðið og dreifði yfir það ýmis konar sælgætispökkum. Sáust menn oftast lítt fyrir þegar reynt var að góma bögglana og oft hafðist litið annað upp úr því en marblettir og kúlur. Vetrargarðurinn Á tivolisvæðinu var byggður allmik- ill skáli og var ætlunin að hafa þar veitingarekstur i sambandi við skemmtistaðinn, en það kom fljótt i Ijós að fyrir því var ekki grundvöllur. Var hann því leigður einstaklingum og var frá því rekinn óháður skemmti- staðnum sjálfum. Skáli þessi gekk undir nafninu Vetrargarðurinn og var bæði veitingastaður og danshús og varð þetta einhver annálaðasti staður borgarinnar. Þar voru haldin einhver fjörugustu og svakalegustu böll sem sögur fara af. Ungfrú og herra ísland Það verður ekki skilið svo við Tívolí að ekki verði sagt frá fegurðarsam- keppnunum, sem þá voru farnar að tíðkast undir stjórn Einars Jónssonar, sem lengi var forstjóri Tívolís. Þar voru valdar fegurðardrottningar ís- lands og hlutu þær gjarnan utanlands- ferðir í verðlaun fyrir meðfædda feg- urð sína. 1954 fékk fegurðardrottning íslands Parísarferð með 1.000 kr. að auki í vasapeninga í verðlaun. En það voru ekki bara fegurðardrottningar, sem valdar voru í gamla Tívolí. Einu sinni var líka valinn herra ísland, en það varð að vísu bara einu sinni. Mönnum hefur líklega þótt valið hafa tekist svo vel, að ekki væri ástæða til að velja annan í nánustu framtíð. Hallar undan fæti Fyrstu 7 árin var Tívolí rekið af stofnhlutafélagi þess, en þá keypti íþróttafélag Reykjavíkur staðinn, og í fyrstunni var ætlunin að reiða sig á sjálfboðavinnu félagsmanna, en fljót- lega varð Ijóst að það gekk ekki og var þá brugðið á það ráð að leigja bæði Vetrargarðinn og Tívoiíið út til ein- staklinga og félagasamtaka. ÍR rak svo staðinn fram til 1961 eða '62, þá tók Einar Jónsson við rekstrinum næstu tvö árin og síðastur í röðinni var Guðmundur Þórðarson, sem verið hafði verkstjóri Tívolís því sem næst frá upphafi. Hann hélt út í tvö ár, en þá var orðið Ijóst að ekki var grund- völlur fyrir rekstrinum vegna hins risjótta veðurfars. Fyrst í stað var Tívolí opið frá þvi í maílok og fram í september og þá á hverju kvöldi og um helgar, ef veður leyfði og eftir að það hafði starfað í 10 ár hafði á aðra milljón manns sótt staðinn. En því má ekki gleyma að Tívolí hafði ekki þak yfir höfuðið og fyrir þeim sem þannig er komið, fer oft illa í umhleypingasamri veðráttu a norðurhjara veraldar. Þegar á leið var opnunartími þá einskorðaður við helg- ar og eitt sumarið var ekki hægt að hafa opið nema 12 heila daga. Það sér hver maður að þannig var varla hægt að reka staðinn, oft höfðu verið fengnir til lands dýrir skemmti- kraftar, en lítið varð um sýningar vegna veðurs og því lítið um gróða af því ævintýrinu. Það endaði því þannig að vinsælasti útiskemmtistaður lands- ins stóðst ekki íslenzku veðráttunni snúning og lognaðist hann út af um 1965. Eftir það þjónaði hann Hafskip um tíma sem vöruskemma. HG.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.