Morgunblaðið - 05.12.1982, Blaðsíða 36
36
MORGUNBLAÐIÐ, SUNNUDAGUR 5. DESEMBER 1982
Við bökum Ijúffenga rétti í gamla ofninum hennar
Mömmu Rósu. Bragð er frásögn ríkara.
Líttu endilega inn á ööruvisi veitingastaÖ við Hlemm.
Sænsku
„sjó-
ræningjarn-
ir“ sektaðir
Frá Jan Krik l.auré, frétta-
ritara Mbl. í Ósló:
TVEIR sænskir skipstjórar voru
dæmdir til að greiða 70.000 króna
sekt eða sitja i fangelsi i 30 daga, en
norska landhelgisgæslan gómaði
fiskibáta þeirra að ólöglegum veið-
um innan norsku landhelginnar í
Skagerak.
Atburðurinn átti sér stað síð-
astliðið sumar og vakti mikla at-
hygli, því norska varðskipið náði
ekki veiðiþjófunum fyrr en eftir
mikinn eltingarleik og mikla
skothríð. Alls hleypti varðbátur-
inn af 21 fallbyssuskoti meðan á
hasarnum stóð og sprungu skeytin
í sjónum allt í kringum fiskibát-
ana þar sem þeir ösluðu áfram og
freistuðu þess að stinga varðskipið
af.
Fyrir réttinum sögðu sænsku
skipstjórarnir, að þeim hefði ekki
verið gert að stöðva um talstöð,
áður en varðskipið hóf skothríð-
ina. Þeir vildu ekki ganga svo
langt að segja norska varðskip-
stjórann skrökva, en sögðu tal-
stöðvarsambandið hafa verið það
lélegt að þeir hefðu ekki heyrt í
varðskipinu, þó svo að það hefði
verið að kalla þá upp. Þá neituðu
þeir að greiða sektarupphæðina og
er málið í biðstöðu meðan á áfrýj-
un stendur.
báLZ
Freyjugötu 27, s. 18188
GEFIÐ BÖRNUNUM GÓÐAR ÍSLENSKAR BÆKUR _
ÁFRAM FJÖRULALLI
eftir Jón Viðar Guðlaugsson
Ný sprenghlægileg bók um
Fjörulalla. I þessari bók heldur
hann áfram hvers kyns ærsl-
um og uppátækjum með
dyggri aðstoð bróður síns og
félaga þeirra.
ÁFRAM FJÖRULALLI ersaga
um saklaust grín og gaman
sem öll fjölskyldan skemmtir
sér yfir.
Teikn: Búi Kristjánsson
Kr. 197,60
TRÖLLIN í TILVERUNNI
eftir Hreiðar Stefánsson
Jennu og Hreiðar Stefánsson
þarf ekki að kynna. TRÖLLIN
í TILVERUNNI er ný bók eftir
Hreiðar. Hér segir hann börn-
unum sögur sem honum ein-
um er lagið. Frásögnin er svo
lifandi og skemmtileg að börn-
in verða sjálf þátttakendur í
atburðunum. Bók fyrir unga
sem aldna.
Teikn: Ragnar Lár
Kr. 197,60
VIÐ GEFUM ÚT GÓÐAR
ÍSLENSKAR BARNABÆKUR
Bretland:
Ekkert farar-
snið á Foot
(ilasgow, 2. desember. AF.
MICHAEL Foot, leiðtogi Verka-
mannaflokksins breska, kvað í gær
niður allar vangaveltur um að hann
ætlaði að hætta sem formaður
flokksins. Á fundi, sem flokkurinn
efndi til í fyrrakvöld, lýsti hann því
yfir, að hann ætlaði sér að leiða
flokkinn í næstu þingkosningum.
Foot er nú 69 ára að aldri.
í skoðanakönnun, sem birt var í
Daily Express, kemur fram, að
heldur hefur dregið saman með
flokkunum, íhaldsflokknum og
Verkamannaflokknum, og hefur
Thatcher nú 8% fram yfir Foot, en
hafði 11% fyrir nokkru.
Að sögn The London Times er
gífurleg óánægja innan Verka-
mannaflokksins með frammistöðu
Foots og honum kennt um að ekki
skuli hafa tekist að skapa einingu
í flokknum. Foot lýsti því hins
vegar yfir á fundi í Glasgow, að
hann væri ekkert á förum og
hygðist vera í fylkingarbrjósti
fyrir flokknum í næstu kosning-
um.
Sprenging
í Bangkok
Bangkok, Thailandi, 2. desember. Al*.
SPRENGJA sprakk við ræð-
ismannsskrifstofu íraks í Bangkok,
höfuðborg Thailands í gær. Sprengj-
an var öflug og sprakk er sprengju-
sérfræðingur úr röðum thailensku
lögreglunnar freistaði þess að gera
hana óvirka. Lést sérfræðingurinn
auk þess sem sjö lögreglumenn aðrir
slösuðust meira og minna. Eldur
kviknaði í kjölfarið og brann skrif-
stofuhúsið til grunna auk 15 annarra
húsa i nágrenninu. Engin samtök
eða þvíumlíkt hafði lýst ábyrgðinni á
hendur sér síðast er fréttist.