Morgunblaðið - 18.12.1982, Blaðsíða 1

Morgunblaðið - 18.12.1982, Blaðsíða 1
96 SÍÐUR 284. tbl. 69. árg. LAUGARDAGUR 18. DESEMBER 1982 Prentsmiðja Morgunblaðsins „Við munum bera sigur úr býtum“ — sagði Lech Walesa á fundi með erlendum fréttamönnum (■dansk, 17. desember. AP. „VIÐ MUNUM bcra sigur úr být- um,“ sagði Lech Walesa í dag og lýsti því yfir, að hann væri staðráð- inn í að berjast fyrir hugsjónum Samstöðu. í gær ruddust óeinkenn- isklæddir lögreglumenn inn á heim- ili hans og höfðu hann í haldi í níu klukkustundir til að koma í veg fyrir að hann gæti ávarpað útifund í Gdansk. Á fundi, sem Walesa hélt með erlendum fréttamönnum á heimili sínu, sagði hann, að lögreglu- mennirnir hefðu tekið hann „til að halda mér frá fólkinu" en hann hugðist flytja ræðu á útifundi við minnismerki um Pólverja, sem fallið hafa fyrir lögreglunni. Hann líkti handtökunni við mannrán og sagði, að lögreglumennirnir hefðu mestan tímann ekið honum um sveitirnar fyrir utan borgina. í ræðunni, sem Walesa ætlaði að flytja á útifundinum, hvetur hann verkamenn til að berjast fyrir tilverurétti frjálsra verka- lýðsfélaga, að ábyrgjast hlutleysi þeirra í öðrum málum og að sjá svo um, að pólskur æskulýður þurfi ekki „að búa við eintómar lygar í lífi sínu“. Walesa kvaðst hafa átt von á aðgerðum lögregl- unnar og „þess vegna lét ég dreifa afriti af ræðunni áður“. Á morgun, laugardag, munu umræður hefjast á pólska þinginu um hvort aflétta eigi herlögum á nýársdag nk. Er þá einkum átt við þau ákvæði, sem heimila, að „óvin- ir ríkisins" séu handteknir án ákæru, að símar séu hleraðir og að sækja þurfi um sérstakt leyfi fyrir fundahöldum. Aðalmálgagn her- stjórnarinnar sagði hins vegar í dag, að „neðanjarðarandstaða Samstöðu væri enn við lýði, til- búin til að koma af stað ólgu“ og Henryk Jablonski, forseti Pól- ' lands, sagði sl. mánudag á þingi, að þótt ákveðið væri að aflétta herlögum yrði ekki hikað við að setja þau á aftur ef „hættuástand | verður á ný“. Sovétríkin: Yfirmaður KGB tekur við innan- ríkismálum Moskvu, 17. desember. AI*. VITALY Fedorchuk, yfirmaður KGB, sovésku öryggislögregl- unnar, hefur verið skipaður inn- anríkisráðherra Sovétríkjanna að því er TASS-fréttastofan greindi frá í dag. Við starfi hans hjá KGB hefur tekið Viktor Chebrikov, næstráðandi örygg- islögreglunnar frá því í apríl í vor. Að sögn TASS hefur Nikolai Shchelokov, sem verið hefur inn- anríkisráðherra síðan 1966, verið skipaður í annað embætti en ekki var sagt hvert. Undir innanríkis- ráðuneytið sovéska heyra dóms- mál og lögreglumál önnur en þau, sem KGB hefur á sinni könnu. Engin ástæða var tilgreind fyrir mannaskiptunum en talið er, að þau megi rekja til þeirrar sam- þykktar stjórnmálaráðsins að láta nú hendur standa fram úr ermum í baráttunni gegn glæpum og spill- ingu, sem mjög hafa ágerst í Sov- étríkjunum. Vestur-Þýskaland: Kohl hvetur til nýrra kosninga Greiddi götu þeirra með vantrausti á stjórnina Bonn, 17. desember. AP. HELMUT Kohl, kanslari Vestur-Pýskalands, hvatti í dag til nýrra kosninga i landinu eftir aö stjórn hans hafði orðið undir á þingi í atkvæðagreiðslu um vantraust á hana. Var það raunar allt með ráðum gert til að Kohl gæti staðið við fyrirheit sín um nýjar kosningar í byrjun mars nk. Mikill hiti var í umræðunum um vantrauststillöguna. Sökuðu stjórnarandstæðingar Kohl um að brjóta i bága við anda stjórnarskrárinnar og sögðu, að hann ætti að segja af sér strax. í atkvæðagreiðslu um vantraustið greiddu 218 atkvæði gegn kanslar- anum, átta með en 248 stuðnings- menn stjórnarinnar sátu hjá eins og þeir höfðu verið beðnir um. Þegar Kohl tók við embætti hét hann nýj- um kosningum 6. mars nk. og til að efna það var um tvennt að ræða, að hann segði af sér eða vantraust yrði samþykkt á stjórnina. Miklar og ákafar umræður urðu um vantraustið og sagði Willy Brandt, fyrrum kanslari jafnaðar- manna, að stjórnarandstaðan vildi kosningar en Kohl hefði átt að fara þá leið, sem stjórnarskráin byði, og segja af sér. Stjórnarskráin mælir svo fyrir um, að kosið skuli á fjög- urra ára fresti nema því aðeins að stjórnin segi af sér eða missi meiri- hluta á þingi. Kohl hefur hins vegar enn meirihluta á bak við sig. Þessi ákvæði eiga að tryggja, að ekki verði sams konar upplausn í þýskum stjórnmálum og var á þriðja og fjórða áratug aldarinnar en í kjölfar hennar komst Hitler til valda. I skoðanakönnun, sem birt var í vikunni, kemur fram, að kristilegu flokkarnir tveir hafa fylgi 50,5% kjósenda, jafnaðarmenn 40% og frjálsir demókratar aðeins fylgi 3,5%. Ef þessi verður raunin á munu þeir síðastnefndu detta út af þingi en í þeirra stað munu koma umhverfisverndarmenn, sem er spáð 6%. Símamynd Al’ Þessi mynd var tekin í Gdansk í gær við minnismerkið um verkamenn, sem féllu í átökum við lögreglu fyrir 12 árum. f fyrradag kom lögreglan í veg fyrir útifund við minnismerkið, en eins og sjá má, hefur fólk komið þar fyrir blómum, kertum og minningarmiðum um verkamennina með nafni Samstöðu. Öldungadeild fellst á tillögur Reagans Washington. 17. desember. AP. ÖLDUNGADEILD bandaríska þings- ins samþykkti í dag þá tillögu Kon- alds Reagan, forseta, að hafin yrðu kaup á 100 MX-eldflaugum, ef þingið samþykkir staðsetningaráform flaug- anna innan 45 daga frá því hann hef- ur lagt þau fram. Þetta var samþykkt með 56 at- kvæðum gegn 42, og er þetta talinn mikill sigur fyrir forsetann eftir að hafa beðið tvö skipbrot varðandi umdeildar tillögur hans um stað- setningar flauganna. Þessi tillaga forsetans er sem kunnugt er komin fram sem mála- miðlunartillaga eftir að fulltrúa- deildin felldi fjárveitingarfrum- varpið til smíða eldflauganna. Öld- ungadeildin samþykkti tillöguna með einu skilyrði, þ.e. að forsetinn legði fram tillögur sínar um stað- setningu eldflauganna hvenær sem væri eftir 1. mars, en ekki fyrir þann tíma eins og áður var kveðið á um. Helmut Kohl Vissi Ceausescu um samsærið gegn páfa? Sagður hafa árangurslaust reynt að koma í veg fyrir það Kóm, 17. desember. AP. NICOLAE Ceausescu, Kúmeníu- forseti, hafði vitneskju um þá ætlun Búlgara að ráða Pál páfa af dögum og reyndi hvað hann gat til að telja þeim hughvarf að því er sagði í dag í Kómarblaðinu The Daily American. Dagblaðið, sem gefið er út á ensku, segist hafa það eftir ónefndum stjórnarerindrekum, að sendiráð Rúmena í Sofia í Búlg- aríu hafi skýrt Ceausescu frá samsærinu um það bil mánuði áð- ur en morðárásin var gerð á páfa. 13. maí 1981. Þegar Ceausescu reyndi að fá Búlgaríustjórn ofan af þessari fyrirætlan var honum hins vegar tjáð, að stjórnvöld þar í landi hefðu enga hugmynd um ráðabrugg af þessu tagi. The Daily American segir, að Ceausescu hafi þrátt fyrir þessi svör grunað Búlgara um græsku en að ekki sé vitað hvort hann gerði eitthvað frekar í málinu. Blaðið segir ennfremur, að heim- ildamenn sínir hafi vísað á bug fréttum um, að sovéska öryggis- lögreglan, KGB, hafi lagt blessun sína yfir glæpinn. „Aðeins æðstu yfirmenn búlgörsku leyniþjónust- unnar vissu um samsærið," er haft eftir þeim. The Daily American nefndi ekki á nafn heimildamenn sína en sagði, að þeir hefðu fyrir hönd Rúmeníustjórnar tekið þátt í samningaviðræðum við vestræna lánardrottna hennar. Blaðið bar þessa frétt undir sendiráð Búlg- aríu í Róm en talsmaður þess vildi ekkert um hana segja en endur- tók, að Búlgarir væru blásaklaus- ir af öllu misjöfnu.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.