Morgunblaðið - 19.12.1982, Blaðsíða 1
96 SÍÐUR
285. tbl. 69. árg.
SUNNUDAGUR 19. DESEMBER 1982
Prentsmiðja Morgunblaðsins
Hondúras:
Forsetinn
bað dóttur
sinni griða
Guatemala-borg, 18. desember. AP.
RÍKISSTJORNIN í Guatemala lýsti
yfir i gærkvöldi, að ekki kæmi til
mála að semja við „hryðjuverka-
menn“ um örlög dóttur forseta ná-
grannaríkisins, Hondúras, sem
vinstrisinnaðir skæruliðar rændu
fyrr í vikunni. Segja þeir lif hennar
velta á því, að pólitísk stefnuskrá
þeirra verði birt í flestum fjölmiðl-
um í Mið-Ameríku.
Skæruliðar gáfu ríkisstjórninni
frest til kl. fjögur í morgun en sá
tími leið án þess orðið yrði við
kröfum þeirra. Stjórnvöld kváðust
aldrei mundu semja við hryðju-
verkamenn en af mannúðarástæð-
um yrði forseta Hondúras, Rob-
erto Suazo Cordova, og föður kon-
unnar, Judith Xiomara Suazo
Estrada, 33ja ára gamais læknis,
leyft að koma fram í sjónvarpi í
Guatemala og biðja dóttur sinni
griða.
Suazo kom fram í sjónvarpinu
tveimur stundum áður en frestur-
inn rann út og sagði þar, að ránið
á saklausri dóttur sinni hefði
styrkt hann í þeirri trú, að lýð-
ræðið væri „eina leiðin til að upp-
ræta ójöfnuð meðal manna, kúgun
og óréttlæti". Hann bað mann-
ræningjana að þyrma lífi dóttur
sinnar en tók ekki fram hvort
kröfum þeirra yrði fullnægt.
Dr. Suazo Estrada er dóttir
Hondúrasforseta af fyrra hjóna-
bandi og hefur búið með móður
sinni í Guatemala sl. 20 ár. Henni
var rænt fyrr í vikunni þegar hún
var að fara frá sjúkrahúsinu þar
sem hún vinnur.
OPEC:
Vilja óbreytt
verð á olíu
Vín, 18. desember. AP.
Verðákvörðunarnefnd OPEC,
samtaka oliuútflutningsríkja, ákvað
í dag að leggja til við fund samtak-
anna, sem nú er haldinn í Vín, að
olíuverð yrði haft óbreytt á næsta
ári. Góð eining var með fulltrúum
ríkjanna þar til oliumálaráðherra ír-
ana krafðist þess skyndilega, að
Saudi-Arabar minnkuðu olíufram-
leiðsluna til að íranir gætu aukið
sína.
Þessi samþykkt verðákvörðun-
arnefndarinnar verður lögð fyrir
fundinn á morgun, sunnudag, og
er það álit sérfræðinga, að á hon-
um verði úr því skorið hvort
OPEC eiga framtíð fyrir sér sem
sterk samtök eða hvort þau verða
innbyrðis sundrungu og verðstríði
að bráð.
Lagt er til, að olíuverð á árinu
1983 verði áfram 34 dalir fyrir
tunnuna. Otaiba, olíumálaráð-
herra Sameinuðu arabísku fursta-
dæmanna, sagði, að sama offram-
boðið ríkti enn á heimsmarkaði
fyrir olíu en hins vegar kæmi ekki
til mála að lækka verðið frá því
sem nú væri. Fulltrúi írana hélt
því fram í gær, að Saudi-Arabar
ættu meginsök á offramboðinu og
heimtaði, að þeir drægju úr fram-
leiðslunni til að íranir gætu aukið
sína. Iranir framleiða nú þrjár
milljónir tunna á dag þótt kvóti
þeirra sé ekki nema 1,2 milljónir
tunna.
—
\ olrarsólhviirl'oru á navsta loili <»j; snlin því
hvorki lt*nj;i yl'ir sjóndoiklarhrino nó háll
um þossar mundir hór á noróurslóóum.
Mvndin var lckin í vikunni yl'ir l‘inj;v(>llum
ojf sór til suóvoslurs yl'ir l'int'vallavaln. í
l'orjrrunni er l'inovallaha rinn og Löjfborj;.
Miðar í átt til samkomulags í Líbanon:
Morgunbladid/ Ájfúsi Ásgeirsson
Hluti erlends
úr landi innan
Beirút, 18. desember. AP.
Trúarbragðaerjur blossuðu upp á ný í
mið- og norðurhluta Líbanon í nótt á
sama tíma og Morris Draper, sendi-
manni Bandaríkjaforseta, miðaði vel
i átt að samkomulagi um brottflutn-
ing hluta erlends herliðs i landinu.
Viðræður hafa staðið yfir undanfarna
daga og virðist nú, sem tekið sé að
rofa til.
Draper átti í gær fund með
æðstu ráðamönnum landsins, Am-
in Gemayel forseta, Shafik Wazzan
forsætisráðherra og Elie Salem
utanríkisráðherra, sem var nýkom-
inn frá viðræðum við Bandaríkja-
forseta. Wazzan tjáði frétta-
mönnum eftir fundinn, að ástæða
væri til bjartsýni.
Ef af pessu samkomulagi, sem
byggt er á tillögu Bandaríkja-
manna, yrði draga ísraelar herlið
sitt frá vesturhluta þjóðvegarins á
milli Beirút og Damaskus og fjöll-
unum að baki hafnarbænum Dam-
our, 16 km suður af Beirút. Þá
drægju Sýrlendingar og PLO sig til
baka frá þeirra svæðum við sama
þjóðveg og láta af hendi hæðir í
Bekaa-dalnum í austurhluta lands-
ins.
Fjölmiðlar í Líbanon höfðu í gær
eftir ónafngreindum heimildum, að
samtaka brottflutningur hluta alls
herliðs verði
fjögurra vikna
erlends herliðs frá landinu myndi
eiga sér stað innan mánaðar. Þá
hefur blaðið An-Nahar ummæli
eftir Gemayel þar sem hann þakk-
ar Philip Habib fyrir það frum-
kvæði er Bandaríkjamenn sýndu í
samningaviðræðunum.
Það fylgir sögunni, að Sýrlend-
ingar séu samþykkir því samkomu-
lagi, sem nú virðist nánast forms-
atriði að undirrita. Þá er haft eftir
Yasser Arafat í vikuriti An-Nahar,
að hann kunni einnig að skipa her-
mönnum PLO að hörfa.
Að sögn lögreglu blossuðu bar-
dagar upp á ný á milli trúarflokka,
sem berjast um yfirráð í hafnar-
borginni Trípóli. Vopnahléi var
komið þar á fyrir tveimur dögum.
Þetta er ekki fyrsta vopnahléð í
borginni, sem rofið er. Þeim hefur
verið komið á áður, en rofin jafn-
harðan af leyniskyttum, sem ekki
hafa látið sér segjast. Tæplega 90
manns hafa fallið í Trípóli á tveim-
ur vikum.
Þá voru einnig skærur á miðhá-
lendinu á milli hermanna kristinna
hægrimanna og Drúsa. Einn lét líf-
ið og þrír særðust. Meira en 130
manns hafa nú fallið í átökum á
þessu svæði, sem staðið hafa í 9
vikur.
New York Times í leiðara um hjartaaðgerðina á Barney Clark:
Engum greiði gerður með
að hindra eðli náttúrunnar
Salt Lake-borg, 18. deaember. AP.
BANDARÍSKA STÓRBLAÐIÐ New York Times birti á þriðjudag leiðara
undir yfirskriftinni „Framlenging dauðans er enginn sigur“. Leiðari þessi
var skrifaður í tilefni gervihjartaaðgerðarinnar á Barney Clark fyrir
tveimur vikum og hefur vakið mikið umtal.
Miklar umræður hafa spunn-
ist í kjölfar aðgerðarinnar og
greinir fólk mjög á í skoðunum
sínum. Til eru þeir sem segja
Clark vera lukkunnar pamfíl, en
aðrir segja hann aðeins tilrauna-
dýr í þágu læknavísindanna.
New York Times sagði enn-
fremur í leiðara sínum: „Hinir
raunverulegu áfangar læknavís-
indanna felast í því að bæta
lífsskilyrði fólks, ekki í hetju-
dáðum við framlengingu dauða-
stríðs, sem aðeins kunna að
skipta örfáa máli. Engum er
neinn greiði gerður með því að
hindra eðli náttúrunnar."
Þessum ummælum blaðsins
var svarað af Dr. Chase Peter-
son, yfirlækninum við aðgerðina
á Clark. Hann sagði það ekki
takmark læknavísindanna að
framlengja dauðastríð fólks
heldur að lengja líf þess.
„Barney Clark hefði getað dáið
sársaukalausum dauðdaga þann
2. desember. sl.,“ sagði Peterson,
„en hann kaus að gangast undir
aðgerð og gerast gervihjarta-
þegi. Hugur hans var óbreyttur
fyrir tveimur dögum er hanri
samþykkti að gangast undir
aðra aðgerð til að fjarlægja
hluta hjartans, sem ekki starfar
eðlilega."
„Barney Clark vissi hvað
kynni að fara úrskeiðis er hann
gekkst undir aðgerðiná og margt
hefur farið úrskeiðis," segir New
York Times. Læknarnir, sem að
aðgerðinni stóðu, þvertaka hins
vegar fyrir að Clark hafi átt í
meiri erfiðleikum eftir aðgerð-
ina en gengur og gerist með
sjúklinga eftir hjartaaðgerðir.
Blaðið dregur gildi þessarar
aðgerðar mjög í efa og varpar
fram þeirri spurningu hvort ekki
hefði verið rétt að halda tilraun-
um á dýrum áfram áður en farið
var að framkvæma slíka aðgerð
á mannverum. Þá segir blaðið
einnig, að vafasamt sé hvort
slíkar aðgerðir eigi yfirleitt að
gera á fólki.