Morgunblaðið - 10.02.1983, Blaðsíða 3
MORGUNBLAÐIÐ, FIMMTUDAGUR 10. FEBRÚAR 1983
„Skiptir mig mestu
að fá heilsuna bætta“
— segir Jóhann Pétursson Svarfdælingur, en hann varð sjötugur í gær
Jóhann Pétursson Svarfdælingur í rúmi sinu á Landspítalanum. Jóhann
rifbeinsbrotnaði fyrir skömmu og er rúmfastur af þeim sökum.
Morgunhlaóió/ KÖK
SJÖTUGUR varð í gær sá mæti mað-
ur Jóhann Pétursson Svarfdælingur,
stærsti maður sem ísland hefur alið,
og þótt víðar væri leitað. Kins og
flestir vita er Jóhann eini fslending-
urinn sem starfað hefur við fjölleika-
hús mestalla sína starfsævi. Ungur
fór hann utan til Kaupmannahafnar
og starfaði í sirkus þar, en fluttist
fljótlega búferlum til Bandarikjanna
og vann þar lengstum við stærsta
fjölleikahúsið þar í landi. Jóhann
hefur átt við vanhcil.su að stríða und-
anfarið og síðan hann kom hingað tii
lands í júlí í sumar hefur hann dval-
ið á Landspítalanum.
Blaðamaður og ljósmyndari
Morgunblaðsins litu inn til Jó-
hanns í gær um kaffileytið, en þá
voru staddar hjá honum systur
hans og fleira vinafólk til að gleðj-
ast eftir föngum með honum á
þessum merkisdegi.
„Ég hef nú ekki frá miklu að
segja," sagði Jóhann, og kom þar
öllum á óvart. „Þegar ég er óupp-
lagður eins og núna — og satt að
segja er ég ansi lasinn — hef ég
ekki kraft til að ljúga neinu
skemmtilegu. Ég er alveg rúm-
fastur og get varla hreyft mig að
nokkru marki. Það stafar fyrst og
fremst af því að ég var svo óhepp-
in að rifbeinsbrotna fyrir viku dá-
lítið illilega og er því alveg í lama-
sessi. Og nógu var heilsan þó slöpp
fyrir.“
Jóhann kom hingað til lands í
sumar til að leita sér lækninga, en
hann hafði fengið aðsvif og dottið
illilega og skaðað á sér fæturna.
Hann hafði verið í æfingum nokk-
uð lengi og náð sér svolítið á strik
og því er rifbeinsbrotið núna mik-
ið áfall. En við biðjum Jóhann að
líta til baka og segja okkur eitt-
hvað frá störfum sínum í sam-
bandi við fjölleikahús.
„Það var enginn dans á rósum
oft á tíðum. Mikið um ferðalög og
þau geta verið þreytandi til lengd-
ar. Ég held reyndar að ég sé búinn
að ferðast um Bandaríkin öll
meira og minna. En starfið hafði
sínar góðu hliðar, því er ekki að
neita og það var vel gert við mig.“
Er það sæmilega borgað að
vinna við fjölleikahús?
„Það er varla hægt að segja það.
En það er misjafnt sem borgað er,
það fer eftir þeim númerum sem
menn bjóða upp á. Öll fjölleikahús
hafa nokkur toppnúmer og fyrir
þau er vel borgað. En svo eru
margir sem vinna við þetta og
lepja dauðann úr skel.
Annars held ég að ástandið hafi
verið betra hér áður fyrr. Nú er
samkeppnin við sjónvarpið það
mikil að fjölleikahúsin dafna ekki
eins vel og áður, og geta því
kannski ekki greitt eins há laun.
En ég sé ekki ástæðu til að kvarta.
Ég hef aldrei haft há laun en nóg
til að lifa sómasamlegu lífi.“
Hvers vegna lagðirðu þessa
vinnu fyrir þig á sínum tíma?
„Eitthvað varð maður að starfa.
Það var mikið atvinnuleysi á þess-
um tíma þegar ég var að byrja í
fjölleikahúsum og mér gekk illa að
fá vinnu. Og raunar fór ég utan
sérstaklega í atvinnuleit.“
Er erfitt að vera svona stór?
„Þú getur rétt ímyndað þér.
Heimurinn er ekki sniðinn fyrir
fólk af þessari stærðargráðu. Það
þarf ekki annað en minnast á
vandræðin við að fá sér föt við
hæfi, og skó. Og fjölmargt annað.“
Hvað er þér efst í huga núna á
sjötugsafmælinu þegar þú lítur
um öxl?
„Ég veit það ekki, satt að segja.
Ég geri lítið af þvi að líta til for-
tíðarinnar. Það skiptir mig mestu
máli núna að reyna að fá heilsuna
bætta að einhverju marki, þannig
að ég verði fær um að vinna
áfram. Því miður hef ég verið svo
heilsutæpur síðustu 10 árin að ég
hef ekkert getað unnið, en vonin
um betri heilsu lifir og sú von er
mér efst i huga um þessar mund-
ir.“
Eiturefnin
fundin
EFNI þau, sem stolið var frá
Hraðbraut í Garðabæ á þriðju-
dagsmorgun, fundust í gær, en um
var að ræða efni, sem notuð hafa
verið til malbiksframleiðslu og eru
lífshættuleg.
Drengir, sem voru að leik í
gryfjum á athafnasvæði Hrað-
brautar, fundu aðra krukkuna og
glasið undir gömlu sílói og létu
lögregluna í Hafnarfirði vita af
fundinum. Síðdegis í gær fundu
svo starfsmenn Hraðbrautar hina
krukkuna, sem hafði verið falin í
skúr á svæðinu. Annað, sem tekið
var í innbrotinu, var ófundið í
gærkvöldi.
Sjálfstæðisflokkurinn:
Tíu taka þátt í
prófkjöri eystra
ÞAU mistök urðu við vinnslu blaðs-
ins í gær, að nöfn tveggja frambjóð-
enda í prófkjöri Sjálfstæðisflokksins
í Austurlandskjördæmi féllu niður.
Því fer fréttin eins og hún átti að
birtast hér á eftir.
Kgilsstaðir, 7. febrúar.
Á FÖSTUDAG rann út frestur til
að tilkynna þátttöku í prófkjöri
Sjálfstæðisflokksins í Austur-
landskjördæmi, sem fram fer 25.
og 26. þessa mánaðar. í kvöld hélt
undirbúningsnefnd prófkjörsins
fund hér á Egilsstöðum til að
fjalla um framboðin, sem reynd-
ust vera 10 og öll studd tilskildum
fjölda flokksbundinna sjál stæð-
ismanna í kjördæminu.
Að sögn Rúnars Pálssonar,
formanns undirbúningsnefndar-
innar, eru frambjóðendur þessir:
Albert Kemp, Fáskrúðsfirði, Egill
Jónsson, Nesjahreppi, Gunnþór-
unn Gunnlaugsdóttir, Seyðisfirði,
Hjörvar Ó. Jensson, Neskaup-
sstað, Hrafnkell Jónsson, Eski-
firði, Július Þórðarson, Skorra-
stað, Sigríður Kristinsdóttir,
Eskifirði, Sverrir Hermannsson,
Reykjavík, Tryggvi Gunnarsson,
Vopnafirði og Þráinn Jónsson,
Fellabæ.
Prófkjörið verður opið öllum
kosningabærum stuðnings-
mönnum Sjálfstæðisflokksins í
Austurlandskjördæmi og enn-
fremur flokksbundnum sjálfstæð-
ismönnum frá 16 ára aldri.
— Ólafur
Nýjar og traustar
þjónustuhafnir
Með góðri samvinnu við DFDS
bjóðum við ódýran og
skjótan flutning til og frá
írlandi um Kaup-
mannahöfn. Nú eru
þjónustuhafnir Eim-
skips í Dublin og
Belfast.
Umboðsmaður Dublin:
DFDS SCAN - LINE LTD
72/80 North Wall Quay
Dublin 1
Símar: 742219/740670/726811
Telex: 31076
Umboðsmaður Belfast:
DFDS SCAN - LINE LTD
9 Weelington Place
Belfast BT1 6GA
Sími: 22467
Telex: 747905
*
Alla leið f rá (rlandi meö
EIMSKIP
sími 27100
á
o
it