Morgunblaðið - 16.12.1983, Blaðsíða 42
42
MORGUNBLAÐIÐ, FÖSTUDAGUR 16. DESEMBER 1983
Halldór Þorsteinsson
vélvirki - Minning
Fæddur 23. júlí 1912
Dáinn 11. desember 1983
Fáum mun hafa dottið í hug í
þeim fjölmenna hópi vina og ætt-
ingja er heimsóttu þau hjónin að
Laugarvatni á sjötugsafmælinu
fyrir rúmu ári, að svo væri stutt
að leiðarlokum þessa glæsiiega og
lífsglaða afmælisbarns, er lék á
als oddi við að taka á móti heilla-
óskum mikils fjölmennis, á þeim
tímamótum er hjá flestum er lokið
önn dagsins og venjulegu ævi-
starfi. Allir sem þekktu Halldór
vissu þó mæta vel, að síst af öllu
mundi þessi starfsglaði og atorku-
sami maður hugsa til að setjast í
helgan stein og halda að sér hönd-
um, því auðvitað getur maður, sem
unnið hefur hörðum höndum allt
frá barnæsku við hin ólíkustu
störf, bæði við sjó og í sveit, í litlu
þorpi og í skarkala höfuðborgar-
innar alltaf fundið sér verðugt
verkefni huga og handar, er full-
nægt gæti athafnaþrá og vinnu-
gleði hins hressa og hraustlega
sjötuga manns, sem ellin virtist
eiga svo langt í land með að
beygja, jafnvel þó æviárum fjölg-
aði enn um tugi. — En margt fer
öðruvísi en ætlað er, því í byrjun
marsmánaðar kenndi hann fyrst
þess sjúkdóms er eigi var í mann-
legu valdi að ráða bót á, en einnig
þeim örlagadómi tók Halldór með
stakri rósemi og karlmennsku, svo
sem vænta mátti eftir hans skap-
gerð.
Halldór var fæddur á Stöðvar-
firði, sonur Þorsteins Mýrmanns
bónda og kaupmanns þar, og konu
hans Guðríðar Guttormsdóttur
prests Vigfússonar, merkra og
valinkunnra heiðurshjóna. Var
heimilið fjölmennt, systkinin 7
auk vinnufólks, og þó eigi hafi ver-
ið þar auður í garði, hafa uppeld-
isskilyrðin verið slík, að ættgöfgi
og góðar gáfur fengu vel notið sín,
þó eigi væru menntaskilyrði slík
sem síðar varð. Um tvítugsaldur
stundaði Halldór nám við Hvít-
árbakkaskólann og einnig við hér-
aðsskólann í Reykholti. Þá gerðist
hann barnakennari um fjögurra
ára skeið með góðum árangri, síð-
ast í Þverárhlíð í Mýrasýslu, en
flutti þá til Akraness, ásamt konu
sinni, Rut Guðmundsdóttur frá
Heigavatni, hinni mætustu ágætis
konu, og þar fæddust þeim synirn-
ir tveir, Sigurður húsasmíða-
meistari, starfsmaður hjá Reykja-
víkurborg, og Birgir kaupmaður í
Reykjavík.
Á Akranesi réðst Halldór til
vélvirkjanáms hjá hinu kunna
fyrirtæki Þorgeirs Jósepssonar og
lauk þar tilskildum prófum. A
Akranesi tók Halldór mikinn þátt
i félagsmálum og var dugmikill á
því sviði sem öðrum. Eftir að
Halldór flutti til Reykjavíkur tók
hann sér margt fyrir hendur, svo
sem verslunarstörf ýmiss konar,
bókband og myntsöfnun, svo
eitthvað sé nefnt.
Vandað bókasafn átti hann og
las mikið góðar bækur, svo sem er
einkenni margra íslendinga, er
eigi hafa notið skólagöngu, svo
sem þeir hefðu kosið. Var heimili
þeirra hjóna einkar fallegt og
hlýlegt, m.a. prýtt fallegum mál-
verkum frúarinnar. Var þar gott
að koma, enda oft gestkvæmt í
góðum fagnaði.
Að lokum vil ég þakka mági
mínum og hans fjölskyldu alla
vinsemd á liðnum árum, og þá
ekki síst við börn okkar og þeirra
fjölskyldur, sem nú, eins og við,
sakna þessa hispurslausa og vel
gerða frænda, sem nú er allur og
varð reyndar aldrei gamall.
Guðmundur Björnsson
„En hver mun geyma arfinn okkar
ef við gleymum sjálf?“
Síðan mér barst sú harmafregn
að Halldór Þorsteinsson væri
horfinn á vit feðra sinna hefir
þetta stef Guðmundar Böðvars-
sonar hljómað fyrir innri eyrum
mínum. Halldór Þorsteinsson
geymdi arfsins dýra af slíkri
trúmennsku, alúð og ást að maður
fór jafnan af fundi hans viss um
að íslendingar væru merkilegt
fólk, basl þeirra hér í þessari
verstöð í ellefu hundruð ár sætti
tíðindum í veraldarsögunni og ei-
lífðarvandamálið, unga fólkið,
væri líklega heldur skárra en
kynslóð okkar ætti skilið.
Halldóri kynntumst við hjónin
einmitt á þeim vettvangi þar sem
unnið var að því að koma ungu
fólki til nokkurs þroska. Hann var
í Fræðsluráði Akraness þegar
okkur bar þar að garði, vaskur
maður, hreinskiptinn, skopvís.
Óvenjulegt mannval skipaði bekki
í ráðinu því. Forystu gegndi önd-
vegisdrengurinn, Sveinn Kr. Guð-
mundsson, og með honum voru
auk Halldórs, Þórhallur bæjarfóg-
eti Sæmundsson, Sigurður Vigfús-
son og Sverre Valtýsson. Mér er til
efs að annars staðar hafi menn
gengið jafnheilir og ótrauðir að
störfum sem þeir gerðu. Og það
var gaman að vinna með þeim.
Þó olli það kannski mestu um að
náin kynni tókust við Halldór að
við áttum sameiginlegan vin, Þór-
leif rithöfund Bjarnason. Á heim-
ili þeirra Þórleifs og konu hans,
Sigríðar Hjartar, litum við Hall-
dór Þorsteinsson fyjst. Þangað
kom hann beint úr smiðju Þor-
geirs og Ellerts, galvaskur, og
manni komnum úr Stykkishólmi
fannst hann standa augliti til
auglitis við sjálfan Peppóne; „bæði
af honum gustur geðs og gerðar-
þokki stóð“.
Halldór Þorsteinsson var Aust-
firðingur. Hann var fæddur 23.
júlí 1912 í Stöðvarfirði, sonur
hjónanna Guðríðar Guttormsdótt-
ur, prests í Stöð, Vigfússonar, og
Þorsteins Mýrmanns, kaupmanns
og bónda á óseyri. Halldór ólst
upp eystra en hélt innan við tví-
tugt vestur til Borgarfjarðar og
var þar við nám á Hvítárbakka og
í Reykholti. Hann hóf síðan
kennslu, fyrst í heimabyggð sinni,
síðan í Húnaþingi og loks í Þver-
árhlíð í Borgarfirði. Mér segja
gamlir nemendur hans, greindir
menn og gegnir, að hann hafi ver-
ið afbragðskennari og minnast
þeir hans jafnan með hlýju þakk-
læti. - Árið 1937 lét Halldór af
kennslu, flutti til Akraness og
lauk þar námi í vélvirkjun og síðar
pípulagningum. Á Skaga vann
hann alla tíð hjá Þorgeiri Jósefs-
syni og gegndi auk þess fjölþætt-
um félagsmálastörfum.
Halldór Þorsteinsson kvæntist
5. október 1935 hinni ágætustu
konu, Rut Guðmundsdóttur,
bónda á Helgavatni í Þverárhlíð,
Sigurðssonar. Kona Guðmundar
og móðir Rutar var Anna Ás-
mundsdóttir. Tvo syni eignuðust
þau Rut og Halldór, Sigurð og
Birgi, og eru þeir báðir kvæntir
heimilisfeður í Reykjavík, atorku-
menn og drengir góðir. — Árið
1962 fluttust þau hjónin til Kópa-
vogs og síðan fyrir þrem árum til
Reykjavíkur. Hér syðra stundaði
Halldór lengst af verslunarstörf
en auk þess lærði hann bókband
og batt allmikið, einkum fyrir vini
og kunningja. Svo langt náði hann
í þeirri list að hann gyllti bækur
og tókst vel. Hann var bókavinur
og því gott að vita hann fara
höndum um kver og kiljur og
notalegt að renna augum yfir
gyllta kili úr smiðju hans.
Halldór Þorsteinsson batt með
+
Eiginmaöur minn, faöir okkar, tengdafaöir, bróðir og sonur,
ÞORSTEINN GRÉTAR KRISTINSSON,
Hraunbrún 53,
Hafnarfiröi,
andaöist á St. Jósefsspitala, Hafnarfiröi, 14. desember.
Jarösett veröur frá Hafnarfjaröarkirkju flmmtudaginn 22. desem-
ber kl. 13.30.
Nanna Snædal,
Jakob Bjarnar Grétarsaon, María Anna Þorsteinsdóttir,
Atli Geir Grétarsson, Þorsteinn Antonsson,
Stefén Snssr Grétarsson, Guölaug Elísa Kristinsdóttir,
Kristinn Helgason.
Útför fööur okkar, tengdafööur og afa,
ÁGÚSTAR SIGFÚSSONAR,
Boöaslóö 24, Veatmannaeyjum,
fer fram frá Landakirkju laugardaginn 17. desember kl. 14.00.
Björg Ágústsdóttir,
Jóhann Agústsson,
tengdabörn og barnabörn.
+
Jaröarför móður minnar,
KRISTÍNAR GÍSLADÓTTUR
fré Þveré,
fer fram frá Prestbakkakirkju laugardaginn 17. desember kl.
14.00.
Fyrir hönd vandamanna,
Ólafur Vigfússon.
+
Móöir okkar,
ELÍN JÓNSDÓTTIR,
Sörlaskjóli 34,
veröur jarösunginn frá Dómkirkjunni í dag föstudaginn 16. des-
ember kl. 13.30.
Jóhanna Ólafsdóttir,
Fríða Ólafsdóttir,
Jón Ólafsson,
Kristín Ólafsdóttir,
Eyvindur Ólafsson,
Sigrfóur Ólafsdóttir,
Hallveig Ólafsdóttir
og aörir vandamenn.
+
Astkær eiginmaöur minn, sonur, tengdasonur, faöir okkar,
tengdafaöir og afi,
VILHJÁLMUR JÓHANNESSON,
Fellsmúla 16,
Reykjavik,
veröur jarösunginn frá Fossvogskirkju i dag, föstudaginn 16. des-
ember, kl. 13.30.
Blóm og kransar vinsamlegast afþakkaöir en þeim sem vildu
minnast hans er bent á Landssamband hjartasjúklinga.
Lilja Ágústa Jónsdóttir,
Ásbjðrg Ásbjörnsdóttir, Magnea Guörún Ágústsdóttir,
Hjördís Vilhjélmsdóttir, Pétur Guóréö Pétursson,
Jóhannes Vilhjélmsson, Halldóra Kristjénsdóttir,
Lilja Vilhjélmsdóttir, Eva Jódfs, Ásdfs Lilja og
Magnea Vilhjélmsdóttir. Jón Pétur Péturs börn.
Móöir okkar. + SIGURLAUG SVEINSDÓTTIR
fré Hlfó f Höröadal,
Litlageröi 3,
veröur jarösungin frá Fossvogskirkju mánudaginn 19. desember
nk. kl. 13.30. Börnin.
+
Eiginkona min, móöir okkar, tengdamóöir og amma,
JÓHANNA KRISTJÁNSDÓTTIR,
Miövangi 41,
Hafnarfirói,
veröur jarösungin frá Garöakirkju laugardaginn 17. desember kl.
13.30.
Guöni Þórarinsson,
Ólöf Guönadóttir, Benedikt Björnsson,
Viöar Guönason, Guörföur Ólafsdóttir
og barnabörn.
+
Innilegar þakkir fyrir auösýnda samúö viö fráfall og jaröarför
systur okkar,
BIRGITTU SIGRÍÐAR JÓNSDÓTTUR.
Jörina Jónsdóttir,
Bjarni Jónsson.
+
Þökkum innilega auösýnda samúö vlö fráfall og jaröarför
KRISTÍNAR BJARNADÓTTUR.
Fyrir mína hönd og annarra vandamanna,
Erla Kristfn Bjarnadóttír.
Lokað
í dag frá kl. 12.00—15.30 vegna jaröarfarar
VILHJÁLMS JÓHANNESSONAR.
Bílaborg hf.,
hjólbaröadeild.
Lokaö
í dag, föstudaginn 16. desember, vegna jarðarfarar
VILHJÁLMS JOHANNESSONAR.
Hjólbaröastööin,
Skeífunni 5, Reykjavík.