Morgunblaðið - 21.02.1984, Blaðsíða 1
48 SÍÐUR MEÐ 8 SÍÐNA ÍÞRÓTTABLAÐI
STOFNAÐ 1913
42. tbl. 71. árg.___________________________________ÞRIÐJUDAGUR 21. FEBRÚAR 1984_______________________________Prentsmiðja Morgunblaðsins
Lýstir óæskilegir
í Sovétrfkjunum
Moskvu, 20. febrúar. AP.
RÚSSAR lýstu tvo norska sérfræðinga í sovézkum málefnum „óæskilegar
persónur“ í Sovétríkjunum í hefndarskyni við brottrekstur sovézkra dipló-
mata vegna afhjúpunar Arne Treholts sem njósnara KGB í Ósló.
Fulltrúi norska sendiráðsins var
kallaður í sovézka utanríkisráðu-
neytið í morgun og tjáð að brott-
vísun fimm sovézkra diplómata
frá Ósló og bann við heimsóknum
fjögurra annarra, hefði verið al-
gjörlega tilefnislaus, og í hefndar-
skyni væru mennirnir tveir lýstir
óæskilegir í Sovétríkjunum.
Norðmennirnir, sem nú fá ekki
framar að koma til Sovétríkjanna,
eru Oyvind Nordsletten, sem var
fyrsti ritari við norska sendiráðið
í Moskvu þar til í sumar, og Tore
Borresen, sem ferðast hefur með
opinberum sendinefndum til
Moskvu sem túlkur, en hann var
síðast í Moskvu 1 nóvember sem
slíkur.
Líbanon:
Reynt til þrautar
að finna sáttaleið
Beirút, 20. febrúar. AP.
ÍTALIR DRÓGU friðargæzlulið sitt frá Beirút í dag og það bandar-
íska bjóst til brottfarar, á sama tíma og stjórnarandstæðingar hétu
því að herða baráttuna gegn Amin Gemaeyl, forseta.
Ákafar tilraunir voru gerðar
til að koma á friði í Líbanon í
dag. Saudi-Arabar sendu Abd-
ulaziz krónprins og Bandar
prins, sendiherra í Washington,
til Damaskus í dag til viðræðna
við Assad forseta, en einnig var
búist við fundum þeirra með
Jumblatt drúsaleiðtoga og
Berri, leiðtoga shíta, sem luku
samráðsfundum í Damaskus
með því að heita harðari bar-
áttu gegn Gemayel.
Gemayel sendi Salem, utan-
ríkisráðherra sinn, og Haddad,
öryggisráðgjafa, til Washing-
ton í gær til viðræðna við Reag-
an um leiðir út úr deilunni í
Líbanon, og samningamaður
Saudi-Araba, Rafik Hariri,
kom til Beirút og ræddi við
Gemayel og Salem, sem komin
var aftur frá Washington, áður
en hann hélt til Damaskus til
fundar við fulltrúa Saudi-
Araba þar.
Bardagar voru háðir yfir
græna beltið í Beirút og einnig
við síðasta virki stjórnarhers-
ins í fjöllunum austur af Beir-
út, Souk El-Gharb. Beittu báðir
aðilar skriðdrekum í átökunum
og öðrum stórskotavopnum.
Tugir manns voru sagðir hafa
fallið í bardögum í nótt og í
dag, þar af fjöldi óbreyttra.
Israelar gerðu á sunnudag
loftárásir á skotmörk „hryðju-
verkamanna" nærri borginni
Damour á strandlengjunni suð-
ur af Beirút, og í Bhamdoun og
Hammana ^ fjallahéruðum.
Tugir hermanna shíta og drúsa
voru sagðir í byggingu, sem
varð illa úti í árásunum.
Shamir, forsætisráðherra
Israels, sagði á fundi með utan-
ríkisráðherrum V-Þýzkalands
og Frakklands, Dietrich
Genscher og Claude Cheysson,
að ísraelar teldu hugmyndir
um friðargæzlulið SÞ í Suður-
Líbanon ófullnægjandi til að
tryggja öryggi ísraels.
Aðgerð-
ir vöru-
bflstjóra
fjara út
Parús, 20. febrúar. AP.
FRANSKIR vörubíl.stjórar héldu að-
gerðum sínum á þjóðvegum landsins
áfram á nokkrum svæðum, en í gær
hvatti formaður stærsta vörubíl-
stjórafélagsins félaga sína til að láta
af aðgerðum, þar sem Charles Fiter-
man samgönguráðherra hefði fallizt
á viðræður um kröfur bflstjóranna.
Flestir bílstjóranna hættu að-
gerðum, en þeim var þó haldið
áfram í 17 héruðum landsins af 96
og ollu þær vandræðum t.d. í
Alpahéruðum. Búist var við að
þeim lyki á mánudagskvöld. Að-
gerðirnar hafa haft í för með sér
versta umferðaröngþveiti í sögu
Frakklands. Varð þeirra vart í
flestum héruðum landsins.
Bílstjórarnir gripu til aðgerða
sinna til að krefjast lægri elds-
neytisskatta, breytinga á starfs-
háttum í landamærastöðvum og
að slakað yrði á öryggiskröfum
varðandi vöruflutningabifreiðir.
Samtök bílstjóra aflýstu að-
gerðum er Fiterman féllst á við-
ræður við fulltrúa bílstjóra, en
þær hefjast á þriðjudagsmorgun.
Eitt dauðsfall má rekja beint til
aðgerðanna, sem hófust á fimmtu-
dagskvöld. Ung kona fórst er mað-
ur hennar bakkaði á aðra bifreið
er hann kom að vegartálma í mið-
hluta landsins. Fimm manns slös-
uðust í átökum vörubílstjóra og
bílstjóra fólksbifreiða, en býsna
oft var ansi heitt i kolum og lítill
fögnuður ferðalanga með aðgerðir
vörubílstjóranna.
Fri vegartálma franskra vöruflutningabflstjóra við Tancarville-brúna við Rúðuborg í Normandí í gær. Nú hafa
flestir bflstjóranna hætt aðgerðum sínum og samgöngur um frönsku þjóðvegina eru að færast i eðlilegt horf eftir
fimm daga aðgerðir. AP/Simamynd.
Veðjað á
Mondale
Des Moines, 20. febrúar. AP.
Kjörmannafundir í forkosn-
ingum demókrata í Iowa áttu að
hefjast klukkan tvö að íslensk-
um tíma í nótt og búist var við að
úrslit lægju fyrir stuttu seinna.
Walter Mondale fyrrum varafor-
seti var talinn lang sigurstrang-
legastur átta frambjóðenda.
Samkvæmt nýjustu skoðana-
könnunum var búist við að
baráttan um annað sætið stæði
milli John Glenn, Alan Cranst-
ons og Gary Hart, sem allir eru
öldungadeildarmenn. Úrslit
forkosninganna í Iowa eru tal-
in mikilvægur vitnisburður um
afstöðu kjósenda Demókrata-
flokksins.
Grænlendingar semja
um fiskveiðiréttindi
SAMKOMULAG náðist í Briissel í
gærkvöldi milli Efnahagsbandalags-
ins (EBE) og Grænlendinga um
veiðiréttindi EBE-ríkja við Græn-
land, og samkvæmt því greiðir
bandalagið Grænlendingum 216
milljónir danskra króna á ári, eða
648 milljónir íslenzkra, næstu fimm
árin fyrir veiðiréttindi við Grænland.
í stað samkomulagsins fá Græn-
lendingar tollfrjálsan aðgang að
mörkuðum bandalagsríkjanna.
Sá fyrirvari er á samkomulag-
inu, að ríkisstjórn Vestur-Þýzka-
lands þarf að samþykkja það fyrir
sitt leyti, og einnig þarf Jonathan
Motzfeldt formaður grænlensku
landsstjórnarinnar að fá sam-
þykki stjórnar sinnar til að sam-
komulagið verði að veruleika.
Motzfeldt samþykkti samkomu-
lagið fyrir sitt leyti í Brussel í
gærkvöldi.
Samningurinn felur í sér, að
EBE-Iöndin geti stundað veiðar
við bæði austur- og vesturströnd-
ina frá 1985. Gerði samningsupp-
kastið ráð fyrir að Grænlendingar
sjálfir gætu ákvarðað stofnstærð-
ir hinna ýmsu fisktegunda, sem
EBE-ríkin sækjast eftir við Græn-
land, í samráði við fiskifræðinga.
Minnki stofnar væru það EBE-
rikin sem yrðu að draga úr veiðun-
um, ekki Grænlendingar.
I samningsuppkasti, sem fram-
kvæmdastjórn EBE lagði fram
fyrir hálfum mánuði, voru Græn-
lendingum boðnar 150 milljónir
danskra króna á ári, en samkomu-
lag hefur orðið um nær 50% hærri
upphæð. Þýðir þetta, að Græn-
lendingar hafa fengið þá fjárhæð
hækkaða.
Á morgun, þriðjudag, hefjast í
Brússel lokaviðræður um úrsögn
Grænlendinga úr Efnahagsbanda-
laginu. Grænlendingar óskuðu eft-
ir tollfríðindum í bandalagsríkj-
unum eftir að þeir hyrfu úr EBE,
og verða þeir að gjalda þau því
fiskveiðisamkomulagi, sem náðist
í Brússel.