Morgunblaðið - 18.05.1984, Blaðsíða 1

64 SIÐUR
STOFNAÐ 1913
112. tbl. 71. árg.
FÖSTUDAGUR 18. MAÍ 1984
Prentsmiðja Morgunblaðsins
Bandaríkin bjóða
vernd á Persaflóa
London, 17. maí. AP.
BANDARÍKIN hafa boðið Saudi-
Aröbum og grönnum þeirra að veita
tankskipum á Persaflóa flugvéla-
vernd, en bandarískur embættis-
maður, sem skýrði frá þessu, cfaðist
um að ríkin kærðu sig um slíkt af
ótta við að nærvera Bandaríkja-
manna virkaði fremur sem benzín á
bálið. I>að kynni þó að breytast ef
átök írana og íraka færðust á nýtt
og alvarlegra stig. Flugvélavernd er
einn möguleiki af mörgum er til
greina kemur til að draga úr hættu á
því að olíutankskip verði fyrir árás á
flóanum.
Utanríkisráðherrar sex Persa-
flóaríkja ákváðu á fundi í Riyadh
að leita eftir samstöðu Arabaríkja
og stuðningi á alþjóðavettvangi.
við aðgerðir gegn írönum fyrir
árás þeirra á eitt tankskip frá
S-Arabíu og tvö frá Kuwait á fló-
anum frá því um helgina. Hermt
er að þeir íhugi helzt að senda sér-
stakar flotadeildir til verndar
tankskipunum, en jafnframt eru
Persaflóaríkin í beinu sambandi
við stjórnvöld í Washington vegna
árásarhættu á skipaleiðum i
Persaflóa.
Bandarisk flotadeild heldur til á
Arabahafi, en ef Persaflóaríkin
óskuðu eftir aðstoð Bandaríkja-
manna er deildin of langt í burtu
til að fullt gagn yrði af henni, og
því yrðu þau að veita flugsveitum
afnot af herstöðvum sínum ef
gagn ætti að verða af. Bandaríkja-
menn hafa lýst því yfir að þeir
muni halda siglingaleiðinni um
Hormuzsund opinni ef átök írana
og íraka færðust út á Persaflóann.
Egyptar vöruðu við afleiðingum
frekari árása Irana og íraka á
skip á Persaflóa, þar sem það
kynni að leiða til beinnar íhlutun-
ar stórvelda þar um slóðir. íransk-
ur orrustuflugmaður flýði á þotu
sinni til Saudi-Arabíu og leitaði
þar hælis eftir að hafa neitað að
taka þátt í árás á tánkskip frá
Kuwait á Persaflóa á mánudag, að
n diplómata.
rakar kváðust í dag hafa fellt
12 íranska hermenn og tekið þrjá
til fanga í átökum á landamærum
ríkjanna.
Rússi rekinn
frá París
París, 17. maí. AP.
Sovézkur diplómat við sovézka
sendiráðið í París hefur verið kvaddur
hcim til Moskvu að kröfu franskra yf-
irvalda eftir að franska leyniþjónustan
skýrði frá tilraunum hans til að fá yflr-
menn og verkfræðinga nokkurra fyrir-
tækja á sviði háþróaðs tæknibúnaðar
til iðnaðamjósna.
Frakkar ráku 47 sovézka dipló-
mata úr landi fyrir rösku ári vegna
meiriháttar tilraunar þeirra til að
komast yfir leynilegan tæknibúnað.
AP/ Simamynd.
Brezki heimskautakönnuðurinn David Hempleman-Adams sigri hrós-
andi á nyrðra segulskautinu, Norðurpóinum, en þangað gekk hann einn
síns liðs. Hempleton-Adams, sem er 27 ára, er fyrstur manna til að
ganga að segulskautinu einn síns liðs, en það tók hann 22 daga að ná
þangað frá bækistöð nyrst í Kanada. Næsta takmark pólfarans er að
fara fótgangandi að pól þeim sem kenndur er við landnorður.
Lýbíumenn
stofna sjálfs-
morðssveitir
Trípólí, 17. maí. AP.
LÍBÝUMENN hafa ákveðið að
stofna „sjálfsmorðssveitir" til þess
að útrýma andstæðingum Khadafys
Líbýuleiðtoga, að sögn hinnar opin-
beru fréttastofu landsins, Jana.
Ákvörðun þessa efnis var tekin á
neyðarfundum alþýðusamtaka víðs
vegar um landið, að sögn Jana.
„Alþýðan hefur ákveðið að
stofna sjálfsmorðssveitir til þess
að elta uppi svikara, flóttamenn og
flökkuhunda hvar sem er og út-
rýma þeim hiklaust," sagði í frétt
Jana.
Stutt er síðan andstæðingar
Khadafys gerðu tilraun til að ráða
hann af dögum, en voru brotnir á
bak aftur f blóðugum fimm stunda
bardaga við bústað hans. Jana
sagði árásina verk bræðralags
múhameðstrúarmanna, en þjóð-
frelsissfylking Líbýu, sem ekki er
tengd bræðralaginu, lýsti ábyrgð á
verknaðinum. Talið er að stofnun
sjálfsmorðssveita standi í beinu
sambandi við tilræðið við Khadafy.
Ólympíuleikarnir:
Pólskir hætta við
af ótta við flótta
Varsjá, 17. maí. AP.
PÓLVERJAR ákváðu í dag að hætta við þátttöku í ólympíuleikunum
í Los Angeles vegna ótta yfirvalda við að íþróttamennirnir myndu
flýja í stórum stíl ef þeim yrði leyft að taka þátt í leikunum, að sögn
Marian Renke forseta pólsku ólympíunefndarinnar.
Renke sagði á fundi með frétt-
amönnum að ákvörðunin hefði
verið „erfið" og „hryggileg".
Hann sagði að Pólverjar hefðu
spurnir af því að efnt hefði verið
til samskota í Bandaríkjunum til
að gera flótta eftirsóknarverðan
fyrir pólska íþróttamenn.
Renke sagði að ákveðið hefði
verið með „öllum greiddum at-
kvæðum" að hætta við þátttöku,
en ólympíunefndarmaðurinn
Janusz Peciak, sem vann gull-
verðlaun 1976 og vonaðist til að
endurtaka afrekið í Los Angeles,
lýsti miklum vonbrigðum sínum í
samtali við AP-fréttastofuna.
„Þetta er öllum á móti skapi, og
beiskja mín er mikil, því ég ætl-
aði að hætta keppni eftir leik-
ana,“ sagði Peciak.
AP/ Símamynd.
Frá sameiginlegum blaóamannafundi varnarmálaráð-
herra Atlantshafsbandalagsríkjanna í Brtissel við lok
fundar þeirra í gærmorgun, þar sem ákveðið var að
beita nýrri tækni við endurnýjun venjulegra varna
bandalagsins og auka útgjöld til mannvirkja sem kom-
ið gætu að notum á stríðstíma. Á myndinni eru (f.v.):
E. Da Rin aðstoðarframkvæmdastjóri NATO, Caspar
Weinberger, varnarmálaráðherra Bandaríkjanna, Jos-
eph Luns, framkvæmdastjóri NATO, og Michael Hes-
eltine, varnarmálaráðherra Bretlands.
EBE-aðgerðir í
Sakharovs-máli
Stokkhólmi og Bonn, 17. maí. AP.
MITTERRAND, Frakklands-
forseti, sagði að ríki Efnahags-
bandalags Evrópu (EBE) hefðu
ákveðiö að efna til sameigin-
legra aðgerða til að reyna að fá
sovézk yfirvöld til að leyfa And-
rei Sakharov og konu hans að
fara úr landi.
„Við verðum að gera allt
sem í okkar valdi stendur til
að tryggja frelsi og góða
heilsu þessa fólks,“ sagði
Mitterrand. Hann sagði að
utanríkisráðherrar EBE
myndu hittast sérstaklega á
föstudag til að ganga frá
áskorunarskjali um mál
Sakharovs.
Helmut Kohl, kanzlari
V-Þýzkalands, hvatti ráða-
menn í Moskvu til að finna
Jákvæða lausn“ á máli Sakh-
arovs-hjónanna og sagði að
þau væru aufúsugestir í
Þýzkalandi. Sagði hann að það
mundi gjörbreyta andrúms-
lofti í samskiptum austurs og
vesturs ef þeim yrði leyft að
fara úr landi.
Sakharov-hjónin eru í
hungurverkfalli til að krefjast
þess að frú Bonner fái að fara
úr landi til að leita sér lækn-
inga. Dóttir hennar sagði í
París að dagaspursmál væri
hvenær annað hvort þeirra
Sakharov-hjónanna dæi.