Morgunblaðið - 31.05.1984, Blaðsíða 14

14
MORGUNBLAÐIÐ, FIMMTUDAGUR 31. MAÍ 1984
Símamynd AP.
Zhao í Frakklandi:
Vill hlúa að
vináttu og friði
París, 30. maí. AP.
ZHAO ZIYANG, forsætisráð-
herra Kína, kom til Frakklands í
dag, og er það fyrsti viðkomu-
staöur hans í 6—landa ferð til
Vesturlanda. Við komuna sagði
hann tilgang ferðarinnar að leita
eftir friði, vináttu og samvinnu.
Zhao Ziyang, sem verður í
Frakklandi í 5 daga, hélt strax
til fundar við Francois Mit-
Zhao tv. með Mitterrand í París.
terrand, en ekkert spurðist út
um hvað rætt var um á fundi
þeirra. Hann ávarpaði einnig
þingið í dag, en fátítt er að
erlendir leiðtogar geri það í
Frakklandi. Þegar erindum
Zhao Ziyang í Frakklandi er
lokið, heldur hann til Belgíu,
síðan til Svíþjóðar, Noregs,
Danmerkur og Ítalíu, en alls
mun ferð hans standa yfir í 17
daga.
Scargill handtekinn
við mótmælaaðgerðir
ui_fr...u on a 1»
SherTieM. 30. maí. \l*.
TIL átaka kom í dag í
Yorkshire milli verkfalls-
manna og lögreglunnar og
voru nokkrir þeirra fyrr-
nefndu handteknir. Nokkru
áður hafði leiötogi náma-
manna, Arthur Scargill, verið
handtekinn þegar hann
ásamt öðrum reyndi að loka
stálverksmiðju.
Tvö hundruð lögreglumenn
voru til varnar þegar námamenn
í verkfalli með Scargill í broddi
fylkingar reyndu að koma í veg
fyrir koksflutninga til Orgrea-
ve-stálverksmiðjunnar í York-
shire. Var Scargill handtekinn
þegar hann og aðrir gengu að
verksmiðjunni og lokuðu um leið
Mótmæli í bígerð
vegna komu Botha
I>ondon, 30. maí. AP.
MIKIL mótmæli eru nú í bígerð í
London vegna komu Pieter W.
Botha, forsætisráðherra Suður-
Afríku, til borgarinnar á laugar-
dag. Margaret Thatcher, for-
sætisráðherra, féllst í dag á að
hitta að máli leiðtoga hreyfingar-
innar, sem berst gegn aðskilnað-
arstefnu suður-afrískra stjórn-
valda.
Botha mun gera stuttan stans
í London og fara þaðan sam-
dægurs en hann ætlar að fara
til átta Evrópulanda í ferðinni.
Hreyfingin, sem berst gegn að-
skilnaði kynþátta, og borgar-
stjórn Stór-Lundúna, sem
Verkamannaflokkurinn ræður,
hafa tekið höndum saman um
að mótmæla heimsókn Botha og
segja mótmælin munu verða
þau mestu, sem hingað til hefur
verið efnt til gegn kynþátta-
misrétti.
Miklar deilur hafa verið í
Bretlandi um heimsókn Botha.
Stjórnarsinnar benda á, að
tengslin milli landanna hafi
verið mikil frá fornu fari,
Suður-Afríka á sínum tíma
bresk nýlenda og 40% íbúanna
enskumælandi auk þess sem
Bretland hafi mikilla viðskipta-
legra hagsmuna að gæta þar, en
stjórnarandstæðingar leggja
áherslu á aðskilnaðarstefnuna
og annað misrétti í landinu.
Hreyfingin, sem berst gegn
aðskilnaði kynþátta, fagnaði því
í dag, að Thatcher hafði fallist á
að hitta Trevor Huddleston,
biskup anglíkönsku kirkjunnar
og leiðtoga hreyfingarinnar.
Fer fundur þeirra fram í Down-
ingstræti 10 og kveðst Hudd-
leston ætla að leggja áherslu á,
að heimsókn Botha til Bret-
lands sé áfall fyrir baráttuna
fyrir mannréttindum.
veginum fyrir annarri umferð.
Scargill er handtekinn á sama
tíma og leynilegar viðræður eiga
að fara fram milli fulltrúa kola-
ráðsins og námamanna. Sams
konar viðræður í siðustu viku
fóru út um þúfur þegar þeim
lenti saman í háværu rifrildi
Scargill og Ian MacGregor, for-
manni kolaráðsins. Búist var við,
að Scargill mætti til viðræðn-
anna í dag þrátt-
ísland í
Datapost
ÍSLAND og Sameinuöu arabísku
furstada min eru nú komin á skrá
hjá bresku póstþjónustunni yfir þau
lönd, sem hegt er aó senda til
böggla meó sérstökum flýti. Sagöi
frá þessu í bandaríska blaðinu The
Journal of Commerce 14. þ.m.
Bretar klalla þessa þjónustu
Datapost og á það nú aðeins að
taka tvo daga eða skemur að senda
skjöl og blöð til Reykjavíkur.
Burðargjald fyrir fyrstu tvö kílóin
er 11,50 pund eða rúmlega 470 kr.
isl. Að senda til Sameinuðu arab-
isku furstadæmanna með Data-
post tekur skemmri tima en burð-
argjaldið nokkru meira.
Verða haldnir
rauðir leikir?
— Metþátttaka í leikunum í Los Angeles
ÓEINING er meðal kommúnista-
ríkjanna, sem hætt hafa við þátt-
töku í Ólympíuleikunum f Los
Angeles, hvernig staðið skuli að
mótahaldi fyrir þá íþróttamenn
sem missa af leikunum í Los Ang-
eles, og virðast áætlanir um
„rauða Olympíuleiki" úr sögunni.
Á sama tíma skýra fram-
kvæmdaaðilar leikanna í Los
Angeles frá því að 123 ríki mæti
til leiks á sumarleikunum, eða
einu fleira en í Múnchen 1972 er
122 ríki voru þátttakendur. Jafn
framt verða 300 fleiri íþrótta-
menn í Los Angeles en Múnchen.
Virðist því sem ákvörðun Rússa
og þrýstingur þeirra á önnur ríki
að hætta við þátttöku, hafi lítinn
árangur borið.
Samkvæmt heimildum í aust-
antjaldsríkjunum hófst undir-
búningur „rauðra leika" þegar
um páskana og skyldu þeir
haldnir í Sófíu í Búlgaríu. Mark-
miðið með leikunum var m.a. að
friðþægja þá íþróttamenn, sem
líklegir þóttu til verðlauna í Los
Angeles. Fljótlega upphófust
miklar deilur á bak við tjöldin og
lögðust sum ríkja Varsjárbanda-
lagsins hart gegn því að Búlgarir
fengju allan heiðurinn af rauð-
um leikum. Einnig kom í Ijós að
það væri skýrt brot á ólympíu-
sáttmálanum að halda rauða
leika samtímis leikunum í Los
Angeles.
Jafnframt var ágreiningur
mikill um hvort farið skyldi að
áskorun Rússa um að taka ekki
þátt í leikunum í Los Angeles, og
létu mörg ríkja Varsjárbanda-
lagsins loks undan þrýstingi
þeirra en með miklum trega, og
gátu t.d. ólympíuleiðtogar í Pól-
landi ekki leynt vonbrigðum sín-
um, er þeir lýstu heimasetunni
sem „óþægilegri ákvörðun".
Af þessum sökum virðist sú
hugmynd ætla að verða ofan á að
halda mót í tveimur til þremur
Ólympíugreinum á hverjum
stað. Fyrirhugað er að mótin
fari fram samtímis Ólympíuleik-
unum í hinum ýmsu ríkjum
Varsjárbandalagsins. Þangað
verður boðið íþróttamönnum
þeirra bandalagsríkjanna og
fylgiríkja Rússa utan bandalags-
ins, sem heima sitja.
Þær upplýsingar berast nú frá
Tékkóslóvakíu að þegar í
marzmánuði hafi fyrirtækjum
þar í landi, sem sauma áttu
klæðnað og framleiða annan út-
búnað íþróttamanna og forystu-
manna, sem til Los Angeles
færu, verið sagt að hætta þeirri
vinnu. Er það talið til marks um
að þá þegar hafi Rússar verið
ákveðnir i að taka ekki þátt í
leikunum 1 Los Angeles og hafi
verið byrjaðir að þrýsta á fylgi-
ríki um að fara að gera slíkt hið
sama.
(Newsweek-Observer.)
Skákmótið
f Bugojno:
Timman
í forystu
Bugojno, Júgóslavíu, 30. maf. AP.
JAN Timman frá Hollandi tók í
gærkvöldi forystuna á alþjóólega
stórmeistaramótinu í skák, sem
fram fer í Bugojno í Júgóslavíu. Var
þá lokið við að tefla biðskákir úr
fyrstu umferð mótsins en nú er fjór-
um umferðum lokið. Staðan á mót-
inu er nú þessi: Timman 3 v.; Tal og
Ribli 2'/i v.; Ljubojevic 2 v. og bið-
skák; Miles, Smyslov, Gligoric og
Spassky 2 v.; Kovacevic l'/i v. og
biðskák; Andersson, Belyavski,
Ivanovic og Torre l'/i v.
Kiinvill
aukin
tengsl
Berlín, 30. maí. AP.
KIM IL SUNG, leiðtogi norður-
kórcska Kommúnistaflokksins,
er staddur í Austur-Berlín um
þessar mundir og er það þriðji
viðkomustaðurinn af fjórum
sem hann heimsækir í Austur-
Evrópuferð sinni. Hann hefur
átt viðræður við austur-þýska
forsetann Erich Hönecker.
Austur-þýska stjórnarfrétta-
stofan greindi frá heimsókn
Kim 11 Sung og sagði hann hafa
sagt í ræðu, að hann hefði komið
til að efla tengsl og samvinnu
tveggja þjóða sem væru nátengd
fyrir tilstilli sameiginlegs bar-
áttumáls. Kim er búinn að
heimsækja Sovétríkin og Pól-
land, en frá Austur-Þýskalandi
liggur leið hans til Tékkoslóv-
akíu.