Morgunblaðið - 08.11.1984, Blaðsíða 18

18
MORGUNBLADIÐ, FIMMTUDAGUR 8. NÓVEMBER 1984
Unnið af krafti að byggingu skólahúss f Fellabæ. Byggingin verður þó varla tilbúin til notkunar fyrr en haustið
1987.
Fellabær
Vaxandi þéttbýlisstaður í alfaraleið
— stutt spjall við
Þráin Jónsson,
oddvita
Kgibertöéum, 31. oktAber.
FELLABÆR í Norður-Múlasýslu
er einn yngsti þéttbýlisstaöur
landsins. Þar hefur átt sér stað
mikil uppbygging síðustu ár, og
fólksfjölgun verið um 4—5% að
meðaltali á ári að sögn oddvita
Feilahrepps, Þráins Jónssonar.
„Fellahreppur hefur lengst af
verið landbúnaðarsveit," segir
Þráinn oddviti, „en skömmu eft-
ir 1950 fór að myndast hérna
þéttbýliskjarni við Lagarfljóts-
brúna í landi Ekkjufells. Núna
eru íbúar sveitarfélagsins orðnir
hartnær 320 talsins og þar af
búa rúmlega 200 héma í þéttbýl-
inu, Fellabænum. Og þéttbýlið
sækir stöðugt á. Við erum í al-
faraleið."
— Hvert sækja Fellamenn í
Fellabæ atvinnu sína?
„Atvinnuuppbygging hefur
verið mjög ör hér hin síðari ár.
Hér hafa risið hvers konar þjón-
ustu- og iðnaðarfyrirtæki. Má í
því sambandi nefna Trésmiðju
Fljótsdalshéraðs og Plastiðjuna
Yl. Þetta eru hvort tveggja
rótgróin og landsþekkt fyrir-
tæki. Baldur og Óskar sf. er vax-
andi verktakafyrirtæki í bygg-
ingaiðnaði og umsvif Verslunar-
1
*
Sveitarstjórinn, Svala Eggertsdótt-
ir, er eini fastlaunaði starfsmaður
sveitarfélagsins. Hún mun nú vera
eina konan sem gegnir sveitar-
stjórastarfi á fslandi.
félags Austurlands vaxa stöðugt.
T.d. má geta þess að nú hefur
verið lógað um 8 þús. fjár í slát-
urhúsi VAL. Hér er rekin bíla-
sala, hjólbarðaverkstæði, bíla-
leiga, járnsmíðaverkstæði, heild-
sala með matvörur, fyrsta flokks
ritfanga- og bókaverslun, og
svonefnt „refaeldhús“ er fram-
leiðir loðdýrafóður fyrir öll refa-
bú á Héraði. Svo er hið opinbera
með sitt hér, bifreiðaeftirlit og
umboðsskrifstofu sýslumanns
Norður-Múlasýslu."
— Hverjar hafa verið helstu
framkvæmdir á vegum sveitar-
félagsins?
„Þar ber tvímælalaust hæst
bygging skólahúss, er frumbyggi
þessa byggðarlags og oddviti í 28
ár, Helgi Gíslason, tók skóflu-
stungu að fyrir réttum tveimur
árum. Nú er unnið að því hörð-
um höndum að steypa loftplöt-
una. Skólahúsið er teiknað af
Kjartani Sveinssyni arkitekt.
Grunnflötur þess er nærri 600
fermetrar. Það verður einlyft
með risi. í skólahusinu er gert
ráð fyrir félagslegri aðstöðu
fyrir íbúa sveitarfélagsins og
neyðargistingu heimanaksturs-
nemenda. Þetta skólahús er
byggt í samvinnu við Egilsstaða-
hrepp, en sveitarfélögn eru eitt
skóíahérað og hafa samvinnu sín
á milli um skólamál og byggingu
skólamannvirkja skv. sérstðkum
samningi, t.d. höfum við lagt
okkar í byggingu íþróttahúss á
Egilsstöðum. Þá hefur verið
unnið að gerð íþróttavallar og
varanlegt slitlag var lagt að
mestu á aðalgötuna hér í Fella-
bæ í sumar. Og nú er í bígerð að
reisa hér dagheimili og hefur
Ljósm.: Mbl./ Olafur
Þráinn Jónsson, oddviti Fellahrepps. í baksýn er eitt af stærstu fyrirtækj-
um sveitarfélagsins, Verslunarfélag Austurlands.
Um 12 íbúðarhús eru nú I smíðura í Fellabæ, m.a. þetta skondna kúluhús.
grunnur þess þegar verið steypt-
ur. Það mál er nokkuð sérstakt.
Sveitarfélagið leggur til allt efn-
ið en foreldrar sjálfir vinna að
byggingunni endurgjaldslaust."
— Er ekki mikið byggt á svo
ört vaxandi stað?
„Jú, hér er mikið byggt, enda
blómstra byggingafyrirtækin.
Mig minnir að nú séu hér í smíð-
um 10 eða 12 íbúðarhús."
— Og hvernig gengur svo að
reka sveitarfélag sem vex dag
frá degi?
„Það er auðvitað í mörg horn
að líta og ráðstöfunarfjármagn
sveitarfélaga almennt takmark-
að, en við í hreppsnefnd Fella-
hrepps höfum hins vegar sparað
allan tilkostnað við rekstur
sveitarfélagsins svo sem framast
er unnt. Sveitarstjórinn er eini
fastlaunaði starfsmaður sveitar-
félagsins, harðduglegur sveitar-
stjóri, Svala Eggertsdóttir, og
líklega eina konan sem nú gegnir
slíku starfi hér á landi. Við höf-
um hins vegar beitt útboðum
varðandi einstaka framkvæmdir
og hefur það gefist vel og borgað
sig, að við teljum. _ Ölafur.
Heimsmeístarakeppnin í rallakstri:
Svíinn Stig Blomqvist (Lh.) fagnaði sigri í heimsmeistarakeppni ökumanna um helgina eftir að hafa sigrað í
rallkeppni á Fflabeinsströndinni. Hann ók ásamt Björn Cederberg, sem situr við hlið hans í Audi Sport Quattro.
Svíinn Blomqvist
heimsmeistari
SVÍINN Stig Blomqvist tryggði sér
heimsmeistaratitil rallökumanna um
helgina með sigri í rallkeppni á Ffla-
beinsströndinni Afrfku. Varð hann 22
mínútum á undan félaga sínum hjá
Audi, Finnanum Hannu Mikkola.
Blomqvist ók Audi Quattro Sport,
sem hefur valdið Audi-keppnislið-
inu ómældum erfiðleikum á árinu,
en náði sfnum fyrsta sigri á Fíla-
beinsströndinni og tryggði Svíanum
fimmta keppnissigur hans á árinu í
heimsmeistarakeppninni. Helstu
keppinautar hans undanfarna mán-
uði, Finnarnir Marrku Alen á
Lancia og Ari Vatnen á Peugeot
voru ekki í rallinu um helgina. Attu
þeir Blomqvist og Mikkola því til-
tölulega auðvelt með að halda tveim
efstu sætunum, en Indverjinn
Shekhar Mehta varð þriðji á Nissan
240 RS, samskonar bíl og keppti í
Ljómarallinu hérlendis í septem-
ber. Aðeins sex bflum af fimmtfu
tókst að ljúka keppni.
Lokastaðan í heimsmeistara-
keppni ökumanna. 1. Stig Blomqvist
Audi Quattro, Svfþóð, 125 stig, 2.
Hannu Mikkola Audi Quattro,
Finnlandi, 101, 3. Marrku Alén
Lancia Rally, Finnlandi, 90, 4. Att-
ilio Bettega Lancia Rally, Ítalíu, 49,
5. Massimo Biasion Lancia Rally,
Ítalíu, 43, 6. Ari Vatanen, Peugeot
205 Turbo, Finnlandi, 40.
Martin Holmes/G.R.