Morgunblaðið - 05.01.1986, Blaðsíða 1

72 SÍÐUR B
STOFNAÐ1913
3. tbl. 73. árg.
Bandaríkin:
Fangaupp-
reisn lýkur
með uppgjöf
Moundsville, 4. janúar. AP.
FANGAR í ríkisfangelsinu í Vestur-
Virginíu í Bandaríkjunum létu á
föstudag síðustu sjö gísla sína lausa
og létu yfirvöldum eftir yfirráð yfir
fangelsinu. Fangarnir gerðu upp-
reisn á nýársdag til að mótmæla
slæmum aðbúnaði, en aö lokum
höfðu þrír fangar verið vegnir í til-
búnum réttarhöldum og fangarnir
gengið berserksgang um fangelsið.
Arch Moore, ríkisstjóri í Vest-
ur-Virginíu, segir að mennirnir
þrír, sem voru myrtir, hafi líkast
til verið taldir samstarfsmenn
fangelsisyfirvalda og þeir verið
teknir af lifi eftir tilbúin réttar-
höld þar sem nokkrir fangar
gegndu hlutverki kviðdómenda,
dómara og böðuls.
Yfirvöld fundu aðra þrjá fanga
ekki fyrr en eftir langa leit. Þeir
höfðu falið sig vendilegá af ótta
við að samfangar sínir grunuðu
þá um samvinnu við fangelsisyfir-
völd.
Enginn fanganna varð fyrir
alvarlegum áverkum í uppreisn-
inni, utan þeir, sem teknir voru
af lífi.
Fangarnir tóku sextán gísla á
nýársdag með brugðnum hnífum.
Þeir samþykktu á fimmtudag að
láta gíslana lausa í áföngum gegn
því að fá Moore, ríkisstjóra, til
viðræðna um áhyggjumál sín í
hinu hrörlega, 120 ára gamla fang-
elsi.
Eftir að samkomulagið náðist á
fimmtudag gengu fangarnir ber-
serksgang um fangelsið og brutu
allt og brömluðu. Fangelsið hefur
víða látið á sjá eftir uppþotið.
Þeim, sem þátt tóku i uppþotinu,
verða gefnar upp sakir, en morð-
ingjar mannanna þriggja verða að
svara til saka.
Þegar gíslarnir höfðu verið látn-
ir lausir fór Moore inn í fangelsið
til að hlýða á mál fanganna. Hann
sagði að margir þeirra ættu við
persónuleg vandamál að stríða, en
einnig hefði verið kvartað undan
slæmum aðbúnaði í fangelsinu, t.d.
ónógri kyndingu og kvaðst Moore
ekki vita hvað gera mætti til bótá.
Japan:
Hrísgrjóna-
kökur valda
köfnun
FJÓRTÁN Japanir köfnuöu af því
að borða sérstakar hrísgrjónakökur,
sem þar eru ætfð borðaðar um ára-
mót. Þar af létust þrír í Tókýó.
í Tókýó liggja nú átta manns á
sjúkrahúsi eftir að „mochi", þessar
seigu, límkenndu hrísgrjónakökur,
festust í hálsi þeirra. Fjórir þeirra
eru í lífshættu. Hrísgrjónakökur
þessar eru ýmist soðnar í súpum
eða bakaðar í ofni og hjúpaðar
þangi.
SUNNUDAGUR 5. JANÚAR 1986
Prentsmiðja Morgunblaðsins
Miðjarðarhafíð:
Bandaríkin safna nægu
liði til árásar á Líbýu
Washington, Moskvu og Róm, 4. janúar. AP.
BANDARÍKIN hafa nú nægan herafla á Miðjarðarhafi til þess að ráöast á
Líbýu, en yfirvöld hermála þar telja slíka aðgerö erfiða og hættulega. Engin
ákvörðun hefur veriö tekin um árás en heimildir í Washington herma að
fundur með forsetanum um frekari aðgerðir verði í dag. Sovétríkin hafa lýst
yfir stuðningi við Líbýu og ásakað Bandaríkin og ísrael fyrir fjandsamlega
hcrferð gegn landinu.
Flotadeild lagði upp frá Ítalíu í
gær, föstudag. Auk flugmóður-
skipsins Coral Sea, inniheldur hún
tvö beitiskip, tvo tundurspilla og
tvær freigátur. Þá hefur varnar-
málaráðuneytið bandaríska stað-
fest að fyrr í þessari viku hafi sex
EA-6B-fIugvélar, sem sérstaklega
eru til þess gerðar að trufla rat-
sjárbúnað óvinaríkis, verið sendar
til Sigonella-herflugvallarins á
Sikiley, ásamt nokkrum orustu-
flugvélum. Annarri flotadeild sem
aðsetur hefur í Norfolk í Banda-
ríkjunum hefur verið gert að hefja
fyrsta undirbúning brottfarar til
Miðjarðarhafsins, en það myndi
taka hana um tíu daga að komast
á áfangastað.
Heimildir innan bandaríska
varnarmálaráðuneytisins hafa lát-
ið í ljós ótta vegna 1.000-1.500
Bandaríkjamanna sem búa í Líbýu
og vegna sovéskra herráðgjafa í
Líbýu, sem kunna að falla ef af
átökum verður. Hins vegar er haft
eftir einum embættismanni í
Washington, að það sé ekki nema
takmarkað sem hægt sé að hóta
hefndarárás, að því hljóti að koma
að verkin séu látin tala.
Khadafy, leiðtogi Líbýu, hefur
skipað her og flota Líbýu í við-
bragðsstöðu og hótað endalausri
styrjöld ef af árás verður. Líbýa
hefur einn öflugasta herinn í
Miðausturlöndum. Mikil mótmæli
hafa verið í Líbýu gegn Bandaríkj-
unum og héldu þau áfram í dag,
fjórða daginn í röð.
í opinberri yfirlýsingu frá nefnd
sem fer með málefni Asíu- og
Afríkjuríkja, segir að hægri sinn-
aðir Bandaríkjamenn styðji and-
stöðuhópa víða um heim, sem
berjist við stjórnvöld andstæð
Bandaríkjunum. Segir nefndin að
þetta eigi við um málefni Líbýu.
Stjórnvöld í Líbýu hafi að ástæðu-
lausu verið gerð ábyrg fyrir árás-
um hryðjuverkamanna á flugvell-
ina í Vín og Róm 27. desember
síðastliðinn.
Svíþjóð:
A-Þjóðverjar stöðva
flóttamaimastrauminn
Stokkhólmi 4. janúar. Frá Krik Liden, fréttaritara Morgunblaðsms.
ÞEGAR Svíum var farið að ofbjóða
flóttamannastraumurinn til landsins
um Austur-Þýskaland fóru þeir
fram á það við austur-þýsk stjórn-
völd, að þau hleyptu ekki hverjum
sem væri um borð í ferjurnar til
Svíþjóðar. Samningur um þetta efni
gekk í gildi rétt fyrir áramót og er
ekki laust við, að Svíum hafi komið
á óvart hve árangursríkur hann er.
í heila viku hefur enginn flótta-
maður komið til Svíþjóðar frá
Austur-Þýskalandi nema hann
hafi áður fengið sænska áritun í
vegabréfið. Á nýliðnu ári komu
alls 14.000 flóttamenn til Svíþjóðar
og þar af þriðjungurinn með ferj-
unni frá Austur-Þýskalandi til
Trelleborgar. Eru þeir langflestir
frá Miðausturlöndum og helming-
urinn frá íran. Ef Austur-Þjóð-
verjar standa við samninginn
áfram mun -það vafalaust hafa
rnikil áhrif á flóttamannastraum-
inn til Svíþjóðar þótt raunar sé
búist við, að flóttafólkið reyni að
komast eftir öðrum leiðum. Það
verður þó allt erfiðara um vik.
í nýrri skoðanakönnun kemur
það fram, að 40% Svía finnast
núgildandi reglur um flóttamenn
allt of rúmar og frjálslegar og
jafnmörgum finnst sem komið sé
meira en nóg af flóttafólkinu.