Morgunblaðið - 20.06.1989, Blaðsíða 4

4
MORGUNBLAÐIÐ ÞRIÐJUDAGUR 20. JÚNÍ 1989
Utanríkisþj ónustan:
fastalulltrúi íslands hjá SÞ
BENEDIKT Gröndal, heimasendi-
herra, hefur dregið tii baka upp-
sögn sína úr utanríksþjónustunni
og mun hann taka við stöðu fasta-
fulltrúa íslands hjá Sameinuðu
þjóðunum í haust. Þá lætur af því
starfi Hans G. Andersen, sendi-
herra, fyrir aldurs sakir. Bæði
Benedikt og Jón Baldvin Hannib-
alsson, utanríkisráðherra, segjast
ánægðir með þessa niðurstöðu.
„Eg hafði farið þess á leit við
Benedikt Gröndal að hann birti ekki
afsagnarbréf sitt fyrr en mér hefði
gefizt kostur á því að ræða við
hann,“ sagði Jón Baldvin Hanni-
balsson, utanríkisráðherra í samtali
við Morgunblaðið í gær. „Ég sagði
honum að mér þætti mjög miður að
málið hefði verið gert opinbert með
þessum hætti áður en okkur gafst
kostur á að ræðast við. Tilgangur
fundar míns með honum fyrir helgi
var sá að fá hann til að hætta við
þá ákvörðun. Þetta varðar fram-
kvæmd á tillögum ráðuneytisins um
breytt skipulag og starfshætti. Að
sjálfsögðu hafði ráð verið fyrir því
gert að um leið og hin svokölluðu
heimasendiráð verða lögð niður, að
fela heimasendiherrunum önnur
verkefni.
Úr því sem komið er, er það ekk-
ert launungarmál að ég bauð Bene-
dikt Gröndal starf skrifstofustjóra
alþjóðadeildar ráðuneytisins og þar
með starf staðgengils ráðuneytis-
stjóra. Benedikt hafnaði því enda
hafði hann tjáð mér að hann hefði
ekki hug á að veita forstöðu sendi-
ráði erlendis. Hans G. Andersen,
þjóðréttarfræðingur og sendiherra,
hefur á undanfömum árum gegnt
störfum sem fastafulltrúi íslands hjá
Sameinuðu þjóðunum með aðsetur í
New York. Hann lætur af störfum
fyrsta október fyrir aldurs sakir. Það
hafði ekki í skipulagstillögunum enn
verið tekin ákvörðun um það hver
tæki við af honum. Niðurstaða mín
varð því sú, að ég lagði þá tillögu
fyrir Benedikt, að hann tæki við
þessu starfí með skýrskotun til
margvíslegrar reynslu hans fyrr af
starfi á vettvangi Sameinuðu þjóð-
anna og til þess góða orðs sem hann
gat sér á sínum tíma þegar hann var
sendiherra í Stokkhólmi og fullltrúi
íslands á ráðstefnunni um svokallað-
ar traustvekjandi aðgerðir í afvopn-
unarmáium í Evrópu. Þrátt fyrir að
Benedikt hefði áður sagt mér að
hann hefði ekki hug á því að veita
forstöðu séndiráði erlendis, tók hann
þetta til skoðunar. Niðurstaðan varð
sú, að hann ákvað að draga uppsögn
sína til baka og taka tilboði um nýtt
starf. Ég tel þetta vel ráðið, þó ég
hafí áður gert ráð fyrir öðru“ sagði
Jón Baldvin.
Bendikt Gröndal. sagði í samtali
við Morgunblaðið, að uppsögn hans
hefði verið tilkomin vegna óánægju
hans með verkefnaskort sem heima-
sendiherra, en starfíð hefði að mestu
verið lagt niður frá síðustu áramót-
um. „Ég sá ekki hvað við tæki og
undi því illa að vera verklaus og lagði
þess vegna inn afsögn mína. Reglan
er sú, að þegar starf hjá hinum opin-
bera er lagt niður, skal þeim, sem
VEÐURHORFUR í DAG, 20. JÚNÍ
YFIRLIT í GÆR: Vestan- og suðvestanátt á landinu, hvöss á stöku
stað norðanlands en víðast kaldi eða stinningskaldi. Frá sunnan-
verðum Vestfjörðum. ( Mýrdal var skýjað en léttskýjaö annars stað-
ar. í sólskininu var 11-16 stiga hiti en nokkru svalara undir skýja-
breiðum.
SPÁ: Sunnan- og suðvestanátt, sumstaðar allhvöss, og rigning
sunnanlands og vestan en heldur hægari og úrkomulítið norðaust-
an til á landinu. Lægir þó líklega og styttir upp að mestu vestan-
lands undir kvöld. Hiti 10-15 stig.
1/EÐURHORFUR NÆSTU DAGA:
HORFUR Á MIÐVIKUDAG: Suðvestanátt. Fremur svalt eða vætu-
samt á Suöur- og Vesturlandi en léttskýjað og hlýtt að deginum
norðanlands og austan.
HORFUR Á FIMMTUDAG: Vestanátt víðast hvar á landinu. Kalt
miðað við árstíma og rigning eða skúrir á Vestur- og Norðurlandi
en þurrt sumstaðar léttskýjað á Suðaustur- og Austurlandi.
VEÐUR VÍÐA UM HEIM kl. 12:00 í gær að ísl. tíma hlti veður Akureyri 12 skýjað Reykjavik 8 skýjað
Bergen 21 léttskýjað
Helsinki 20 skýjað
Kaupmannah. 25 léttskýjað
Narssarssuaq 7 rigning og súld
Nuuk 0 þoka
Ósló 26 léttskýjað
Stokkhólmur 23 léttskýjað
Þórshöfn 12þoka
Algarve vantar
Amsterdam 27 léttskýjað
Barcelona 25 léttskýjað
Berlín 23 léttskýjað
Chicago 19 þokumóða
Feneyjar vantar
Frankfurt 26 léttskýjað
Glasgow 27 léttskýjað
Hamborg 25 léttskýjað
Las Palmas 25 léttskýjað
London 26 léttskýjað
Los Angeles 17 hálfskýjað
Lúxemborg 26 léttskýjað
Madríd vantar
Malaga 27 léttskýjað
Mallorca 25 skýjað
Montreal 17 léttskýjað
New York 22 mistur
Orlando 23 heiðskírt
París vantar
Róm 23 þokumóða
Vín 22 skýjað
Washington 23 mistur
Winnipeg vantar
Benedíkt Gröndal
það skipar, boðið sambærilegt starf.
Ráðherra fór þá leið og bauð mér
annað starf, en gaf þess engan kost
að hætt yrði við að leggja heima-
sendiráðin niður,“ sagði Benedikt.
„Þar kom að hann bauð mér stöðu
fastafulltrúa hjá Sameinuðu þjóðun-
um að ég ákvað að taka því boði
frekar en að fara á ellilaun. Þessi
staða er mjög frábrugðin annarri
utanríkisþjónustu og á jjessum vett-
vangi þekki ég vei til. Ég gleðst yfír
þessari niðurstöðu úr því sem komið
er, en ég hafði áður óskað þess, að
er ég kæmi heim frá Stokkhólmi,
fengi ég að Ijúka starfsferlinum
heima. Svo verður nú ekki, en ég er
sáttur við það eftir efnum og ástæð-
um,“ sagði Benedikt Gröndal.
Hannes Jónsson
Dr. Jakob Jónsson
Dr. Jakob
Jónsson
látinn
LÁTINN er í Reykjavík dr.
Jakob Jónsson prestur,
fræðimaður og rithöfimdur.
Jakob fæddist 20. janúar
1904 á Hofi í Álftafírði í Suð-
ur-Múlasýslu, sonur hjón-
anna Jóns Finnssonar prests
þar og konu hans Sigríðar
Hansdóttur.
Jakob lauk stúdentsprófi frá
MR 1924 og guðfræðiprófí frá
Háskóla íslands 1928. Hann
stundaði framhaldsnám í há-
skólanum í Winnipeg 1934-35,
tók licentiat-próf í guðfræði í
Lundi 1961 og varð doktor í
guðfræði frá HI 1965 fyrir bók
sína um kímni og skop í Nýja
testamentinu.
Jakob varð aðstoðarprestur
föður síns á Djúpavogi og prest-
ur á Norðfirði 1929-35. Hann
þjónaði sem prestur íslenskra
safnaða vestanhafs 1935-40 og
í Hallgrímsprestakalli ' í
Reylqavík 1941-1974. Hann
kenndi við bamaskóla, mennta-
skóla og guðfræðideild háskól-
ans og samdi fjölda rita og
bóka.
Eftirlifandi eiginkona Jakobs
er Þóra Einarsdóttir.
Vítavert athæfi
- segir utanríkisráðherra um ummæli
Hannesar Jónssonar heimasendiherra
Utanríkisráðherra kallaði
Hannes Jónsson, heimasendi-
herra, á sinn fiind í gærmorgun
vegna ummæla hans á þá leið að
ráðgjafar utanríkisráðherra væru
fúskarar.
„Án þess að skýra frá samtali
okkar í smáatriðum, var niðurstaða
þess sú, að ég krafðist þess að sendi-
herrann bæðist velvirðingar á þess-
um ummælum þar sem þau væru
óviðurkvæmileg og samræmdust
ekki skyldum hans sem sendiherra,“
sagði Jón Baldvin Hannibalsson, ut-
anríkisráðherra, í samtali við Morg-
unblaðið. „Auk þess sagðist ég von-
ast til þess að því mætti treysta að
framkoma af þessu tagi endurtæki
sig ekki. Honum var tjáð að hann
fengi formlega áminningu frá ráðu-
neytisstjóra vegna þessara ummæla
og hana hefur hann þegar fengið.
Utanríksráðherra er auðvitað
ábyrgur fyrir þeim tillögum um
skipulagsbreytingar á utanríkisþjón-
ustunni, sem kynntar hafa verið. Þær
hafa verið í undirbúningi í hálft ár,
þar hefur víða verið leitað fanga og
áður en þær voru birtar voru haldnar
um þær sérstakir fundir með ráðu-
neytisstjóra og skrifstofustjórum að-
alskrifstofa ráðuneytisins auk þess
sem skýrslan hefur verið send öllum
starfsmönnum utanríkisþjónustunn-
ar og þar með gefínn kostur á því
að fá athugasemdir og tillögur frá
fólkinu og ýmsir þeirra hafa notfært
sér það. Það, sem ekki er ásættan-
legt, er að einstakir embættismenn
sem, sem eiga að framfylgja stefnu
ráðherra og ríkisstjómar, skuli vekj-
ast upp í ijölmiðlum með órökstudd-
an skæting um stefnu ráðuneytisins
í mikilvægum málum og grafa þann-
ig undan trausti almennings og ann-
arra, sem málið varðar, eins og til
dæmis erlend ríki. Þetta er með öllu
óviðunandi, ósæmilegt og vítavert
athæfí af hálfu sendiherra.
Til skýringar má nefna eftirfar-
andi dæmi: Ef utanríkisráðherra birt-
ir eða boðar nýjar tillögur á sviði
utanríksmála, til dæmis um afvopn-
unarmál, má öllum ljóst vera að
sendiherra utanríkisþjónustunnar,
sem kæmi fram í fjölmiðlum og kall-
aði ráðgjafa ráðherrans fúskara eða
tillögumar byggðar á fáfræði, væri
óhæfur til að vinna að framgangi
þeirra mála. Þess hlyti að verða
krafizt að slíkur maður segði.af sér.
Þegar um er að ræða tillögur, sem
varða skipulagsbreytingar, gegnir
sama máli. Sendiherrar em ráðnir
með sérstökum skilmálum, sem fela
í sér að þeir kunna að vera sendir
til starfa á vettvangi sendiráða er-
lendis eða færðir til í starfí í sam-
ræmi við ákvarðanir yfirmanna
sinna. Þegar um er að ræða skipu-
lagsbreytingar, fela þær að sjálf-
sögðu í sér að verði störf lögð niður,
eiga menn kost á öðrum störfum.
Te\ji þeir hins vegar slíkar tillögur
óásættanlegar og vilji ekki una þeim,
eiga þeir að sjálfsögðu þann kost,
að segja af sér og ávinna sér þannig
rétt til að gagnrýna þær opinber-
lega,“ sagði Jón Baldvin Hannibals-
son.
Ekki náðist í Hannes Jónsson
sendiherra eftir fund hans með ut-
anríkisráðherra.