Morgunblaðið - 16.04.1992, Blaðsíða 1

96 SIÐUR B/C
90. tbl. 80. árg. FIMMTUDAGUR 16. APRÍL 1992 Prentsmiðja Morgunblaðsins
Refsiaðgerðir Sameinuðu þjóðanna gegri Líbýu taka gildi:
Líbýumenn vísa stjóni-
arerinclrekiun úr landi
Trípólí, Lundúnum. Rcuter.
LÍBYUMENN létu í g-ær á það reyna hvort loftferðabanni Sameinuðu
þjóðanna til og frá Líbýu yrði framfylgi og sendu farþegaþotur til
Kaíró, Ziirich og Túnisborgar þótt þeir hefðu verið varaðir við því
að þoturnar fengju ekki að Ienda þar. Þotunum var öllum skipað að
snúa við. Stjórnvöld víða um heim byrjuðu að vísa líbýskum sendiráðs-
mönnum úr landi og líbýska fréttastofan JANA sagði að Líbýumenn
myndu gjalda í sömu mynt og vísa erlendum stjórnarerindrekum frá
Líbýu.
Yfirvöld í Egyptalandi og Túnis
neituðu líbýsku þotunum um lend-
ingarleyfi og ítalska flugumferðar-
stjórnin bannaði þotunni, sem var á
leið til Ziirich, að fara inn fyrir loft-
helgi Ítalíu. Stjórnvöld í Frakklandi,
Japan, Svíþjóð, Belgíu og á Ítalíu
tilkynntu að verið væri að vísa líb-
ýskum stjórnarerindrekum úr landi.
Refsiaðgerðimar gegn Líbýu,
sem voru samþykktar í öryggisráði
Sameinuðu þjóðanna, tóku gildi í
fyrrinótt. í þeim felst að flugsam-
göngur til og frá Líbýu verða bann-
aðar, auk þess sem bann er sett við
sölu vopna til landsins og fjöldi líb-
ýskra sendiráðsmanna erlendis
verður takmarkaður. Gripið var til
refsiáðgerðanna til að knýja á um
að líbýskir liryðjuverkamenn yrðu
framseldir til Vesturlanda vegna
gruns um að þeir hefðu sprengt
bandaríska farþegaþotu í loft upp
yfir skoska bænum Lockerbie árið
1988 og franska þotu yfir Afríkurík-
inu Níger árið eftir. 441 maður beið
bana í sprengjutilræðunum.
Forystumenn stéttarfélaga
arabískra flugvallastarfsmanna
komu saman í Trípólí í gær og sam-
þykktu að takmarka viðgerðaþjón-
ustu við flugfélög frá Bandaríkjun-
um, Bretlandi og Frakklandi frá 20.
til 30. apríl til að mótmæla refsiað-
gerðúnum.
Douglas Hurd, utanríkisráðherra
Bretlands, kvaðst vona að refsiað-
gerðirnar yrðu til þess að Iibýu-
menn framseldu sakborningana en
sagði að til greina kæmi að setja
einnig bann við sölu á olíu frá Líbýu.
Boutros Boutros-Ghali, fram-
kvæmdastjóri Sameinuðu þjóðanna,
sagði að málamiðlunarsamkomulag
kæmi ekki til greina en kvaðst ætla
að freista þess að finna friðsamlega
lausn á deilunni.
Rússland:
Reutcr
Kommúnistar hrópa vígorð gegn rússnesku stjórninni við múra
Kremlar í gær er fulltrúaþingið lagði blessun sína yfir umbótastefnu
hennar.
Ríkissljórnin situr áfram
Moskvu. Reuter.
RÚSSNESKA ríkisstjórnin dró
í gær til baka lausnarbeiðni sína
eftir að fulltrúaþingið sam-
þykkti efnahagslega umbóta-
stefnu Borís Jeltsíns forseta.
Fulltrúaþing Rússlands sam-
þykkti umbótastefnuna í gær með
578 atkvæðum gegn 203. Á
þriðjudag hafði þingið samþykkt
efnahagsstefnuna í grundvallar-
atriðum.
Þannig brást þingið við lausnai'-
beiðni ríkisstjórnarinnar frá því á
mánudag. Stjórnin hótaði að fara
frá vegna þess að fulltrúaþingið
hafði lagt stein í götu hennar á
laugardag með ýmsum breyting-
artillögum við stefnu hennar.
I ályktun gærdagsins sagði að
ríkisstjórnin ætti að framfylgja
samþykktri stefnu „með tilliti til
aðstæðna“ og er það orðalag talið
gefa stjórninni frjálsar hendur við
efnahagsumbæturnar.