Morgunblaðið - 01.08.1992, Blaðsíða 1
fMtrjptsiMaltóílk
MENNING
LISTIR
PRENTSMIÐJA MORGUNBLAÐSINS LAUGARDAGUR 1. ÁGÚST 1992 BLAÐ
Þessa dagana standa yfir átta ljósmyndasýn-
ingar í Reykjavík — í Perlunni, Ráðhúsinu
og á Kjarvalsstöðum — í sambandi við þing
Norrænu ljósmyndarasamtakanna sem hald-
ið var á Höfn í liðinni viku. Bæði eru til sýn-
is verk íslenskra atvinnuljósmyndara og
myndir eftir norræna og bandarískan ljós-
myndara. Á Kjarvalsstöðum er sýning á
myndum tveggja Svía og hins dansk-íslensk
ættaða Bandaríkjamanns Torkils Guðnason-
ar. Torkil hefur um árabil haft aðsetur í New
York og aðallega unnið við tískuljósmyndun,
til dæmis fyrir Harper Baazar, Vouge og
LA Style. Hér sýnir hann hinsvegar náttúru-
myndir. Kenneth Sund vinnur með polaroid-
myndir og hefur vakið athygli fyrir nýstár-
lega úrvinnslu þeirra, en landi hans Bengt
Wanselius starfar við Konunglega leikhúsið
í Stokkhólmi og sýnir myndir úr uppsetning-
um Ingmars Bergmans á tveimur leikritum.
I Perlunni er viðamikil sýning Ljósmyndara-
félags lslands á myndum eftir þrjátíu félags-
menn. Auk þess sýnir hinn sænski Torbjörn
Lövgren þar ljósmyndir af norðurljósum og
Finninn Matti Koivisto sýnir myndir frá norð-
urslóðum, en í þeim leggur hann áherslu á
samskipti manns og jarðar. Loks stendur
yfir í Ráðhúsi Reykjavíkur sýningin
Nordfackfoto, en henni er ætlað að sýna
þverskurð af því helst sem ljósmyndarar á
Norðurlöndum eru að starfa að. Fjórir ís-
lendingar eiga myndir á sýningunni, en hún
hefur farið víða um Norðurlönd. Meðfylgj-
andi ljósmyndir eru af þessari sýningu.
Erik Berg, Noregi.