Morgunblaðið - 26.08.1992, Blaðsíða 2

Morgunblaðið - 26.08.1992, Blaðsíða 2
2 MORGUNBLAÐIÐ MIÐVIKUDAGUR 26. ÁGÚST 1992 Karlakórinn Hekla er að fá á sig endanlega mynd Guðný Hall- dórsdóttir sést hér við tökur leið- beina tveimur af leikurun- um, Magnúsi Ólafssyni til vinstri og Gunnari Gunnarssyni. Ljósmynd/María Guðmundsdóttir Hér má sjá átriði úr myndinni þar sem Karlakórinn Hekla syngur við jarðarför. Tökum lokið o g klipping hálfnuð TÖKUM á kvikmynd Guðnýjar Halldórsdóttur Karlakóraum Heklu lauk nú nýverið i smábænum Blankenberg í suðurhluta Þýskalands. Þær höfðu þá staðið yfir í fimm vikur samfleytt í Svíþjóð og Þýskalandi en áður var lokið tökum á Islandi. Guðný Halldórsdóttir gerir ráð fyrir að myndin verði tilbúin í desember og að hugsanlega verði hún tekin til almennra sýninga þá. Guðný sagði í samtali við Morgunblaðið að fram- leiðsla myndarinnar hefði gengið samkvæmt áætlun. „Það fylgdi okkur einhver vemdarengill á meðan á tökum stóð. Engar tafír urðu á gerð myndarinnar og eins og er stenst myndin upphaflega kostnaðaráætl- un.“ Hún sagði ennfremur að búið væri að fjármagna myndina að fullu og að það fjármagn hefði fengist víða að úr heiminum. „Erlent fjármagn er meira en það íslenska en myndin er engu að síður alíslensk. Ýmsir sjóðir íslenskir og erlendir styrktu myndina en auk þess útvegaði þýskur samstarfsaðili okkar, kvik- myndafyrirtækið Aritel, styrki í Þýskalandi." „Myndin á að fara á Berlínarhátíðina í febrúar en við viljum þó gjarnan frumsýna hana hér á landi um jólin. Það á þó eftir að koma í ljós því myndir á Ber- línarhátíðinni era venjulega ekki frumsýndar áður.“ Guðný hrósaði öllu samstarfsfólki sínu og sagði samstarf hafa gengið ákaflega vel. Alls störfuðu að jafnaði um 60 manns við myndina að sögn Guðnýjar en þar af voru 30 leikarar. Kópavogshælið fram úr áætlun Aðstandendur boðaðir á fund REKSTUR Kópavogshælisins er nú kominn fram úr ramma fjár- laga og ef heldur sem horfir eru líkur á að verulega verði að fækka starfsfólki hælisins. Sökum þessa hafa aðstandendur sjúklinga á Kópavogshæli verið boðaðir til fundar í dag með stjórn hælisins þar sem ræða á stöðuna og leiðir til úrbóta. Pétur J. Jónasson framkvæmda- stjóri Kópavogshælisins segir að þessi staða hafí ekki komið upp áður hjá hælinu. í júlímánuði hafí rekstur- inn hinsvegar verið kominn um sex milljónir fram úr ramma fjárlaga, það er gert var ráð fyrir að rekstur- inn kostaði 148 milljónir fyrstu sjö mánuði ársins en reyndin varð 154 milljónir króna. „Okkur er gert að spara jafnmikið og aðrir ríkisspítalar í rekstri en hinsvegar getum við ekki lokað deiidum hjá okkur eins og aðrir spítalar til að ná fram sparn- aði í rekstri," segir Pétur. „Afleys- ingar vegna sumarleyfa urðu okkur dýrari en við gerðum ráð fyrir og þetta tvennt hefur leitt til þess að við sjáum fram á að þurfa að draga verulega úr þjónustu okkar. Því boð- uðum við aðstandendur sjúklinganna til fundar við okkur.“ Að sögn Péturs er stjórn hælisins gert að skera niður launakostnað sinn á þessu ári um 6,7% og gæti það þýtt að fækka þurfti um all- marga starfsmenn, eða sem nemur ellefu stöðugildum. Aðspurður um hvað sé til ráða í þessari stöðu seg- ir Pétur að það verði rætt á fundin- um með aðstandendum. ♦ ♦ ♦ Forsætisráðherra vitnar í fundargerð ríkisstjórnar Steingríms Hermannssonar Síðasta ríkisstjóm ræddi ýtar- lega ráðherraskýrslu iun EES Ólafur Ragnar óskar eftir birtingu allra fundargerða ríkisstjórna um EES Bílaviðskipti Sölulaun af bílamilli- gjof oheimil VERÐLAGSRÁÐ telur að bílasala sé óheimilt að krefjast sölulauna af bifreið sem boðin er sem greiðsla vegna kaupa á annarri bifreið þegar viðkomandi bílasali hefur ekki boðið til sölu þá bif- reið sem notuð er sem greiðsla í viðskiptunum. Bókun þessa efnis var samþykkt á fundi Verðlagsráðs í gær, en að sögn Georgs Ólafssonar verðlagsstjóra hefur fjöldi fyrirspurna borist Verð- lagsstofnun og Neytendasamtökun- um undanfarið vegna tilvika sem þessa. Bílasalar hafa um árabil tekið sölulaun af bifreiðum sem notaðar hafa verið sem greiðsla eða hluti greiðslu vegna kaupa á annarri bif- reið, þ.e. tekið full sölulaun af báðum bifreiðunum. Gildir þá einu hvort bflasali hafl verið beðinn um að ann- ast sölu bifreiðarinnar eða hvort bif- reiðin er boðin sem greiðsla beint, þ.e. án atbeina bílasalans. DAVIÐ Oddsson forsætisráðherra vitnaði í fundargerð af fundi í ríkis- stjóra Steingríms Hermannssonar sem fram fór í febrúar 1991 við umræður um EES-frumvarpið á Alþingi í gær en í fundargerðinni kemur fram að skýrsla utanríkisráðherra til Alþingis um stöðu EES; málsins í mars sama ár hafi verið ítarlega rædd í ríkissljórainni. í skýrslunni er komist að þeirri niðurstöðu að þær stofnanir sem varða samningssvið sameiginlegra stofnana á evrópska efnahagssvæðinu falli innan ramma stjóraarskrárinnar. „Því hefur margoft verið haldið fram að þessi skýrsla hafi aldrei verið kynnt í ríkisstjórn en hún var það, með töluverðum fyrirvara og rædd þar ítarlega,“ sagði Davíð í sam- tali við Morgubnlaðið. Ólafur Ragnar Grímsson brást við ummælum Davíðs með því að óska eftir að forsætisráðherra legði fram allar fundargerðir um EES-málið af ríkisstjómarfundum sem haldnir hafa verið frá í desember 1990. Fór Svavar Gestsson einnig fram á að þær upplýsingar yrðu lagðar fram. Davíð sagðist í samtali við Morgun- blaðið ætla að athuga þessa ósk og hafa samráð um það við forvera sinn Steingrím Hermannsson áður en hann tæki ákvörðun. Sagði hann að fundargerðir ríkisstjómafunda væra yfirleitt trúnaðarmál en ekki hefði verið hjá því komist að vitna í bókun þessa tiltekna ríkisstjómarfundar til að upplýsa um efnisatriði málsins. Til snarpra orðaskipta kom á Al- þingi við umræðumar í gær í kjölfar ræðu Bjöms Bjamasonar, formanns utanríkismálanefndar Alþingis, um EES-framvarpið. Vitnaði Bjöm í of- angreinda skýrslu utanríkisráðherra í tíð ríkisstjórnar Steingríms Her- mannssonar til þingsins í mars 1991 um stöðu EES-málsins sem Bjöm sagði að ráðherra hefði lagt fram fyrir hönd ríkisstjómarinnar. Bjöm sagði fráleitt að ætla að ráðherrum í ríkisstjóm Steingríms Hermannssonar hefði ekki öllum ver- ið kunnugt um að efasemdir væra uppi um það, hvort ýmis ákvæði EES-samningsins stæðust kröfur stjómarskrár. Sagði hann eðlilegt að fara fram á við ríkisstjómina að leit- ast verði við með öllum ráðum að fá úr því skorið hvemig ríkisstjórn Steingríms Hermannssonar hefði staðið að skýrslunni sem utanríkis- ráðherra lagði fram á Alþingi fyrir hennar hönd í mars árið 1991. Ótví- ræðar upplýsingar um það muni auð- velda mat á því, hvort það væra pólitísk viðhorf eða tillit til fræðilegr- ar niðurstöðu varðandi stjómarskrár- þátt málsins sem réðu ferðinni hjá þeim flokkum sem áttu fulltrúa í síð- ustu ríkisstjóm en væra nú í stjómar- andstöðu. Svavar Gestsson Alþýðubandalagi og Ólafur Ragnar mótmæltu ummæl- um Bjöms og sögðu að samningurinn hefði tekið miklum breytingum á þessum tíma. í tíð síðustu ríkisstjóm- ar hefðu Alþýðubandalagið og Fram- sóknarflokkurinn ekki viljað víkja frá skilyrðum í samningaviðræðunum um EES og utanríkisráðherra hefði aldrei fengið umboð til að ganga frá samningnum vegna þessa ósam- komulags fyrr en eftir myndun nú- verandi ríkisstjómar. Ólafur Ragnar sagði nauðsynlegt að allar upplýs- ingar um meðferð EES-málsins í tíð síðustu ríkisstjórnar yrðu lagðar fram eins og þær lægju fyrir í fundar- gerðum ríkisstjómarinnar. Sjá ennfremur á þingsíðu. Ólympíumótið í brids A Isiand er í þriðja sæti ÍSLAND er í 3. sæti í sínum riðli á Ólympíumótinu í brids eftir 9. umferðir en íslenska liðið vann alla þrjá leiki sína í gær. ísland vann Marokkó 21-9, Venezuela 20-10 og Indónesíu 25-3. Eftir 9 umferðir eru Bandaríkin efst í riðlinum með 188 stig, Holland 187 stig, ísland 186 stig, Noregur 170 stig og Svíþjóð 167 stig. í dag kepp- ir Island við Holland, Taiwan og Liechtenstein. Sjá bridsþátt bls. 16. * Ahugakafarar taka meinta forngripi úr skipsflökum á Breiðafirði Getgátur uppi um „gullskip“ AHUGAKAFARAR hafa fundið og kafað í tvö gömul skip á botni Breiðafjarðar og flutt í land hluti sem þjóðminjavörður telur vera gripi sem ætla megi að lúti vemdun laga um fomleifar. Að beiðni þjóðmiiyavarðar tók lögreglan á Patreksfirði skýrslu af köf- urunum í gær en þeir héldu í nótt til Reykja- vfkur og afhenda Þjóðminjasafninu munina í dag. Hollenskt Indíafar fórst í Flateyjar- höfn 1659, nokkrum árum áður en „gullskip- ið“ svokallaða á Skeiðarársandi, og er talið hugsanlegt að hluti munanna sé úr því. Sævar Árnason kafari telur að flakið sé eitt elsta skipsflak sem fundist hefur hér við Iand. Sævar Árnason rafvirki á Tálknafirði hefur ásamt tveimur félögum sínum leitað flakanna frá því á síðasta ári. Fundu þeir litinn trébút sem við rannsókn kom í ljós að var mjög gam- all. Um síðustu verslunarmannahelgi höfðu þeir fundið tvö flök. Sævar sagði í gærkvöldi að yngra flakið væri af saltfískskipi sem hefði greinilega brannið. Hann sagði að samkvæmt sínum heimildum væri eldra flakið eitt elsta skipsflak sem fundist hefði hér við land. í vestanveðrum gat orðið ókyrrt á Flateyjar- höfn. Fyrrum lágu skip inni á Höfninni en síðar lágu gufuskip útaf Bryggjuskerjum ^Klorninsur f„ Tröílcndi Hóls O ^ FUMs 1000m Egill Ölafsson fræðaþulur og minjavörður á Hnjóti sagði að munnmælasögur hermdu að hollenskt Indíafar hefði farist við Flatey á svip- uðum tíma og „gullskipið" svokallaða, þ.e. Het Wapen van Amsterdam, fórst á Skeiðarársandi en það var 1667. í Öldinni okkar er sagt að skipið hafi farist í Flateyjarhöfn 1659 og að skipsmenn hafí hangið á skut þess í særóti og frosti í nær tvö dægur áður en tókst að bjarga þeim. Af skipinu náðust fjórtán fallbyssur. Eg- ill sagði að munnmælasögurnar segðu að Hol- lendingar hefðu sent tvö herskip til að athuga afdrif skipsins sem fórst við Flatey en aftur á móti væri þess hvergi getið að þeir hefðu á sama hátt athugað með afdrif skipsins á Skeið- arársandi. „Þess vegna heyrði ég eldri menn varpa fram þeirri spurningu, þegar byrjað var að athuga með gullskipið svokallaða á sínum tíma, hvort hið raunverulega „gullskip“ væri ekki frekar við Flatey en á Skeiðarársandi," sagði Egill. Sævar sagði að flökin væra illa farin og sand- lag yfír þeim. Hann sagði að þeir væra að útbúa sandsugu til að nota til að komast niður á botn- stykki þess og að þeir vildu vinna með þjóðminja- verði að málinu. Hlutirnir sem Sævar afhendir þjóðminjaverði í dag eru glerkúpa, blakkir og tveir Ijósakúplar. Guðmundur Magnússon þjóðminjavörður sagðist í gær lítið vita um þá hluti sem kafararn- ir hefðu komið með í land því ekki hefði gefíst tækifæri til að rannsaka þá.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.