Morgunblaðið - 07.04.1994, Blaðsíða 22

22
MORGUNBLAÐIÐ FIMMTUDAGUR 7. APRÍL 1994
í Tyrklandi
SOPHIA hefur ekki séð dætur sínar Dagbjörtu og Rúnu í tvö
ár. Hún segir að tyrkneskur lögfræðingur hennar hafi hitt lög-
fræðinga sem starfað hafi fyrir fyrrverandi eiginmann hennar.
Þeir síðarnefndu hafi sagt honum að þeir væru hættir að starfa
fyrir Halim enda hafi hann ekki farið að ráðum þeirra. Myndin
að ofan er tekin í Istanbúl árið 1992.
Dæmt í máli Sophiu eftir íslenskum lögum
„Held að málinu
ljúki á þessu ári
„VIÐ vitum ekki enn hvenær undirréttur tekur málið fyrir, en
ég held að þessu hljóti að ljúka á árinu. Þær verði ekki látnar
ganga í gegnum meira en þær hafa þurft að gera hingað til,“
segir Sophia Hansen. Hæstiréttur í Istanbúl í Tyrklandi hefur
ógilt dóm undirréttar frá því í desember um forræði Halims Als,
fyrrum eiginmanns hennar, yfir tveimur dætrum þeirra.-Undir-
rétti er fyrirskipað að taka á málinu samkvæmt íslenskum lögum
og staðfesta forræði Sophiu yfir stúlkunum. Hún hefur ekki feng-
ið að sjá þær í tvö ár.

Sophia sagði að hæstiréttur
hefði tekið málið fyrir um hátíðam-
ar. Afstaða hans væri skýr og
byggðist á því að ekki væri hægt
að rifta hjónabandi þeirra Halims
að tyrkneskum lögum þar sem
ekki væri stofnað til þess sam-
kvæmt þeim. Skipað væri svo fyrir
að taka ætti á málinu samkvæmt
íslenskum lögum og staðfesta ís-
lenskan úrskurð um forræði Sop-
hiu yfir stúlkunum. Þær skuli tekn-
ar af föður sínum og færðar til
vandalausra þar til úrskurður fáist.
Beðið eftir greinargerð
Sophia kvaðst halda að látið
yrði til skara skríða og stúlkurnar
teknar frá föður sínum þegar ítar-
leg greinargerð hæstaréttar hefði
borist eftir 10 til 15 daga. Hún
sagðist ekki vita hvetjir yrðu þar
á ferðinni eða hvert yrði farið með
systumar því eftir því sem hún
best vissi væru ekki til bamaheim-
ili i Tyrklandi til að koma bömum
fyrir undir kringumstæðum sem
þessum. Ekki vissi hún hvort kveð-
ið væri á um umgengnisrétt for-
eldra meðan málið stæði yfír í
greinargerð hæstaréttar. Ef svo
væri ekki væri þó ljóst að farið
yrði fram á umgengnisrétt af henn-
ar hálfu.
Hún sagðist vona að ekki liði á
löngu þar til hún sæi dætur sínar
á ný. „Annars sagði Hasíp lögmað-
ur minn að Halim færi örugglega
með þær til Pakistan. Við því má
alveg eins búast. Hann er þá að
fara nákvæmlega eins að og hann
sakaði mig um að ætla að gera.
En ég hef alltaf farið að lögum
og trúi ekki öðru en þeir handsami
hann reyni hann að flýja með böm-
in,“ sagði Sophia og hafði eftir
Hasíp að dómarar í hæstarétti
hefðu fullvissað hann um að harð-
iega yrði tekið á Halim bryti hann
af sér.
Styrkur frá borginni
Sophia sagðist hafa skilið Hasíp
á þann veg að ekki þyrfti að taka
máiið aftur fyrir í hæstarétti yrði
farið að vilja réttarins í undirrétti.
Ef undirréttur hins vegar hafnaði
því að staðfesta forræði Sophiu
yrði málið útkljáð í hæstarétti.
Sophia lét þess getið að málinu
væri nú vísað til sama dómara og
áður. Hæstiréttur hefði í tvígang
ógilt dóma hans í málinu með þeim
afleiðingum að orðspor hans hefði
spillst. Hæstiréttur væri greinilega
að neyða hann til að fara að lögum.
Reykjavíkurborg hefur ákveðið
að styrkja Sophiu um 500.000 kr.
Hún lýsti yfir ánægju sinni með
það, en sagði að yfir öllum gleði-
fréttunum hvíldi áfram sá skuggi
að átakið skuldaði 14 milljónir.
Breytingar á brunatryggingum vegna EES-samningsins
Einkaréttur á bruna-
tryggingum afnuminn
Sveitarstjórnir geta ekki samið um tryggingar fyrir íbúana
EINKARETTUR Húsatrygginga Reykjavíkur á brunatryggingum
fasteigna í borginni fellur niður um næstu áramót samkvæmt frum-
varpi sem tryggingaráðherra hefur lagt fram á Alþingi. Ráða þá
eigendur fasteigna hjá hvaða tryggingafélagi þeir brunatryggja eign-
irnar. Þá verða húseigendur utan höfuðborgarsvæðisins einungis
bundnir til næstu áramóta af samningum sem gerðir hafa verið
milli sveitarfélaga og vátryggingafélaga um brunatryggingar allra
húseigna í viðkomandi sveitarfélagi.
Þetta er gert vegna samningsins
um Evrópskt efnahagssvæði, en
samkvæmt samkeppnisreglum þess
samnings þarf að fella niður heim-
ild bæjar- og sveitarstjórna utan
Reykjavíkur til að semja við eitt eða
fleiri vátryggingafélög um bruna-
tryggingar á öllum húsum í viðkom-
andi umdæmi. Samkvæmt laga-
frumvarpinu skulu húseigendur á
þessum svæðum þó tilkynna trygg-
ingafélagi sínu, í síðasta lagi fyrir
30. nóvember næstkomandi, ef þeir
hyggjast flytja þessar tryggingar
til annars félags. Annars framleng-
ist tryggingin í eitt ár.
í Reykjavík hafa Húsatryggingar
Reykjavíkur haft einkarétt á að
brunatryggja fasteignir og fékk
Reykjavíkurborg undanþágu frá
ákvæðum EES-samningsins til að
geta haldið áfram því fyrirkomu-
lagi. Nýjar tilskipanir Evrópusam-
bandsins gera það nú að verkum
að afnema verður einkarétt Húsa-
trygginga á brunatryggingum en
undanþágan gildir að öðru leyti
áfram gagnvart Húsatryggingum
enda breyti þær í engu fyrirkomu-
lagi eða umfangi starfsemi sinnar.
Húseigendur í Reykjavík þurfa,
samkvæmt frumvarpinu, að til-
kynna Húsatryggingum Reykjavík-
ur skriflega, fyrir 30. nóvember,
hyggist þeir flytja brunatryggingu
sína til annars félags en að öðrum
kosti framlengist tryggingin í eitt
ár.
Skylduvátrygging
Frumvarpið kveður á um skyldu-
vátryggingu húseigna gegn elds-
voða. Því mega vátryggingafélög
ekki taka gilda uppsögn skyldu-
tryggingar nema jafnframt sé full-
víst að vátrygging hafi verið tekin
hjá öðru tryggingafélagi. Sama
regla gildir við eigendaskipti.
Milliganga til að koma á viðskiptasamböndum nauðsyn í Kína
Svíar bjóða aðstöðu
fyrir sendiráð í Kína
SÆNSK stjórnvöld hafa boðist til að láta íslendingum í té aðstöðu
í sendiráði sínu í Peking fyrir íslenskt sendiráð í Austurlöndum fjær,
að sögn Jóns Baldvins Hannibalssonar utanríkisráðherraj sem er á
ferðalagi um Austurlönd og er nú staddur í S-Kóreu. I starfsliði
íslenska sendiráðsins verður fyrst um sinn diplómat með sendiherra-
nafnbót, lægra settur stjórnarerindreki og kínverskur ritari. Jón
Baldvin segir að áform um stofnun sendiráðs hafi þegar verið kynnt
ríkissljórn og utanríkismálanefnd Alþingis og í drögum að fjárhagsá-
ætlun utanríkisráðuneytisins fyrir næsta ár sé gert ráð fyrir fram-
lagi til að koma sendiráðinu á fót. Forsætisráðherra, Davíð Odds-
son, sagði í fyrirspurnartíma á Alþingi í gær að ekki hefði verið
tekin endanleg ákvörðun í ríkisstjórn um opnun sendiráðsins.
Páll Pétursson þingmaður Fram-
sóknarflokks spurði Davíð Oddsson
á Alþingi í gær hvenær ríkisstjórn-
in hefði tekið ákvörðun um opnun
sendiráðsins og hvernig hún hugs-
aði sér að fjármagna starfsemi þess.
Davíð Oddsson sagðist ekki hafa
fengið nákvæma texta frá fundum
utanríkisráðherra í Kína en sagði
að málið hefði verið rætt í ríkis-
stjórn og innan hennar stæði vilji
til þess að opna skrifstofu sendiráðs
íslands, þó með þeim hætti að slík
aðstaða yrði í tengslum við annað
norrænt sendiráð. Annar fulltrúa
íslendinga yrði með sendiherra-
nafnbót en það væri talið þýðingar-
mikið ef þjóð vildi koma sínum
málum fram. Ef fulltrúi þjóðarinnar
á vettvangi bæri slíka nafnbót ætti
hann auðveldara um vik í stjórn-
kerfi viðkomandi lands.
Davíð sagði að ákvörðun hefði
ekki verið tekin í ríkisstjórn enda
væri ekki komin endanleg niður-
staða í samtölum við norræna
frændur okkar um skipan mála
hvað þetta varðaði. „Það hafa verið
nokkrar efasemdir uppi um að hægt
væri að hafa tvo sendiherra starf-
andi í sömu sendinefndarbyggingu
og undir sendinefndarvæng annarr-
ar norrænar þjóðar. Ég hygg þó
að það muni leysast, vilji hefur stað-
ið til þess og ég tel það vera skyn-
samlegt. Kínveijar hafa hér lengi
haft sendiráð og íslendingar höfðu
á þeim tíma, þegar það sendiráð
var opnað, góð orð um að slíkt
sendiráð yrði opnað á móti,“ sagði
Davíð.
Ýmsar ástæður að baki
„Það hefur lengi verið í undirbún-
ingi að utanríkisþjónustan íslenska
kæmi upp aðstöðu fyrir sendiráð í
Austurlöndum fjær, Alþingi hefur
áíyktað um það og utanríkisráðu-
neytið hefur unnið að undirbúningi
málsins,“ sagði Jón Baldvin. Hann
sagði að sóst hefði verið eftir sam-
vinnu við önnur Norðurlönd um
málið og Svíar reynst tilbúnir að
láta aðstöðu í té.
Jón Baldvin sagði að nokkrar
ástæður lægju að baki því að rétt
hefði verið talið að staðsetja sendi-
ráð í Austurlöndum fjær í Kína.
Auk þess sem Kínveijar hefðu
sendiráð á íslandi væru aðstæður
í landinu frábrugðnar t.d. Japan og
Kóreu að því leyti að í þeim löndum
væri í stórum dráttum markaðsum-
hverfi, þar hafi útflutningssamtök
starfandi fulltrúa og þar sé ekki
þörf á milligöngu stjórnvalda til að
koma á viðskiptasamböndum. Slík
milliganga sé hins vegar óhjákvæmi-
leg og nauðsynleg i Kína. Akvörðun
um staðsetningu sendiráðs í Kína
hafí verið tekin í samræmi við óskir
samtaka útflytjenda og að höfðu
samráði við þau samtök.
Kveðja
að kvöldi
10 mínútna símtal frá Stykkishólmi til
Hafnar á kvöldin kostar aðeins
PÓSTUR OG SÍMI
Sjá nánar í símaskránni bls, 9.
Unglingar brutu
rúður í 100 bílum
Keflavík.
„ÆTLI þeir hafi ekki brotið rúður í um 100 bílum og það er
ýóst að tjónið nemur hundruðum þúsunda króna,“ sagði Guðjón
Þórarinsson sem rekur bílapartasölu BG við Flugvallarveg í
Keflavík. Um páskana fékk Guðjón heimsókn unglinga sem
brutu nánast hverja einustu rúðu í þeim 100 bílum sem voru á
athafnasvæði bílapartasölunnar.
Guðjón sagði að skemmdar-
vargarnir hefðu verið tvisvar á
ferð og hefði hann komið að þrem
piltum sem hefðu gengið skipu-
lega til verks við rúðubrotin. Hon-
um hefði tekist að ná einum þeirra
og vitað væri hveijir liinir tveir
væru. Þarna væri um að ræða
pilta á aldrinum 11-13 ára og
litlar líkur væru á að þeir væru
borgunarmenn fyrir tjóninu. Guð-
jón sagði að hann og lögregla
stæði ráðþrota vegna sífelldra
heimsókna unglinga sem hefðu
það eitt að markmiði að skemma
og lítið virtist vera hægt að gera
í þessum málum.
-BB