Morgunblaðið - 29.04.1994, Blaðsíða 2
2
MORGUNBLAÐIÐ FÖSTUDAGUR 29. APRÍL 1994
Halldór Ásgrímsson um breytingar á stjórn fiskveiða
Ríkar ástæður fyrir að
hefta ekki kvótaframsal
Framsóknarmenn tala út frá þröngnm
hagsmunum, segir sjávarútvegsráðherra
ÞINGMENN Framsóknarflokksins gagnrýndu á Alþingi fyrir-
ætlanir stjórnvalda um að takmarka framsal aflaheimilda
milli skipa, eins og boðað er í breytingartillögum meirihluta
sjávarútvegsnefndar Alþingis við frumvarp um stjórn fisk-
veiða. Sjávarútvegsráðherra sagði að framsóknarþingmenn
ræddu um málið út frá þröngum hagsmunum svonefndra
Atvinnumanna í sjávarútvegi en höfnuðu afstöðu sjómanna.
Hætt við
fyrirhugað
sérframboð
EKKERT verður af því að hóp-
ur undir forystu Inga Björns
Albertssonar, alþingismanns,
bjóði fram til borgarstjórnar
Reykjavíkur í vor. Ingi Björn
sagði að ástæðan væri fyrst og
fremst tímaskortur. Hann sagð-
ist hafa fundið fyrir miklum
áhuga fólks á því að bjóða fram
fleiri valkosti.
Ingi Bjöm sagði að margir hefðu
haft samband við sig og lýst yfir
áhuga á að stuðla að því að fram
kæmi þriðja framboðið. Hann
sagðist hins vegar hafa farið seint
af stað til að skoða þennan mögu-
leika og að tíminn hefði reynst of
naumur. Ingi Bjöm sagðist hafa
viljað vanda til þessa framboðs,
en ekki hlaupa af stað án alls und-
irbúnings.
Ingi Bjöm var spurður hvort sá
hópur sem rætt hefur um framboð
síðustu daga muni hittast áfram.
„Já, við munum hittast í framhaldi
af þessu og spjalla saman með
alþingiskosningar í huga. Þetta er
orðinn myndarlegur kjami sem við
viljum halda saman.“
Þingmenn ræddu í gær og gær-
kvöldi framvarp um stjóm fiskveiða
og önnur framvörp því tengd. í
áliti meirihluta sjávarútvegsnefnd-
ar um lagaframvarpið segir, að
ástæða þess að þrengja eigi heim-
ild til flutnings aflamarks milli
skipa sé gagnrýni sjómannasam-
takanna á að útgerðarmenn geti
framselt allan kvóta tiltekinnar
tegundar af skipum sínum og keypt
aftur kvóta af sömu tegund, að því
er virðist í þeim eina tilgangi að
lækka laun sjómanna. Ekki sé hins
vegar komið í veg fyrir jöfn skipti
þar sem skipt er á aflamarki einn-
ar tegundar gegn aflamarki ann-
arrar.
Leysir og skapar vanda
Halldór Ásgrimsson þingmaður
Framsóknarflokks sagði að ríkar
ástæður væra fyrir að hefta ekki
framsal aflaheimilda, sérstaklega
við þær aðstæður sem nú eru í þjóð-
félaginu þegar aflaréttindi margra
væru afar lítil og mikil þörf á hag-
ræðingu. Þetta kynni að leysa
vandamál hluta sjómannastéttar-
innar vegna skiptakjara, en jafn-
framt skapa vandamál fyrir annan
hluta hennar og leiða til þess að
hagkvæmnin og verðmætasköpun-
in yrðu minni.
Halldór sagði óeðlilegt að skuld-
binda aðila með þessum hætti, án
þess að fyrir lægi hvert verðmæta-
tapið yrði. Hann vitnaði til þeirra
útreikninga sem svonefndir At-
vinnumenn í sjávarútvegi hefðu
birt um að við þetta kynnu að tap-
ast milljarðar króna árlega og sagði
að ekki væri réttlætanlegt að koma
í veg fyrir hugsanlegar deilur sjó-
manna og útvegsmanna með þeim
hætti að milljarðatap hlytist af fyr-
ir íslenskt þjóðfélag.
Þröngir hagsmunir
Þorsteinn Pálsson sjávarútvegs-
ráðherra sagði að horfa yrði á
heildarhagsmuni sjávarútvegsins
sem hefði ekki þolað langa vinnu-
stöðvun í vetur. Þorsteinn sagði að
í umræðunni hefði verið vísað til
yfirlýsinga hagsmunaaðila sem
kölluðu sig Atvinnumenn. Það
væra allt mætir forystumenn í sjáv-
arútvegi og kvótakerfið væri vissu-
iega grundvöllur árangurs þeirra í
rekstri. En þegar misnotkun hefði
farið að grafa um sig í greininni
þannig að sjómenn þyrftu að sæta
ósanngjömum skiptakjörum, þá
hefðu þessir menn ekkert aðhafst
til að koma í veg fyrir það.
„Og nú ætla þessir aðilar að
segja: Það á bara að leysa málið á
þeim grundvelli sem ekki var nægj-
anlegur við samningaborðið þar
sem þeir sjálfir komu að lausn
málsins og áttu þess kost að leysa
það lögum samkvæmt. Og svo koma
háttvirtir þingmenn Framsóknar-
flokksins hér og tala útfrá þessum
hagsmunum þessa þrönga hóps. En
það er ljóst að ef við afgreiðum
málið ekki hér þannig að það sé
sátt við sjómenn, þá mega menn
allt eins búast við því að það komi
til nýrra verkfallsátaka síðar á þessu
ári. Og ég fullyrði að það þolir sjáv-
arútvegurinn ekki. Og ég fullyrði
að slík átök myndu grafa meir und-
an kvótakerfinu, hagsmunum þess-
ara fyrirtækja, möguleikum til hag-
ræðingar og að endurskipuleggja
rekstur, heldur en þær takmarkanir
sem hér er verið að setja á fram-
sal,“ sagði Þorsteinn Pálsson.
Morgunblaðið/Júlíus
Eldur slökktur
úr þyrlu
ÞYRLUÞJÓNUSTAN kynnti
slökkviliðsmönnum í Reykjavík
í gær möguleikann á að slökkva
elda með hjálp þyrlu. Þessi
slökkviaðferð er velþekkt víða
erlendis og er m.a. mikið notuð
við baráttu við skógarelda. Tal-
ið er að þessi aðferð geti í viss-
um tilvikum komið að góðum
notum við að slökkva sinuelda
hér á landi, en þeir hafa logað
glatt á höfuðborgarsvæðinu
síðustu daga. Heldur hefur þó
dregið úr sinubrunum. í gær
voru 8 útköll í Reykjavík vegna
sinuelda.
Annir hjá ferða-
skrifstofum
FLEIRI bókanir hafa verið gerðar
í sumarleyfisferðir nú en á sama
tíma í fyrra. í flestum tilfellum
liggur leiðin suður á bóginn, á
sólbaðsstaði í Evrópu. Fleiri stað-
greiða ferðir sínar nú og færri
notfæra sér raðgreiðslur.
Þetta kom fram í samtölum við
talsmenn á ferðaskrifstofum. Þeir
sögðu jafnframt að almennt væri
fólk vel undirbúið áður það kæmi á
ferðaskrifstofurnar.
Sjá: „Suður í sói . . .“ bls. C-l.
Sjálfstæðisflokkur-
inn í Hafnarfirði
Magnús val-
inn bæjar-
stjóraefni
MAGNÚS Gunnarsson, efsti mað-
ur á lista Sjálfstæðisflokksins í
Hafnarfirði, verður bæjarstjóra-
efni flokksins í komandi kosning-
um. Þetta var ákveðið á fulltrúa-
ráðsfundi flokksins í gærkvöldi.
Þetta er í fyrsta skipti sem Sjálf-
stæðisflokkurinn í Hafnarfirði
lýsir því yfir fyrir kosningar
hvert verði bæjarstjóraefni
flokksins.
Magnús lenti í fyrsta sæti í próf-
kjöri Sjáifstæðisflokksins í lok jan-
úar. Þetta vakti mikla athygli, ekki
síst í ljósi þess að Magnús hefur
ekki áður setið á lista flokksins.
„Það hafa margir talið eðiilegt að
Sjálfstæðisflokkurinn markaði
ákveðna stefnu í því hvort það ætti
að vera pólitískur bæjarstjóri eða
ekki. Ég held að þetta þýði að það
verða skýrari línur í kosningabar-
áttunni. Efsti maður á lista Alþýðu-
flokksins er núverandi bæjarstjóri
í Hafnarfirði þannig að menn
standa frammi fyrir skýram val-
kostum í þessu efni,“ sagði Magnús.
Magnús Gunnarsson
í dag
Söngvakeppnin______________
íslenska laginu er spáð þriðja
sæti í Dublin annað kvöld 19
Kosningar í S-Afriku
Kjördögum fjölgað vegna skorts
á kjörgögnum sums staðar 24
Legástungur________________
Niðurstöður úr rannsóknum tefj-
ast vegna verkfalls meinatækna
26
Leiðari
Verkföll og velferð sjúklinga 26
► Fyrsta permaform-hverfið
- Markaðurinn - Lagnafréttir
- Gluggaviðgerðir - Kringlan
► Um trjáklippingar - í
stærsta ísskáp á Islandi - ný-
sköpunarkeppni bama - í
blíðu og stríðu - Suðurland í
sumar - kúrekaferðir í villta
vestrinu
Flugstjóri sakfelldur vegna
lendingar utan flugbrautar
HÆSTIRÉTTUR dæmdi í gær flugsljóra hjá Flugfélagi Norðurlands
í 3 mánaða skilorðsbundið varðhald fyrir að hafa sýnt gáleysi og
ekki viðhaft næga aðgæslu við stjórn Twin-Otter vélar flugfélagsins
þegar hún lenti utan flugbrautar á Ólafsfjarðarvelli í ágúst 1992.
Um borð í vélinni voru 18 knattspyrnumenn úr Leiftri á Ólafsfirði.
Engan sakaði. Flugmaðurinn hafði verið sýknaður af ákærum í
Héraðsdómi Norðurlands eystra.
Framkvæmdastjóri Flugfélags Norðurlands
Ósammála niður-
stöðu Hæstaréttar
SIGURÐUR Aðalsteinsson, framkvæmdastjóri Flugfélags Norður-
lands, segist hissa á dómi Hæstaréttar og ósammála niðurstöðunni,
eins og 2 af þeim 5 hæstaréttardómurum sem um málið fjölluðu.
Ljóst sé að flugmaðurinn hafi gert mistök og fyrir það sé honum
refsað en Sigurður sagði að að sínu mati hafi ekki verið um aðgæslu-
leysi að ræða.
Flugmaðurinn og aðstoðarflug-
maðurinn hafi umfram aðra upplýst
málið með heiðarlegum framburði
sínum til flugslysanefndar enda
hafí flugmenn jafnan lagt áherslu
á við rannsóknir óhappa að hið
sanna í málinu kæmi í ljós. Þessi
framburður þeirra hafí síðan verið
notaður gegn þeim til áð ákveða
málshöfðun og byggja á ákvörðun
um refsingu án þess að mönnunum
hafi verið gerð grein fyrir því við
skýrslugjöf til rannsóknarmanna að
framburðurinn gæti verið notaður
gegn þeim fyrir dómi.
Sigurður kvaðst óttast að dómar
af þessu tagi gætu orðið til þess
að flugmenn hætti að leggja sitt
af mörkum til að upplýsa hvað hafi
farið úrskeiðis, sé ljóst að með því
geti þeir kallað yfir sig refsingu.
Flugmanninum var gefíð að sök
að hafa brotið reglur um loft-
ferðaröryggi með því að viðhafa
ekki nægilega aðgæslu við stjórn
vélarinnar við aðflug og lendingu.
Vélin kom inn til lendingar um
kl. 22.30, þó þá væri eigi nægilegt
skyggni frá vélinni vegna myrkurs
og regns, sem þá skall á. Maður-
inn hélt sig lenda flugvélinni á
flugbrautinni en lenti í raun utan
brautar og rann vélin um- 240
metra vegalengd um öryggissvæði
út í mýrlendi og stakkst þar á
nefið.
Greindi ekki flugbrautina frá
umhverfinu
í niðurstöðum Hæstaréttar seg-
ir að þegar virtur sé sá mikli
munur sem er á lengd flugbrautar-
innar annars vegar og lengd hins
ljósa, grasi gróna svæðis við hlið
hennar frá suðurenda hins vegar,
verði að telja í ljós leitt að ákærði
hafi ekki greint flugbrautina frá
umhverfi hennar þegar flugvélin
var komin í lokastefnu í lending-
unni. Að eigin sögn hafi ákærði
séð ljósa svæðið beint framundan
og talið það vera flugbrautina en
vegna rigningar hafí skyggni enn
versnað í lendingu. Vitnað er í
skýrslu flugmálastjórnar og flug-
slysánefhdár ’úrri atvikíð þar 's'em
segir að flugstjórinn hafi haldið
áfram aðflugi til lendingar, þrátt
fyrir að aðstæður hafí gert honum
ókleift að sjá flugbrautina í lend-
ingunni. Telja verði að hann hefði
átt að hætta við aðflug, hverfa frá
og halda t.d. til Akureyrar. Síðan
segir Hæstiréttur að ákærði hafi
lent flugvél með 18 farþega utan
flugbrautar og með því að halda
áfram aðflugi til lendingar hafi
hann tekið mikla áhættu að
ástæðulausu, sýnt gáleysi og ekki
viðhaft nægilega aðgæslu en lagt
flugvélina og alla sem í henni voru
í hættu.
Heldur flugréttindum
Hæfíleg refsing var talin 3
mánaða varðhald, skilorðsbundið
til tveggja ára. Ekki var fallist á
kröfu ákæruvaldsins um að mað-
urinn yrði sviptur flugmannsrétt-
indum en manninum gert að
greiða allan sakarkostnað.
Dóm Hæstaréttar kváðu upp
hæstaréttardómararnir Garðar
Gíslason, Gunnar M. Guðmunds-
son og Friðgeir Björnsson dóm-
stjóri, ásamt hæstaréttardómur-
unum Hirti Torfasyni og Guðrúnu
Erlendsdóttur, sem skiluðu sérat-
kvæði og vildu staðfesta hinn
áfrýjaða sýknudóm Héraðsdóms
Norðuriands éystra.- IJ .mis