Morgunblaðið - 16.11.1994, Blaðsíða 1

Morgunblaðið - 16.11.1994, Blaðsíða 1
64 SÍÐUR B/C/D 262. TBL. 82. ÁRG. MIÐVIKUDAGUR16. NÓVEMBER1994 PRENTSMIÐJA MORGUNBLAÐSINS Þing Norðurlandaráðs í Tromso ESB auki baráttu gegn atvinnuleysi Talið að meirihluti óákveðinna í Nor- egi muni greiða ESB-aðild atkvæði Tromso, Ósló. Reuter. FJÁRMÁLARÁÐHERRAR Norðurlandanna skoruðu í gær á Evrópusam- bandið að gera baráttuna gegn atvinnuleysi að forgangsverkefni sínu. Ráðherrarnir, sem sitja nú þing Norðurlandaráðs í Tromso, sendu Theo Waigel, fjármálaráðherra Þýskalands, áskorun um að Evrópuráðið, sem fundar í Essen, í Þýskalandi 9. og 10. desember nk., „komi Evrópu til starfa" eins og segir í bréfi þeirra. Undirbúningur kosninganna um ESB- aðild er nú hafinn fyrir alvöru, og settu deilur um aðild svip sinn á umræð- ur um öryggis- og utanríkismál á þinginu. Bréfíð til Waigel er talið ótvíræð vísbending um að þau ríki Norður- landanna, sem samþykkt hafa aðild að ESB, muni leggja höfuðáherslu á baráttuna gegn atvinnuleysi. Þá er það talið liður í því að fá norska andstæðinga ESB-aðildar til að láta af ótta sínum við hrun velferðarkerf- isins, gangi þjóðin í Evrópusamband- ið. Kosið verður um aðild 28. nóvem- ber nk. Stuðningur við ESB eykst Stuðningur í Noregi við aðild að Evrópusambandinu hefur aukist í 38,3% ef tekið er meðaltal fjögurra skoðanakannana sem gerðar hafa verið frá því að ljóst var að Svíar hefðu samþykkt aðild. Þá hefur fylgi andstæðinga aðildar aukist um 0,7%, er nú 47%, en óákveðnum hefur fækkað úr 20,8% i 14,8%. Hyggjast norskir fjölmiðlar birta skoðana- kannanir um fylgi við ESB-aðild á hveijum degi fram að kosningum. „Þetta er greinileg jásveifla, sem er nýtt en gerist í kjölfar kosning- anna í Svíþjóð," sagði Henry Valen, prófessor við Norsku rannsóknar- stofnunina í félagsfræðum. Segir hann mun fleiri af hinum óákveðnu munu reynast fylgismenn aðildar en andvígir henni en segist þó langt í frá sannfærður um að það nægi til þess að þjóðin samþykki ESB- aðild. Veldur ESB-aðild veikindum? Ingvar Carlsson, forsætisráðherra Svíþjóðar, og Esko Aho, forsætisráð- herra Finnland, gátu ekki sótt fund Norðurlandaráðs vegna veikinda. Er þetta varð ljóst, gall við í Davíð Oddssyni, forsætisráðherra: „Um leið og þeir ganga í Evrópusamband- ið, verða þeir veikir.“ ■ Þing Norðurlandaráðs/10-11 Reuter Hátíðahöld í Jeríkó PALESTÍNSKIR lögreglumenn sýndu fimi sína við hátíðahöld í Jerikó í gær í tilefni þess að sex ár eru liðin frá því að Þjóðar- ráð Palestínumanna í Alsír lýsti yfir stofnun Palestínuríkis. Italía Atök um lífeyris- kerfið Róm. Reuter. BOÐAÐ hefur verið til allsherjar- verkfalls á Ítalíu 2. desember nk. til að mótmæla fjárlagafrumvarpi ríkis- stjórnarinnar en þar er meðal 'ann- ars þrengt að lífeyriskerfi ítalskra launþega. Silvio Berlusconi forsætis- ráðherra hefur farið fram á trausts- yfirlýsingu þingsins vegna þessa og verður hún tekin fyrir á þingi í dag. Allsheijarverkfallið er svar verka- lýðsleiðtoganna við þeirri ákvörðun Berlusconis að fara fram á traustsyf- irlýsingu vegna lífeyrisskerðingarinn- ar en með henni er áætlað að spara á næsta ári um 385 milljarða Isl. króna. Verkalýðsfélögin efndu til fjögurra klukkustunda allsheijar- verkfalls vegna þessa 14. október sl. -----» ♦ ♦----- Tóbak skað- legra konum en körlum London. Reuter. REYKINGAR eru líklegri til að valda lungnakrabba í konum en körlum. Er það niðurstaða rannsóknar, sem breskir og norskir vísindamenn stóðu að, en þeir segjast ekki vita hvernig á því standi. Rannsóknin fólst meðal annars í því að kanna DNA-erfðaefnið í 63 krabbameinssjúklingum og kom þá í ljós, að það hafði orðið fyrir meiri skaða í konunum. Hún bendir einnig til, að í framtíð- inni verði lungnakrabbi algengari í konum en körlum. Fundur Atlantshafsbandalagsins um átökin í Bosníu Breiða yfir deilur um vopnasölubann Brussel, Sar^jevo. Reuter. FULLTRÚAR aðildarríkja Atlantshafsbandalagsins, NATO, ákváðu í gær á fundi sínum í Brussel að haldið yrði sem fyrr uppi vopnasölubanni á Bosníu enda þótt stjórnvöld í Washington taki ekki lengur þátt í að framfylgja því. Hermálanefnd NATO mun hafa tjáð fundarmönnum að ákvörðun Bandaríkjanna myndi litlu breyta um bannið í reynd. Ákvörðun stjómar Bills Clintons forseta hefur valdið miklum áhyggjum annarra bandalagsríkja og er sögð geta leitt til alvarlegrar misklíðar. Bandarísk herskip, sem tóku þátt í að framfyigja banninu, eru á brott frá Adríahafi. Clinton forseti er nú staddur í Indónesíu. Hann reyndi í gær að róa bandamenn sína í NATO. „Við bijótum ekki gegn vopnasölu- banninu, við hlítum því. Það munum við áfram gera,“ sagði forsetinn. Meirihluti fulltrúa á Bandaríkja- þingi telur að vopnasölubannið komi fyrst og fremst Bosníu-Serbum til góða en þeir réðu þegar í upphafi átakanna yfir gnægð vopna og fengu auk þess lengi vopn og skot- færi hjá þjóðbræðrum sínum í Serb- íu og Svartfjallalandi. Þingmenn vildu að Bandaríkin beittu sér af krafti fyrir því að ríki heims afléttu banninu og fullyrti Clinton að stjórn sín hefði fundið málamiðlun. Claes til Washington Willy Claes, framkvæmdastjóri NATO, heldur í dag til Washington þar sem hann mun ræða deiluna ,um vopnasölubannið við háttsetta emb- ættismenn. Bretar og Frakkar, sem hafa léttvopnaða friðargæsluliða í Bosníu, óttast um öryggi þeirra verði banninu aflétt; talið er að Serbar muni þá hefna sín á gæsluliðum. Stjórnmálaskýrendur sögðu að þótt reynt væri að breiða yfír ágreining- inn í NATO væri ljóst að hann væri mjög alvarlegur. Barist af hörku í Bihac Herir Sarajevo-stjórnarinnnar, sem aðallega eru skipaðir múslim- um, veijast enn Bosníu-Serbum af hörku í Bihac-héraði. Stjórn Króatíu hefur hótað að koma her múslima- stjórnarinnar til hjálpar í Bihac en ekki hefur orðið af því. Svo mikill skortur er á hjálpar- gögnum í borginni vegna umsáturs Serba, að sjúklingar sem flytja þarf á sjúkrahús verða sjálfír að útvega bensín á sjúkrabílana. Reuter Kohl endurkjörinn kanslari NEÐRI deild þýska þingsins end- urkaus Helmut Kohl sem kanslara Þýskalands til næstu fjögurra ára í gær. Hann hefur verið kanslari frá 1982. Náði Kolil kjöri í fyrstu uinferð og hlaut 338 atkvæði af 672 eða einu meira en hann þurfti. Gegn kjöri hans greiddu 333 þing- menn atkvæði eða tveimur fleiri en saineiginlegur þingmannafjöldi stjórnarandstöðuflokkanna er. MikiII viðbúnaður var þjá stjórn- arflokkunum vegna kjörsins, tveir veikir flokksmenn Kristilegra demókrata voru fluttir í þinghúsið og engu inátti muna að tveir stuðn- ingsmenn Kohls kæmust í tæka tíð, annar svaf yfir sig en hinn tafðist vegna lestaróhapps. Þá ákvað Kohl að fresta því að til- kynna hverjir lilytu ráðherraemb- ætti þar til á inorgun, fimmtudag, til að koma í veg fyrir að vekja reiði þeiiTa sem teldu sig eiga rétt á þeim en fengju ekki. Á myndinni tekur kanslarinn við blómvendi úr hendi þingkonunnar Brigitte Bau- meister en auk hennar fagna Klaus Kinkel utanríkisráðherra og Al- fred Dregger kjörinu.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.