Morgunblaðið - 04.06.1995, Blaðsíða 46

46 SUNNUDAGUR 4. JÚNÍ 1995
MORGUNBLAÐIÐ
IÞROTTIR
KNATTSPYRNA
Baráttuleikir í 3. umferð fslandsmótsins á mánudag og þriðjudag
Efstu liðin
á Akranesi
Þriðja umferð 1. deildar karla í
knattspyrnu hefst með fjórum
leikjum á mánudag og lýkur með
fimmta leiknum á þriðjudag en allir
leikirnir byija kl. 20. Gera má ráð
fyrir miklum baráttuleikjum á öllum
vígstöðvum og má ætla að jafntefl-
ið í Evrópuieik íslands og Svíþjóðar
örvi menn til dáða.
Toppslagur á Akranesi
Akranes og FH eru jöfn í efsta
sæti deildarinnar, hafa sigrað í
fyrstu tveimur leikjunum og eru
með markatöluna 3:0 en liðin mæt-
ast á Akranesi á morgun.
Skagamenn byrjuðu með miklum
látum í fyrstu umferð, sýndu frá-
bæra knattspyrnu og sigruðu
Breiðabliksmenn örugglega, 2:0.
Síðan fóru þeir til Keflavíkur og
unnu 1:0 en leikurinn stóð ekki
undir væntingum.
FH-ingar komu á óvart í fyrsta
leik með því að vinna KR 1:0 á
KR-velli og tóku síðan níu Grindvík-
inga 2:0. FH-ingar hafa lagt
áherslu á sterkan vamarleik en
Skagamenn vilja sækja stíft og má
búast við skemmtilegri viðureign.
Eyjamenn sterkir heima
Eyjamenn eru þekktir fyrir mikla
baráttu en þeir hafa sýnt annað og
meira í fyrstu leikjunum og em
taplausir í þriðja sæti. Þeir fengu
Valsmenn í heimsókn í fyrstu um-
ferð og vora með sannkallaða flug-
eldasýningu, unnu 8:1. Síðan sóttu
þeir Fram heim og þrátt fyrir öflug-
an sóknarleik og ágæt færi urðu
þeir að sætta sig við markalaust
jafntefli.
Breiðablik var hvorki fugl né
fískur í fyrsta leik á Akranesi en
liðið sótti í sig veðrið á heimavelli
og vann Val 2:1. Liðið státar af
frábærum markverði en þó gera
megi ráð fyrir að róðurinn verði
erfiður í Eyjum ætti sigurinn í 2.
umferð að auka sjálfstraust Blika.
Reykjavíkurslagur á KR-velli
KR-ingum var spáð íslandsmeist-
aratitlinum enn eitt árið en þeir
hafa ekki staðið undir væntingum,
byijuðu á tapi heima og fögnuðu
síðan 2:1 sigri á lokamínútunum
gegn nýliðum Leifturs á Ólafsfírði
eftir að hafa verið marki undir þeg-
ar skammt var til leiksloka.
Framarar hafa heldur ekki byijað
Parreira
rekinn frá
Valencia
CARLOS Alberto Parreira
þjálfari Valeneia á Spáni fékk
að taka pokann sinn fyrir
helgi. Ástæðan er slakt gengi
liðsins. Áður en Parreiratók
við þjálfun Valencia sl. haust
hafði hann verið þjálfari bras-
ilíska landsliðsins og gerði
það m.a. að heimsmeisturum
í Heimsmeistarakeppninni í
Bandaríkjunum í fyrra sum-
ar. Að sögn forráðamanna
spænska féiagsins var jafn-
tefli í undanúrslitum bikar-
keppninnar gegn smáliðinu
Albacete á miðvikudag drop-
inn sem fyllti mælinn að
þeirra mati.
með glæsibrag en Fram er eina lið-
ið sem ekki hefur náð að skora í
deildinni í fyrstu tveimur umferðun-
um. Þeir fengu skell í fyrstu um-
ferð þegar þeir tóku á móti Leiftri
sem vann 4:0 en gerðu síðan marka-
laust jafntefli við Eyjamenn og þótti
mörgum það vel sloppið. í kjölfarið
mættu stjómarmenn í vinnuna til
Marteins Geirssonar og sögðu hon-
um upp sem þjálfara liðsins en réðu
Magnús Jónsson, fyrrum leikmann
KR og síðar þjálfara yngri flokka
Fram, í staðinn.
Bæði lið era ósátt við byijunina
og ætla sér meira. Framarar hafa
haft visst tak á KR-ingum á KR-
velli og hafa fullan hug á að halda
því áfram en KR-ingar vilja snúa
blaðinu við þannig að það stefnir í
baráttuleik.
IMýliðaslagur í Grindavík
Lánleysi hefur fylgt Grindvíking-
um í fyrstu tveimur leikjunum.
Fyrst misstu þeir niður forystu gegn
Keflavík og töpuðu 2:1 í kjölfarið
en síðan misstu þeir tvo menn út af
í jöfnum leik gegn FH og töpuðu
2:0.
Leiftursmenn tóku Framara í
kennslustund í 1. umferð og unnu
4:0 en máttu síðan sætta sig við
2:1 tap gegn KR. Þeir mæta til
Grindavíkur fullir sjálfstrausts en
mikilvægt er fyrir heimamenn að
fara að rétta úr kútnum. Hins veg-
ar verða þeir án tveggja lykil-
manna, Milans Jankovics og Tóm-
asar Inga Tómassonar, sem taka
út leikbann, og auðveldar það ekki
verkið.
Valsmenn í neðsta sæti
Valsmenn hafa byijað óvenjulega
illa og hafa ekki fengið stig. Þeir
byijuðu á því að liggja 8:1 í Eyjum
og töpuðu síðan 2:1 í Kópavogi en
hef|a nú baráttuna á heimavelli.
Keflvíkingar hafa sýnt mikla
baráttu, byijuðu á því að vinna 2:1
í Grindavík og stóðu síðan vel í ís-
landsmeisturum Skagamanna en
máttu samt þola 1:0 tap.
Valsmenn þyrstir í sigur en Kefl-
víkingar ætla sér einnig að vera
með í baráttunni og því verður ekk-
ert gefíð eftir að Hlíðarenda.
Sigurður með flest M
SKAGAMAÐURINN Slgurður Jónsson hefur stjórnað spili
íslandsmelstaranna sem herforingi og hefur fenglð flest M,
fimm talslns, í elnkunnagjöf Morgunblaðsins.
FOLX
■ TONY Yeaboah frá Ghana sem
gekk til liðs við Leeds í janúar
hefur gert hálfs fjórða árs samning
við félagið.
■ ÞRATT fyrír að Yeaboah léki
einungis hluta tímabilsins þá varð
hann markahæsti leikmaður Leeds
með 13 mörk.
■ FORRÁÐAMENN Arsenal
reyna nú hvað þeir geta til þess að
fá Bobby Robson sem næsta fram-
kvæmdastjóra félagsins. Robson
er núverandi þjálfari portúg-
ölsku meistaranna Porto.
■ DANNY Blind fyrirliði Evrópu-
meistara Ajax getur fengið fijálsa
sölu frá félaginu Hann er 32 ára
og hefur verið hjá Ajax frá 1986.
Hann hefur áhuga á að taka boðinu.
■ MÖRG félög í Evrópu hafa
áhuga á að fá Blind til liðs við sig.
Líklegast er talið að hann fari ann-
að hvort til enska liðsins Aston
Villa eða Galatasary í Tyrklandi
þar sem Graham Souness er þjálf-
ari.
■ FLEIRI HoIIendingar gætu
verið á faraldsfæti á næstu dögum.
Talað er um að bæði Dennis Berg-
kamp og Marc Overmanns hafí
áhuga á að leika með enskum lið-
um.
■ CARLOS VALDERRAMA
knattspyrnumaður frá Kólombíu
lýsti því yfir eftir HM í Bandaríkj-
unum í fyrra að hann gæfi ekki
framar kost á sér í landslið
Kólombíu. Hann hefur nú endur-
skoðað þessa yfirlýsingu sína og
gefíð kost á sér í landslið Kólomb-
íu sem tekur þátt í fjögurra þjóða
móti í Bandaríkjunum í næsta
mánuði.
SMAÞJOÐALEIKARNIR / SUND
Sævar Stefánsson varaformaður Sundsambandsins
Petteri Laine komst ekki
Það er ekki rétt sem kemur
fram í föstudagsblaðinu að
Sundsambandið hafí ekki viljað
senda Petteri Laine sundþjálfara
á Smáþjóðaleikana. Hið rétta er
að hann átti að fara hingað en
Martin Rademacher á sundmót
í Finnlandi, en þeir vildu báðir
snúa því við og það varð úr,“
sagði Sævar Stefánsson varafor-
maður SSÍ í samtali við Morgun-
blaðið. „Þegar Rademacher for-
fallaðist vegna veikinda móður
sinnar var gengið í það á föstu-
dagskvöld og laugardagsmorg-
un að ræða við sundþjálfara
heima og ég ræddi við fímm.
Laine sagðist ekki geta breytt
ferðaáætlun sinni en vildi gjarn-
an fara.
Þegar Magnús Tryggvason
var tilbúinn til að fara varð það
úr, en auðvitað hefðum við keypt
miðann sem Laine var búinn að
kaupa þannig að hann hefði ekki
tapað á þessu, ef til þess hefði
komið," sagði Sævar.
Hann sagði stefnuna að hafa
þann þjálfara með sem flesta
ætti í landsliðinu hverju sinni
og ef tveir færu með væri annar
íslenskur, því okkar þjálfarar
yrðu að öðlast reynslu.
Siðareglur fyrir
knattspymuna
KNATTSPYRNUSAMBAND ís-
lands hefur kynnt siðareglur
fyrir knattspyrnumenn, dóm-
ara, forystumenn og þjálfara
og endurnýjað samning sinn
við Visa um háttvfsi í knatt-
spyrnunni í sumar.
Háttvísinefnd Evrópusambands-
ins gaf út siðareglur í vetur
og hefur KSÍ nú einnig gefíð út
slíkar reglur hér á landi. í þeim eru
reglur fyrir knattspyrnumenn, dóm-
ara, forystumenn og þjálfara þar
sem farið er yfír hvernig þessir
aðilar skulu reyna að haga gerðum
sínum í sambandi við alla sem að
leiknum koma. „Eins og við vitum
hafa ýmis vandamál verið að koma
upp í sambandi við nokkrar íþrótta-
greinar hér á landi. Þessar siðaregl-
ur eru mikilvægt skref til að spoma
við þessari þróun, era nokkurs kon-
ar forvamarstarf, því nauðsynlegt
er að halda vöku sinni í þessum
málum,“ ságði Eggert Magnússon
formaður KSÍ. Hann benti einnig á
að eftir Evrópuleiki er gerð skýrsla
um leikmenn, þjálfara, forystumenn
og áhorfendur en góð niðurstaða
úr slíkum skýrslum gæti gefíð sæti
í Evrópukeppni. Reglum þessum
verður dreift til allra dómara og
þjálfara hér á landi.
Samstarf KSÍ og Visa um hátt-
vísi í knattspymunni hófst 1990,
undir kjörorðinu höfum rétt við, en
KSÍ var fyrsta knattspyrnusam-
band í Evrópu til að fá fyrirtæki
til liðs við sig.
Nefnd innan KSÍ mun velja í
sumar prúðasta leikmanninn og
prúðasta liðið. I fyrra var einnig
valinn stuðningsmaður ársins og
besta umhverfí og svo verður einn-
ig í_ ár. I þessu skyni hafa Visa og
KSI látið hanna límmiða og auglýs-
ingamyndir þar sem Birkir Kristins-
son, knattspymumarkvörður sem
leikið hefur í 10 ár án þess að fá
áminningu, situr fyrir ásamt tveim-
ur knattspyrnukrökkum, Guðrúnu
og Daníel.
HESTAR
Huginn
efstur
Huginn frá Kjartansstöðum
sem Sigurður V. Matthí-
asson sat er efstur að lokinni
forkeppni í A-flokki gæðinga
með 8,86 á Hvítasunnumóti
Fáks. Stóðhesturinn Óður frá
Brún er í öðru sæti og jafnir
í þriðja sæti eru Geysir frá
Dalsmynni og Hannibal frá
Hvítárholti.
í B-flokki er efstur Farsæll
frá Arnarhóli, knapi Ásgeir
Herbertsson með 8,76, en
næstir koma Oddur frá
Blönduósi, Logi frá Skarði og
Kolskeggur frá Ásmundar-
stöðum. Átta efstu í hvorum
flokki mætast í úrslitum á
morgun, annan í hvítasunnu.