Morgunblaðið - 06.07.1999, Blaðsíða 2
2 ÞRIÐJUDAGUR 6. JÚLÍ 1999
MORGUNBLAÐIÐ
FRÉTTIR
Annríki hjá
Borgarnes-
lögreglunni
Morgunblaðið/Ásdís
3100 stjúpur mynda skjaldarmerkið
LÖGREGLAN í Borgamesi tók
sex ökumenn fyrir ölvun við akstur
um s.I. helgi og voru fímm þeirra
við akstur í Húsafelli. Fjölmenni
var í Húsafelli um helgina og tölu-
vert af yngra fólki innan um fjöl-
skyldufólkið. Að sögn lögreglunn-
ar í Borgarnesi var mikið annríki
hjá henni um helgina enda margt
um manninn í héraðinu og fjöl-
margir á leiðinni í gegnum um-
dæmið. Fjögur umferðaróhöpp
urðu í umdæminu um helgina og
voru þrír bílar óökuhæfir eftir.
Nokkuð almenn ölvun var hjá
ungmennum í Húsafelli um helg-
ina og nokkur órói á svæðinu að-
faranótt sunnudagsins. Töluvert
var um minniháttar slagsmál á
svæðinu og var einn maður fluttur
á heilsugæslustöðina í Borgarnesi
til skoðunar en hann hafði verið
barinn í andlitið. Hélt hann því
fram að ráðist hefði verið að sér
með klaufhamri en hann hefði náð
að taka hamarinn af árásarmann-
inum sem hefði þá barið hann í
andlitið með hnefanum. Minni-
háttar skemmdarverk voru unnin
á þremur bifreiðum.
Bflsijónim bannað að aka
Ástand um 50 ökumanna var
kannað er þeir vora að leggja af
stað frá Húsafelli snemma á
sunnudagsmorguninn. Tuttugu
þeirra var meinað að setjast undir
stýri og ráðlagt að sofa betur úr
sér áfengisvímuna.
Talið var að um 400 manns hefðu
verið á dansleik Stuðmanna í flug-
skýlinu ofan Borgarness á laugar-
dagskvöldið. Fór dansleikurinn vel
fram og þurfti lögreglan lítil af-
skipti að hafa af samkomugestum.
I Borgarnesi var haldið svokall-
að Búnaðarbankamót, sem er
knattspyrnumót yngstu flokkanna
og knattspyrnudeild Skallagríms
stendur fyrir. Alls voru 700 kepp-
endur skráðir til leiks og talið að
með foreldrum og ættingjum hefðu
verið um 1500 til 2000 manns í
kringum mótshaldið.
SKJALDARMERKI Reykja-
víkurborgar hefur verið
myndað með 3100 bláum og
hvítum stjúpum sem plantað
hefur verið í Ártúns-
brekkunni. I fyrra var skjald-
armerkið í fyrsta skipti búið
til með blómum í Ártúns-
brekkunni en þá var það haft
nær Bíldshöfðanum og sást
því ekki eins vel af veginum.
Beðið er 80 fermetrar að
stærð og í haust verða settir í
það laukar og má fólk því
eiga von á að sjá bláa og
hvíta túlípana stinga upp
kollinum í Ártúnsbrekkunni
með vorinu.
ísafoldar-
húsið risið
ÍSAFOLDARHUSIÐ, sem áður var
Austurstræti 8-10, er komið á nýjan
stað, Aðalstræti 10. Húsið var flutt í
hlutum og nú er verið að setja það
saman í upprunalegri mynd við
hliðina á Fógetanum, eins og sést á
myndinni. í gær var reisugildi
haldið og fánar dregnir að húni.
Eitt sinn hýsti ísafoldarhúsið
Morgunblaðið, en Björn Jónsson,
eigandi ísafoldar, reisti það og bjó
á efri hæðum þess. Á neðstu hæð
var prentsmiðja. Síðar voru
verslanir og veitingastaðir í húsinu.
Miklar tafír urðu á umferð í nágrenni Reykjavíkur
Vegagerðin vinn-
ur að úrbótum
VEGAGERÐIN vinnur að ákveðnum breytingum sem greiða eiga fyrir
umferð til og frá Reykjavík og draga þannig úr þeim töfum sem oft vilja
verða um miklar ferðahelgar. Jón Rögnvaldsson, aðstoðarvegamála-
stjóri, segir þó að ekki sé hægt að koma með öllu í veg fyrir tafir.
Morgunblaðið/Halldór
Fjölmargir Reykvíkingar lögðu
land undir fót um síðustu helgi og
þröng varð á þingi á þjóðvegunum í
nágrenni Reykjavíkur þegar þeir
sneru aftur á sunnudaginn. Olli
umferðarþunginn nokkrum töfum
og þannig mun það hafa tekið hátt í
tvær klukkustundir að aka frá
Hvalfjarðargöngunum inn í borg-
ina þegar verst lét.
Jón Rögnvaldsson segir Vega-
gerðina fylgjast með þegar um-
ferðarteppur af ofannefndu tagi
myndast og verið sé að vinna að
ákveðnum hlutum sem draga eigi
úr þeim. „Það er gjaman þannig
að biðraðir byrja að myndast við
ljós og ég hygg að segja megi að
tregðan á leiðinni inn í borgina sé
einna mest á ljósunum við Víkur-
veg, þótt hún byrji yfirleitt í Mos-
fellsbænum. Nú er verið að
breikka veginn frá Víkurvegi og í
gegnum þau gatnamót og það ætti
að greiða eitthvað fyrir innkom-
unni í borgina. Þá eru mislæg
gatnamót þar líka komin inn á
vegaáætlun, þótt lengra sé í þau en
breikkunina," sagði Jón. Ekki
munu þó frekari framkvæmdir
vera á döfinni á Vesturlandsvegi
sem stendur.
Mislæg gatnamót
á áætlun
Jón segir umferð inn í borgina
síður tefjast á Suðurlandsvegi en á
Vesturlandsvegi. Engu að síður
stendur til að hefja á næsta ári
framkvæmdir við mislæg gatnamót
á mörkum þessara vega og eiga
þau að greiða fyrir umferð á þeim
báðum. Þrátt fyrir þessar áætlanir
segir Jón ljóst að alltaf megi búast
við einhverjum töfum þegar marg-
ir eru á ferðinni á sama tíma. „Það
má kannski segja að við séum kom-
in í sömu stöðu og margar aðrar
þjóðir hvað þetta varðar. Þó að
ástandið hér sé enn sem komið er
betra en víðast hvar annars staðar,
verða alltaf tafir þegar fólk fer fyr-
ir alvöru út að aka.“
Lést í
bflslysi
KARLMAÐUR beið bana í
umferðarslysi á Borgarfjarð-
arvegi við Eiða um klukkan 11
á sunnudagsmorgun er vöru-
bifreið, sem hann stýrði, valt á
veginum.
Áð sögn lögreglunnar á
Egilsstöðum var maðurinn
látinn er að var komið.
Tildrög slyssins eru til rann-
sóknar hjá lögreglunni.
Hinn látni hét Reynir
Hólm, vörubifreiðarstjóri, til
heimilis að Strandgötu 92 á
Eskifirði. Hann var fæddur 7.
maí árið 1934 og lætur eftir
sig eiginkonu og 5 uppkomin
börn.
Á ÞRIÐJUDÖGUM
Björgvin Þorsteinsson fór
holu í höggi á Ítalíu / B1
Meistaraheppni Eyjamanna
í leik gegn Keflavík/ B7
Heimili
Fylgstu
með
nýjustu
fréttum
www.mbl.is