Morgunblaðið - 10.07.1999, Blaðsíða 48
MORGUNBLAÐIÐ
48 LAUGARDAGUR 10. JÚLÍ 1999
v.
BRÉF
TIL BLAÐSINS
Ljóska
Smáfólk
have you heard ahv
AMNOUNCEMENT5? I
ALWAVS LIKE THE
ANNOUNCEMENTS.
'' THE ROLE OF SOAND SO
IaJILL BE PLAYED TODAY BY
50AND50...THEUSE OF
REC0KDIN6 PEVICESAND
CAMERAS IS FORBIPDEN ;/
Hefurðuheyrt einhverjar
tiikynningar? Ég er alltaf svo
hrifin af tilkynningunum..
Þessi eða þessi leikur þetta eða þetta
hlutverk í dag. Notkun upp-
tökutækja og myndavéla er bönnuð.
Ég elska tilkynningamar..
Þú ert mjög skrítinn, herra..
Kringlunni 1 103 Reykjavík • Sími 569 1100 • Símbréf 569 1329
Hvar áttu fatlaðir að
kjósa? - Svar til Jóns
Steinars Gunnlaugssonar
Frá Pórði Jónssyni:
ÞANN 16. júní sl. svaraði Jón
Steinar Gunnlaugsson, oddviti yf-
irkjörstjórnar í Reykjavík, grein
minni, sem birtist í morgunblaðinu
12. júní sl. Grein mín varðaði að-
gengi fatlaðra og það að þegar ég
að venju fór í Hátún til að kjósa
var þar engin kjördeild. Mér var
vísað á Kjarvalsstaði, enda væri
þar gott aðgengi fyrir fatlaða. Þeg-
ar þangað kom var mér vísað frá,
þar sem það væri ekki mín kjör-
deild, þrátt fyrir að ég benti á að
ég hefði verið upplýstur um að
ekki væri aðgengi fyrir fatlaða í
hjólastól í minni kjördeild í Breiða-
gerðisskóla. Einnig var mér neitað
um að kjósa í Laugardalshöll,
þrátt fyrir að reynt væri að að-
stoða mig á skrifstofu Sjálfstæðis-
flokksins. Eg og fjölskylda mín,
sem var mér til aðstoðar, fórum
heim og ég hafði samband við Jón
Steinar.
I svari sínu segist Jón Steinar
hafa greint mér frá því að ekkert
væri því til fyrirstöðu að ég kysi á
Kjarvalsstöðum eða í Laugardals-
höll, þó að ég væri á kjörskrá í
Breiðagerðisskóla. Til þess þyrfti
ég aðeins að ganga frá afsali kosn-
ingarréttar míns í þeirri kjördeild
þar sem ég væri á kjörskrá, áður
en ég kysi. Ekki minnist ég þess
að Jón Steinar hafi sagt þetta við
mig. Mér hafði verið neitað um að
kjósa í Laugardalshöll og mér var
eiginlega vísað frá Kjarvalsstöð-
um, þar sem sagt var við dóttur
mína að í Breiðagerðisskóla væru
tveir lögregluþjónar og það væri
þeirra mál að koma mér inn!
I svarbréfi Jóns Steinars kem-
ur fram sá skilningur hans, að ég
kenni honum um að ég fékk ekki
notið atkvæðisréttar míns.
Hvernig Jón Steinar skilur mitt
fyrra bréf er hans mál. En hafi ég
haft rétt á að kjósa í Laugardals-
höll eða á Kjarvalsstöðum, á þann
hátt sem segir í svari Jóns Stein-
ars, hefði mér þótt eðlilegt að
hann léti starfsfólk þar vita
hvernig það ætti að standa að
málinu. Það var búið að neita mér
og vísa mér frá þessum kjörstöð-
um. Hefði Jón Steinar látið mig
vita, í síðara símtali okkar, að
hann væri búinn að „kenna“
starfsfólki nefndra kjördeilda
vinnureglurnar, hefði ég að sjálf-
sögðu farið þangað og kosið.
Hvergi í fyrri grein minni er Jón
Steinar sakaður um „fantaskap“,
aðallega er verið að segja frá
mótlæti sem fatlaðir verða allt of
oft fyrir hjá starfsfólki sem ekki
virðist hafa skilning á vanda fatl-
aðra. Þess vegna leitaði ég til
Jóns Steinars, sem í svari sínu
staðfesti að starfsfólk títtnefndra
kjördeilda var ekki starfi sínu
vaxið.
ÞÓRÐUR JÓNSSON,
Neðstaleiti 2, Reykjavík.
Að telja rétt
Frá Baldri Ragnarssyni:
JÓN BRYNJÓLFSSON skrifaði
21. maí sl. grein í Morgunblaðið
um tímatal. Þar gerir hann grein
fyrir einum af frumkvöðlum ár-
talsritháttar okkar, Díonysíusi Ex-
iguus. Kemur m.a. fram í grein
Jóns að Díonysíus hafi reiknað út
fæðingarár trésmiðsins frá Galí-
leu, sem hann vildi miða tímatalið
við.
Einn augljós galli er á þessu.
Kennitala Galíleumannsins er hul-
in eilífðarmóðu. Enginn veit fyrir
víst hvenær hann fæddist. Al-
mennt telja fræðimenn fæðinguna
hafa átt sér stað á árabilinu 4-7
f.Kr. Díonysíusi skjátlaðist sumsé
nokkuð í útreikningum sínum.
Eftir sem áður byggist ártalsrit-
háttur okkar á Díonysíusi. Fyrsta
ár tímatalsins reit Díonysíus sem 1
A.D. (anno Domini - árið eftir fæð-
ingu guðs). Samkvæmt því fæddist
Galíleumaðurinn árinu fyrr. Ekki
var það árið núll, því Díonysíus
þekkti ekki til tölunnar núll. Það
hlýtur því að hafa verið árið 1 f.Kr.
A miðöldum myndaðist síðan sú
hefð að telja trésmiðinn frá Nasar-
et fæddan á jóladag það ár.
Jóni skjöplast illilega þegar
hann segir að tímatal „sýnir fjölda
heilla almanaksára frá þeim at-
burði, sem miðað er við“. Tímatalið
sýnir öllu fremur tölu ársins sem
gengið er á. Rétt eins og sagt er að
klukkan sé „20 mínútur gengin í
eitt“ þegar hún er 00:20, getum við
sagt að hinn 1. júlí 1999 séum við
gengin hálft ár á 1999. árið frá
upphafi tímatalsins, þ.e. 1998‘/2 ár.
Vitanlega er 1999 árum frá upp-
hafi tímatalsins ekki lokið fyrr en
árinu öllu er lokið.
Jón segir: „fyrsta árið er 0-1,
annað 1-2 og 10. árið er 9-10.“
Þetta er rétt en eitthvað bögglast
þessi einfaldleiki talningarinnar
samt fyrir honum. Hann segir:
„Talan 1 kemur inn í ártalið í upp-
hafi 2. ársins.“ Hvað heitir þá
fyrsta árið? Árið núll? Hvort held-
ur vísvitandi eða ómeðvitað hefur
Jón bætt einu ári við upphaf tíma-
talsins. Því er ekki furða þótt
hann telji næstu áramót vera
aldamót.
Ef rétt er talið byrjar fyrsta árið '
1. janúar árið 1 e.Kr. Allt það ár er
fyrsta árið. Annað árið byrjar árið
2, þriðja árið byrjar árið 3 og
þannig koll af kolli. Tvöþúsundasta
árið frá upphafi tímatalsins byrjar
um næstu áramót. Þegar því lýkur
eru 2000 ár að fullu liðin frá upp-
hafspunkti tímatalsins. Ef rétt er
talið verða aldamót því ekki talin
fyrr en 1. janúar árið 2001 rennur
upp.
BALDUR RAGNARSSON,
kerfisfræðingur.
Allt efni sem birtist í Morgunbiaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.