Morgunblaðið - 22.07.1999, Blaðsíða 30

30 FIMMTUDAGUR 22. JÚLÍ 1999
MORGUNBLAÐIÐ
ERLENT
Barak lofar að flýta fnðarumleitunum
Kveðst ekki
setja sér föst
tímamörk
London. Reuters, The Daily Telegraph, Ap.
EHUD Barak, forsætisráðherra
ísraels, kvaðst í gær telja sig geta
tryggt skjótan árangur í friðarum-
leitunum í Miðausturlöndum en
sagðist ekki setja sér nein föst og
ófrávíkjanleg tímamörk.
Barak ræddi við Tony Blair, for-
sætisráðherra Bretlands, í London í
gær eftir sex daga ferð til Bandaríkj-
anna. Hann kvaðst vera ánægður
með ýmsar vísbendingar um að Sýr-
lendingar vildu friðmælast við Isra-
ela og lofaði að semja einnig við Pa-
lestínumenn „í góðri trú“.
„Ég tel að ég geti staðið við orð
mín,“ sagði Barak og lagði áherslu á
að nýta þyrfti tímann vel á næstu
mánuðum til að tryggja varanlegan
frið í Miðausturlöndum. „Við getum
ekki setið aðgerðalausir og beðið eft-
ir því að allt verði leyst á einhvern
undraverðan hátt.“
Barak lét þau orð falla í Banda-
ríkjunum á sunnudag að hann hygð-
ist gefa sér fimmtán mánuði til að ná
friðarsamkomulagi við Palestínu-
menn, Sýrlendinga og Líbana. Hann
sagði þó í gær að ekki bæri að túlka
þá yfirlýsingu þannig að hann hefði
sett sér föst tímamörk. „Ég ætla
ekki að biðja um orðu taki þetta níu
mánuði, en ég ætla ekki heldur að
stökkva af einhverjum turni taki það
24 mánuði."
Palestínumenn sögðust vænta
þess að friðarviðræðum þeirra við
Israela lyki ekki síðar en í maí á
næsta ári.
Vill fresta nokkrum þáttum
Wye-samningsins
Barak lofaði einnig að beita sér
fyrir samkomulagi við Palestínu-
menn, sem óttast að friðarviðræður
hans við Sýrlendinga og Líbana
verði til þess að viðræðumar um
endanlega stöðu palestínsku sjálf-
stjómarsvæðanna dragist á langinn
og Palestínumenn fái aðeins tak-
markaða sjálfstjórn. Hann kvaðst
hins vegar vilja ræða við Yasser
Arafat, leiðtoga Palestínumanna, um
að ákveðnum þáttum Wye-samn-
ingsins svokallaða, síðasta samnings
ísraela og Palestínumanna um
stækkun sjálfstjórnarsvæðanna, yrði
frestað þar til samkomulag næðist
um endanlega stöðu þeirra.
Barak sagði í fyrrakvöld, áður en
hann hélt til London, að hann teldi
enga þörf á að fresta því í fimmtán
mánuði að koma Wye-samningnum í
framkvæmd. Með þessum ummæl-
um vildi forsætisráðheiTann sefa
áhyggjur Arafats, sem hafði sagt að
hann gæti ekki sætt sig við að bíða í
fimmtán mánuði eftir því að ísraelar
stæðu við gerða samninga.
Haft var eftir Danny Yatom,
helsta ráðgjafa Baraks, að Israels-
stjórn kynni að hefja friðarviðræður
við Sýrlendinga innan nokkinra
vikna.
Leiðtogar PFLP samþykkja
fund með Arafat
Leiðtogar róttækrar hreyfingar
Palestínumanna, PFLP, sem leggst
gegn friðarsamningunum við Isra-
ela, samþykktu í gær að ræða við
Yasser Arafat á næstunni eftir fund
með einum af helstu ráðgjöfum hans
í Amman. Pessi ákvörðun er til
marks um mikla stefnubreytingu af
hálfu PFLP, sem hafði lofað að eyði-
leggja friðarsamninga Arafats við
ísraela.
Hreyfingin er með höfuðstöðvar í
Damaskus og hermt er að sýrlenskir
ráðamenn hafi lagt að henni að
hætta vopnaðri baráttu sinni gegn
ísraelum.
Romano Prodi ávarpar nýtt Evrópuþmg
Biður um snarlega
afgreitt samþykki
Strassborg. Reuters, AP. ' ___ -
ROMANO Prodi, nýr forseti fram-
kvæmdastjórnar Evrópusambands-
ins (ESB), fór auðmjúklega fram á
það við Evrópuþingið í gær, að það
samþykkti vífilengjulaust skipan
hinnar nýju framkvæmdastjórnar
og hvatti þingmenn til að láta ekki
freistast til að teygja enn meira á
því uppnámsástandi sem stjórnkerfi
sambandsins hefur verið í frá því í
marz sl„ þegar framkvæmdastjórn
Jacques Santers sagði öll af sér.
En Prodi rakst strax á vand-
kvæði. Talsmenn stærsta þing-
flokksins, Evrópska þjóðarflokksins,
sem skipaður er fulltrúum frjáls-
lyndra hægriflokka frá öllum ESB-
löndunum 15, gagnrýndu það sem
þeir kalla pólitískt ójafnvægi í
samstetningu hinnar 20 manna
framkvæmdastjómar. Héldu þeir
því auk þess fram að jafnaðarmað-
urinn Gerhard Schröder, kanzlari
Þýzkalands, hefði haft óeðlilega
mikil áhrif á hverjir völdust í lið með
Prodi.
Prodi sagði í ávarpi sínu til þings-
ins að hin minnsta töf á staðfestingu
þingsins á nýju framkvæmdastjórn-
inni, sem áætlað er nú að ljúki um
miðjan september, myndi spilla enn
meira en orðið er fyrir opinberri
ímynd ESB og trausti almennings
til stofnana sambandsins.
Hið nýkjörna Evrópuþing, sem
kom í fyrsta sinn saman á mánudag,
mun dagana 30. ágúst til 7. septem-
ber halda yfirheyrslur yfir öllum
nýju fulltrúunum í framkvæmda-
stjóm Prodis. Aætlað er að hinn 15.
september gangi þingið svo til at-
kvæða um staðfestingu nýju fram-
kvæmdastjómarinnar í embætti.
Deilt um pólitískt
jafnvægi
Aður en Prodi sté í pontu hafði
nýkjörinn forseti þingsins, franski
hægrimaðurinn Nicole Fontaine, að
þingið myndi ekki fallast á neitt
annað en óvéfengjanlega hæfa ein-
staklinga sem sannanlega hafi
hreinan feril að baki og endurspegli
pólitískan vilja kjósenda. Eftir Evr-
ópuþingkosningarnar í júní sl. hafa
hægrimenn tögl og hagldir í þing-
inu, en jafnaðarmenn eru í forystu
11 af 15 ríkisstjórnum ESB. Ríkis-
stjórnirnar útnefna fulltrúa hvers
lánds í framkvæmdastjórnina og
meirihluti þeirra er af vinstri væng
stjórnmálanna.
FERÐALÖG
GÓÐUR áningarstaður á leið yfir Kjöl.
Nýr áningarstaður á Kili
Skagaströnd.
HLÝLEGT viðmót og gestrisni ein-
kennir andrúmsloftið í Áfanga sem
er skáli við Kjalveg. I skálanum,
sem er í eigu Svínavatnshrepps, er
rekin greiðasala á sumrin og einnig
er hægt að fá þar gistingu. Þá er
fólki líka velkomið að koma í skál-
ann með nestið sitt og neyta þess
þar án þess að greiðsla komi fyrir.
Áfangi er um 75 km frá Blönduósi
og 40 km norður af Hveravöllum og
er því upplagður áningarstaður á
leiðinni yfir Kjöl. Þar er gistirými
íyrir um 30 manns í svefnpokapláss-
um með aðgangi að velbúnu eldhúsi,
snyrtingu og sturtu. Við hlið skálans
er nýtt og stórt hesthús þar sem
ferðalangar á hestum geta fengið að
geyma hesta sína.
„Hér eru allir velkomnir. Fólk
getur fengið keypt kaffi og með því,
ef það vill, eða bara komið og borðað
nestið sitt. Við getum líka bjargað
því ef einhver vill kaupa sér mat hjá
okkur eða til dæmis morgunverð
eftir gistingu á staðnum. Við seljum
veiðilejrfi hérna í Blöndulónið og
stokkana og hestamenn geta fengið
keypt hey handa hestunum sínum.
Hér eru svefnpokapláss í fjögurra
manna herbergjum fyrir 30 manns,
gott eldhús og matsalur, setustofa,
snyrting og sturtur," sagði Ari Ein-
arsson sem sér um rekstur skálans í
sumar.
„Norðurleiðarrútan keyrir hér
MorgLmblaðið/Ólafur Bemódusson
ARI og Halla, kona hans, láta fara vel um sig á veröndinni sunnan við
Afanga ásamt heimilistíkinni, Sif.
framhjá á hveijum degi og setur úr
og tekur upp í þá sem það vilja
þannig að samgöngurnar hingað eru
góðar. Þetta er líka mjög vinsæll
staður hjá hjóla- og göngufólki sem
er að ferðast um Kjalveg. Það kem-
ur nánast allt við hér hjá okkur.
Hestamenn eru líka mikið hér og
gista þá gjarnan eina, tvær nætur.
Svo er þeim alltaf að fjölga sem
koma hingað í sunnudagsrúnt úr
Skagafirði og Húnavatnssýslu og
mæta í kaffihlaðborðið hjá okkur,
sem er alla sunnudaga," sagði Ari
þegar hann var spurður hvort
Áfangi væri ekki afskekktur og fáir
sem færu þar um. „Ég vil bara
hvetja fólk, sem á leið um Kjalveg,
til að koma hér við og nýta sér þessa
fínu aðstöðu og finna hvernig stress-
ið hverfur eins og dögg fyrir sólu í
kyrrðinni.“
Ferðafélag fslands um hálendið og Vestfírði
Sumarleyfis- og helgarferðir
Morgunblaðið/Rax
UM verslunarmannahelgina fer Ferðafélag Islands m.a. í Landmanna-
laugar og býður upp á hraðgöngu um Laugaveginn. Hér gefur að líta
Brennisteinsöldu í Landmannalaugum nálægt téðri gönguleið.
Á VEGUM Ferðafélags fslands
eru framundan margvíslegar
ferðir um öræfi, Vestfírði og
fleira. Um er að ræða helgar-
ferðir og lengri sumarleyfisferð-
ir í seinni hluta júlí og ágúst.
Um hálendið norðan Vatnajök-
uls verða tvær átta daga sumar-
leyfisferðir og ein helgarferð
undir nafninu „Háiendið heillar".
Sigurður Kristinsson annast far-
arstjórn í ferðinni 8.-15. ágúst en
í hana er fullbókað. Onnur ámóta
ferð verður dagana 7.-14. ágúst
undir leiðsögn Hjalta Kristgeirs-
sonar. í henni verður ekið inn á
Sprengisandsleið og áfram
Gæsavatnaleið í Öskju, Herðu-
breiðarlindir og í Kverkíjöll. Við
sögu koma ýmsir staðir s.s. Há-
göngulón, Nýidalur, Hafra-
hvammagljúfur, Eyjabakkar og
fleiri.
Helgarferð um þessa umræddu
staði verður dagana 24.-25. júlí.
Þá verður flogið frá Reykjavík
að Egilsstöðum og ekið upp Jök-
uldal, að Dimmugljúfrum og
áfram Hrafnkelsdal og Fljóts-
dalsheiði. Á öðrum degi verður
ekið inn með Snæfelli og þaðan í
Laugabúðir. Á þessari ferð verða
ýmsir staðir skoðaðir t.d. Hafra-
hvammar, Þjófadalir, Eyjabakka-
foss, fossar í Jökulsá í Fljótsdal
og fleira. Fararstjórar eru Helgi
Hallgrímsson og Inga Rósa Þórð-
ardóttir.
Árbókarferð til Vestfjarða
Dagan 6.-8. ágúst verður sér-
stök Arbókarferð í tilefni út-
komu Árbókar Ferðafélags fs-
lands 1999. Farið verður um
slóðir sem fjallað er um í bókinni.
Ferðin hefst á ísafirði og þaðan
er farið um Dýrafjörð, Arnar-
fjörð og nágrenni. Fararstjórar
verða Kjartan Ólafsson, höfund-
ur bókarinnar, og Jón Reynir
Sigurvinsson, formaður Ferðafé-
lags Skagfirðinga.
Ferðir um verslunar-
mannahelgina
Fjórar ferðir verða á vegum
Ferðafélagsins um verslunar-
mannahelgina. Sú fyrsta er öku-
og skoðunarferð um Fjallabaks-
leið nyrðri og syðri frá föstu-
dagskvöldi til mánudags. Gist
verður í Landmannalaugum
fyrstu nóttina, en siðan ekið aust-
ur í Eldgjá og þaðan um Fjalla-
baksleið að Alftavatni þar sem
gist verður aðra nóttina. Síðasti
gististaðurinn er svo í Þórsmörk.
Samhliða þessari ferð verður
hraðganga um Laugaveginn og
verður farangur fluttur með öku-
ferðinni. Leiðin er gengin á
tveimur dögum og gist á áður-
nefndum stöðum.
Af öðrum ferðum um verslun-
armannahelgina má nefna
„Öræfin heilla“ þar sem ekið er í
Nýjadal við Sprengisandsleið.
Þaðan er ekið í Vonarskarð ann-
an daginn en hinn daginn að
Laugafelli. Síðast en ekki síst
verður Þórsmerkurferð uin
verslunarmannahelgina þar sem
gist er í Skagfjörðsskála og farið
í skipulagðar gönguferðir.