Morgunblaðið - 22.07.1999, Blaðsíða 60

60 FIMMTUDAGUR 22. JÚLÍ 1999
MORGUNBLAÐIÐ
Stutt
V
Viagra fyrir
plöntur
ÍSRAELSKIR rannsóknarmenn
segja líftíma plantna geta tvöfaldast
sé þeim gefínn viss skammtur af
ristruflanalyfinu viagra, en að það
geti líka haft sínar neikvæðu afleið-
ingar. „Plöntur eru ekki það ólíkar
fólki, segir Yaacov Leshem, pró-
fessor í plöntulíffræði við Bar-Ilan-
^ háskólann í Jerúsamlem, en hann
hefur verið í forsvari fyrir rann-
sókninni seinustu mánuði. „Viagra
kemur í veg fyrir að plönturnar eld-
ist og hjálpar þeim að viðhalda
stinnleikanum." Leshem komst að
því að tvö eða þrjú millígrömm af
viagara blönduð í vatn sem notað er
á afskorin blóm hægir á virkni etý-
lens, gaskennds hormóns sem gerir
það að verkum að ávextir, grænmeti
og plöntur þroskast, eldast og
mygla. Bar-Ilan-háskólinn og
Newcastle-háskólinn í Astralíu hafa
skráð einkaleyfi á þessari uppfinn-
ingu sem þeir álíta að geti haft bylt-
ingarkenndar afleiðingar í pökkun
og geymslu uppskeru.
y. „Einu ókostirnir," segir Leshem,
„eru kostnaðurinn við ferlið, því vi-
agra kostar um 1.300 krónur í smá-
sölu hver tafla, og hugsanleg áhrif á
neytendur viagra-ræktaðs græn-
metis. „Þetta gæti vissulega haft já-
kvæð áhrif á getuleysi fólks sem
borðar það,“ segir Leshem, „en
einnig haft neikvæð áhrif á gamalt
fólk sem á við heilsuvandamál að
stríða. Eins og málin standa í dag,
ráðleggjum við einungis að viagra
sé notað á afskorin blóm. „Fólk er
ekki mjög gjamt á að borða rósir.“
Mission:
Impossible II í
vandræðum
j MISSION: Impossible II með
Tom Cruise í aðalhlutverki hefur
verið mjög lengi á leiðinni undir
leikstjórn hasarmyndasnillings-
ins John Woo frá Hong Kong.
Frumsýning myndarinnar hafði
verið áætluð þann 26. desember
nk., en framleiðendur myndar-
innar, sem hafa lagt 80 milijónir
bandaríkjadala í verkefnið,
svitna víst þegar þeir heyra á
það minnst. Tökum myndarinnar
á að Ijúka í næsta mánuði í Sydn-
ey í Astralíu, en enn hafa sum
Iykilatriðin ekki verið tekin upp
og má þar nefna mikinn bflaelt-
ingaleik. Enginn staður í Sydney
þykir nógu hentugur fyrir tök-
J urnar, sem enda kannski í Fox-
stúdíói í Hollywood.
Vandræðin hófust þegar aðal-
stjarnan, Tom Cruise, hafnaði
handritinu í sinni upphaflegu
mynd. Mánaðarbið varð á tökum
þannig að margur starfsmaður-
inn nennti ekki að bíða lengur og
kaus að fara yfír til Malasíu þar
sem Fox er að taka upp myndina
Anna and the King.
Þegar tökur loks hófust yfir-
gaf tökumaðurinn, Andrew
Lesnie, settið þar sem til útlits-
legs ágreinings kom upp á milli
hans og leikstjórans John Woo,
sem hefur áreiðanlega mjög
ákveðnar hugmyndir í þeim efn-
um. En þegar nýi tökumaðurinn,
Jeffrey Kimball, hafði síðan ný-
lokið við uptökur á kvöldatriði í
sundlaugarpartíi, var meira en
helmingur leikaranna keyrður
úpp á spitala með hitavellu. Ja,
bara að fall reynist fararheill.
FÓLK í FRÉTTUM
Rokksveit
framtíðarinnar
JÁ, JÁ, já, jóa, jíbbí og jey; nýja
Limp Bizkit-platan er komin í hús.
Limp Bizkit er ein af þessum frá-
bæru sveitum sem hafa verið að
koma upp í rokkinu undanfarið og
ganga undir skilgreiningunni
„hiphop massive" eða „rapcore".
Sveitin kom fyrst fram á sjónarsvið-
ið árið 1996 með fyrstu breiðskífu
sinni „3 Dollar Bill Yall“. Sú plata
fékk misjafnar undirtektir í tímarit-
um vestanhafs til að byrja með en
það var nú einhvern veginn þannig
að með tímanum - og sérstaklega
nú á allra síðustu tímum eftir að
Limp Bizkit-liðar voru búnir að fá
alla tónleikagesti til að missa andlit-
ið vegna æðisgenginnar sviðsfram-
komu þeirra og kraft á tónleikum -
fóru hinir amerísku hamborgara-
rassar að tala um þá sem bjarg-
vætta amerísks rokks og settu þá í
flokk með sveitum eins og Deftones
og Korn.
Það hefur verið vægast sagt un-
aður að fylgjast með Limb B
stækka og stækka og er það ekki
síst snilldarlegum vinnubrögðum
Freds Dursts, söngvíira sveitarinn-
ar, að þakka, en hann hefur verið
óhræddur við alls konar samstarf
við hina og þessa snillinga og nægir
þar að nefna innkomur hans á plöt-
ur Soulfly og Kom á síðasta ári.
Nýja plata Limb Bizkit ber nafnið
Significant Other. Ber hún mikinn
keim af slíku samkrulli og er að
finna næstum því tuttugu einstak-
linga sem koma nálægt plötunni, al-
veg frá mömmu Freds Dursts til
Les Claypool, bassaleikara og aðal-
sprautu Primusar, og sjálfan stór-
glæpamanninn Method Man úr Wu-
Tang-genginu.
Significant Other er um margt
öðruvísi en ftumraun sveitarinnar;
gi-einilegt er að þeir eru búnir að
slíta bamsskónum og orðnir alvöru
rokksveit. Allar útsetningar em
mun betri og lagasmíðar einnig þótt
heyra megi langar leiðir að Limb-
liðar em miklir Jane’s Addicton og
Rage Against the Machine-aðdá-
endur en það er að sjálfsögðu bara
allt gott og blessað. Aðalhöfuðverk-
ur plötunnar er sá sami og var í
raun á þeirri fyrri, ekki fyndinn am-
erískur gelgjuhúmor sem fyrir-
finnst í nokkram textum á nýju
plötunni. Þó kemur Fred Durst
bæði söng og textum mjög vel tO
skila og sýnir að hann er án efa einn
allra skemmtilegasti söngvari í
heiminum í dag og er gaman að
heyra hann stinga upp í þann leiðin-
lega rappara Eminem eða hvað það
er nú aftur sem hann heitii'. Á plöt-
unni er að finna eins og áður sagði
samkrall Limparanna með Wu-
Tang „gúrúinum“ Method Man og
segir lagið „N 2 Gether Now“ allt
um það hvað Limparamir eru góðir
þegar þeir geta fengið hina leiðin-
legu tónlist „hip hop“ til að hljóma
bara annars ágætlega. Annars er
það lag langlakasta lag plötunnar.
Það er nú kannski ekki langt fyrir
Limparana að sækja „hip hop“-
áhrifin með DJ Lethal fyrram DJ
House of Pain innan borðs, en hann
má eiga það að hann er eini DJ-inn í
öllum heiminum sem getur í raun
kallað sig hljóðfæraleikara svo
miklu er þetta blessaða Skratz að
skila bandinu í fönkuðum hljóðum á
nýju plötunni. Annað dapurlegt at-
riði við þessa plötu er að lögin era
alltof lengi að byrja og enda sem
skilja nákvæmlega ekkert eftir sig
og er í raun bara til eintómra leið-
inda alla plötuna. Feitustu rokk-
hitararnir á þessari plötu eru ann-
ars án efa „Break Stuff1, útvarps-
hitarinn „Nookie" og „Nobody Li-
kes You“ en þai' njóta Limpararnh'
aðstoðar Scott Weiland, söngvara
Stone Temple Pilots. Platan Signi-
ficant Other er annars stútfull að
frábæru hopp-rokki og greinilegt að
Limb Bizkit era komnir til að vera
og stefna hraðbyri í það að verða
stærri en Marilyn Manson og Kom,
eitthvað sem Kom-liðum hefur
ábyggilega ekki dottið í hug er þeir
buðu tattúteiknaranum sínum að
ferðast með sér. Fred Durst og fé-
lögum í Limb hefur sem sagt tekist
að gefa hamborgararössunum vest-
anhafs er afskrifuðu sveitina í upp-
hafi, löngutöng í loftið, þessi sveit er
framtíðin, framtíðin er á morgun.
Uppboð á
leikmunum
á Netinu
KVIKMYNDAVER eiga mörg
hver fullar vöruskemmur af leik-
munum sem bíða þess eins að
verða hent eða mölétnir. En nú
verður breyting þar á því fyrir-
tækin Universal og New Line
verða fyrstu kvikmyndaverin sem
munu bjóða upp leikmuni og hluti
úr bíómyndum og þáttum á Net-
inu. Hvern langar ekki að eiga
stuttermabol úr kvikmyndinni
Boogie Nights? Eða sundlaugar-
vatn sem hin fagra Heather
Locklear úr þáttunum Melrose
Place hefur synt í? Hlutirnir
verða boðnir upp á heimasíðum
fyrirtækjanna á Netinu en hingað
til hafa kvikmyndaver aðeins selt
fjöldaframleidda minjagripi úr
myndum sínum með þeim hætti.
„Með þessu öðlast fólk tækifæri
til að eignast hluta af eftirlætis
myndum sínurn," sagði Jim Ros-
enthal þjá New Line. „Það verður
gaman fyrir einhvern að horfa á
Austin Powers: Njósnarinn sem
negldi mig og segja: „Eg á silfr-
uðu fötin sem Mini Me er í.“„ Þau
föt voru seld fyrir tæpar 400 þús-
und krónur. Dýrasti hluturinn
sem þegar hefur verið seldur var
BILLINN úr Austin Powers: Njósnarinn sem negldi mig fór fyrir
rúmar átta milljónir á uppboði.
hins vegar Corvetta Felicity Shagwell úr
sömu mynd en hún var seld hæstbjóðanda
á rúmar átta milljónir króna. Hluti ágóð-
ans af uppboðinu rennur til góðgerðar-
mála að sögn kvikmyndaveranna en hann
er smáræði miðað við þá fjármuni sem
fást með sýningn myndanna um allan
heim. En þetta er góð kynning fyrir
myndirnar og það á eftir að skila enn
meiri ágóða fyrir framleiðendurna.
Fleiri kvikmyndaver eru að hugsa um
að bætast í hópinn og opna uppboðssíðu á
Netinu. „Þetta er leið til að fá fólk til að
standa með rnanni," sagði talsmaður MGM
kvikmyndafyrirtækisins sem íhugar nú al-
varlega að skella sér og sínu dóti á Netið.
Þeir sem hafa áhuga á að kíkja á síð-
urnar er bent á slóðirnar www.auct-
ion.newline.com og www.universalstudi-
os.com/auction.
BÚNINGURINN sem
Wesley Snipes klæddist í
Blade er á uppboðinu hjá
New Line.
MYNPBÖNP
Að drepa
tímann
Klukkan tifar
(Clockwatchers)
Gamanmynd/drama
★★★
Framleiðandi: Gina Resnick. Leik-
sljóri: Jill Sprecher. Handrit: Jill og
Karen Sprecher. Kvikmyndataka:
Jim Denault. Aðalhlutverk: Toni
Collettc, Parker Posey, Lisa Kudrow
og Alanna Ubach. (96 mín.) Banda-
rísk. Skífan, júlí 1999. Öllum leyfð.
í framraun sinni á sviði kvikmynda-
gerðar hafa systurnar Jill og Karen
Sprecher óhikað ráðist á garðinn
þar sem hann er
lægstur og gert
kvikmynd um
hversdaginn í öll-
um sínum
grámygluleika.
Segir þar frá fjór-
um ungum konum
sem starfa sem
lausamanneskjur
hjá stóru fjár-
málafyrirtæki. Fyrir vikið era þær
neðst í valdapíramíta skrifstofu-
báknsins við vinnu sem er svo niður-
drepandi að tíminn virðist varla líða.
I allt að því ofurraunsæislegri
framsetningu sinni á efniviðnum era
Sprecher-systur ekkert að skafa of-
an af ömurleika slíkra starfsað-
stæðna, enda hefur því verið fleygt
að þær hafi kynnst slíkum störfum
af eigin raun. Aðalpersónurnar, sem
leita huggunar hjá hver annarri,
mega hafa sig allar við til að kikna
ekki undan niðurbrjótandi áhrifum
umhverfisins. Höfundar miðla þess-
ari raunsæislegu sýn sinni fagmann-
lega og hnitmiðað og ekki spillir
næmur leikur úrvalsleikkvenna íyr-
ir.
Heiða Jóhannsdóttir
Ekki
alvond
Skuldadagar
(Pay Back Time)___________
Spennumynd
★
Leiksljóri: John Raffo. Aðalhlutverk:
Peter Gallagher, Frances McDorm-
and og John Lithglow. (94 mín.)
Bandaríkin. Skifan, júní 1999. Bönn-
uð innan 16 ára.
JOHNNY er ljósmyndari hjá lög-
reglunni sem þarf á degi hverjum að
horfast í augu við hrylling hvers-
dagsins í gegnum linsuna. Hann hef-
ur því tamið sér
tilfinningaleysi
gagnvart starfinu
sem smitað hefur
alla hans tilvera.
Það gerir Johnny
jafnframt kleift að
stunda öllu sið-
lausara aukastarf
sem felur m.a. í
sér fjárkúgun.
I byrjun lofar
þessi sjónvarpsmynd nokkuð góðu,
ef litið er fram hjá nokkrum áber-
andi slæmum leikuram sem bregður
fyrir í aukahlutverkum. Persónu-
sköpun aðalpersónunnar er til dæm-
is áhugaverð og tekst ágætlega að
miðla þeirri einsemd og firringu sem
einkennir ljósmyndarann. Frances
McDormand gefur kvenpersónunni
sömuleiðis karakter umfram það
sem gengur og gerist í sjónvarps-
myndum af þessu tagi. Dálitlir
stíltilburðir í tónlist og fleira saka
heldur ekki. En þegar að því kemur
að leysa úr flækjum og skapa
spennu fellur myndin í hjólför sömu
gömlu leiðindaklisjunnar. Botninn
dettur þá alveg úr tunninni og það
litla innihald sem fyrir var sullast
niður.
Heiða Jóhannsdóttir