Vísir - 18.08.1962, Blaðsíða 1
VISIR
52. árg. — Laugardagur 18. ágúst 1962. — 193. tbl.
Fyrsía flugkeppnin
Fulltrúi Islands í
dag ú Langasandi
Annan sunnudag eða 26.
þessa mánaðar fer fram á
Reykjavíkurflugvelli flug-
keppni, ef veður leyfir, á
vegum Flugmálafélagsins.
Keppni þessi er þrenns
konar, flugleiðsögn, lend-
ingar og sérþrautir.
Þetta er tvímenningskeppni og
er öllum íslenzkum flugliðaskír-
teinishöfum boðin þátttaka, en
annar keppenda verður að vera
flugmaður.
Keppni þessi mun mjög reyna
á hæfni þátttakenda, þeir fá upp-
lýsingar hvert fljúga skal hálf-
tíma áður en þeir fara í loftið.
Síðan eiga þeir að gera flugáætl-
un og verða gefin stig fyrir hve
nákvæm hún er og gilda þau 6/10.
Framh. á bls. 5.
1 DAG fer fram úrslitakeppnin í
alheimsfegurðarsamkeppninni á
Langasandi. Fulltrúi íslands i
henni er María Guðmundsdóttir.
Verður spennandi að vita hvort
hún kemst í úrslitin.
Mynd sú sem Vísir birtir i dag
af Maríu var tekin daginn áður en
hún lagði af stað í förina vestur
um haf. Er hún þar klædd 1 fagran
og allt að því drottningarlegan
íslenzkan skautbúning. Búningur-
inn er grænn kyrtill sem frú Dýr-
leif Ármann saumaði af sinni
snilld. Sprotabeltið og koffrið fékk
María að láni hjá frænku sinni.
1 sjálfri fegurðarkeppninni á
Langasandi verður María í baðföt-
um en einnig fer fram aukakeppni
í þjóðbúningum. Skyldi dómnefnd
inni ekki þykja talsvert koma til
stúlkunnar og þjóðbúningsins?
Arkitektínn bannar loft-
net á Bændahöllinni
Bandaríska upplýs-
ingaþjónustan USIS, er
fluíti starfsemi sína fyr-
ir skömmu í BændahöII-
ina, hefur mætt þar mikl
um erfiðleikum, þar sem
hún hefur ekki fengið að
festa loftnet upp á hús-
ið né heldur leggja loft-
netslínu yfir í næstu
hús.
Það er nauðsynlegt
fyrir starfsemi hennar
að hafa loftnet til þess
að taka niður nýjustu
fréttatilkynningar frá
bandarískum útvarps-
stöðvum.
VALD ARKITEKTS.
En þegar hún ætlaði að fara
að reisa loftnet sín, lagði arki-
tekt hússins blátt bann við því
að loftnetin væru sett á þak
hússins og sömuleiðis bannaði
með öllu að loftnetslínur yrðu
festar í næstu hús. Það er ein-
ungis bann arkitektsins, Hall-
dórs H. Jónssonar, sem kemur
f veg fyrir þetta. Telur hann
sig hafa fulla heimild til þess,
þar sem þetta valdi lýtum á út-
liti hússins. Munu húseigendur
í Reykjavík ekki fyrr hafa vit-
að það að arkitekt geti bannað
að setja útvarpsloftnet upp.
RÖÐ SEX TRÉSTAURA.
Sæmundur Friðriksson sem
er í hússtjórn Bændahallarinn-
ar skýrði Vísi frá þyi í gær-
kvöldi, að hússtjórnin hefði ekk
ert haft við það að athuga, þótt
USIS setti upp nauðsynleg loft
net. Hér hefði einungis ráðið
vilji arkitektsins.
Það virðist nú ætia að verða
eina ráðið að USIS fái að reisa
nokkra háa tréstaura einhvers
staðar á lóð hússins, sennilega
fyrir austan það og strengja
loftnet sín þar. USIS vinnur
gott starf við að dreifa til ís-
lenzkra fréttastofnana nýjustu
Tvö innbrof
I fyrrinótt voru tvö innbrot
framin hér í borg, en litlu stolið.
Annað innbrotið var í verzlun
Á. Einarsson & Funk að Höfðatúni
2. Brotin hafði verið rúða í glugga
og farið með þeim hætti inn í hús-
ið. Þarna hafði þjófurinn rúmlega
200 krónur í peningum upp úr
krafsinu, en ekki sjáanlegt að neinu
öðru hafi verið stolið.
Hitt innbrotið var í húsakynnum
Sölufélags garðyrkjumanna á
Reykjanesbraut 6. Þjófurinn hafði
komizt inn í afgreiðsluherbergi á
bakhlið hússins og rótað mikið i
ýmsum hirzlum, skápum og skúff-
um, sýnilega i leit að verðmætum,
en ekkert fundið sem hann hefur
talið sér hag í að taka með og
farið slyppur á brott.
fréttum af því sem er að gerast
í Bandaríkjunum og fær þessar
fréttir gegnum útvarpsviðtæki.
Greco kemur
mónudaginn
Á mánudagskvöld kemur hinn
heimsfrægi Greco-ballett til
Reykjavfkur með leiguflugvél
Fiugfélags Islands. Dansflokkurinn,
26 manns, kemur á vegum Þjóð-
leikhússins.
Fyrsta sýning Gerco-ballettsins
verður á þriðjudagskvöld og hefst
miðasala kl. 1.15 í dag. Selt verð-
ur á þrjár sýningar.
Eins og áður hefur verið sagt frá
í blöðum, er hér um að ræða einn
þekktasta og vinsælasta spánska
ballettflokk, er nú starfar og hefur
hann sýnt f flestum stórborgum
Vestur-Evrópu og Ameríku.
Góðar horfur með síldveiði
Frá Raufarhöfn var símað í
gærkveldi að útlit væri fyrir góða
síldveiði í nótt, en meginhluti flot-
ans er nú á miðjum Héraðsflóa, j
þar sem Pétur Thorsteinsson fann j
allmikið síldarmagn í morgnu, 58
niílur út af Glettingi.
Strax er skipið gaf út tilkynn-,
ingu um að það hafi fundið síld |
v mai *»» j
H ......
Útlit hússins má ekki lýta með loftneti, segir arkitektinn
á þessu svæði streymdu síldarskip-
in þangað og þegar síðast fréttist
í gærkveldi voru mörg þeirra bú-
in að kasta og allar líkur fyrir
góðri veiði í nótt.
Sjómennirnir sjálfir telja, að
þetta sýni eitt með öðru hve mik-
ilvægt hlutverk síldarleitarskip-
anna er, en þau hafa hvað eftir
nnað komið að verulegu gagni í
umar og á síldarflotinn þeim mik-
ið að þakka. Skipstjórinn á Pétri
Thorsteinsson er Jón Einarsson,
sem áður var skipstjóri á Fann-
eyju og hefur verið við síldarleit-
ina um fjölda ára. Hann hefur
reynzt afburða vel í starfi sínu,
sem hans var von-og vísa.
1 dag barst tilkynning um það
frá varðskipinu Ægi að það hafi
fundið allmikið magn af ungri og
vaxandi rauðátu á utanverðu
Strandagrunni, og má vænta þess,
að rauðátan verði þroskuð orðin
og góð eftir nokkra daga.
Þessi fundur gefur sjómönnun-
um von um að sumargotssíldin,
sem kemur vestan að inn í Húna-
flóa, komizt þarna í æti og að
þarna geti orðið um allgóða síld-
veiði að ræða eftir nokkurn tíma.
Fanney hefur nú verið send á þetta
svæði til að fylgjast með rauðát-
unni og væntanlegri síldargöngu.
Sjöstanga-
veiðimynd
Kl. 5,30 í dag verður sýnd kvik-
mynd í sjónvarpinu á Keflavíkur-
flugvelli er tekin var á sjóstanga-
veiðimótinu er fram fór um síðustu
helgi frá Keflavík.