Vísir - 19.12.1962, Blaðsíða 1

VISIR
52. árg. — Miðvikudagur 19. desember 1962. — 286 tbl.
Olíubrák drap æðar-
fugl á Álftanesi
Nauðsynfegt að fá reglugerð um hreinan sjó við ísland
Það vandamál fer nú æ vax-
andi hér við strendur landsins,
að olia frá olíustöðvum og skip
um óhreinkar strendumar.
Snemma á þessu ári gerðist ís-
land aðili að alþjóðasamþykkt-
um um bann við óliumengun
sjávar. Hins vegar hefur það
nokkuð dregizt að reglugerðir
um þetta efni séu samþykktar
og skýrði Þorsteinn Einarsson
ritari Samb. ísl. dýraverndunar
félaga Visi frá því að sambandið
legði mikla áherzlu á það, að
regiugerð þessi væri sett hið
bráðasta, því að stöðugt færi í
vöxt mengun sjávarins við
strendur og hafnir.
M. a. kom það fyrir nú í nóv-
ember s. 1. að olía fór í sjóinn
frá olíuskipi í Skerjafirði og
drap hún talsvert af æðarfugli á
Álftanesi. Og greinilegt er að
allmikil brögð hafa verið að
því að olía færi í sjóinn við
Faxaflóa, því að sjórinn er all
mengaður.
I reglugerðinni sem búið er að
semja en hefur ekki fengizt stað
fest endanlega er svo fyrir mælt
að setja skuli upp sérstaka
geyma í höfnum til að taka við
úrgangsolíu. Þá er þar ákvæði
um að olíu megi ekki dæla í sjó
inn nær Iandi en 100 mílur. Nú
eru hins vegar mikil brögð að
því að olíuskip dæli olíu í sjóinn
t. d. þegar þau þurfa að hreinsa
tankana, hafa verið að flytja
olíu og ætla að flytja benzín.
Einnig er það alvarlegt mál, að
svo virðist sem olía leki við all-
ar stóru olíustöðvarnar. Það
sést greinilega að olíutaumar
eru út frá þeim bæði í Skerja-
firði, Örfirisey og Kletti.
Æðarfugl á sundi.
Eiga bændur að bera
ballann af SÖGU?
Uggur í þingmönnum
Eins og getið er um á öðrum
stað í blaðinu í dag varð 4ra ára
framlenging á Bændahallargjald-
inu að lögum á Alþingi í gær. Hér
er um að ræða hálft prósent af bú-
vöruverði bænda.
í sambandi við afgreiðslu máls-
ins í Efri deild urðu allmiklar um
ræður um hótelrekstur ( Bænda-
höllinni, og létu ýmsir þingmenn
í ljós ugg um að bændahallargjald
ið myndi ekki renna til sjálfra
byggingarframkvæmdanna heldur
til að standa undir hallarekstri af
Hótel Sögu, sem rekið er á kostn-
að bændasamtakanna, a.m.k. með-
an byggingin er ófullgerð. Töldu
sumir þingmenn sannað að hótel-
ið væri rekið með tapi og ófært að
binda bændastéttinni bagga með
þeim taprekstri.
Það kom fram í þessum umræð-
um að þingmenn voru yfirleitt
þeirrar skoðunar að mjög vafa-
samt hefði verið að byggja þetta
hótel í sambandi við nauðsynlegar
'skrifstofur fyrir stofnanir landbún-
aðarins, en úr því sem komið væri
yrði að freista þess að komast út
úr ófærunni með því að stuðla að
því að bændasamtökin hefðu fjár-
hagslegt bolmagn til þess að ljúka
byggingunni og koma henni f
rekstrarhæft horf. En þegar þar
kæmi sögu yrði farsælast fyrir
bændasamtökin að bjóða hótelið
út til leigu, en ef svo færi að eng-
inn vildi taka það á leigu væri
ekki nema tveggja kosta völ og
hvorugur væri góður, úr því að
lagt hefði verið út í þessa hótel-
byggingu: Annað hvort væri þá
að selja húsið, eða reka það, og
þá að líkindum með tapi, sem
Framh. á bls. 5.
Síldveiðihlé
veðurs vegna
Enn er hlé á síldveiðinni veðurs
vegna. Logn var í nótt, en undir
morgun rokhvessti, sagði fréttarit-
ari Vísis á Akranesi í morgun, og
enginn hreyfir sig eins og er. —
Spáð hafði verið SV, en Iygndi í
bili sem að ofan segir, og hvessti
svo á SA í morgun, og spáin slæm.
Síldveiðibátar munu hafa haldið
kyrru fyrir í öllum verstöðvum.
Þessi mynd var tekin í morg-
un í Bókav. Sigfúsar Eymunds-
sonar, og sýnir allar jólabæk-
urnar og fallega stúlku, sem
vinnur í jólafríinu.
Þótt mikið hafi verið gefið
út af bókum að þessu sinni
eins og jafnan endrtjnær fyrir
jólin, er bókaútgáfa mun minni
en oft áður eða að minnsta
Frh á bls. 5
4000nýir áskrifendur Vísis
Útbreiðsla blaðsins stóreykst
Nýlega er lokið áskrif
endasöfnun Vísis hér í
Reykjavík. Safnazt hafa
alls 3.432 nýir áskrifend
ur að Vísi á tímabilinu
15. maí til 1. desember í
ár. Er það mjög góður
árangur, betri en dæmi
eru til hjá nokkru ís-
lenzu blaði fyrr.
Það var seint síðasta vetur að
stjórn Visis ákvað að hef ja skipu
lagða söfnun nýrra áskrifenda
að blaðinu. Bar það til að blað
ið hafði nokkru áður, í júní í
fyrra, verið stækkað i 16 sfður
og flutti nú gjörbreytt og vand-
að efni. Var áskrifendasöfnunin
síðan skipulögð til hlítar og
verkið hafið. Undirtektir fólks
voru frá byrjun mjög góðar,
betri en búizt hafði verið við.
Bættust iðulega allt að 50 nýir
áskrifendur í hópinn á kvöldi.
Og nú í haust bættust yfir
300 nýir áskrifendur við f
Keflavík og jafnmargir á Akur-
eyri.
Áskrifendasöfnunin er nú lok
ið í bili. Enda hefir útbreiðsla
blaðsins aukizt mjög mikið á ár
inu. Vísir er nú orðið annað
stærsta blaðið hér i Reykjavík,
og er meðaitalsupplag blaðsins
um 13,000 eintök. Hefir upplag
blaðsins vaxið um allmiklu
meira en helming síðustu þrjú
misserin. Og enn er blaðið í ör-
um vexti.