Dagblaðið Vísir - DV - 28.04.1995, Blaðsíða 10
10
FÖSTUDAGUR 28. APRÍL 1995
Menning
Halla Margrét Ámadóttir sópransöngkona farin að minna á sig eftir 5 ára nám á Ítalíu:
Undirbýr tónleika
í Bologna í sumar
- fékk tilboðið eftir að hafa komist 1 úrslit í alþjóðlegri söngkeppni
Allir muna eftir Höllu Margréti
Árnadóttur í Evrópusöngvakeppn-
inni árið 1987 þegar hún söng lag
Valgeirs Guðjónssonar, Hægt og
hljótt, með undursamlegum hætti.
Halla var þá í söngnámi og varð
landsfræg á svipstundu. Hún útskrif-
aðist tveimur árum síðar frá Tónlist-
arskóla Garðabæjar en síðan hefur
lítið til hennar spurst. Skyndilega
birtist hún á skjánum í síðasta þætti
Hemma Gunn síðasta vetrardag og
sýndi landsmönnum að hún er orðin
sópransöngkona á heimsmæli-
kvarða. Enda hefur hún varið síð-
ustu árum vel. Frá 1990 hefur hún
verið í einkasöngnámi hjá Rinu
Malatrasi á Ítalíu, sama söngkenn-
ara og Diddú var hjá. DV tók Höllu
Margréti tali á dögunum en hún fer
aftur til Ítalíu í næstu viku eftir
stutta dvöl á íslandi.
„Námið hefur fahst í söng- og
tæknivinnu. Síðasta ár vann ég í
óperustúdíói, hef lokið því og er
meira farin að vinna við söngkeppni
og -prufur. Ég er búin meö hið eigin-
lega tækninám, þótt það sé aldrei í
raun búið, og síðan fer ég að sjálf-
sögðu reglulega í tékk til söngkenn-
arans,“ segir Halla.
ítalir hrifust af víðu raddsviði
Hún minnti rækilega á sig um síð-
ustu jól þegar hún komst í úrslit í
alþjóðlegu söngkeppninni Gullljón-
inu, Leon D’Oro, á Italíu og hafnaði
í 2.-4. sæti. Halla segir Gullljóniö
hafa verið fyrsta alvöruverkefnið eft-
ir söngnámið, auk þess sem hún hafi
tekið þátt í mörgum tónleikum. Hún
fékk mjög góða dóma í blöðum eftir
keppnina og það sem ítalir hrifust
einna mest af var hversu vítt radd-
svið Halla hefur um leið og kólera-
túr. Þetta þykir einstakur kostur hjá
sópransöngkonu.
„Það hleypti nýju baráttublóði í
mig að finna að ítalir taka það mikið
mark á manni að ég komst í úrsht í
þessari virtu söngkeppni. Eftir
keppnina fékk ég tilboð um að taka
þátt í stórum tónleikum í söngborg-
inni Bologna á Ítalíu í sumar og núna
er ég að undirbúa þá af krafti. Auk
þess eru fleiri verkefni í gangi.“
Halla segist hafa verið undir mikl-
um aga hjá Malatrasi enda hefur hún
verið með marga heimsfræga söngv-
ara í námi hjá sér. Þannig fékk Halla
ekki að koma fram í heil 2 'A ár og
það segir hún hafa verið mikla þrek-
raun.
Fannst ég vera að geggjast
„Þetta voru æfingar og aftur æfing-
ar og mér fannst ég vera að geggjast.
Áður en ég fór út var ég bara með
einhverja drauma um glæsta tíð og
áttaði mig ekki á þeim mikla aga og
gríðarlegu kröfum sem gerðar eru til
söngvara á Ítalíu. Ef þú hefur ekki
tæknina og söngstílinn líkar ítplum
ekki við þig. Þetta veit kennarinn
minn því hún hefur „framleitt"
stjörnur í stórum stíl. Fyrst átti ég
erfltt með að venjast aganum en í dag
finn ég hvað ég á við fá tæknileg
vandamál að etja og hvernig ég vinn
allt fyrst í gegnum tæknina. Þegar
ég fór út kunni ég enga tækni. Núna
kemur fólk sem heyrir í mér til mín
og segir mig nota svo mikla tækni.
Það finnst mér mjög skemmtilegt."
Kennarinn fékk ekki að
vita um Eurovision!
Þegar Halla kom til Ítalíu í söng-
'nám vildi hún ekki segja kennara
„Eg á mér þann draum. að geta einn góðan veðurdag leikið mér að röddinni minni eins og hjartað mitt vill
leika,“ segir Halla Margrét Árnadóttir sópransöngkona m.a. í viðtali við DV. DV-mynd ÞÖK
sínum eða öðrum frá þátttöku sinni
í Evrópusöngvakeppninni og frétti
hún það ekki fyrr en eftir nokkurra
ára kennslu með Höllu! Halla segist
hafa viljað týnast og fortíð hennar
kæmi engum við.
„Ég vil frekar að öll mín fyrri
reynsla komi í ljós á sviðinu heldur
en að tala um hana. Þetta er visst
mottó hjá mér; að vera ekki að segja
hvað ég er heldur láta fólk uppgötva
það. Ég hef ekki haft mig mikið í
frammi hér heima til þessa því ég
hef ekki getað sagt hvað ég er og
hvað ég hef. En núna get ég það með
söngnum."
Stefnir á stóra tónleika
á Islandi eftir 2 ár
Um framtíðina sagðist Halla ætla
aö halda áfram að bíta á jaxlinn og
drífa sig áfram á erlendum vett-
vangi. Námið hefur verið kostnaðar-
samt en hún hefur hlotið dyggan
stuðning frá stuðningsmannahópi
sem Bjarni Árnason í Brauðbæ og
Ingvi Hrafn Jónsson hafa farið fyrir.
„Ég er og verð alltaf íslendingur.
Eftir að ég söng í þættinum hjá
Hemma finn ég að íslendingum þykir
enn þá vænt um mig. Fólk stoppar
mig úti á götu og þakkar mér fyrir.
Þetta er svipuð tilfínning og ég fann
eftir Eurovision. Eftir þetta langt
nám er stuðningurinn ómetanlegur.
Ég stefni aö því aö geta haldið stóra
og fína tónleika á íslandi eftir tvö ár,
ef guð lofar.“
. Aðspurð hvort hún ætti sér ekki
þann draum að syngja í óperuhúsum
á borð við Scala sagðist Halla ekki
vilja tala svo stórt. Draumurinn væri
einfaldlega aö fá áð vinna við sína
atvinnu.
„Ég á mér líka þann draum að geta
einn góðan veðurdag leikið mér aö
röddinni minni eins og hjartað mitt
vill leika,“ sagði Halla Margrét.
Kaffiieikhúsið
á síðkvöldum
KafHleikhúsiö hefur ákveðið aö
brydda upp á þeirri nýjung aö
standa fyrir sýningum á síð-
kvöldum einu sinni í viku í sum-
ar. Fyrsta sýningin verður í k völd
kl. 22.30 á grínleiknum Sápa tvö;
sex við sama borð eftir Ingibjörgu
Hjartardóttur og Sigrúnu Ósk-
arsdóttur.
Sýningarkvöld verður Kaffi-
leikhúsið í Hlaövarpanum opnað
kl. 20 þar sem gestir geta fengið
Ijúffengan kvöldverð úr eldhúsi
Steinunnar Bergsteinsdóttur fyr-
ir sýningu.
Sveinbjörg
Alexandersmeð
Carmen
íslenski dans-
ílokkurinn ■
frumsýnir 17.
maí nk. í Þjóð-
leikhúsinu
„Heita dansa“
þar sem á efnis-
skránni verða
Carmen, Sólar-
dansar, Adagietto og Til Láru.
Hér á landi er stödd Sveinbjörg
Alexanders en hún er höfundur
dansverksins um Carmen. Hún
hefur síðustu ár starfaö í Banda-
ríkjunum viö góðan orðstír.
Málþingum
myndlist
Málþing um landslagsmyndlist
verður haldið í Hafnarborg í
Hafnaríirði á morgun í tengslum
við myndlistarsýningu Norð-
mannsins Patricks Huse. Meðal
þátttakenda á málþinginu verða
Aöalsteinn Ingólfsson listfræð-
ingur, Mikael Karlsson heim-
spekingur, Gystein Ixjge listfræð-
ingur og Folke Edwards, fyrrum
safnstjóri. Jón Proppé gagnrýn-
andi stýrir umræðum. Málþingið
er öllum opið og hefst kl. 10.30.
Styttistífrum-
sýninguStakka-
Nú styttist óðum í síðustu frum-
sýningu Þjóðleikhússins á þessu
leikári. Föstudaginn 5. maí verð-
ur frumsýnt nýtt íslenskt leikrit,
Stakkaskipti, eftir Guðmund
Steinsson. Hér er á ferðinni nokk-
urs konar framhald leikritsins
Stundarfriður eftir Guðmund
sem frumsýnt var í Þjóðleikhús-
inu fyrir 15 árum. Fjallar Stakka-
skipti um sömu fjölskyldu og kom
við sögu í Stundarfriði. Núna
tekst flölskyldan á við vandamál
nútímans, s.s. atvinnuleysi og
fíkniefnaneyslu.
Leikstjóri er Stefán Baldursson.
Leikendur eru Helgi Skúlason,
Kristbjörg Kjeld, Guðrún Gísla-
dóttir, Lilja G. Þorvaldsdóttir,
Elva Ósk Ólafsdóttir, Sígurður
Sigurjónsson, Árni Tryggvason,
Randver Þorláksson og Edda
Arnfjótsdóttir.
Frá æfingu á Stakkaskiptum.