Þjóðviljinn - 27.04.1984, Blaðsíða 1

DJÚÐVIIJINN
Fréttaskýring um sjónhverf- ingarnarí Seðlabankan- um og athuga- semdir endur- skoðanda bankans
z
Sjá 5 l'aÍrTíSÍI
apríl
föstudagur
94. tbl.
49. árgangur
Tveggja tíma deilur á þingi í gær
Springur stjórnin
á Mangó- málinu ?
Ekkert gamanmál og ég hvika ekkifrá ákvörðun minni
um skatt á þessar vörur, sagði fjármálaráðherra
Mjög hriktir í sambúð stjórnarflokk-
anna um þessar mundir vegna svonefnds
„mangómáls“ eins og þingheimur kallar
harðvítuga deilu Framsóknarflokks og
fjármálaráðherra um hvort taka á vöru-
gjald og söluskatt af framleiðsluvörum
Mjólkurbús Flóamanna, kakómjólk,
Mangó-sopa og Jóga. Harðar deilur stóðu
um þessa gjaldtöku utan dagskrár í tæpar
tvær klukkustundir á þingi í gær. Sögðu
þeir þingmenn Sjálfstæðismanna sem
Þjóðviljinn hafði tal af að hér væri um að
ræða erfiðasta deilumál sem komið hefði
upp innan ríkisstjórnarinnar og gæti
jafnvel riðið stjórnarsamstarfi að fullu.
Fjögurra manna ráðherranefnd sem ríkis-
stjórn skipaði á dögunum til að leita lausnar á
þessu deilumáli hefur komið einu sinni saman
og farið yfir upplýsingar frá Mjólkurbúinu um
verðmyndun áðurnefndra mjólkurafurða.
Ráðherrar Sjálfstæðisflokksins hafa ekki gert
sig ánægða með þá útreikninga og óskað eftir
því að fjögurra manna ráðgjafahópur geri
sjálfstæða útreikninga á verðmyndun þessa
vara. Hefur þessi hópur komið einu sinni sam-
an og mun hittast aftur í dag.
Albert Guðmundsson fjármálaráðherra lýsti
því yfir við utandagskrárumræðurnar á þingi í
gær að hér væri ekki um neitt gamanmál að
ræða og hann teldi það ekki koma til greina að
falla frá lögbundinni skattheimtu á þessari
vöru. Páll Pétursson formaður þingflokks
Framsóknarmanna sagði að kakómjólk væri
mjólkurafurð og lagatúlkun fjármálaráðherra
væri ekki rétt. Verið væri að koma höggi á
Mjólkursamsöluna og bændastéttina með
þessari skattlagningu og fjármálaráðherra
hefði nægar heimildir til undanþágu frá þessum
sköttum.
Pað var Jón Baldvin Hannibalsson sem hóf
umræðuna í gær og gagnrýndi hann harðlega
þá ákvörðun ríkisstjórnarinnar að skipa ráð-
herranefnd sem ætti að koma sér saman um
hvernig brjóta á gildandi lög og mismuna fyrir-
tækjum í landinu varðandi skattlagningu.
Fjöldi þingmanna tók til máls og gagnrýndu
þeir mjög alla þá málsmeðferð og þá sérstöðu
sem Mjólkursamsölunni væri sköpuð. Benti
Guðrún Helgadóttir þingheimi á að á sama
tíma og Samsalan kæmist undan söluskatts-
greiðslum byggði hún stórhöll undir fram-
leiðslu sína og legði til þeirrar byggingar 130
miljónir af hreinum gróða fyrirtækisins.
Það vakti athygli við umræðuna í gær að
engir ráðherrar Sjálfstæðisflokksins utan fjár-
málaráðherra tóku til máls, en hann sagðist
hvergi hvika frá ákvörðun sinni. Framsóknar-
menn munu fyrr ganga úr stjórninni en kyngja
slíkri skattlagningu og á meðan 8 manna hópur
sérfræðinga og ráðherra reiknar fram og til
baka þora forystumenn Sjálfstæðisflokksins
ekki að taka einarða afstöðu með eða á móti
skattinum því ráðherrastólarnir eru í veði.
-lg-
Einar Karl
Haraldsson
eftir dvöl
í Nicaragua
„Bardaginn um San Juan del
Norte mun hafa verið mest í heims-
fréttum meðan ég dvaldi í Nicarag-
ua, en hann hefur afar litla hernað-
arþýðingu, og meginþunginn er í
sókn skæruliðanna - contrunnar -
frá Honduras, þaðan sem þeir
koma þúsundum saman með að-
stoð Bandaríkjahers og CIA“,
sagði Einar Karl Haraldsson rit-
stjóri Þjóðviljans nýkominn úr 17
daga ferð um Nicaragua.
„Við vorum í Bluefields, sem er
norðar á austurströndinni en San
Juan del Norte, meðan orrustan
þar stóð, og við urðum vör við
nokkra spennu, þyrluflug og
kvaðningu varaliðsins á vettvang.
Þar fengum við líka að heyra lý-
singar á því hvernig „contran“
herjar á samyrkjubú indíána í hin-

Jaimle Armguello, aðstoðaryf irlæknir á San Pablo sjukrahúsinu í Bluefields, lýsir sárum Sandlnistahermanns-
ins sem rætt er um í fréttinni. Ljósm.: ekh.
Aðgerðir CIA þjappa
fólkinu fastar saman
um dreifðu fjalla- og frumskóga-
byggðum Zelaya og nemur þá brott
með sér yfir landamærin. Við
ræddum einnig við hermann sem
særst hafði í slíkri árás og lá á San
Pablo sjúkrahúsinu í Bluefields.
Sem dæmi um samgöngu-
erfiðleikana, þá gekk hann hels-
ærður í þrjá daga áður en hann
komst í bát, sem var tvo sólar-
hringa að flytja hann á sjúkrahús
eftir fljótavegum.
Þetta virðist að mestu vera frum-
stæður hernaður með léttum vopn-
um og þjóðlífið í Nicaragua ber
þess engin merki að CIA hafi tekist
það markmið sitt að lama efna-
hagsstarfsemina og sundra fólkinu.
Þvert á móti bendir margt til þess
að stærsti hluti borgarastéttarinnar
telji hag sínum betur borgið með
samvinnu við Sandínista, sem
vissulega eru forystuafl í Nicarag-
ua, um þjóðlega uppbyggingu,
heldur en með stuðningi við hina
hötuðu þjóðvarðliða Somoza og
málaliða CIA.“
í helgarblaði hefst í Þjóðviljan-
um birting á greinaflokki eftir Ein-
ar Karl Haraldsson um ástand mála
í Nicaragua undir heildarheitinu
„Sautján dagar með Sandínistum".
- v.
A morgun hefst í Þjóðviljanum greinaflokk-
urinn „Sautján dagar með Sandínistum“
Skákmótið
í New York:
Johann 1
kærumáli
I annarri umferð móLsins
átti Jóhann Hjartarson í höggi
við bandaríska stórmeistar-
ann Brownc. Skákin fór í bið
og er hún töpuð á Jóhann, en
vegna atviks sem átti sér stað
meðan á skákinni stóð hefur
hann kært hana fyrir dómstóli
mótsins. „Skákin var i
jafnvægi allan timann, við
tefldum Broddgaltar-afbrigði
Enska leiksins þar sem ég
hafði hvítt. Siðan skeði það að
ég ætlaði að krefjast jafnteflis
því léki ég einum lcik væri
sama staðan komin upp þri-
svar sinnum. Lögum sam-
kvæmt fór ég nú á fund skák-
stjóra til þess að fá hann að
borðinu og sýna honum um-
ræddan leik áður en ég léki
honum, cn hann sagðist ekki
hafa tíma!!. Ég fór þvi aftur að
borðinu til að sýna Browne
sjálfum fram á þctta en hann
þóttist ekkcrt skilja né vita:
Hey man, what do you mean?
Að vonum fór ég úr jafnvægi
og lék tómri dellu eftir þetta“,
sagði hinn hæverski meistari í
samtali yið Þjóðviljann i gær.
Helgi Ólafsson, sem einnig
teflir á mótinu, tók undir
þetta, „Hlægilegt keis,
eitthvað það fáránlegasta sem
ég hef orðið vitni að“.
Annars átti Helgi náöuga
daga í annarri umferð, vann
Brunkin með svörtu í Enska
leiknum í aðeins 23 leikjum.
í fyrstu umferð tefldi Helgi
við sjáifan Lajos Portisch frá
Ungverjalandi og tókst heldur
betur að hrella hann, þó að
jafntefli væri óumflýjanlegt t
lokin. „Ég var með hvítt og
beitti Enska leiknum, það er á
hreinu að ég missti af vinning
einhvers staðar, en varð að
sættast á jafntefli eftir 60 leiki,
var að reyna að vinna með
hrók og riddara gegn hrók í
20. ieik en án árangurs", sagði
Helgi og var að vonum hálf
svekktur yfir þvt að missa af
feitum bita.
Jóhann gerði jafntefli með
svörtu gegn Spragget frá
Bandaríkjunum og var um að
ræða sama afbrigði og gegn
Browne.
Það hefur verið töluvert af
óvæntum úrslitum í mótinu,
t.d. tapaði Larsen fyrir Soltis í
fyrstu umferð og í annarri tap-
aði stigahæsti maður mótsins
Ljubojevic fyrir Zapata. Það
stóð til að Jón L. Árnason
tæki þátt í mótinu en hann;
hætti við á síðustu stundu.
I
- L.J.