Dagblaðið Vísir - DV - 10.06.1999, Blaðsíða 7

FIMMTUDAGUR 10. JÚNÍ 1999
7
Fréttir
Flotkvíin í Hafnarfiröi:
Fimmtíu ný störf
Hún vekur mikla athygli hjá öll-
um sem keyra fram hjá, flotkvíin í
Hafnarfjarðarhöfn. Hún er búin að
liggja þarna næstum í eitt og hálft
ár. Nú eru framkvæmdir á fullu og
stefnt er að því að taka hana í notk-
un 15. ágúst næstkomandi. Það er
vélsmiðja Orms og Víglundar hf.
sem á kvína og hjá fyrirtækinu
starfa núna um 50 manns. Guð-
mundur Víglundsson, framkvæmda-
stjóri hjá fyrirtækinu, býst við að sú
tala tvöfaldist eftir að kvíin kemst í
gang. „Það hefur reynst fyrirtækinu
þungur baggi að vera borga af henni
meðan ekkert kemur inn á hana.
Það lagast samt um miðjan ágúst og
ég á von á því að við verðum komn-
ir á fullt um það leyti. Framtíðar-
staðsetning flotkvíarinnar er rétt
fyrir utan Hvaleyrina hjá nýrri fyll-
ingu þar fyrir utan. Starfsmanna-
fjöldi okkar mun líklega tvöfaldast
og verður um 100 manns. Kví sem
þessi hefur einnig mikil margfóld-
unaráhrif því þeir sem koma með
skip til okkar munu einnig láta önn-
ur fyrirtagki en okkar vinna í sér-
hæfðari verkefnum. Það getur
aldrei verið nema af hinu góða,“
segir Guðmundur. -ES
Hér er flotkvíin í öllu sínu veldi. Framkvæmdir hafa ekki gengið sem skyldi en eru þó komnar á fullt nú. Stefnt er að
því að taka hana í notkun 15. ágúst.
Strandasýsla:
Refur í
fjárhúsi
DV, Hólmavík:
Óvæntur og afar illa séður gestur
sótti heim fjárhús Ólafs Gunnars-
sonar, bónda í Þurranesi í Saurbæj-
arhreppi, nýlega. Þegar Jón Ingi, 15
ára sonur þeirra hjóna, sem fylgdist
með sauðburðinum, kom fyrri hluta
nætur í fjárhúsin kom tófa hlaup-
andi fram eina jötuna og út úr fjár-
húsunum með það sama. Þetta
verður að teljast nær einstakt og
áræði skolla orðið meira en áður
hefur þekkst og eðlilegt getur talist.
Nokkrum dögum síðar sást til
tófu af líkum lit sem var í hlíðinni
þar skammt frá og var búin að
parraka geldfé bóndans á Stóra-
Múla svo það stóð í einum hnapp.
Ekki sást hún þó áreita það en illan
bifur hafði það á henni. Nokkuð
sem var augljóst. Tilgáta Ólafs
bónda er að hér hafl verið um sama
dýrið að ræða. Hann segir að hér sé
um smátt og líklega ungt dýr að
ræða.
í vetur leið veitti hann því oft at-
hygli - þá sjaldan að snjófól gerði -
að tófuspor sáust nálægt fjárhúsun-
um, sem er óvenjulegt. Ólíklegt er
talið að um eldisdýr sé að ræða því
ekkert refabú er á þessu svæði.
Ólafur segir ljóst vera að meira sé
um tófú núna en áður. Hann minn-
ist þess að í fjölda ára áður fyrr hafi
ekki fundist neitt þegar gætt var á
grenistæði. Ekki hafi eingöngu ver-
ið því að þakka að góðir veiðimenn
hafi verið til staðar.
„Það var einfaldlega minna um
tófu áður fyrr,“ segir Ólafur Gunn-
arsson bóndi í Þurranesi.
-GF
Skagafjörður:
Mesta kal í
yfir 50 ár
DV, Sauðárkróki:
í austanverðum Skagafirði hafa
tún á stórum svæðum komið mjög
illa undan vetri og eru allt að 70 til
90 % túnanna skemmd og nánast
ónýt að mati Egils Bjarnasonar og
Eiríks Loftssonar, ráðunauta Bún-
aðarsambands Skagfirðinga.
Skoðuð voru tún á tíu bæjum í
Hjaltadal og Óslandshlíð og var nið-
urstaðan sú að um stórfellt kal væri
að ræða, það mesta í yfir 50 ár að
mati þeirra Egils og Eiriks. Enn eru
mörg tún snævi þakin og er útlit
fyrir að hið sama verði upp á ten-
ingnum víðar á þessu svæði er
snjóa leysir.
Ljóst er að endurvinna þarf stór-
an hluta túnanna og er tjón margra
bænda vegna þessa tilfinnanlegt.
Sýnilegt er því að heyfengur á
svæðinu verði með minna móti í
sumar og líkur á að Bjargráðasjóð-
ur komi að málum í haust ef bænd-
ur skortir fóður og flytja þarf hey á
milli svæða. -ÞÁ
Toifæran
kfaiMtemoiið
naust
önnur umferð