Dagblaðið Vísir - DV - 26.03.2001, Blaðsíða 10

26
MÁNUDAGUR 26. MARS 2001
Sport
DV
Zdravko Demirev,
leikmaöur og þjalfari
IS, og Guömundur
Hefgi Porsteinsson
lyfta bikarnum í
leikslok.
DV-mynd POK
Huldu Elmu Ey-
steinsdottir, fyrirliöi
Próttar, N., lyftir
bikarnum ásamt
Porbjörgu Olöfu
Jónsdottur.
DV-mynd PÖK
Bikarúrslitin í blaki fóru fram
um helgina og þar bættu nýkrýndir
deildarmeistarar bikurum í safnið
og sönnuðu styrk sinn.
íþróttafélag stúdenta tryggði sér
bikarmeistaratitilinn í þriðja skipt-
ið i röð þegar félagið skellti Stjörn-
unni í fimm hrinu leik í Digranesi
á laugardaginn. Það má segja að
heilladísirnar hafi verið réttum
megin fyrir leikmenn ÍS sem unnu
oddahrinuna 20-18 eftir að leik-
menn Stjörnunnar höfðu glutrað
niður tveimur tækifærum á að
klára hrinuna.
Leikurinn var spennandi og í
heildina góður bikarúrslitaleikur,
nokkuð vel leikinn og hreinlega ekki
hægt að biðja um meira þar sem að úrslitin réðust
með „gullhávörn" frá örvhenta smassaranum Gal-
in Raditchkov sem var sá leikmaður sem halaði inn
flest stig fyrir IS. Það skildu aðeins tvö stig liðin í
heildina en Stjarnan skoraði 107 gegn 109 frá ÍS.
Hrinurnar enduðu 25-23, 16-25, 25-16, 23-25 og
20-18. Leikurinn tók kúvendingu um miðbik fjórðu
hrinunnar þegar ÍS leiddi með sex stiga forskoti en
Stjarnan náði að skora sjö stig í röð og vinna hrin-
una með minnsta mun. Það var greinilegt að leik-
menn ÍS voru slegnir yfir þessari stöðu enda virtust
þeir með leikinn í höndum sér en klaufagangur í
sókninni og góðar uppgjafir frá Emil Gunnarssyni
gerðu gæfumuninn fyrir Garðabæjarliðið sem sýndi
tennurnar hressilega. Leikmenn ÍS voru alltaf
skrefinu á undan í oddahrinunni, allt þar til í blá-
lokin að Stjarnan jafnaði og komst einu stigi yfir og
átti tvisvar möguleika á að klára leikinn. Það gekk
hins vegar ekki eftir þar sem smass í netstrenginn
á lokakaflanum og frábær hávörn Galins varð stúd-
entum að vopni.
Bikarmeistaratitillinn hafnaði því enn eitt árið
hjá ÍS og leikmenn liðsins voru vel að þeim titli
komnir þar sem þeir náðu að þjappa sér saman þeg-
ar mest á reyndi og þar átti uppspilarinn Martin
Raditchkov, bróðir Galins, stóran þátt og Davíð Búi
Halldórsson sem lék einn af sínum betri leikjum í
vetur.
Zdravko Demirev, leikmaður og þjálfari ÍS, var
ánægður með úrslit leiksins og sagði að þetta hefði
verið sannkölluð töfrastund hjá liðinu í lokin.
„Við virkuðum frekar spenntir og náðum því
- ÍS og Þróttur N. bikarmeistarar
ekki að sýna okkar besta blak en leikmenn Stjörn-
unnar léku líka nokkuð vel og þeir komu okkur
nokkuð á óvart. Við héldum þó hiaus í oddahrin-
unni og náðum að klára okkar ætlunarverk þrátt
fyrir að það stæði tæpt. Það var frábært að vinna
með minnsta mun og það gefur þessu meira gildi.“
„Við erum búnir að vera alloft í þessari stöðu síð-
ustu árin og höfum tapað á ögurstundu í úrslita-
hrinu, það hefur loðað við okkur. Þetta var rosalega
sárt að þurfa að kyngja þessum ósigri og það kem-
ur vonandi að því að vinnum eitthvað. Við lögðum
okkur allir 100% fram í þessum leik en það dugði
því miður ekki núna,“ sagði Emil Gunnarsson, leik-
maður Stjörnunnar, eftir leikinn.
Annan árið t röö
Kvennalið Þróttar frá Neskaupstað skellti stúdín-
um í þremur hrinum gegn engri í Digranesi á laug-
ardaginn. Félagið hampaði þar bikarmeistaratitlin-
um i annað sinn i röð, vann hrinurnar 25-23, 25-14
og 25-16.
Það má segja að stúdínur hafi átt á brattann að
sækja frá fyrstu mínútu og það var einungis í fyrstu
hrinunni sem þær áttu fræðilega möguleika á að
krækja sér í hrinu en af því varð ekki.
Eftir það má segja að Þróttarastúlkur hafi haft
vinninginn á öllum sviðum leiksins með þær Önnu
Pavlouka ásamt fyrirliðanum Huldu Elmu Eysteins-
dóttur sterkar á köntunum og þetta var aldrei nein
spurning. Sæunn Svana Rikharðsdóttir kom líka á
óvart með góðum leik á miðjunni fyrir Þróttara-
stúlkur.
Móttakan var hins vegar slök hjá stúdínum og
uppspilið gekk heldur ekki nægjanlega vel. I kjölfar-
ið gengu sóknarskellirnir illa og það var hálfgerð
veisla fyrir Þróttarastúlkur sem fiskuðu marga
þeirra upp úr gólfinu og skoruðu grimmt á stúdín-
ur.
Þrátt fyrir þetta var Dagbjört Víglundsdóttir öfl-
ug í liði stúdína og lék vel en hún fékk ekki nægj-
anlega aðstoð frá stallsystrum sínum til þess að geta
breytt gangi leiksins. Það má segja að stúdínur hafi
aldrei komist almennilega inn í leikinn og Þróttara-
stúlkur voru heldur ekkert á því að hleypa þeim
neitt áfram eins og úrslitin í tveim síðustu hrinum
leiksins staðfestu. Norðfjarðarliðið mun mæta stúd-
ínum í úrslitaleik íslandsmótsins og ljóst er að
mikið þarf að breytast hjá stúdínum til þess að þær
eigi möguleika þar. -GHÞ
íslandsmótið
ijudo
15 ára og eldri / Konur
Þyngdarflokkur -52 kg
1. Ingibjörg Guðmundsdóttir, Ármanni
2. Arnfriður G. Arngrimsdóttir, JR
Þyngdarflokkur -57 kg
1. Urður Skúladóttir, KA
2. Hjördís Ólafsdóttir, JR
3. Heiða Dögg Jónsdóttir, JR
Þyngdarflokkur -63 kg
1. Berglind Andrésdóttir, KA
2. Margrét R. Bjarnadóttir, Ármanni
3. Olga Kolbrún Vilmundardóttir, JR
Þyngdarflokkur -70 kg
1. Gígja Guðbrandsdóttir, JR
2. Anna Soffía Víkingsdóttir, JR
3. Gigja Gunnarsdóttir, KA
Þyngdarflokkur -78 kg / +78 kg
1. Bettina Wunsch, UMFF
2. Sólborg B. Heimisdóttir, JR
Opinn flokkur kvenna
1. Berglind Andrésdóttir, KA
2. Gígja Gunnarsdóttir, Ármanni
3. Bettina Wunsch, UMFF
3. Gígja Guðbrandsdóttir, JR
15 ára og eldri / Karlar
Þyngdarflokkur -60 kg
1. Höskuldur Einarsson, JR
2. Heimir Kjartansson, JR
Þyngdarflokkur -66 kg
1. Snævar Már Jónsson, JR
2. Jósep Þórhallsson, JR
3. Einar Jón Sveinsson, UMFG
3. Karles Ólafsson, KA
Þyngdarflokkur -73 kg
1. Vignir Grétar Stefánsson, Ármanni
2. Tómas Sigursteinsson, KA
3. Hinrik S. Jóhannesson, Ármanni
3. Hilmar Trausti Harðarson, KA
af sigurglímum sínum
um helgina.
DV-mynd
Vernha
- varð tvöfaldur meistari á íslandsmótinu i júdó
íslandsmótið i júdó fór
fram í Austurbergi á laugar-
daginn. 119 þátttakendur
voru mættir til leiks í
karla- og kvennaílokkum.
Alls voru þátttakendur frá 7
félögum og gekk mótahald
vel fyrir sig í öruggum
höndum Jóns Óðins Óðins-
sonar mótsstjóra.
JR vann 11 gull
Það Júdófélag sem bar
sigur úr býtum á laugardag-
inn var Júdófélag Reykja-
víkur með samtals 26 verð-
laun, þar af 11 gullverðlaun.
Ármenningar og KA voru
samstíga með 14 verðlaun
hvort félag og 5 gull hvort.
Ef skoðað er vinnings-
hlutfall út frá fjölda þátttak-
enda frá hverjum félagi er
UMFF örugglega með vinn-
inginn því einn keppandi
kom frá Framtíðinni og
hafði með sér tvenn verð-
laun, eitt gull og eitt brons.
Vernharð í fínu formi
E instaklingssigurvegari
mótsins í karlaflokki er án
efa Vernharð Þorleifsson,
KA, en hann sigraði í -100
kg flokknum og opnum
ílokki karla. Vemharð er í
finu formi þessa dagana og
glímdi með miklum ágæt-
um.
Berglind lagði meist-
arann
I kvennaflokki var Berg-
lind Andrésdóttir (KA) kona
mótsins, sigraði i sínum
flokki i -63 kg og lagði svo
íslandsmeistarann frá því í
fyrra í opnum flokki
kvenna, Gígju Gunnarsdótt-
ur, sem er einnig gamli
þjálfarinn hennar Berglind-
ar. Þetta er ótrúlegt afrek
hjá Berglindi þar sem hún
var að glíma við sér miklu
stærri og sterkari stelpur.
Það má því segja að
Akureyringamir Vernharð
Þorleifsson og . Berglind
Andrésdóttir hafi stolið sen-
unni á íslandsmótinu að
þessu sinni. Þau unnu bæði
til tvennra gullverðlauna.
Þyngdarflokkur -81 kg
1. Karl Erlingsson, JR
2. Bergur Pálsson, JR
3. Max Jónsson, KA
3. Björn Blöndal Haröarson, KA
Þyngdarflokkur -90 kg
1. Bjarni Skúlason, Ármanni
2. Guðmundur Sævarsson, Ármanni
3. Gunnar Fannar Gunnarsson, JR
Þyngdarflokkur -100 kg
1. Vernharö Þorleifsson, KA
2. Þorvaldur Blöndal, Ármanni
3. Ásmundur Steindórsson, KA
Þyngdarflokkur +100 kg
1. Heimir S. Haraldsson, Ármanni
2. Guömundur Gunnarsson, UMFÞ
3. Gunnar B. Sigurðsson, JR
Opinn flokkur karla
1. Vernharð Þorleifsson, KA
2. Bjarni Skúlason, Ármanni
3. Þorvaldur Blöndal, Ármanni.
3. Heimir S. Haraldsson, Ármanni