Dagblaðið Vísir - DV - 11.08.2001, Blaðsíða 14

14
LAUGARDAGUR 11. ÁGÚST 2001
Helgarblað_________ __________________________________________________________________________________ DV
Búist við heitum umræðum um virkjunarmál með haustinu:
Miklar líkur taldar á
Kárahn j úkavirk j un
- óvissan um kaupendur nagar meira en umhverfismatið
Valdiö hjá Alþingi
Ljóst er aö umræöan um Kárahnjúka mun setja svip sinn á störf Alþingis í
haust en þar veröur iíklega tekin hin endanlega ákvöröun um virkjunina meö
samþykkt heimildarlaga um virkjunarleyfí.
Landsvirkjun mun ekki leggja
fram kæru vegna úrskurðar Skipu-
lagsstofnunar um Kárahnjúkavirkj-
un fyrr en alveg í lok kærufrestsins.
Ástæðan er sú að sögn Þorsteins
Hilmarssonar, upplýsingafulltrúa
fyrirtækisins, að menn vilja gefa sér
góðan tíma til að fara yfir úrskurð-
inn í einstökum atriðum og freista
þess að safna sem mestu af gögnum
áður en og ef kæra verður lögð
fram. „Við erum að yfirfara úr-
skurðinn og það sem honum tilheyr-
ir, s.s. undirgögn, þannig að við
munum hafa á reiðum höndum sem
mest af nýjum gögnum sem svara
rmsBssmm
Birgir Guömundsson
fréttastjóri
hlutum sem þarna er varpað upp.
Síðan auðvitað munum við í fram-
haldinu leggja mat á þann málflutn-
ing sem Skipulagsstofnun hefur
uppi,“ segir Þorsteinn. Hann segir
þó flest benda til þess að Lands-
virkjun muni kæra þó það verði
ekki gert fyrr en upp úr mánaða-
mótum.
Kærufrestlr
Frestur til að kæra rennur út 5.
september og þá mun umhverfisráð-
herra hafa frest í átta vikur eða til
mánaðamóta október-nóvember til
að úrskurða um kæruna. í vikunni
féll úrskurður Skipulagsstofnunar
um mat á umhverfisáhrifum hafnar
við iðnaðarsvæðið að Hrauni i
Reyðarfirði. f úrskurðinum er bygg-
ing hafnarinnar ekki talin hafa í för
með sér alvarleg umhverfisáhrif og
er hún því heimiluð. Áður hafði leg-
ið fyrir úrskurður þar sem línurnar
milli Kárahnjúka og verksmiðjunn-
ar voru samþykktar. Enn er ókom-
inn úrskurður um mat á umhverfis-
áhrifum vegna álversins sjálfs en
von er á því þann 31. ágúst. Úr-
skurðurinn um umhverfismat ál-
versins átti raunar aö koma í þess-
ari viku en vegna þess hve rúman
tíma menn gáfu sér i umsagnir var
úrskurðinum frestað.
Mikilvægur úrskurður
Ljóst er að úrskurður Skipulags-
stofnunar um álverið sjálft mun
skipta sköpum um framhald stór-
iðjuáforma stjórnvalda eins og mál-
in hafa þróast. Ekki einvörðungu
mun það skipta máli varðandi kæru
Landsvirkjunar, Fjarðarbyggðar og
annarra sem hyggjast kæra, heldur
getur það haft veruleg áhrif á þann
pólitíska þrýsting sem verður á mál-
inu. Spumingin um mikilvægi
Kárahnúkavirkjunar hlýtur augljós-
lega að horfa öðruvisi viö ríkis-
stjórninni og umhverfisráðherra ef
Skipulagsstofnun heimilar án telj-
andi skilyrða bygginu verksmiðj-
unnar á Reyðarfirði, heldur en ef
stofnunin leggst líka gegn verk-
smiðjunni eins og virkjuninni.
Virkjunarleyfiö
Samhliða umhverfismatsferlinu,
sem þessar framkvæmdir fara, í er
annað ferli í gangi sem er spurning-
in um virkjunarleyfl. Eins og fram
hefur komið hér í DV er undirbún-
ingur virkjunarleyfis þegar hafinn í
iðnaðarráðuneytinu. Virkjunarleyf-
ið er gefið út af iðnaðarráðherra
samkvæmt orkulögum en til þess að
geta gefið það út þarf ráðherra að fá
heilmild frá Alþingi. Staðfest er að
áform eru uppi um að leggja fram
slíkt frumvarp á haustþinginu að
óbreyttu og þar mun Alþingi geta
tjáð sig um afstöðuna til virkjunar-
innar og hvort af henni eigi að
verða eða ekki. Enginn efast um aö
meirihluti sé fyrir slíku frumvarpi
á þingi, svo framarlega sem ekkert
óvænt kemur upp. Frumvarp um
virkjunarleyfi yrði þó ekki afgreitt
frá þinginu fyrr en umhverfísráð-
herra hefur úrskurðað um máliö.
Virkjun verður byggð
DV hefur síðustu daga rætt við
fjölmarga þingmenn og fólk sem
lætur sig þessi stóriðjuáform varða.
Það er nánast samdóma álit allra aö
þrátt fyrir úrskurð Skipulagsstofn-
unar um Kárahnjúka muni virkjun-
in verða byggð, svo framarlega sem
fjárfestar fást til að fjármagna álver-
ið í Reyðarfirði. Ástæðan sé einfald-
lega sú, eins og Halldór Ásgrímsson
orðaði það hér í blaðinu fyrir
nokkrum dögum, að „það sé stefna
stjórnvalda að byggja þessa virkj-
un“. Það eina sem menn sjá fyrir
sér að gæti sett strik í reikninginn
er að álvershluti verkefnisins bregð-
ist af einhverjum ástæðum og ekki
verði til kaupandi að þeirri orku
sem framleiða á. Þar horfa menn til
fjármögnunar álversins, sem vissu-
lega er í nokkru uppnámi þessa dag-
ana, og svo hins vegar til þess að
Skipulagsstofnun gæti torveldað
framgang álversframkvæmda ef
hún legðist gegn álverinu í úrskurði
sínum. Ýmisr náttúruverndarmenn
segjast þó óttast að hastarleg við-
brögð stjómvalda, einkum Davíðs
Oddssonar, við Kárahnjúkaúrskurð-
inum, haFi sín áhrif og minni líkur
séu á því en meiri aö úrskurður
skipulagsstjóra veröi álveri mjög
fjandsamlegur. En virkjunarhluti
framkvæmdanna er sem sé talinn
geta gengið eftir, að breyttu breyt-
anda.
Líkleg atburðarás
Sé dregið saman það ferli sem
viðmælendur blaðsins sjá fyrir sér
varðandi útgáfu leyfis og samþykkt
fyrir virkjunina kemur þetta í ljós:
Umhverfisráðherra samþykkir
virkjunina með einhverjum skilyrð-
um um mótaðgerðir og fleira. Sú
ákvörðun kemur í kjölfar þess að
ríkisstjórnin hefur fjallað um málið
og í raun tekið hina pólitísku
ákvörðun. Umhverfisráðherra, sem
er jú hluti af ríkisstjórninni, verður
að hlíta þeirri sameiginlegu niður-
stöðu. Þungamiðjan í rökum stjóm-
valda verður að þrátt fyrir ein-
hverja vankanta, sem framkvæmd-
in hafi í for með sér, vegi efnahags-
legt mikilvægi virkjunarinnar fyrir
þjóðina slíka vankanta upp og gott
betur. Útfærslan á þessari megin-
niðurstöðu, þ.e. hvaða skilyrði
verða sett fyrir leyfinu og til hvaða
aðgerða Landsvirkjun þarf aö grípa,
mun hins vegar ráöast af því hvaða
viðbótargögn fyrirtækið kemur með
til ráðherra og hvemig því gengur
að vinna úr gagnrýni Skipulags-
stofnunar.
Pólitískar deildur
Viðmælendur blaðsins segja að
þetta muni vitaskuld kalla á miklar
pólitískar deilur, jafnvel
„fjaðrafok", ekki síst á Alþingi þar
sem „beðið verður um margar utan-
dagskrárumræður", eins og einn
þingmaður orðaði það. Hins vegar
er ljóst að stjómarflokkarnir munu
standa nokkuð þétt saman - með
einni eða tveimur undantekningum
- á meðan stjórnarandstaðan verður
tæplega eins samstiga. Vinstri
grænir og Frjálslyndir eru vissulega
einhuga i andstöðu sinni við virkj-
unina, en sömu sögu er ekki að
segja um Samfylkinguna sem er
klofin í málinu. Auk þess sem Öss-
ur Skarphéðinsson, formaður
flokksins, mun rækilega minntur á
jákvæð ummæli sín um Kárahnjúka
sem féllu í deilunni um Eyjabakka,
en fleiri en einn og fleiri en tveir
stjómarþingmenn úr viðmælenda-
hópi blaðsins hafa rifjað upp þessi
orð og hlakka greinilega til að nota
þau í þinginu. Þessi umræða í þing-
inu mun vissulega fara að einhverju
leyti fram utan dagskrár, en kjarni
hennar mun hins vegar fara fram í
umræðum um heimildarlögin vegna
virkjunarleyfisins. Enginn sem
blaðið ræddi við taldi líkur á að
þessi heimildarlög næðu ekki í gegn
ef þau á annað borð kæmu til kasta
þingsins. Með samþykkt slíkra laga
væri þá fenginn endanlegur stimpill
á framkvæmdir, stimpUl sem ekki
væri fenginn frá „einhverjum
kontóristum úti í bæ“ heldur þjóð-
kjörnum fulltrúum þjóðarinnar á
Alþingi.
UTBOÐ
F.h. Orkuveitu Reykjavíkur er óskað eftir tilboði í verkið: „Kjalarnesæð -
Endurnýjun, 1. áfangi." Endurnýja skal 250 mm stofnæð hitaveitu frá
Mógilsá að Móum á Kjalarnesi. Helstu magntölur eru:
Skurðlengd: 4.000 m
Lengd hitaveitulagna: 4.000 m
Strengjalagnir: 7.200 m
Lagning idráttarröra: 18.000 m
Sáning: 30.000 m2
Túnþökur: 500 m2
Útboðsgögn fást á skrifstofu okkar frá og með 14. ágúst 2001, gegn
15.000 kr. skilatryggingu. Opnun tilboða: 22. ágúst 2001, kl. 14.00, á
sama stað.
OVR102/1
F.h. Orkuveitu Reykjavíkur, vegna Hitaveitu Þorlákshafnar, er óskað
eftir tilboðum í lagningu dreifikerfis hitaveitu fyrir Grímsnesveitu, á
sumarbústaðasvæðinu Öndverðarnes-I í Grímsnes- og Grafningshreppi,
alls um 10.100 m.Útboðið nær til jarðvinnu og frágangs á plastpípum
ásamt tilheyrandi búnaði, s.s. samsetningum, lokum, greiningum o.fl.
Pípur eru foreinangraðar PEX-pípur (plast).Áætlaðar helstu magntölur
eru:
3.500 m
450 m
750 m
825 m
1.350 m
900 m
450 m
1.875 m
400 stk.
PEX22 í 76 mm kápu:
PEX28 í 91 mm kápu:
PEX32 í 91 mm kápu:
PEX40 í 111 mm kápu:
PEX50Í126 mmkápu:
PEX63 í 142 mm kápu:
PEX 75 i 162 mm kápu:
PEX 90 i 162 mm kápu:
Fjöldi samtenginga:
Útboðsgögn fást á skrifstofu okkar frá og með 15. ágúst 2001, gegn
10.000 kr. skilatryggingu. Opnun tilboða: 29. ágúst 2001, kl. 11.00, á
sama stað.
OVR103/1
il| INNKA UPASTOFNUN
Hll REYKJAVÍKURBORGAR
\ ■/ Fríkirkjuvegi 3 - 101 Reykjavík-Sími 570 5800
Fax 562 2616 - Netfang: isr@rhus.rvk.is
Kárahnjúkavirkjun
Hálslón Kárahnjúkavirkjunar eins og þaö er dregiö upp á tölvumynd.