Dagblaðið Vísir - DV - 23.08.2001, Blaðsíða 24

28
FIMMTUDAGUR 23. ÁGÚST 2001
Tilvera
lí f iö
Tónleikar á
ísafirði
Kristinn Sigmundsson óperu-
söngvari og Jónas Ingimundarson
píanóleikari halda tónleika í
Isafjarðarkirkju fimmtudaginn 23.
ágúst, kl. 20.30. Á efnisskránni,
sem er afar fjölbreytt, eru lög
eftir Schubert, Sibelius og aríur
eftir Verdi, auk margra alþekktra
laga eftir íslensk tónskáld.
Kristinn Sigmundsson er
tvímælalaust einn ástsælasti
söngvari þjóðarinnar. Hann hefur
nú um árabil verið upptekinn við
söng við mörg af stærstu
óperuhúsum heims. Hann gefur
sér þó alltaf tíma inn á milli til að
gleðja landann með söng. Með
Kristni nú eins og jafnan áður er
píanóleikarinn Jónas Ingimundar-
son.
Böli
SANTIAGO Á KRINGLUKRANNI
Hljómsveitin Santiago leikur í kvöld
kl. 22.00 Hljómsveitin flytur að
mestu frumsamið efni. Góðir textar,
vandaður flutningur og melódísk
músík er aðall sveitarinnar.
Frítt inn.
Djass
DJASS A VIPALIN Hljómsveitilí
Leynifjelagið ætlar að sjá um að
skemmta gestum Vídalíns í kvöld.
Þaö verður djassaður fimmtudagur
sem drengirnir bjóöa upp á og eru
allir hvattir til að mæta.
TUBORGDJASS í DEIGLUNNI
A níunda og loka-Tuborgdjassi í
Deiglunni í kvöld, kl. 21.30, verður
gítarleikarinn víðþekkti, Paul
Weeden, sérstakur heiöursgestur og
aöalhljóðfæraleikari kvöldsins. Það
fer vel á því að Ijúka vel heppnuöu
djasssumri í Deiglunni með þessum
síunga öðlingi akureyrsks og
íslensks djasslífs. Þegar Paul kom
fyrst til Islands 1982 sló hann í
gegn á Akureyri og annars staðar,
bæði meö frábærum gítarleik
og námskeiðum sem hann kenndi á
vítt og breitt um landið.
Klassík
TONLEIKAR I SALNUM I KOPAVOGI
Atónal-hópurinn heldur tónleika í
Salnum j Kópavogi í kvöld, kl.
20.30. Á efnisskránni eru tón- og
myndverk eftir unga listamenn, m.a.
Aka Ásgeirsson, Huga Guðmunds-
son og Egil Sæbjörnsson. Atónal-
hópurinn er skipaður níu
tónlistarmönnum. Þeir eru Berglind
María Tómasdóttir, flauta, Kristín
Marla Gunnarsdóttir, klarinett,
Snorri Heimisson, fagott, Valgerður
Ólafsdóttir, víóla, Hanna Loftsdóttir,
selló, Valdimar Kolbeinn Sigurjóns-
son, bassi, Jón Guömundsson,
gítar, Hlynur Aðils Vilmarsson,
slagverk, og Áki Ásgeirsson, trompet
og tölvur.
Miðaverð er kr. 1500 og kr. 1000
gegn framvisun stúdentaskírteinis.
Kvikmyndir
FRÚMSVNING HJÁ FILMÚNDÍ
Að þessu sinni frumsýnir Filmundur
myndina Cradle Will Rock frá 1999
þar sem hinn góðkunni leikari, Tim
Robbins, leikstýrir og skrifar handrit,
en hann er nú í hlutverki leikstjórans
og handritshöfundarins í þriðja sinn.
Fjóldi frábærra leikara fer meö
hlutverk í myndinni og nægir að
nefna systkinin Joan og John
Cusack, Bill Murray, Vanessu
Redgrave, Susan Sarandon, John
Turturro og Emily Watson.
Cradle Will Rock verður frumsýnd í
Háskólabíói í kvöld, kl. 22.30, og
endursýnd mánudagskvöldið 27.
ágúst á sama tíma.
Sjá nánar: Lífiö eftir vinnu á Vísi.is
Coldplay
_________DV
í Höllinni
Breska rokksveitin Coldplay hélt
í gærkvöldi tónleika i Laugardals-
höllinni sem margir höfðu beðið eft-
ir með talsverðri eftirvæntingu.
Hljómsveitin hefur vakið verðskuld-
Chris Martin í ham
Chris Martin, söngvari, gítarleikari
og hljómborösleikari Coldplay, lék
á alsoddi á sviðinu og hreif salinn
með sér.
aða athygli á undanfornum misser-
um og eru miklar vonir bundnar
við hana jafnt af poppfræðingum
sem leikmönnum. Sviðsframkoma
Coldplay þykir i senn lífleg og kröft-
ug og áttu Chris Martin og félagar
ekki í vandræðum með að hrista
upp í áhorfendum og koma þeim í
stuð. Coldplay lék jafnt gömul lög
sem nýtt efni en nú styttist í að ný
breiðskífa frá sveitinni líti dagsins
ljós sem ætti vera fjölmörgum aðdá-
endum hennar gleðiefni.
DV-MYNDIR EINAR J.
I bláum bjarma
Áhorfendur voru greinilega með á nótunum og sungu með sveitinni.
Stebbi Hilmars og félagar
Sálin hans Jóns míns hitaði upp fyrir Coldplay og lék meðal annars
splunkuný, óútgefin lög.
Maus hitar upp
Birgir Örn Steinarsson og félagar í Maus hófu leikinn í
gærkvöldi.
Bíógagnrýni

Hundalíf
Háskólabíó/Sambíóin - Cats & Dogs: ★
Sif
Gunnarsdóttir
skrifar gagnrýni
um kvikmyndir.
Bestí vinur mannsins
Hundarnir verða að verjast þegar kettirnir taka viö af þeim sem þesti vinur
mannsins.
Handritshöfundarnir John Repua
og Glenn Ficarra (sem ku vera að
þessu i fyrsta skipti eins og leik-
stjórinn) hafa haft nokkrar vel
þekktar staðreyndir að leiðarljósi
þegar þeir settust niður til að búa til
„barnasmellinn" Kettir og hundar:
1. Hundar og kettir eru svarnir
óvinir - teygjum úr því. 2. Það er
fyndið þegar dýr tala. 3. Hundurinn
er besti vinur mannsins. 4. Það er
fyndið þegar dýr tala. 5. Börn elska
tæknibrellur. 6. Það er fyndið þegar
dýr tala - sama hvað þau segja!
Þessi sex lykilatriði eru uppistaðan
í myndinni Kettir og hundar en hún
fjallar einfaldlega um það að hund-
ar eru bestu vinir mannsins - kött-
unum til mikils ama - og því eru
litlu kisurnar að skerpa klærnar og
skipuleggja uppreisn - hundunum
til mikils ama. Úr þessu hefur leik-
stjórinn haldiö að yrði blanda af
Babe og/eða Dr. Doolittle - talandi
dýr - og Spy Kids - af því hér er svo
mikið af hátæknibúnaði að bæði
Bond og Ethan Hunt kæmust í feitt
í þessum hundakofum. En þar sem
Babe var yndisleg, Dr. Doolittle nett
fyndin og Spy Kids skemmtileg og
spennandi þá er Kettir og hundar
svo einföld og ófyndin að það jaðrar
við leiðindi. Þó á það aðeins við um
fullorðna því sessunautar mínir (8
og 11 ára) virtust skemmta sér
prýðilega.
í þessari frekar misheppnuðu
mynd leika ágætir leikarar. Jeff
Goldblum leikur vísindamann og
fjölskylduföður sem er að finna upp
formúlu sem læknar ofnæmi fyrir
hundum - öll hundaleyniþjónustan
(og hún er stærri og öflugri en þig
grunar) er afskaplega ánægð með
það og hefur auga með vísinda-
manninum og fjölskyldu hans
þannig að kattarófétin nái ekki að
skemma fyrir honum. Konu hans
leikur Elizabeth Perkins og bæði
reyna þau að gera sitt besta úr lit-
lausum texta, enda fyrirtaksleikar-
ar bæði tvö, en starfsframi þeirra
hefur eitthvað tekið dýfu niður á
við. Soninn (sem leikur við hundinn
náttúrlega) leikur Alexander Poll-
ock og er stóreygður, freknóttur og
tilfinninganæmur eins og börn eru
gjarnan í kvikmyndum. Svo tala
toppleikarar bæði fyrir hunda og
ketti. Alec Baldwin leikur að sjálf-
sögðu aðal-töffara-nj ósnahundinn.
Tobey Maguire, einn besti leikari
sinnar kynslóðar (Wonder Boys,
The Cider House Rules o.íl.) leikur
Lou, krúttlegan hvolp sem á að
passa vísindamanninn og fjölskyldu
hans þó að hann hafi ekki fengið
formlega þjálfun í höfuðstöðvum
leyniþjónustu hunda (!). Svo heyrist
meira að segja rödd Susan Sar-
andon þarna líka og maður veltir
fyrir sér hvort þetta sé orðið ein-
hvers konar sport í Hollywood að
tala inn á teikni- og/eða dýramynd-
ir. Eins og áður var getið leiddist
börnunum ekki en fullorðnir ættu í
lengstu lög að reyna að finna upp á
einhverju öðru til að eyða timanum
i - t.d. að sjá bara Skrekk aftur.
Aöalleikarar: Jeff Goldblum, Elizabeth
Perkins, Alexander Pollock, Tobey
Maguire, Alec Baldwin, Sean Hayes, Joe
Pantoliano, Susan Sarandon o.fl. Leik-
stjóri: Lawrence Guterman Handrit: John
Requa & Glenn Ficarra.