Dagblaðið Vísir - DV - 17.11.2001, Blaðsíða 24

24
Ingvar Heiöar Þóröarson athafnaskáld
Kaffibarinn er lokaöur, Hótel Búölr brunnar, Einar Ben er seldur, lönó lokaö og Eldborgarhátíðin óuppgerö. Sjálf-
ur er Ingvar fluttur til London og viröist sem athafnaskáldiö sé í einhverjum kröggum.
Athafnaskáld
í kröggum
- Ingvar H. Þórðarson af landi brott. Kaffibarinn lokaður
Helgarblað
Ingvar Heiðar Þórðarson er að
mörgu leyti dæmigerður íslenskur
athafnamaður sem var svo dugleg-
ur og eirðarlaus að hann hafði ekki
tíma til að mennta sig. Hann var svo
áfjáður í að verða ríkur að um tvítugt
gekk hann á svig við lögin og tók þátt
í bankaráni. Hann hefur einkum feng-
ist við rekstur á sviði skemmtanalífs-
ins með þvi að reka bari, veitinga-
staði, setja upp leiksýningar, flytja
inn skemmtikrafta og tónlistarmenn.
Öfugt við flesta meðreiðarsveina sína
og samstarfsmenn, hefur Ingvar óbeit
á fjölmiðlum og forðast þá eins og
heitan eldinn. Samt hefur honum tek-
ist að byggja upp ímynd af sér sem
nokkurs konar Einari Ben nútímans,
athafnamanninum sem töfrar alla upp
úr skónum og gæti selt norðurljósin ef
hann kærði sig um.
Athafnaskáldið virðist vera í um-
talsverðum kröggum þessa dagana.
Kaffibarinn við Bergstaðastræti er
lokaður vegna ógreiddra vörsluskatta
og Ingvar er horflnn af landi brott,
nánar tiltekið til London. Meðeigandi
hans, Baltasar Kormákur, leikari og
leikstjóri, sagði í samtali við DV fyrir
fáum vikum að hann væri að leita að
framkvæmdastjóra sínum og gaf þar
með byr undir báða vængi sögum um
að Ingvar hefði stungið af.
Háríð sló í gegn
Segja má að ferill Ingvars skiptist í
tvennt. Annar liggur öfugum megin
við lögin en hinn réttum megin
Sá hluti ferilsins sem liggur réttum
megin laganna má segja að hafi náð
flugi 1994 þegar hann stofnaði Flugfé-
lagið Loft ásamt Halli Helgasyni og
Baltasar Kormáki í kringum uppsetn-
inguna á söngleiknum Hárinu. Sú
uppsetning kom á hárréttum tíma
þegar bylgja nostalgíu eftir hippatím-
anum skall á þjóðfélaginu. Sýningin
naut gríðarlegra vinsælda og þeir fé-
lagar högnuðust umtalsvert en líklegt
má telja að veltan á Hárinu þetta sum-
ar hafl verið rúmar 60 milljónir. Flug-
félagið Loftur setti Hárið upp á Spáni
og eignaðist síöan Loftkastalann við
Héðinsgötu og þar voru settar upp
margar leiksýningar sem gengu mis-
jafnlega vel.
Vinirnir á Skeggjastöðum
Ingvari og Baltasar Kormáki varð
vel til vina og í kjölfar Hársins eign-
uðust þeir saman Skeggjastaði í Mos-
fellssveit þar sem þeir bjuggu saman í
nokkur misseri. Þeir keyptu einnig
saman hinn víðfræga bar, Kafflbarinn
við Bergstaðastræti, sem varð ógn
vinsæll um tíma og varð að nokkurs
konar táknmynd fyrir miðbæjar-
menningu tíunda áratugarins, póst-
númers 101 og má segja að svo hafi
verið til þessa dags. Breski popparinn
Damon Aibarn, góður vinur bareig-
endanna, eignaðist eitt prósent í hon-
Emilíana Torrini
Ingvar hefur lagt fé í feril lista-
manna og þar á meöal Emilíönu
Torrini sem er að af/a sér frægðar
eriendis.
Baltasar Kormákur leikstjóri
Hann og Ingvar bjuggu saman
á Skeggjastööum í Mosfellsdal,
eiga saman Kaffibarinn og Ingvar
framleiddi fyrstu kvikmynd
Baltasars. Þessir fornvinir talast
ekki lengur viö og Ingvar kemur
hvergi viö sögu í nýrri kvikmynd
Baltasars, Hafinu.
um og hefur síötull borið hróður hans
út um víðan völl.
Kvikmyndin 101 Reykjavík, sem
Baltasar Kormákur leikstýrði eftir
sögu Hallgríms Helgasonar og Ingvar
var framleiðandi að, gerðist að miklu
leyti á umræddum Kafflbar og átti
sinn þátt í að auka frægð hans.
Auk þess átti Ingvar hlut í Hótel
Búðum og setti á laggirnar ásamt
fleiri veitingastaðinn Einar Ben við
Veltusund.
Ingvar umbi og reddari
í kjölfar velgengni Hársins starfaði
Ingvar einkum að innflutningi tónlist-
armanna og tónleikahaldi og var rið-
inn við ýmis verkefni af því tagi. Hér
nægir að nefna nöfn listamanna eins
og David Bowie, Skunk Anansie,
Sting, Prodigy og Fugees til að sýna
hvað hann hefur fengist við. Hann
lagði einnig fé í íslenska tónlistar-
menn og mun vera einn þeirra fjár-
festa sem studdu Emilíönu Torrini og
stofnaði umboðsfyrirtæki í London í
samvinnu við Áma Benediktsson,
umboðsmann Sykurmolanna, og
Björgólf Thor Björgólfsson milljarða-
mæring, til þess að koma henni og
fleiri listamönnum á framfæri.
Kominn í kröggur
Sé litið yfir umsvif Ingvars kemur
í ljós að Loftkastalinn rann saman við
Leikfélag íslands vorið 2000 og sú
starfsemi er í kyrrstöðu þegar þetta er
ritaö vegna fjárhagserfiðleika. Hótel
Búðir brann til grunna eftir að hafa
verið lokað um hríð. Veitingastaður-
inn Einar Ben er seldur og Kafflbar-
inn lokaður vegna fimm milljóna
vörsluskattskulda auk þess að hafa
ekki lengur gilt veitingaleyfi. Við
þetta má bæta að síðasta ævintýri
Ingvars í íslensku viðskiptalifi var að
standa fyrir Eldborgarhátíðinni sl.
sumar sem varð verulega umdeild,
svo ekki sé fastar að orði kveðið. Fjár-
hagslegu uppgjöri vegna hátíðarinnar
er enn ekki lokið samkvæmt bestu
heimildum DV.
Vinslit á Skeggjastöðum
Þeir fyrrum Skeggjastaðabændur
og vinir til margra ára, Baltasar Kor-
mákur og Ingvar talast ekki lengur
við. Þótt þeir eigi saman Kaffibarinn
hefur það alltaf verið Ingvar sem hef-
ur séð um reksturinn en Baltasar lítt
skipt sér af honum. Það er töluvert al-
varlegt mál að skulda vörsluskatta og
Baltasar sem stjórnarformaður og eig-
andi gæti átt lögsókn yfir höfði sér
verði málin ekki gerö upp.
Margir hafa orðið tO þess að furða
sig á því hvernig það mætti veröa að
lítill frægur bar með tryggan hóp
fastagesta á besta stað í bænum geti
sokkið i þvílíkar skuldir. Maður
kunnugur barrekstri sagði við DV að
Kafflbarinn ætti að geta gefið af sér
nokkur hundruð þúsund krónur í
hagnað á mánuði.
Bestu heimildir DV herma að skýr-
inganna sé að leita í samskiptum
Baltasars og Ingvars. Fyrsta kvik-
mynd Baltasars 101 Reykjavík vakti
talsverða athygli og var seld á kvik-
myndahátíðir víða um heim. Hún var
framleidd af fyrirtæki sem hét 101 ehf.
og Ingvar átti ásamt Baltasar og Lilju
Pálmadóttur, eiginkonu hins síðar-
nefnda. Fullyrt er að þrátt fyrir vin-
sældir myndarinnar hafl ekki orðið
hagnaður af verkinu og tapið lent að
mestu á Ingvari sem var stærsti hlut-
hafinn í 101 ehf. Myndin hins vegar
jók verulega orðstír Baltasars sem
leikstjóra.
Ingvar úti í kuldanum
Baltasar vinnur nú hörðum hönd-
um að gerð næstu kvikmyndar sem
heitir Hafið, eftir samnefndu leikriti
Ólafs Hauks Símonarsonar, og eru
tökur í fullum gangi austur á Norð-
firði. Framleiðandi Hafsins er fyrir-
tæki sem heitir Blueeyes ehf. og mun
vera að fullu í eigu Baltasars og Lilju
og gamli viðskiptafélaginn Ingvar
hvergi nærri. Þessa tilhögun mun
Ingvar hafa verið mjög ósáttur við og
heimildarmenn DV herma að þarna
sé komin ástæðan fyrir því að hann
ákvað að láta Kaffibarinn reka á reið-
anum og skilja hann eftir í fanginu á
Baltasar, ef svo má að orði komast.
Uppátæki í æsku
Athafnaskáldið Ingvar Heiðar Þórð-
arson fæddist í Kópavogi í mars 1964
og sleit barnsskónum þar á Hábraut-
inni en fluttist 1970 til Hafnarfjarðar
með móður sinni þegar foreldrar hans
skildu. Hann er yngstur þriggja al-
bræðra en á eina hálfsystur yngri.
Hann ólst upp í Hafnarfirði og hefur
lengið bundið vinskap við þekkta
Hafnfirðinga af sinni kynslóð eins og
LAUGARDAGUR 17. NÓVEMBER 2001
J3V
Hall Helgason, Davíð Þór Jónsson,
Stein Ármann Magnússon og fleiri.
Aðrir góðir vinir hans eru t.d. Andrés
Magnússon blaðamaður, Helgi Björns-
son söngvari, Einar Örn Benedikts-
son, fyrrum Sykurmoli, Einar Bárðar-
son Eurovisionfari og fleiri.
Ingvar tolldi illa í skóla, fór í
skiptinemadvöl í Boston og stóð stutta
stund við í Flensborg eftir það en lauk
ekki prófi. Hann var nýlega kominn
heim úr langri skemmtiferð um Evr-
ópu sumarið 1983 og var aö vinna í
Landsbankanum á Laugavegi 77 þegar
hann sættist á að vera bílstjóri og að-
stoðarmaður í frægu bankaráni í febr-
úar 1984 þegar dulbúnir ræningjar
náðu nærri tveimur milljónum af
sendli frá ÁTVR á Lindargötu. Hann
var dæmdur fyrir aðild sína að rán-
inu og sat um hríð á Kvíabryggju.
Hann fór að vinna hjá Jóni Ólafssyni
í Skífunni fljótlega eftir að hann kom
út, fyrst við gerð kvikmyndar Óskars
Jónassonar, Sódóma Reykjavík, sem
Jón fjármagnaði, en síðan sem rekstr-
ar- og kynningarstjóri Regnbogans við
Hverfisgötu.
Ingvar rithöfundur og
kvennagull
Ingvar hefur orð á sér fyrir hörku í
viðskiptum og samningum en örlæti
við vini sína. Hann hefur fengið ýms-
ar hugdettur sem hann hefur hrundið
í framkvæmd eins og sést best á því
að meðan hann beið dóms fyrir
bankaránið skrifaði hann bók sem ber
nafnið: Hinn fullkomni glæpur sem
hann gaf út sjálfur og er alveg kostu-
leg lesning. Ingvar telur sig augljós-
lega hafa verið fórnarlamb fljótfærni
og óheppilegra tilviljana.
Þar má einnig sjá vel að hann tel-
ur konur ekki trausts verðar og yf-
irleitt lævísar og hættulegar en stór
hluti bókarinnar er reyndar frægð-
arsögur af honum sjálfum á því
sviði en gríðarleg kvenhylli er stór
hluti af ímynd Ingvars. I nærmynd
sem Andrés Magnússon vinur hans
ritaði um hann i Mannlíf 1998 er
hann sagður kvensamur með af-
brigðum og sagður faðir fjögurra
barna með jafnmörgum mæðrum.
Fyrrverandi eiginkona hans, Trist-
an Gribbin leikkona, segir um hann
í áminnstri grein að hann sé ein-
stakur maður en algerlega vanhæf-
ur til að vera giftur.
Hér er freistandi að vitna í há-
stemmd lokaorð bókarinnar: Hinn
fullkomni glæpur sem Ingvar reit
eftir bankaránið.
„Það er erfitt að veröa fullorðinn.
Áður en við öxlum alla þá ábyrgð
sem fylgir fullorðinsárunum reyn-
um við að njóta unaðssemda lífsins
- glöð og áhyggjulaus en umfram
allt ábyrgðarlaus. Uppátæki okkar
eru stundum hneykslanleg í augum
hinna ráðsettari en örlögin geta
hagað málum svo að við skjótum
yfir markið. Stemning augnabliks-
ins og óbeisluð ævintýraþrá kann
að rugla okkur í ríminu. Mér varð á
í messunni og sýp nú seyðið af því.
Við ykkur segi ég bara: Gangið
hægt um gleðinnar dyr.“
Af framanskráðu má ljóst vera að
ísland er ekki lengur nógu stórt fyr-
ir athafnaskáldið Ingvar Þórðarson
og hann hefur leitað á stærri mið.
DV sendi Ingvari tölvupóst og bað
hann tjá sig um vandræði Kaffibars-
ins og sögusagnir um flutning sinn.
Hann sendi eftirfarandi skeyti til
baka:
Ekki flúinn, heldur fluttur
„Ég er hvorki týndur, né stunginn
af, einfaldlega fluttur til London. Þetta
er ekkert leyndarmál og hefur ekki
verið. Reyndar á ég leið til Islands á
frumsýningu á heimildarmynd um
Eldborgarhátíðina, sem ég er annar af
framleiðendum að. Myndin verður
frumsýnd um jólaleytið.
Ekki veit ég til þess að það sé til
siðs að birta tilkynningu um það í fjöl-
miðlum þó að menn fari erlendis. Ég
hélt nú að íslenskt þjóðfélag hefði um
annað og merkilegra að hugsa en það
að einhver rikisborgari flytji.
Á íslandi á ég ennþá mikilla hags-
muna að gæta, t.d. er ég einn af eig-
endum Kaffibarsins ehf. Hann mun
halda áfram rekstri.
Hingað til hef ég ekki séð ástæðu til
að tjá mig um eitt eða neitt við fjöl-
miðla og ætla að reyna að halda þeirri
reglu áfram.“ -PÁÁ