Dagblaðið Vísir - DV - 16.05.2002, Blaðsíða 22
22
FIMMTUDAGUR 16. MAÍ 2002
Tilvera I>V
1 1 f 1 ft
í ~—-■“—■—
Nordlenskt
handverk
Opnuð verður sýning á list- og
handverki í Ketilhúsinu á
Akureyri í kvöld kl. 20. Þar
getur að líta fjölbreytt verk m.a.
skraut og nytjamuni úr hinum
ýmsu efnum. Sýningin verður
opin alla hvítasunnuhelgina og
fram til 20. maí á milli kl. 13-18.
Aðgangur er ókeypis.
#Krár
■ Byff á Vidalín
Súperbandiö Buff verður á Vídalín í kvöld og
er hægt að treysta á firnagóða skemmtun.
• Listir
■ Glæsileg tangósvning
Cenizas de tango er glæsileg tangósýning
beint frá Argentinu. Tólf dansarar taka þátt
í sýningunni en þeir skipa danshópinn El
Escote. Sýnd í íslensku óperunni kl. 20.30.
A.
■ Leikrit i Banka
Örleikverkið Norrænt samstarf verður sýnt í
Landsbankanum við Austurstræti kl. 17.05.
Verkiö er eftir Kristján Þórð Hrafnsson og
Guðlaug Valgarðsson
•Klassik
■ Lifandi tónlist á Kiarvalstöðum
Kl. 12.30 flytja Marta Guðrún Halldórsdótt-
ir sópransöngkona og Örn Magnússon pi-
anóleikari verkiö Appartion eftir bandaríska
skáldiö George Crumb í Listasafni Reykja-
víkur á Kjarvalstöðum.
■ Raddir þjóóar
Kl. 12 bjóða tónlistarmennirnir Siguröur
Flosason og Pétur Grétarsson upp á tón-
> listardagskrá þar sem tónlistararfur ís-
lensku þjóöarinnar er tekinn til skoöunar á
nýstárlegan hátt. Tðnleikarnir eru í Lista-
safni Reykjavíkur Hafnarhúsi.
■ Tríé Cracovia í Salnum
Tríó Cracovia er með tónleika í Salnum í
Kópavogi í kvöld. Gleðin hefst upp úr kl.20.
• Böll
■ TangóballJJjafnarhúsjnu
Það verður dansaður tangó frá kl. 22 í
Listasafni Reykjavíkur, Hafnarhúsinu, í
kvöld. Suðræn sveifla með gítarspili og öllu
tilheyrandi.
• Sveitin
■ KK í Revkianesbæ
Hinn þjóðþekkti tóniistarmaður KK verður
með tónleika á Kaffi Duus í Reykjanesbæ í
kvöld. Þar mun hann flytja mörg af sínum
þekktustu lögum ! bland viö aðra góða
slagara.
• Leikhús
■ Dansandi Salka Valka
Salka Valka verður sýnd í Borgarleikhúsinu
kl. 20. Dansarar eru úr íslenska dans-
flokknum en miðaverð er 2400 kr.
^ ■ Veislan
í kvöld sýnir Þjóðleikhúsið leikgerö af Veisl-
unni eftir Bo hr. Hanssen. Sýnt er á Smíða-
verkstæðlnu og hefst sýningin kl. 20.
■ SeHófon
Hafnarfjarðarleikhúsið sýnir í kvöld einleik
eftir Björk Jakobsdóttur að nafni Sellófon.
Sýningin hefst kl. 21 en leikstjóri er Ágústa
Skúladóttir.
Leikfélag Akureyrar frumsýnir leikrit með langan titil:
Ástarsaga úr engri veröld
- eftir rúmenskan höfund
Bíógagnrýni
Sambióin - The Wlajestic: ★ ★ ^
Aftur til fortíðar
Sif
Gunnarsdöttir
skrifar gagnrýni
um kvikmyndir.
Leikstjórinn og leikarahjónin
Lengst til vinstri á þessari mynd er Siguröur Hróarsson leikhússtjóri en
svo leikarahjónin Þorsteinn Bachmann og Laufey Brá Jónsdóttir. Verkiö
hefur heimspekiiega dýpt og vekur spurningar meðal áhorfenda. Er í öllu
falli ótrúlega vel skrifaö leikrit, segir Þorsteinn.
spumingar sem liggi til
ailra átta.
HT svioinu
„Þetta leikrit sem viö erum nú meö á fjölunum er
gullfalleg ástarsaga, vel skrifuð ogjafnframt áleit-
in, “ segir leikstjórinn Siguröur Hróarsson.
enska höfundinn Matéi Visneiec, en
hann býr nú í París. Þar í borg sett-
ist hann að árið 1987 eða tveimur
árum fyrir byltinguna sem gerð var
í heimalandi hans. Fyrir tíma henn-
ar var hann á svörtum lista stjóm-
ar Ceausescus og var því ekki vært
í Búlgaríu. 1 Frakklandi blómstrar
Visneiec hins vegar, að sögn Sigurð-
ar Hróarssonar, og er afar framsæk-
inn höfundur.
„Þetta leikrit sem við erum nú
með á fjölunum er gullfalleg ástar-
saga, vel skrifuð og jafnframt áleit-
in. Og umhverfið sem það gerist i á
sér kannski ekki neina beina sam-
svörun í neinni veröld. Það gerist á
eins konar brú milli heima,“ segir
Sigurður. Hann segir jafnframt að
verkið sé óvenjulegt að efnistökum
og efnisuppbyggingu. Óráðiö og
opið og veki meðal áhorfenda
Laufey og Þor-
steinn
Leikritið „Saga af
pandabimi, sögð af saxó-
fónleikara sem á kærustu
í Frankfurt" var skrifað
árið 1994. Hefur það á síð-
ustu árum verið fært upp
allvíða og fengið góða
dóma gagnrýnenda og
áhorfenda. Leikarar í
þessari uppfærslu Leikfé-
lags Akureyrar á þessum
leikriti eru hjónin Laufey
Brá Jónsdóttir og Þor-
steinn Bachmann, en
hann tekur einmitt við
starfi leikhússtjóra LA nú
á haustdögum. Sigurður
Hróarsson segir þau
standa sig vel í þeim hlut-
verkum og það meini
hann alveg frá hjartanu.
Jafhvel þótt skylda sin sé
að lofa leikaralið sitt.
En hvað segja leikar-
arnir sjálfir? „Mér flnnst
Sigurður vera afburða-
góður leikstjóri og það er
lærdómsrikt að starfa
með honum,“ segir Þor-
steinn Bachmann og bætir við að
verkið hafi heimspekilega dýpt sem
þannig veki spumingar meðal áhorf-
enda. Þetta sé í öllu falli ótrúlega vel
skrifað leikrit.
Þorsteinn Bachmann tekur form-
lega við starfi leikhússtjóra þann 1.
september á hausti komanda. Hann
segir enn of snemmt að greina frá því
hverjar áherslurnar í starfi sínu
verði, en i öllu falli sé verkefnið sem
sín bíði spennandi. Það sé þó ætlun
sín að færa á fjalimar leikrit og segja
þá hluti sem hreyfi við áhorfendum.
Að öðru leyti kveðst Þorsteinn munu
kappkosta að hafa efnisskrána fjöi-
breytta þannig að enginn telji sig af-
skiptan hjá Leikfélagi Akureyrar,
hvorki þeir fuliorðnu né þeir sem
yngri eru. -sbs
í kvöld, fimmtudagskvöld, frum-
sýnir Leikfélag Akureyrar leikritið
„Saga af pandabimi, sögð af saxó-
fónleikara sem á kærustu í Frank-
furt“. Verkið verður jafnframt sýnt
á föstudags- og laugardagskvöld.
„Ég velti fyrir mér hvort ekki væri
hægt að fá leyfi höfundarins eða
rétthafa til þess að fmna verkinu
nýjan titil annan en þennan ofur-
langa, en féll frá því. Af anda og inn-
taki verksins má greina að titillinn
sé höfundinum býsna kær,“ sagði
Sigurður Hróarsson leikshússtjóri í
samtali við DV um leikritið. Sem
hann einmitt bæði þýddi og leik-
stýrir. Þetta er jafnframt svanasöng-
ur hans hjá leikfélaginu þar sem
hann er nú að láta af störfum eftir
þrjú ár í þessari síðustu lotu.
Vel skrifuð ástarsaga
Þetta leikrit er hið fyrsta sem Sig-
urður leikstýrir, enda þótt hann sé
þaulvanur leikhúsmaður og hafi
starfað á þeim vettvangi um ára-
langt skeið. Verkið er eftir rúm-
í The Majestic leikur Jim Carrey
handritshöfundinn Peter Appleton
sem er á barmi heimsfrægðar;
nýjasta myndin hans er í bíó, hann
á ljóshærða kærustu og er á föstum
samningi hjá kvikmyndaveri. Þetta
er sjötti áratugurinn og kommún-
istaveiðar i fullum gangi, ekki
minnst í þeirri syndum spifitu borg
Hollywood. Peter hafði einu sinni
farið á sellufund til að ganga í aug-
un á stelpu og hann er kallaður til
yfirheyrslu. Þótt hann sé allur af
vilja gerður að koma upp um allt og
alla til að hvitþvo sjálfan sig er
hann rekinn úr vinnunni, hætt er
við nýjustu myndina hans og
kærastan segir honum upp.
Peter bregst karlmannlega við.
Hann dettur í það og ekur bílnum út
af brú og ofan í á. Hann vaknar
minnislaus næsta dag á strönd sem
hann þekkir ekki.
íbúar í nærliggjandi smábæ eru
hins vegar ekki í vafa um hver
hann er - hann heitir Luke Trimble,
einn af 62 sonum bæjarins sem
börðust í heimsstyrjöldinni síðari
og sneru ekki aftur. Lík Lukes hafði
aldrei fundist og bæjarbúar taka
honum opnum örmum. Luke þessi
var hlýr maður og vænn og öllum
þótti ofurvænt um hann og Peter
minnislausi verður að sjálfsögðu
betri maður í lífi Luke, hann finnur
hjarta sitt og heiðarleika og kemst
að því að hin gömlu gildi um rétt-
læti, bræðralag og náungakærleika
rista dýpra en óskir um skjótfeng-
inn frama og vasa fulla af pening-
um. En ekki trúa allir á upprisu
Luke og einhvers staðar eru and-
kommúnistar að leita dyrum og
dyngjum aö Peter Appleton.
The Majestic hefði hæglega getað
verið gerð fyrir fimmtíu árum og þá
hefði kannski Frank Capra setið í
leikstjórastólnum og James Stewart
leikið Peter/Luke. Darabont sýnir
okkur smábæjarheim sem varla hef-
ur nokkurn tíma verið til. Allir eru
vinir, treysta hver öðrum og hjálpa
orðalaust.
Gagnvart þessum heimi verður
yfirborðskennt glanslíf Hollywood
innantómt og ómerkilegt. Að sjálf-
sögðu gerir Peter/Luke sér grein
fyrir þessum mun í lokin og stend-
ur með hinum gömlu gildum í
væmnu atriði sem gengur skrefi of
langt.
Darabont hefur áður leikstýrt
myndunum The Shawshank
Redemption og The Green Mile sem
daðra líka við væmni en handritin
þar eru þó þéttari en hér og standa
betur undir tilfinningaríkum loka-
atriðum. En leikurinn í Majestic er
óaðfinnanlegur. Carrey geiflar sig
aldrei og gerir ekkert til að sníkja
fliss og það kemur í ljós að hann er
sannfærandi dramatískur leikari.
Holden, sem leikur kærustuna, er
eins og klippt út úr kvikmynda-
heimi sjötta áratugarins og ég er
viss um að Hitchcock hefði elskað
hana, myndarleg og ljóshærð sem
hún er, og ágætisleikkona líka.
The Majestic er rómantísk mynd
um mann sem kemst óvænt að því
að hann er betri en hann hélt um
leið og hann verður ástfanginn af
góðri stúlku og heilum smábæ af
fólki sem elskar sitt foðurland af
ástríðu. Sem útlendingi finnst
manni dálítið nóg um foðurlands-
ástina en ef tO vill er þetta nákvæm-
lega það sem amerískir bíógestir
hafa þörf fyrir eftir 11. september.
The Majestic minnir okkur á að þótt
kommagrýlan sé dauð er önnur
komin í staðinn og aðrir þjóðfélags-
hópar ofsóttir eins og vinstri sinn-
aðir voru fyrir 50 árum.
Leikstjóri: Frank Darabont. Handrit:
Michael Sloane. Kvikmyndataka: David
Tattersall. Tónllst: Mark Isham. Aðalleik-
arar: Jim Carrey, Martin Landau, Laurie
Holden, David Ogden Stiers, Jeffrey
DeMunn, Hal Holbrook, James Whitmore
o.fl.