Dagblaðið - 21.09.1981, Blaðsíða 1
7. ÁRG. — MÁNUDAGUR 21. SEPTEMBER 1981 — 213. TBL. RITSTJÓRN SÍÐUMÚLA 12. AUGLÝSINGAR OG AFGREIÐSLA ÞVERHOLTI11.—AÐALSÍMI 27022.
Banamaðurinn sakar
Þjóöverjann um nauðgun
11 björguðust naumlega er
Tungufoss sökk við England
—bjargað um borð í þyrlu og björgunarbát í mannskaðaveðri
Að kröfu rannsóknarlögreglu ríkis-
ins kvað Ingibjörg Benediktsdóttir,
fulltrúi yfirsakadómarans í Reykjavik,
upp úrskurð þess efnis að kærða, Gesti
Guðjóni, verði gert að sæta gæzluvarð-
haldi vegna rannsóknar málsins til 2.
desember næstkomandi, svo og sæta
rannsókn á geðheilbrigði sínu og sak-
hæfi.
Gestur Guðjón hefur játað við yfir-
heyrslur aö vera valdur að dauða Hans
Wiedbusch.
Hans Wiedbusch, 45 ára gamall
starfsmaður við blómaskreytingar í
Blómavali, hraðaði sér sem mest hann
mátti við að ijúka verkefni á vinnustað
síðastliðinn miðvikudag. Ástæðan var
sú að hann átti von á gestakomu. Þrátt
fyrir að ljóst er að Hans Wiedbusch var
ekki ,,upp á kvenhöndina” i venju-
iegum skilningi, mun hann reyndar
hafa átt von á heimsókn tveggja
stúikna.
Vegna forfalla annarrar varð ekkert
úr hinni væntanlegu gestakomu. Má
segja að með því hefjist hið ófyrir-
sjáanlega samspil tilviljana sem síðar
þróast í meðvitaðan ásetning Hans
Wiedbusch og hörmulegar afleiðingar
hans.
Þegar gestirnir komu ekki og frá leið
fór Hans á skemmtistaðinn Óðal. Þar
var þá meðal gesta Gestur Guðjón.
Munu þeir ekki hafa þekkzt en tóku tal
saman. Fór svo á með þeim að Hans
Wiedbusch bauð Gesti Guðjóni heim
til sín. Leigubifreiðarstjóri hefur geflð
sig fram og kannast við að hafa ekið
þeim tveim að Grenimel 24, heimili
Hans Wiedbusch, aðfaranótt fimmtu-
dagsins.
Þegar þangað var komið neyttu þeir
báðir áfengis, sem húsráðandi bauð.
Ennfremur reykti Gestur Guðjón að
hann telur marijuana sem hann þáði af
Wiedbusch.
Kveðst Gestur Guðjón hafa orðið
veikur af áfengis- og vímuáhrifum,
sljór og utan við sig. Mun hann hafa
minnzt á að fara heim en meðal annars
fyrir fortölur Hans Wiedbusch lagðist
hann fyrir í íbúðinni og sofnaði.
Segist hann síðan hafa vaknað við
það að húsráðandi var að hafa við
hann kynmök. Kveðst hann hafa orðið
ákaflega hræddur og þá einnig gripinn
þeirri hugsun að hann yrði að ganga frá
manni þessum.
Komst hann frá honum undir því
yfirskyni að hann þyrfti að fara á
snyrtiherbergi. Með skæri að vopni,
sem hann fann þar, kom hann svo fram
aftur og réðst að Hans Wiedbusch og
rak skærin i brjóst hans.
Til átaka kom nú á milli þeirra og
mun Hans hafa tekizt að snúa skærin
úrhöndum Gests Guðjóns.
Náði Gestur Guðjón þá að gripa til
annarra skæra og hnífs. Lagði hann
með þessum eggvopnum til Hans unz
yfir lauk.
Þegar litið er til lokaatlögu Gests
Guðjóns verður þeirri ályktun ekki
bægt frá að algert æði hafi runnið á
hann. Gestur Guðjón er sagður sjúkl-
ingur. Hefur hann átt við vanheilsu að
stríöa um hríð. Hefur hann af þeim
sökum, meðal annars um skeið, fengið
meðferð á geðdeild Landspitalans.
-BS.
Tuttugu og átta ára gamall iðnverka-
maður í Reykjavík, Gestur Guðjón
Sigurbjörnsson, Skálholtsstíg 2a, var
handtekinn nokkru fyrir hádegi á
laugardag vegna láts Þjóðverjans Hans
Fritz Joachim Arnold Wiedbusch að-
faranótt fimmtudags síðastliðins.
34dekkjum
stolið úrToll-
vörugeymslu
Þrjátiu og fjórum Michelin hjól-
börðum af stærðinni 155x13, sem
eru algengustu fólksbílahjólbarðar,
var stolið úr gámi hjá Tollvöru-
geymslunni í Keflavík aöfaranótt
laugardags.
Gámurinn stóð i porti tollvöru-
geymslunnar, sem er afgirt. Á föstu-
dag var farið í gáminn og reyndist þá
allt með felldu þar, að sögn starfs-
manna. Á Iaugardag kom í ljós að
hengilás fyrir gáminum hafði verið
sprengdur upp og vantaði 34 dekk í
gáminn.
Rannsóknarlögregia Suðurnesja er
að rannsaka máliö og óskar hvers
konar upplýsinga sem leitt geta til
þessaðþjófarogþýfifinnist. -A.St.
Dagblaðs-
bikamum
í mótocross
hampað
Þorkell Ágústsson sigraði í
fjórðu og síðustu mótocross
keppni sumarsins. Fyrir það af-
rek hlaut hann Dagblaðshikar-
inn. Um hann var keppt í gœr í
fjórða sinn. Nánar segir frá
keppninni og mótocross íþrótt-
inni í blaðinu í dag.
-DB-mynd Sig. Þorri.
— sjá bls. 6.
Tungufoss, skip Eimskipafélags ís-
lands, sökk laust fyrir miðnætti í
fyrrakvöld út af vestasta odda Eng-
iands, Land’s End, sem er á Corn-
wall-skaga. Skipverjar, ellefu menn,
björguðust aliir.
Tungufoss var á leið frá Avon-
mouth, hafnarborg Bristol, á vestur-
strönd England til Le Havre í Frakk-
landi með 1900 tonna lausan hveiti-
farm. Af einhverjum ástæðum mun
farmurinn hafa kastazt skyndilega till
í skipinu með þeim afleiðingum að
það tók strax á sig 30 gráðu halla.
Var þetta um kl. 20.30 að staðartíma
en kl. 19.30 aðíslenzkum.
Neyðarkall var þegar sent út. Dreif
fijótlega að nærstödd skip og björg-
unarsveitir voru sendar af stað.
Veður var þá mjög vont á þessum
slóðum, 10—11 vindstig og sjólag
erfitt.
Stöðugt gaf yfir Tungufoss sem
hallaðist æ meira. Eldur kom upp í
vélarrúmi. Mikil mildi reyndist því að
björgun barst svo fljótt sem raun
varð á. Björgunarbátur, sem kom frá
landi, náði sjö af áhöfn skipsins af
gúmbjörgunarbáti og þyrla frá
brezka flotanum hífði upp fjóra. Var
öll áhöfnin komin í land aðeins tveim
timum eftir að neyðarkall var sent en
, þegar þeir siðustu fóru frá borði var
kominn 90 gráðu halli á skipið. Það
hvarf síðan í hafið.
Fleiri skip lentu í erfiðleikum
vegna oveoursms á þessum slóðum.
Fregnir hafa borizt af 3—4 öðrum
skipum.sem sukku og munu ein-
hverjir hafa farizt. Tungufossmenn
mega þ 'í teljast heppnir þvi þrír
þeirramunuhafalentísjónum. .
Brezka útvarpið, BBC, skýrði frá
þessum atburðum. Var fyrsta frétt
útvarpsstöðvarinnar af þessu mann-
skaðaveðri en Tungufoss mun hafa
verið stærsta skipið sem sökk. -KMU.