Lesbók Morgunblaðsins - 30.08.1980, Blaðsíða 8
miÆmé
Morgunblaöíö tók þátt í ellefu
daga ferð um gönguleiðir
Hornstranda í lok júlímánaðar.
Ferðin hófst að Höfn í Hornvík og
var gengið að Hornbjargsvita í
Látravík, og yffir í Aðalvík með
viðkomum að Horni og Höfn í
Hornvík, Búðum í Hlöðuvík,
Fljótavík og Aöalvík. Veður var
sérstaklega gott, sólskin og heið-
ríkja fram á síðasta dag.
Náttúrufegurð er óvíða meiri og
fjölbreyttari en á Hornströndum.
Þverhnípt björg eru með yztu
ströndum, fjalllendi er hrjóstrugt,
en á milli gróðursælar víkur,
girtar fögrum fjallahring. Dýralíf
er fjölbreytt, en gróðurfar á í
höggi við náttúruöflin, sem oft
léku íbúa Hornstranda grátt.
Byggð lagðist endanlega niður
á Hornströndum í byrjun sjötta
áratugsins. Þær eru nú alfriðaðar
og markast fríðlandið af hugsaðri
línu, dreginni úr botni Furufjarðar
yfir í botn Hrafnsfjarðar. Gera
menn sér vonir um, að svæðið
geti orðið griðastaður fyrir við-
kvæman gróður og dýralíf.
Ekki verður komist um
Hornstrandir nema sjóleiðina
meö ströndum eða á tveimur
jafnfljótum og er þangað er komið
verður ferðalangur að treysta á
sjálfan sig. Margar skemmtilegar
gönguleiðir er þarna að finna, eru
margar þeirra varðaðar og að
sögn þeirra, sem hafa viðmiðun
við gönguleiðir víðar á öræfum
landsins, eru gönguleiðir Horn-
stranda ekki mjög erfiðar yfirferð-
ar.
Sagt hefur verið frá ferð þess-
ari í máli og myndum í fjórum
greinum í helgarblöðum Morgun-
blaösins í byrjun ágústmánaðar,
en hér og á forsíðu Lesbókarinnar
í dag eru birtar nokkrar litmyndir,
sem teknar voru í ferðinni.
Myndafrásögn af gönguför um
Hornstrandir eftir Fríðu Proppe
Þessi jeppabifreið er af árgerð 1955 og hefur eflaust litið betur út það
árið. Jeppinn er þó enn gangfær og gerir heilmikið gagn og vakti
stutt skemmtiferð á honum mikla kátínu þeirra yngstu í hópnum.
Uppi á þaki eru, talið frá vinstri: Jóhann Guðmundsson og Þórgunnur
Stefánsdóttir frá Akranesi, þá Sigríður Jósepsdóttir, Hnífsdal,
Ásbjörn Sigurðsson, Mosfellssveit er á leiðinni upp á þak og undir
stýri er fararstjórinn Jósep Vernharðsson Hnífsdal. Á bak við hann,
inni í jeppanum, er sonur hans Vernharöur.
Hvílst í efstu hlíöum Miðdals á leið upp á Hornbjargsbrún. I baksýn
Jörundur t.v. og Kálfatindur.
f.Tl irtTj
iinihiniii TiTT