Alþýðublaðið - 27.06.1989, Blaðsíða 1
Vigdís
til Kanada
Forseti íslands, Vigdís
Finnbogadóttir, hefur þegið
boð landstjóra Kanada, Je-
anne Sauvé, um að koma í
opinbera heimsókn til Kan-
ada dagana 29. júlí til 8.
ágúst nk.
Vigdís mun heimsækja
fjölda borga i Kanada, og þá
helst þær sem Vestur-Islend-
ingar hafa haft búsetu i. Vig-
dís mun meðal annars taka
við heiðursdoktorsnafnbót
við Manitoba-háskóla og
einnig verður hún viðstödd
þegar hinn árlegi íslendinga-
dagur verður haldinn.
Jón Baldvin um
afvopnun á höfunum:
Skortir
stuðning
frá grann-
þjóðunum
- Sjá bls. 6.
Henning Christophersen,
varaforseti framkvæmda-
ráðs EB, Jón Sigurðsson
viðskipta- og jðnaðarráð-
herra og Birgir Árnason að-
stoðarmaður ráðherra.
A-mynd/E.ÓL.
Varaforseti framkvœmdaráðs EB:
Skil röksemdir Islendinga
en vilji þeir betri aðgang að mörkuðum EB
verður eitthvað að koma í staðinn
Henning Christopher-
sen, varaforseti fram-
kvæmdaráðs Evrópu-
bandalagsins (EB), átti
viðræður við Jón Sigurðs-
son viðskipta- og iðnaðar-
ráðherra og fleiri islenska
ráðamenn hér á landi
24—27. júní.
Sérstaklega' var rætt um
sameiginlegan innri mark-
að EB, sem stefnt er að að
verði að veruleika fyrir árs-
lok 1992. í viðræðum þess-
um ítrekaði Jón Sigurðs-
'son þá sérstöðu íslendinga
gagnvart EB sem hlýst af
mikilvægi sjávarútvegs í
þjóðarbúskap okkar. Þá
lagði Jón fram sameigin-
lega áætlun Norðurland-
anna um aðlögun að þróun
mála í Evrópu á árunum
1989—1992.
Á blaðamannafundi í
gær sagðist Christopher-
sen hafa átt gagnlegar við-
ræður við hérlenda ráða-
menn um þessi mái. Hann
sagðist bjartsýnn á góðan
árangur í viðræðum EB og
EFTA og væri nú verið að
ræða þau mál sem grund-
vallast á sameiginlegum
hagsmunum, sérstaklega
umhverfismál, vinnu-
verndarmál og neytenda-
mál.
Það kom fram hjá þeim
Christophersen og Jóni að
staðan væri óbreytt hvað
varðar deildar meiningar
um veiðiheimildir í ís-
lenskri lögsögu. Christop-
hersen sagðist skilja rök-
sentdir okkar fyrir þvi að
urn takmarkaða auðlind
væri að ræða, en það væri
enn afstaða EB að ef ís-
land vildi betri aðgang að
mörkuðum EB, breytta
tollastefnu o.s.frv., yrði
eitthvað að koma í staðinn.
Ólga á Jónsmessunótt
Að kveldi Jónsmessu safnaðist saman mikið fjöl-
menni í miðbæ Reykjavíkur og munaði minnstu um
nóttina að til átaka kæmi milli unglinga og lögreglu.
Lögregluþjónar komu að manni sem var alblóðugur
að slá til vegfarenda og hugðust koma honum á
slysadeild, en sumir miðbæjargesta virtust telja lög-
regluna eiga sök á áverkum mannsins. Munaði ekki
miklu að lögreglan þyrfti að beita kylfum, en hún
færði þrjá menn á lögreglustöðina, en sleppti strax
tveimur. Á stærri myndinni sést lögreglan fjarlægja
einn mannanna, en á innfelldu myndinni er verið að
færa þann alblóðuga, nefbrotinn og með sprungnar
varir, á slysadeild.
A-myndir/E.Ól.
Júlíus Só/nes um
viðrœður við ráðherra:
Mér sýnist þeir
ekki geta kyngt
okkar forsendum
Júlíus Sólnes, formaóur
Borgaraflokksins, segist ekki
sjá neitt sem bendi til þess aó
stjórnarflokkarnir séu reiðu-
búnir að kyngja forsendum
Borgaraflokksins fyrir við-
ræðum um stjórnarmyndun.
„Reyndar hef ég enga hug-
mynd um hverju þeir eru að
velta fyrir sér,“ sagði Júlíus
viö Alþýðublaðið í gær.
Júlíus sagðist hafa átt
kaffispjall með nokkrum
ráðherrum fyrir 10 dögum
siðan um forsendur þær sem
Borgaraflokkurinn setur sem
skilyrði. „En ég hef í sjálfu
sér ekkert heyrt frá þessum
ágætu mönnum síðan. Mér
sýnist því ekkert benda til
þess að þeir geti kyngt okkar
forsendum.“
„1 samningum er ekki
spurning um það hverjir séu
tilbúnir að kyngja hverju,
heldur hitt: Hvort við getum
gefið okkur eðlilegan tíma til
að leysa vandamál með sam-
komulagi. Það þarf enginn
að efast um okkar vilja til að
ganga til slíks samkomulags.
En við getum ekki gefið okk-
ur fyrirfram að það takist
með einu pennastriki fyrir
einhverja tiltekna dagsetn-
ingu,“ sagði Jón Baldvin
Hannibalsson utanríkisráð-
herra þegar Alþýðublaðið
spurði hann um afstöðu
stjórnarflokkanna.
Jón Baldvin sagðist skilja
óþolinmæði borgaraflokks-
manna, en ekki hefði verið
hægt að koma á formlegum
viðræðum m.a. vegna mikils
álags á ráðherrum og for-
ystumönnum stjórnarflokk-
anna undanfarna daga.
„Það stafar ekki af áhuga-
leysi, heldur því að menn
ráða ekki tíma sínum að öllu
leyti sjálfir,“ sagði Jón Bald-
vin Hannibalsson.
Að sögn Júlíusar eru borg-
araflokksmenn enn sama
sinnis og er viðræður áttu sér
stað í janúar sl. Lykilatriði í
kröfunum sem þá komu
fram er matarskatturinn, að
finna leiðir til að lækka mat-
vælaverðið. Júlíus sagði að
þrátt fyrir allt hefði ríkis-
stjórnin komið að einhverju
leyti til móts við kröfurnar
frá því í janúar, t.d. hvað
varðar lagfæringu á vöru-
gjaldi og lækkun á skatti á
verslunar- og skrifstofu-
húsnæði.