Morgunblaðið - 08.11.2001, Blaðsíða 12

Morgunblaðið - 08.11.2001, Blaðsíða 12
FRÉTTIR 12 FIMMTUDAGUR 8. NÓVEMBER 2001 MORGUNBLAÐIÐ HEILBRIGÐISEFTIRLIT Reykjavíkur er, að sögn skrifstofu- stjóra þar, með á starfsáætlun að kortleggja mengaða staði í borg- inni. Hann segir ekki vitað um fleiri fyrirtæki en Hringrás hf. sem sitji uppi með viðlíka mengaðan jarðveg og þar er geymdur í sekkjum en tel- ur ekki ólíklegt að mengaður jarð- vegur eigi eftir að finnast á fleiri stöðum í borgarlandinu. Nýlega lauk brotajárnsfyrirtæk- ið Hringrás við að koma 250-300 rúmmetrum af PCB-menguðum jarðvegi fyrir í sekkjum sem standa nú á lóð fyrirtækisins en enginn förgunarstaður er til hérlendis þar sem hægt er að koma slíkum úr- gangi fyrir. Að sögn Arnar Sigurðs- sonar, skrifstofustjóra Heilbrigðis- eftirlits Reykjavíkur, er jarðvegurinn hluti haugs sem tók að myndast á lóð fyrirtækisins þegar Heilbrigðiseftirlitið gerði þá kröfu að yfirborði hennar yrði lokað með malbikun til að koma í veg fyrir að mengun kæmist út í umhverfið. Stærstu hlutirnir í uppfyllingu Við mælingar kom í ljós að í haugnum væri talsvert magn af PCB-mengun auk þungmálma og var í samráði við Heilbrigðiseftirlit- ið brugðið á það ráð að harpa stærstu hlutina, um 1.000 rúmmetr- ar, úr haugnum og koma þeim fyrir í uppfyllingu í Sundahöfn. „Við létum rannsaka þessa hluti og það var það lítil mengun á þeim að það var talið óhætt að nota þá í uppfyllingu á hafnarsvæðinu án þess þó að setja þá beint í sjóinn. Þá tókst okkur að minnka magnið þannig að það væri forsvaranlegt að geyma þetta í þessum sekkjum. Það var samdóma álit allra sérfræðinga, bæði í umhverfisráðuneyti, holl- ustuvernd og hér hjá okkur að þetta væri ódýrasta og jafnframt besta leiðin.“ Hann segir að of dýrt hefði verið að senda úrganginn úr landi auk þess sem það hafi þótt ólíklegt að nokkurt land myndi vilja taka við honum en venjulega sendir Sorpa spilliefni til útlanda til förgunar. Þá hafi þótt óhóflega dýrt að útbúa steypta þró á staðnum og loka henni eins og gert hefur verið víða erlend- is í svipuðum málum. Sömuleiðis hefði verið of dýrt að setja upp brennsluverksmiðju fyrir slíkan úr- gang hérlendis. Urðunarstaðar leitað Örn segir starfshóp á vegum um- hverfisráðuneytisins vinna nú í því að finna stað þar sem hægt er að urða spilliefni á borð við þau sem eru í umræddum jarðvegi og er áætlað að hann komi með tillögur um áramótin. Hann segir þetta eina staðinn sem honum sé kunnugt um að slík efni séu geymd á þennan hátt en jarðvegurinn hafi orðið svona mengaður vegna þeirrar brotajárnsvinnslu sem fór fram í fyrirtækinu. „Hitt er svo annað mál að það er á starfsáætlun hjá okkur að kort- leggja mengaða staði í Reykjavík. Það er vitað um staði þar sem geymdar voru olíutunnur lengi og sömuleiðis er vitað um talsvert af gömlum olíutönkum. Þetta eru hlut- ir sem við ætlum að kortleggja þannig að við vitum um alla staði sem hugsanlegt er að eitthvað svona gæti verið.“ Hann segir mikla vinnu framund- an við þetta. „Ég get giskað á að víða í kring um höfnina gætu verið staðir, sérstaklega í kring um Slipp- inn sem er búinn að vera þarna í marga áratugi og ég er ekkert viss um að menn hafi á fyrstu árunum og áratugunum farið sérstaklega varlega með spilliefni. Þannig að þar gætu við hugsanlega fundið eitthvað en það gæti þá verið búið að brotna niður.“ Finnist ámóta mengaður jarð- vegur og í tilfelli Hringrásar verður farið eins með hann eftir því sem hægt er, að sögn Arnar, þó að stundum geti verið best að hrófla ekki við slíkum jarðvegi. Er á áætlun að kortleggja mengaða staði í borginni LÖGREGLAN í Reykjavík stefnir að því að ljúka rannsókn á morðinu á Finnboga Sigurbjörnssyni í þess- um mánuði. Að því loknu verða rannsóknargögn send ríkissaksókn- ara. Tuttugu og fimm ára karlmaður, Ásbjörn Leví Grétarsson, hefur ját- að að hafa orðið honum að bana hinn 28. október sl. í íbúð við Bakkasel í Reykjavík. Finnbogi hafði verið stunginn með hnífi í háls og stun- gusár voru víðar á líkama hans. Ásbjörn var úrskurðaður í gæslu- varðhald til 16. nóvember nk. og verður það vafalaust framlengt þar til dómur fellur. Að sögn lögreglu hefur tækni- rannsókn og yfirheyrslur gengið vel. Niðurstaða krufningar liggur þó ekki fyrir. Engin vitni urðu að morðinu og er því aðeins Ásbjörn til frásagnar. Að sögn lögreglu telst at- burðarásin ljós en ekki var hægt að fá nánari upplýsingar um málsatvik. Um klukkustund leið frá því þeir fóru samferða úr miðborg Reykja- víkur og þar til lögregla var kölluð til vegna hávaða og fyrirgangs úr íbúð Ásbjarnar. Þegar lögregla kom á staðinn fundust blóðblettir fyrir utan íbúðina og ummerki um átök innandyra. Finnbogi fannst látinn skammt frá. Morð- rannsókn miðar vel MIKIL aðsókn var á útsölu Hag- kaups í gær en útsölur á þessum árstíma eru nýlunda hér. Sigríður Gröndal, markaðsstjóri Hagkaups, segir að aðsókn hafi reynst vera framar vonum. „Við gerðum ráð fyrir að útsalan myndi standa fram á þriðjudag en hugsanlega stendur hún bara fram á sunnudag vegna þess að við verðum þá búin að selja allar útsöluvörurnar. Á út- sölunni erum við að selja nýjar vetrarvörur til þess að rýma fyrir jólavörunum. Fólk virðist hafa tekið þessari nýbreytni mjög vel og það var stöðugur straumur fólks í verslunum okkar, alveg brjálað að gera og raunar beið fólk fyrir utan verslanir okkar í morgun.“Morgunblaðið/Ásdís Örtröð á útsölu í Hagkaupi BORGARRÁÐ hefur samþykkt að vísa til borgarstjórnar tillögu um að lækka álagningarhlutfall fasteigna- skatta, lækka holræsagjald og að nýta sér ekki leyfða hækkun á álagningarhlutfalli útsvars. Hækk- un útsvars hefði þýtt 609 milljóna króna tekjuauka fyrir borgarsjóð. Álagningarstuðull útsvars verður 12,7% á næsta ári eins og verið hef- ur. Gerir tillaga borgarráðs ráð fyr- ir að borgin nýti sér ekki heimild sem er fyrir hendi í lögum nr. 144 frá í fyrra um heimild til að hækka útsvar um 0,33%. Hækkunin hefði ella fært borgarsjóði 609 milljónum króna meiri tekjur. Síðastliðið sumar samþykkti borgarráð að fela fjármáladeild borgarinnar að endurskoða álagn- ingarhlutfall fasteignagjalda með það að markmiði að endurmat Fast- eignamats ríkisins á matsverði leiddi ekki til þess að heildarálögur á Reykvíkinga myndu hækka. Í greinargerð með tillögu borgarráðs kemur fram að til að halda greiðslu- byrði fasteignaskatta óbreyttri frá þessu ári til hins næsta sé álagning- arhlutfall nú lækkað á íbúðarhús- næði úr 0,375% í 0,32% og á lóð- arleigu úr 0,145% í 0,08%. Hefði skatthlutfallið verið óbreytt á þessu tvennu hefði það fært borgarsjóði 325 milljónum króna meiri tekjur. Álagningarhlutfall fasteigna- skatta af atvinnuhúsnæði verður óbreytt. Þá var einnig samþykkt í borgarráði að gefa greiðendum fasteignagjalda kost á að gera skil á fasteignagjöldum á sex gjalddög- um. Einnig er svonefnt holræsagjald lækkað en hlutfall þess var 0,15% og verður 0,115%. Á það bæði við íbúðar- og atvinnuhúsnæði og segir í greinargerð með tillögunni að óbreytt álagning hefði fært borg- arsjóði 262 milljónum króna meira í tekjur á næsta ári. Tillaga borgarráðs um skatttekjur lögð fyrir borgarstjórn Borgin nýti ekki heimild til út- svarshækkunar HALLDÓR Þorgeirsson, skrif- stofustjóri í umhverfisráðuneytinu, var í gær kjörinn í forsætisnefnd sjöunda aðildarríkjaþings Loftlags- samnings Sameinuðu þjóðanna sem fram fer þessa dagana í borginni Marakech í Marokkó. Ekki kom til þess að greiða þyrfti atkvæði um Halldór og frambjóðanda Evrópu- sambandsins í nefndina þar sem sá síðarnefndi, Þjóðverji að uppruna, dró framboð sitt til baka á þriðju- dag. Tvær undirnefndir starfa á veg- um forsætisnefndar og næstu tvö árin verður Halldór formaður vís- inda- og tækninefndar. Hin nefndin, sem er undir formennsku Argent- ínumanna, fjallar um sjálfa fram- kvæmd loftslagssamningsins. Halldór hefur nokkra reynslu af því að starfa á þingum loftslags- samningsins. Auk þess að eiga sæti í íslensku sendinefndinni hefur hann stjórnað samningaviðræðum um bindingu kolefnis og var þar í samráði við vísinda- og tækninefnd- ina sem hann veitir nú forstöðu. Halldór Þorgeirsson sagði í sam- tali við Morgunblaðið að nefndin sem hann veitti nú formennsku hefði fjallað um íslenska ákvæðið á síðustu aðildarríkjaþingum samn- ingsins og gengið frá því í Bonn í sumar til afgreiðslu á ráðstefnunni í Marakech. Halldór sagði að hann myndi vinna náið með forseta þings- ins; umhverfisráðherra Marokkó, og formanni framkvæmdanefndar- innar, Estrada frá Argentínu, sem á sínum tíma stjórnaði viðræðunum um Kyoto-bókunina. Ávarp umhverfisráðherra Ráðherrafundur ráðstefnunnar í Marakech, sem staðið hefur yfir síð- ustu daga, hófst í gær og síðdegis flutti Siv Friðleifsdóttir umhverfis- ráðherra ávarp, næst á eftir fulltrúa Bandaríkjanna. Á ráðstefnunni er unnið að lokafrágangi samkomulags um framkvæmd Kyoto-bókunarinn- ar sem náðist á fundi umhverfisráð- herranna í Bonn í júlí á þessu ári. Í samkomulaginu er m.a. tekið á hinu svonefnda íslenska ákvæði sem ger- ir litlum ríkjum kleift að ráðast í verkefni sem byggjast á nýtingu endurnýjanlegra orkugjafa þótt þau valdi aukinni losun koltvíoxíðs. Samkvæmt tilkynningu frá um- hverfisráðuneytinu er gert ráð fyrir að ráðstefnan samþykki samkomu- lagið í heild á morgun, föstudag. Samkomulagið er forsenda þess að iðnríkin geti staðfest Kyoto-bók- unina en lögð hefur verið áhersla á að þau verði sem flest búin að því fyrir leiðtogafundinn um sjálfbæra þróun sem haldinn verður í Jóhann- esarborg í september á næsta ári. Aðildarríkjaþing Loftslagssamnings SÞ í Marokkó Íslendingur formaður vísinda- og tækninefndar Ljósmynd/Leila Mead-IISD Halldór Þorgeirsson, skrifstofu- stjóri í umhverfisráðuneytinu, í umræðum á loftslagsráðstefn- unni í Marokkó. LÖGREGLAN á Sauðárkróki stöðv- aði í gær ökumann vélsleða sem ekið hafði sleða sínum innan bæjarmarka en slíkt er bannað. Að sögn lögreglu var maðurinn stöðvaður fyrir ofan bæinn en hann hafði áður ekið sleðanum í gegnum kaupstaðinn. Ökumaður og farþegi, ungir karlmenn, voru báðir hjálm- lausir. Lögreglan telur að auki að aksturinn hafi verið ótímabær en snjór hylur ekki jörð. Þá var ökumaður stöðvaður á 127 km hraða við bæjarmörk Sauðár- króks en hámarkshraði þar er 90 km. Vélsleða- akstur innan bæjarmarka ♦ ♦ ♦
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.