Morgunblaðið - 05.12.2001, Blaðsíða 1
279. TBL. 89. ÁRG. MIÐVIKUDAGUR 5. DESEMBER 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 5. DESEMBER 2001
SAMTÖKIN Jihad hétu því í gær að
hefna loftárása Ísraelshers á borgir
Palestínumanna á Vesturbakkanum
og á Gaza-svæðinu en árásunum var
fram haldið í gær, annan daginn í
röð. Féllu tveir í árásunum og um
150 særðust. Nokkur flugskeyta Ísr-
aelshers lentu á lögreglustöð við
hliðina á vinnustað Yassers Arafats,
forseta heimastjórnarinnar, í borg-
inni Ramallah á Vesturbakkanum en
talsmenn Ísraelsstjórnar vildu þó
ekki kannast við að Arafat sjálfur
hefði verið meðal skotmarka.
Arafat fordæmdi árásirnar og
sagði að þær væru til marks um að
Ariel Sharon, forsætisráðherra Ísr-
aels, vildi kippa fótunum undan til-
raunum Arafats til að halda palest-
ínskum hryðjuverkamönnum í
skefjum.
Sagði Arafat að hann hefði látið
handtaka marga helstu leiðtoga pal-
estínskra öfgahópa í kjölfar sjálfs-
morðsárása þeirra í Ísrael um
helgina, þar sem 25 óbreyttir borg-
arar fórust. Góður árangur hefði því
náðst í baráttunni gegn hryðjuverk-
um. Þann árangur vildi Sharon hins
vegar að engu gera enda væri stað-
reyndin sú að hann vildi ekki hefja
viðræður um varanlegan frið í Mið-
austurlöndum.
„Hann vill ekki að aðgerðir mínar
skili árangri og því hefur hann fyr-
irskipað aukinn hernað gegn borg-
um okkar og bæjum, auk helstu
stofnana okkar,“ sagði Arafat.
Ekki einhugur um aðgerðirnar
innan ísraelsku stjórnarinnar
Sharon hafði á mánudag sagt Ar-
afat bera ábyrgð á sjálfsmorðsárás-
unum um helgina og í gær sagði
sendiherra Ísraels í Bandaríkjunum
að hugmyndir um viðræður fulltrúa
Ísraelsstjórnar við Arafat að undan-
gengnu sjö daga vopnahléi væru
ekki lengur á borðinu. „Nú er spurn-
ingin aðeins sú hvort Arafat muni
stöðva hryðjuverkin eða ekki,“ sagði
sendiherrann, David Ivri.
Ekki er einhugur innan ísraelsku
ríkisstjórnarinnar um aðgerðirnar
og Shimon Peres, utanríkisráðherra
og leiðtogi Verkamannaflokksins,
gaf í skyn að flokkur sinn myndi
hugsanlega hætta stjórnarsamstarfi
við Likud-flokk Sharons. Peres hafði
áður fordæmt það sem hann kallaði
herferð Sharons gegn Arafat og hið
sama gerði Hubert Vedrine, utanrík-
isráðherra Frakklands, sem sagði
allt benda til að Sharon vildi losna
við Arafat og heimastjórn hans af
sjónarsviðinu.
Colin Powell, utanríkisráðherra
Bandaríkjanna, hvatti Arafat hins
vegar til að beita sér enn frekar gegn
harðlínumönnum í eigin röðum.
„Arafat forseti getur gert meira.
Mér finnst ekki að fullur hugur hafi
fylgt máli hjá honum,“ sagði Powell.
Ítrekaði Powell þá afstöðu sína að
Ísraelsmenn hefðu fullan rétt til að
verja sig. Þeir yrðu þó að gera sér
grein fyrir afleiðingum gerða sinna.
Tilkynnti George W. Bush Banda-
ríkjaforseti að hann hygðist frysta
allar eignir íslamskra samtaka í
Bandaríkjunum sem grunuð eru um
að styðja við bakið á Hamas-samtök-
unum, en þau stóðu fyrir sjálfs-
morðsárásunum um helgina.
Samtökin Jihad hóta að
svara árásum Ísraela
Jerúsalem, Gaza, Washington, Búkarest. AFP.
! "" # $%&
'
( )
( (
* ' ) +
!"
#
$
Peres hótar/24
Hefur enga/10
GERT er ráð fyrir að bráðabirgða-
stjórn fyrir Afganistan taki við völd-
um í landinu 22. desember nk. skv.
samningsdrögum milli fjögurra
helstu þjóðarbrotanna en fulltrúar
þeirra hafa fundað undanfarna átta
daga í Bonn í Þýskalandi. Vonast er
til þess að hægt verði að skrifa undir
samningana í dag en í gærkvöldi var
verið að leiða til lykta ágreining um
verkaskiptingu í stjórninni.
Fyrr um daginn höfðu vestrænir
stjórnarerindrekar sagt að bráða-
birgðastjórnin tæki til starfa í næstu
viku en Ahmad Wali Masood, einn af
aðalsamningamönnum Norðurbanda-
lagsins, sagðist aðspurður telja að það
yrði ekki fyrr en 22. desember.
Skv. samningsdrögunum mun
bráðabirgðastjórnin verða skipuð 29
mönnum. Herma fréttir að Pastúninn
Hamid Karzai fái veigamesta emb-
ættið en Mohammed Zahir Shah,
fyrrverandi konungur Afganistans,
mun hafa gert það að tillögu sinni í
gær. Karzai er meðal þeirra sem
stjórna nú atlögunni gegn vígi talib-
ana í Kandahar.
Ennfremur er gert ráð fyrir að
Abdullah Abdullah, talsmaður Norð-
urbandalagsins, verði þar í lykilhlut-
verki, t.d. sem utanríkisráðherra.
Fulltrúar fylkinga, sem andsnúnar
eru talibönum, sögðust í gær hafa
hörfað frá Kandahar-flugvelli enda
héldu Bandaríkjamenn þá áfram að
láta sprengjum rigna yfir skotmörk á
svæðinu, en þar ráða talibanar enn
ríkjum. Talsmaður Karzais sagði
Pastúnaleiðtogann hins vegar hafa
náð á sitt vald bæ sem aðeins er í um
15 km fjarlægð frá Kandahar.
Reuters
Afganskar konur bíða þess að erlendar hjálparstofnanir útbýti ýmsum nauðþurftum í höfuðborginni Kabúl.
Samningar tilbúnir í Bonn
Bonn, Kabúl. AFP.
Vonast eftir formlegri undirritun í dag
Kveðst hafa/22
SAMKOMULAG varð um það á 75
mínútna fundi Glafcos Clerides Kýp-
urforseta og Rauf Denktash, leiðtoga
tyrkneska minnihlutans á norður-
hluta eyjunnar, í gær að hefja um
miðjan janúar samningaviðræður um
framtíð landsins. Jafnframt þekktist
Clerides boð Denktash um kvöldverð
í dag en forsetinn hefur ekki farið yfir
í nyrðri helming eyjunnar frá því að
tyrkneskar hersveitir réðust inn í
landið árið 1974 og lögðu þriðjung
eyjunnar undir sig.
Tíðindi gærdagsins komu sem
þruma úr heiðskíru lofti en Clerides
og Denktash höfðu ekki ræðst við frá
því þeir hittust í ágúst 1997. Sögðust
þeir í lok fundarins í gær, sem haldinn
var á hlutlausu svæði fyrir miðju eyj-
unnar, ætla að halda áfram viðræðum
uns víðtækt samkomulag um framtíð
landsins lægi fyrir.
Tengist stækkun ESB
Talsmaður Clerides sagði að sú
ákvörðun hans, að fara yfir í nyrðri
hluta Kýpur í kvöld, væri tekin til að
sýna í verki vilja forsetans til að ná
sáttum um lausn deilunnar. Hann tók
hins vegar fram að þetta jafngilti ekki
viðurkenningu á tilverurétti tyrk-
nesks lýðveldis á N-Kýpur, en Denkt-
ash lýsti yfir stofnun þess árið 1983.
Hin óvænta niðurstaða á sér stað
viku fyrir leiðtogafund Evrópusam-
bandsins (ESB) sem fram fer í Läken
í Belgíu. Vestrænir sendimenn höfðu
tilkynnt tyrkneskum stjórnvöldum í
Ankara að fundurinn í gær væri síð-
asta tækifærið til að koma friðarferli
á Kýpur af stað á ný áður en Kýpur-
Grikkir lykju samningum um aðild
Kýpur að ESB.
Tyrkir hafa lagst gegn aðild Kýpur
að ESB en leiðtogar sambandsins
hafa lagt á það áherslu að eyjan fái að-
ild óháð því hvort samningar hafi áður
tekist um framtíð landsins.
Rofar til
í Kýpur-
deilunni
Nicosia. AFP.
Reuters
Rauf Denktash og Glafcos Cler-
ides við upphaf fundarins í gær.
AFGANSKAR hersveitir hafa hafið
umfangsmiklar aðgerðir til að um-
kringja fjallavirkið Tora Bora, suður
af Jalalabad, þar sem talið er að
Osama bin Laden
kunni að vera í
felum. Fjármála-
stjóri bin Ladens
féll í loftárásum
bandarískra her-
flugvéla og nán-
asti aðstoðar-
maður bin
Ladens særðist
eða féll.
Um eitt þúsund afganskir her-
menn héldu til fjalla í austurhluta
landsins þar sem virkið Tora Bora er
grafið inn í fjallshlíð. Haji Mohamm-
ad Zaman, hershöfðingi í Nangar-
har-héraði, sagði aðgerðina miða að
því að umkringja virkið, og einnig
beinast gegn stuðningsmönnum bin
Ladens, og hefði komið til stuttra
átaka við þá í gær.
Zaman sagði ennfremur að
Egyptinn Ayman al-Zawahri, næst-
ráðandi bin Ladens í al-Qaeda-sam-
tökunum, hefði særst og ef til vill
fallið í loftárásum Bandaríkjamanna
á svæðið í grennd við Tora Bora á
mánudag, og fjármálastjóri bin Lad-
ens, Ali Mahmud, hefði fallið.
Fjármála-
stjóri bin
Ladens
felldur
Al-Zawahri
Jalalabad. AFP.