Morgunblaðið - 07.03.2002, Blaðsíða 1

55. TBL. 90. ÁRG. FIMMTUDAGUR 7. MARS 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 7. MARS 2002
EVRÓPURÍKIN og önnur ríki víða
um heim brugðust í gær mjög hart
við þeirri ákvörðun Bandaríkja-
stjórnar að setja verndartolla á inn-
flutt stál. Hóta sum þeirra að grípa
til eigin verndaraðgerða auk þess að
kæra Bandaríkjastjórn fyrir Heims-
viðskiptastofnuninni, WTO.
Mikil reiði ríkir í Evrópusam-
bandsríkjunum vegna ákvörðunar
George W. Bush Bandaríkjaforseta
en margir óttast, að holskefla inn-
flutts stáls muni ríða yfir álfuna þeg-
ar Bandaríkjamarkaður lokast.
Pascal Lamy, sem fer með viðskipta-
mál í framkvæmdastjórn ESB, sagði
í gær, að sambandið myndi grípa til
aðgerða til varnar sínum stáliðnaði
og er búist við, að það verði ákveðið á
utanríkisráðherrafundi þess í Bruss-
el á mánudag.
Tony Blair, forsætisráðherra
Bretlands, sagði í gær, að ákvörðun
Bush væri „óviðunandi“ og hvatti
hann til að gangast fyrir uppstokkun
í bandarískum stáliðnaði fremur en
að leita skjóls í verndaraðgerðum.
Leif Pagrotsky, viðskiptaráðherra
Svíþjóðar, sagði bandarísku vernd-
artollana geta hrint af stað við-
skiptastríði um allan heim. Minnti
hann á, að Bandaríkjamenn hefðu
ávallt messað yfir öðrum um kosti
frjálsra viðskipta, en nú hljómaði það
eins og hver önnur hræsni.
Japanir, Kínverjar, Brasilíumenn,
Suður-Kóreumenn og fleiri hafa
tekið í sama streng og Rússar ætla
að banna innflutning á bandarískum
kjúklingum. Segja þeir raunar, að
það sé gert vegna mikillar lyfjanotk-
unar í bandarískri kjúklingarækt, en
helmingurinn af útflutningi banda-
rískra kjúklingaframleiðenda fer til
Rússlands.
Nýju tollarnir á mestallt innflutt
stál í Bandaríkjunum taka gildi 20.
mars nk.
Hóta hörðum viðbrögð-
um við stáltollunum
Brussel. AP, AFP.
Vaxandi ótti við víðtækt og
alvarlegt viðskiptastríð

„Skelfilegt“/22
LÍTIÐ flugfélag, litlar flugvél-
ar og litlar flugfreyjur. Þetta er
lýsingin á Air Wales, sem er
með áætlunarflug á milli Wales
og Dyflinnar á Írlandi.
Flugfélagið rekur nítján vél-
ar af gerðinni Dornier 228 og
vegna þess, að í þeim er hvorki
hátt til lofts né vítt til veggja,
mega flugfreyjurnar ekki vera
hærri en 1,60 m, nánar tiltekið
á bilinu 1,52 m til 1,60.
Dornier-vélarnar taka aðeins
tuttugu farþega og því er engin
þörf lögum samkvæmt á að
vera með flugfreyjur en í því
skyni að auka þjónustuna við
farþega var ákveðið að ráða sjö
litlar flugfreyjur til starfa. Í
fluginu almennt er þess krafist,
að þær séu ekki lægri en 1,60 m
og helst hærri.
Sjö litlar
flugfreyjur
Cardiff. AP.
HAMID Karzai, forsætisráðherra
afgönsku bráðabirgðastjórnarinnar,
sagði í gær, að bækistöðvar nokkur
hundruð al-Qaeda-liða í Arma-fjöll-
unum í Austur-Afganistan væru
„síðasta vígi hryðjuverkamanna í
Afganistan“. Harðir bardagar hafa
staðið milli hersveita Bandaríkjanna
og bandamanna þeirra og al-Qaeda-
liða í Arma-fjöllunum síðustu daga
en Bandaríkjamenn sögðu í gær að
sigur væri í sjónmáli í átökunum.
Frank Hagenbeck hershöfðingi,
sem stýrir aðgerðum, sagði að um
helmingur al-Qaeda-liðanna í Arma-
fjöllum væri fallinn eða allt að 500
manns.
Nokkrir Bandaríkjamenn liggja
þó einnig í valnum en bardagarnir
hafa verið þeir hörðustu frá því að
Bandaríkjastjórn hóf hernaðar-
aðgerðir sínar í Afganistan.
Talið er að hörð mótspyrna al-
Qaeda hafi komið á óvart en aðstæð-
ur í Arma-fjöllum eru þannig að
hernaðaryfirburðir Bandaríkja-
manna nýtast ekki sem skyldi.
Þrír danskir og tveir þýskir
hermenn létu lífið
Karzai viðurkenndi að al-Qaeda-
liðarnir hefðu veitt öflugri mót-
spyrnu en menn áttu von á. Hann
hefði hins vegar sagt fulltrúum
Bandaríkjastjórnar að taka sér
nægan tíma til að sigrast á hryðju-
verkamönnunum.
Þrír danskir hermenn og tveir
þýskir létu lífið í Kabúl þegar loft-
varnaeldflaugar, sem þeir höfðu ver-
ið að reyna að gera óvirkar, sprungu.
Anders Fogh Rasmussen, forsætis-
ráðherra Dana, sagði að þrátt fyrir
þennan harmleik myndu Danir halda
áfram að taka þátt í starfi alþjóðlegu
friðargæslusveitanna í Afganistan.

Hundruð fallin/20
Sótt að síðasta
vígi al-Qaeda
Berlín, Kabúl. AFP.
Yassers Arafats, leiðtoga Palest-
ínumanna, og á skóla fyrir blinda.
Enginn var staddur á heimili Ara-
fats enda er hann sjálfur í eins
konar stofufangelsi í Ramallah á
Vesturbakkanum og kona hans og
dóttir eru erlendis.
Bannað að bjarga
særðum mönnum
Meðal þeirra, sem létust í gær,
voru palestínsk kona, sem var
skotin í bakið, og tveir óbreyttir
borgarar. Voru þeir lífshættulega
særðir en ísraelskir hermenn
bönnuðu hjúkrunarfólki að nálgast
TÍU Palestínumenn og tveir ísr-
aelskir hermenn féllu í gær í ein-
hverjum hörðustu árásum Ísraela
frá því uppreisn Palestínumanna
hófst fyrir sautján mánuðum. Ariel
Sharon, forsætisráðherra Ísraels,
sagði í gær, að „ekkert lát“ yrði á
árásunum, en Colin Powell, utan-
ríkisráðherra Bandaríkjanna,
gagnrýndi hann harðlega á fundi
með einni nefnd fulltrúadeildar-
innar.
Ísraelar létu sprengjunum rigna
yfir Gaza frá þyrlum, skriðdrekum
og fallbyssubátum og unnu meðal
annars miklar skemmdir á heimili
þá. Létust mennirnir af sárum sín-
um eftir þrjár klukkustundir.
Powell, utanríkisráðherra
Bandaríkjanna, sagði í gær, að
Arafat yrði að gera meira til að
koma í veg fyrir átök en fór síðan
mjög hörðum orðum um Sharon.
„Sá, sem lýsir yfir stríði gegn
Palestínumönnum og heldur, að
lausnin felist í því að drepa sem
flesta, ætti að huga að afleiðing-
unum,“ sagði Powell.
Fréttaskýrendur segjast sjá
þess merki, að Bandaríkjastjórn sé
orðin þreytt á harðlínustefnu
Sharons.
Reuters
Shimon Peres, utanríkisráð-
herra Ísraels. Hann sagði í gær,
að ekki væri unnt að slökkva eld
með eldi, vopnahlé yrði ekki
tryggt með auknum hernaði.
Powell gagnrýnir
Sharon harkalega
Gaza-borg. AP, AFP.
UM 2.000 manns söfnuðust saman í
fyrrakvöld við styttu í Messina á
Sikiley þegar það spurðist út, að
hún væri farin að gráta blóðugum
tárum. Var það meðal annars haft
eftir presti í borginni, sem kvaðst
hafa reynt að þurrka burt tárin en
án árangurs.
Er styttan af föður Pio, virtum
munki, sem lést árið 1968, en sagt
er, að á honum hafi birst hin fimm
sár Krists. Til stendur að taka Pio í
helgra manna tölu 16. júní nk. Erki-
biskupinn á Sikiley hefur skipað
fyrir um vísindalega rannsókn á
tárunum og vörður hefur verið
settur um styttuna til þess að hugs-
anlegir prakkarar komist ekki að
henni.
„Krafta-
verk“ í
Messina
Reuters