Morgunblaðið - 04.09.2002, Blaðsíða 11

FRÉTTIR
MORGUNBLAÐIÐ MIÐVIKUDAGUR 4. SEPTEMBER 2002 11
FJÖLDI þeirra sem er á biðlista
eftir heyrnartækjum hjá Heyrnar-
og talmeinastöð Íslands, HTÍ, hef-
ur minnkað um helming frá sama
tíma í fyrra og eru nú um 775
manns á listanum. Biðtíminn hefur
einnig styst um helming á sama
tíma og er nú verið að afgreiða fólk
sem flest hefur beðið frá því í nóv-
ember á síðasta ári. Þá hefur sala
heyrnartækja stóraukist milli ára.
„Þetta með biðtímann er auðvit-
að ekki nógu gott en vonir standa
til, ef fjárveitingar verða fyrir
hendi í tækjakaup, að unnt verði á
næsta ári að stytta biðtímann niður
í þrjá til fjóra mánuði sem er við-
unandi miðað við að tæki eru öll
pöntuð frá Danmörku,“ segir Sig-
ríður Snæbjörnsdóttir, fram-
kvæmdastjóri Heyrnar- og tal-
meinastöðvar Íslands.
Í kjölfar endurskipulagningar á
starfsemi HTÍ, sem stendur enn
yfir, hefur sala heyrnartækja stór-
aukist það sem af er árinu, eða um
219% frá því í fyrra. Eftir fyrstu
sjö mánuði þessa árs hefur sala
heyrnartækja aukist um 219% mið-
að við sama tíma í fyrra. Í ár er
búið að selja 1.764 tæki miðað við
806 eftir fyrstu sjö mánuðina 2001
en allt síðasta ár voru seld 1.720
tæki.
„Starfsfólkið hefur lagt sig fram
við að auka afköst og bæta þjón-
ustu stöðvarinnar og er árangurinn
þegar kominn í ljós. Á árinu hefur
starfsemin aukist verulega en hins
vegar eru starfsmenn ívið færri og
orðið brýnt að fjölga þeim,“ segir
Sigríður en fyrstu sjö mánuðina
fjölgaði komum til læknis um 19%,
heyrnarmælingar jukust um 23%
og gerð hlustarmóta jókst um 8%
milli ára.
Heyrnarskert börn kölluð inn
Að sögn Sigríðar er margt fleira
á döfinni hjá HTÍ. Eru nú að hefj-
ast í fyrsta sinn kerfisbundnar inn-
kallanir allra heyrnarskertra barna
á forskóla- og grunnskólaaldri þar
sem boðið er upp á heyrnarmæl-
ingar, stillingar á tækjum, fræðslu
fyrir foreldra og fleira. Þetta mun
verða árlegur viðburður.
Af öðrum nýjungum í starfsemi
stöðvarinnar má nefna að út er
kominn bæklingur með ítarlegum
ráðleggingum um notkun heyrnar-
tækja. Bæklingurinn er bæði ætl-
aður notendum heyrnartækja og
starfsfólki sem hjálpar og leiðbein-
ir við notkun þeirra. Útgefandi er
danska fyrirtækið Widex, sem
framleiðir heyrnartæki, en um ís-
lenska þýðingu sá starfsfólk HTÍ.
Heyrnar- og talmeinastöð Íslands
Styttri bið eftir
heyrnartækjum og
fleiri tæki seljast
UMTALSVERÐUR bati er í ám á
vestanverðu Norðurlandi eins og
víðast hvar á landinu. Þannig var
Víðidalsá komin með rétt um 800
laxa í gær að sögn Ragnars bónda
á Bakka, formanns veiðifélags
Víðidalsár og Fitjár, og Miðfjarð-
ará komst yfir 700 laxa um mán-
aðamótin. Aðeins rúmlega 400 lax-
ar veiddust í henni í fyrra og
rúmir 500 í Víðidalsá, þannig að
hér er veruleg uppsveifla á ferð-
inni.
Ragnar á Bakka sagði aflann
mest vænan smálax, en gott slang-
ur væri einnig af tveggja ára
hrygnum. Minna væri hins vegar
um stóru hængatröllin sem yfir-
leitt prýða aflann í Víðidalsá. Hjá
leigutaka Miðfjarðarár, fyrirtæk-
inu Lax-á, fengust þær upplýsing-
ar að veiði væri enn góð, t.d. hefðu
18 laxar veiðst á sunnudaginn og
19 á laugardaginn. Mikið vatn er í
ánum og skilyrði góð í sjatnandi
vatni. Lax er enn að ganga. Þetta
er að því leyti umtalsverður bati í
Miðfjarðará, að síðsumars hefur
enginn maðkur verið settur í ána
og það vantar því stórveiðina sem
fylgir maðkahollinu. Ekki er ólík-
legt að milli 900 og 1.000 laxar
væru komnir úr ánni ef maðkur
væri enn leyfður en fluguveiðin
þykir dreifa veiðiskapnum meira.
Fínt sumar í Hítará
Í vikubyrjun voru komnir 389
laxar af aðalsvæði Hítarár skv.
fréttum frá SVFR, efri svæðin
hafa gefið 40 til 50 laxa til við-
bótar. Veitt er nokkuð fram í sept-
ember þannig að talan mun hækka
enn. Mikill lax er í ánni og enn
sjást nýrenningar.
Fréttir úr
ýmsum áttum
Um 200 fiskar eru komnir úr
Korpu og veiði er góð um þessar
mundir, þannig gaf mánudagurinn
9 laxa og sunnudagurinn 7 stykki.
Svalbarðsá í Þistilfirði er komin
með yfir 200 laxa og sex daga holl
var að ljúka veiðum með tæpa 40
laxa.
Síðasta holl í Hrútafjarðará var
með 14 laxa og áin er komin yfir
lokatölu síðasta árs, eða um 150
laxa.
Fjórir laxar veiddust á svæðum
1 og 2 í Stóru-Laxá áður en flóðið
brast á um helgina og í gærmorg-
un veiddust 5 laxar og nokkrir
sluppu á svæði 4 er vatnið var loks
farið að sjatna aftur. Svæði 4 var
þá komið með 65 laxa, svæði 3 var
með 18 laxa á sunnudagskvöld og
svæði 1 og 2 46 laxa. Þetta er nær
allt smálax, en menn voru þó að
setja í en missa tröll á efsta svæð-
inu í gærmorgun, bæði í Hunda-
stapa og Hólmahyl.
Gljúfurá í Borgarfirði var komin
með 123 laxa í gærmorgun. Þar er
mikið óselt og þeir sem skreppa
koma sælir og glaðir að hvíldri á
með löxum í flestum hyljum.
Sjö laxar veiddust í síðasta holli
í Reykjadalsá í Borgarfirði og ein-
hverjir tugir laxa eru komnir þar á
þurrt. Áin tekur jafnan við sér í
september.
Norðurá
í vetrarhvíld
Um þessar mundir er árnefnd
Norðurár að taka síðustu köstin á
þessari vertíð og ganga frá eftir
magnað veiðisumar. Síðustu tölur
eru 2.278 laxar og viðbúið er að
nokkrir bætist við. Síðasta sumar
veiddust 1.373 laxar í ánni, um-
skiptin eru því ævintýri líkust.
Smáleiðrétting
Í veiðipistli í gær var Einar Sig-
fússon sagður annar leigutaka
Haffjarðarár. Rétt er, að hann er
annar eigenda árinnar.
Friðrik Friðriksson með 14,5 punda lax úr Skarðsstrengjum í Stóru-
Laxá, svæði 1–2, þann stærsta af svæðinu í sumar, veiddur á spón.
ERU
ÞEIR AÐ
FÁ’ANN?
Haust-
veiðin
byrjar
vel
HÓPUR fólks kom saman á Aust-
urvelli í hádeginu í gær til mót-
mælastöðu gegn Kárahnjúkavirkj-
un og gerð uppistöðulóns við
Þjórsárver. Guðmundur Páll Ólafs-
son náttúrufræðingur telur að um
50 manns hafi þarna verið saman-
komnir en hann flutti tölu á fund-
inum. „Ég hvatti fólk til samstöðu
gegn þessum geigvænlegu nátt-
úruspjöllum og fráleitu framtíð-
arsýn fyrir börnin okkar, að eyði-
leggja þennan grunn sem þarna er
fyrir atvinnustarfsemi.“
Guðmundur Páll segir að sér finn-
ist það skjóta skökku við að íslensk
sendinefnd sé í Jóhannesarborg að
ræða sjálfbæra þróun „á sama tíma
og við erum að vinna gegn sjálf-
bærri þróun á hálendi Íslands. Við
erum að framleiða svarta orku með
þessum virkjunum, því lónin fyllast
og landið verður ónýtt á eftir“. Bæt-
ir hann við að náttúra Íslands sé
höfuðstóll sjálfbærrar þróunar, ef
hún sé eyðilögð verði færri tækifæri
fyrir komandi kynslóðir.
Guðmundur Páll segir að mót-
mælunum verði framhaldið út vik-
una. Í dag mun Þorsteinn Sig-
urlaugsson hagfræðingur halda
tölu og Einar Ó. Þorleifsson nátt-
úrufræðingur á fimmtudag.
Morgunblaðið/Kristinn
Mótmælastaða
gegn fram-
kvæmdum á
hálendinu
HUGMYNDIR eru uppi í tengslum
við umræður um fjárhagsvanda
Landspítala – háskólasjúkrahúss og
vaxandi þörf á hjúkrunarrými fyrir
aldraðra að nýta Vífilsstaði í þessu
skyni til skemmri tíma litið.
,,Vífilsstaðir hafa til skamms tíma
verið notaðir sem sjúkrahús og það
stendur núna autt. Menn eru að velta
því fyrir sér hvort hægt er að taka það
í notkun fyrir hjúkrunarrými. Þó að
þar sé kannski ekki fyrirmyndarað-
staða, því það yrði ekki byggt svona
hús í dag, þá getur þarna verið um úr-
ræði að ræða sem vert er að nýta þar
til annað gefst,“ segir Jónína Bjart-
marz, formaður heilbrigðisnefndar
Alþingis.
Langtímamarkmið að
gera öldruðum kleift
að vera heima
,,Á sama tíma eru menn einnig að
tala um að samkvæmt heilbrigðis-
áætlun, sem nýbúið er að samþykkja
á Alþingi, þá er langtímamarkið að
ráðast í hvers konar
ráðstafanir sem geta tryggt gömlu
fólki að vera lengur heima hjá sér,
með því að efla heimahjúkrun og aðra
þjónustu heima fyrir,“ segir Jónína.
Þessar hugmyndir voru til umræðu á
fundi heilbrigðisnefndar sl. föstudag.
Vífilsstaðir
hugsanlega
sem hjúkrunar-
rými aldraðra
FÆREYINGAR tóku nýtt
varðskip, Brimil, í notkun
fyrir tæpum tveimur árum
og segir skipstjórinn, Jan
Kristoffersen, að skipið hafi
reynst mjög vel. Þó hefur
jafnvægiskerfið ekki virkað
jafn vel og vonast var til.
„Það hefur breytt miklu
að fá þetta stóra skip. Okkur
finnst við betur í stakk búin
nú til að útfæra þau verkefni
sem okkur eru falin og er
fiskveiðieftirlit innan fær-
eysku landhelginnar öfl-
ugra,“ segir Kristoffersen.
Skipið er einnig kallað út í
ýmis björgunarverkefni auk
þess sem það er skólaskip.
Landhelgisgæslan í Færeyjum á
annað varðskip, Tjald, sem er 44,5
metra langt og var byggt árið 1976 og
13 metra langan bát sem heitir
Spogvin, en hann er einungis notaður
uppi við ströndina. Þá hefur færeyska
landhelgisgæslan aðgang að tveimur
þyrlum.
Brimil kom til Færeyja í október
árið 2000 en það var smíðað í
Myklebust í Gursken í Noregi. Skipið
er 1.503 brúttótonn, 450 nettótonn,
63,6 metra langt og 12,6 metra breitt.
Kostaði það 97 danskar milljónir eða
um milljarð íslenskra króna. 24 menn
eru í áhöfn skipsins, 12 hverju sinni og
eru vaktaskipti á tveggja vikna fresti.
Getur skipið náð allt að 17–18 hnút-
um.
Þær upplýsingar fengust hjá fær-
eysku landhelgisgæslunni að borið
hefði á vandamálum með hliðarjafn-
vægi í skipinu. Skipið er búið mjög
þróuðu tölvustýrðu jafnvægiskerfi
sem dælir sjó inn og út úr skipinu eft-
ir þörfum hverju sinni. Framleiðandi
kerfisins frá Þýskalandi hefur komið
tvisvar til Færeyja til að reyna að laga
kerfið og eru Færeyingar bjartsýnir á
að það muni ganga eftir.
Davíð Oddsson forsætisráðherra
sigldi með skipinu þegar hann var í
opinberri heimsókn í Færeyjum á
dögunum. „Þetta er mjög fallegt skip
og öflugt og geta þeir verið ánæðir
með það. Við erum með svo-
lítið gömul varðskip sjálf
sem við þurfum að gera
bragarbót á. Það er athygl-
isvert að Færeyingar eru
með færri menn í áhöfn en
við erum vanir að vera. Með
10–12 manna áhöfn þegar
við erum með nærri 20
manna áhöfn,“ segir for-
sætisráðherra.
Davíð segir að Íslending-
ar hafi gert ráð fyrir að
kaupa stærra varðskip.
Brimil sé á stærð við þau
varðskip sem nú sigla um ís-
lensku landhelgina. „Þau
eru hins vegar orðin gömul
og við þurfum á því að halda að fá nýtt
skip. Það er í athugun en það má ekki
spenna það upp úr öllu valdi peninga-
lega. Þetta skip mun hafa kostað í
kringum einn milljarð íslenskra
króna, en nýjustu áætlanir um varð-
skip eru komnar nálægt 3–3,5 millj-
örðum íslenskra króna sem er millj-
arði meira en við gerðum ráð fyrir í
upphafi. Við höfum því aðeins hægt á
því máli og skoðað það á nýjan leik.“
Aðspurður hvenær verði tekin
ákvörðun um að kaupa nýtt varðskip
segist Davíð vona að það verði fljót-
lega. „Dómsmálaráðherra mun vænt-
anlega gera tillögu um það til ríkis-
stjórnar áður en langt um líður,“ segir
ráðherra.
Færeyingar ánægðir með varðskipið Brimil
Hefur breytt miklu að
fá þetta stóra skip
Varðskipið Brimil við höfn á Vogum á Suðurey. Bor-
ið hefur á vandamálum með jafnvægiskerfi skipsins.
Morgunblaðið/Nína Björk