Morgunblaðið - 12.09.2002, Blaðsíða 6

Morgunblaðið - 12.09.2002, Blaðsíða 6
FRÉTTIR 6 FIMMTUDAGUR 12. SEPTEMBER 2002 MORGUNBLAÐIÐ VIÐSKIPTARÁÐHERRA, Val- gerður Sverrisdóttir, telur að ekki komi til greina, m.a. vegna sam- keppnisreglna, að ríkið selji eignar- haldsfélaginu Samson ráðandi hluti í bæði Landsbanka og Búnaðarbanka. Í tilkynningu sem Samson sendi frá sér á þriðjudag sagði að komið hefði fram á fundi hinn 28. ágúst með framkvæmdanefnd um einkavæð- ingu að með kaupum á hlut í Lands- banka Íslands útilokuðu fjárfestar ekki möguleika sína á að gerast einn- ig kjölfestufjárfestir í Búnaðarbanka Íslands. Ráðherra sagðist í gær telja að slíkt kæmi ekki til greina. Sala til eins aðila kemur ekki til greina ♦ ♦ ♦ HÉRAÐSDÓMUR Reykjavíkur hafnaði í gær kröfu Baugs Group hf. um að rannsóknarathafnir efna- hagsbrotadeildar ríkislögreglu- stjóra við húsleit í höfuðstöðvum fyrirtækisins 28. ágúst sl. yrðu dæmdar ólögmætar og að öllum gögnum sem lagt var hald á yrði skilað. Baugur mun kæra úrskurð- inn til Hæstaréttar. Í úrskurðinum segir að réttmæti húsleitarúrskurðar sé ekki hægt að bera undir dómara, sé húsleitin þeg- ar um garð gengin. Af sömu ástæðu geti Baugur ekki beitt ákvæðum 75. og 79. greinar laga um meðferð op- inberra mála til að fá leyst úr atrið- um sem varða framkvæmd húsleitar sem þegar er lokið. „Vegna þessa geta ekki komið til skoðunar í máli þessu röksemdir sóknaraðila [Baugs] hvort annmarki hafi verið á stjórn húsleitarinnar eða hvort með- alhófs hafi verið gætt við leitina,“ segir í úrskurðinum. Því verði að hafna kröfu Baugs um að húsleitin verði dæmd ólögmæt. Þá er því hafnað að lögregla hafi lagt hald á meiri gögn en hún hafði heimild til skv. húsleitarúrskurði héraðsdóms. Eina leiðin til að fá dómstóla til að fjalla um aðgerðir lögreglu Hreinn Loftsson, lögmaður Baugs, sagði í samtali við Morgun- blaðið að í úrskurðinum hefði ekki verið tekin efnisleg afstaða til þess hvort lögregla hefði farið fram úr heimildum sínum við rannsókn málsins þar sem réttarfarsleg ákvæði væru talin koma í veg fyrir það. Að mati hans var kæran eina leiðin fyrir fyrirtækið, sem væri meintur brotaþoli við rannsókn sakamáls, til að fá dómstól til að fjalla um aðgerðir lögreglu. „Ef réttarfarsleg atriði koma í veg fyrir að efnislega fáist skorið úr um rann- sóknarathafnir lögreglu jafngildir það því að fyrirtæki í þessari stöðu hafi í raun engin úrræði til að fá endurskoðun á lögmæti aðgerða lög- reglu,“ segir í yfirlýsingu sem Hreinn sendi frá sér í gær. Þar sem ekki sé vitað til þess að áður hafi reynt á ákvæði 75. og 79. greinar laga um meðferð opinberra mála fyrir dómstólum með þessum hætti, hafi þegar verið tekin ákvörðun um að kæra úrskurðinn til Hæstaréttar. Niðurstaðan kemur ekki á óvart Haraldur Johannessen ríkislög- reglustjóri segir að niðurstaða hér- aðsdóms komi sér ekki á óvart. Málatilbúnaður þess efnis að emb- ætti ríkislögreglustjóra hafi ekki farið að lögum við rannsókn málsins hafi verið úr lausu lofti gripinn og það hafi verið staðfest af dóminum. „Efnahagsbrotadeild ríkislögreglu- stjórans þarf að hafa eðlilegt svig- rúm til að sinna þeim starfsskyldum sem lög kveða á um í þessu máli sem öðrum sem til meðferðar eru hjá embættinu,“ segir Haraldur. Hann vill að öðru leyti ekki tjá sig um gang rannsóknarinnar á meint- um brotum stjórnarformanns og framkvæmdastjóra Baugs og segir aðspurður að embættið muni taka sér þann tíma sem nauðsynlegur sé til að ljúka rannsókninni. Röksemdir Baugs gátu ekki komið til skoðunar Héraðsdómur hafnar kröfu Baugs um að aðgerðir lög- reglu verði dæmdar ólögmætar og gögnum skilað RÚMLEGA tvítug kona gerði til- raun til að smygla um 90 grömmum af hassi til landsins á mánudag en var stöðvuð við tolleftirlit á Keflavík- urflugvelli. Hassið var í smokki sem hún hafði falið innvortis. Tollgæslan á Keflavíkurflugvelli stöðvaði einnig konu og mann vegna gruns um að þau væru líka að smygla fíkniefnum. Teknar voru röntgen- myndir af þremenningunum sem leiddu í ljós að önnur kvennanna hafði fíkniefni innvortis. Fíkniefna- deild lögreglunnar í Reykjavík yfir- heyrði konuna og telst málið upplýst. Hassi smygl- að í smokki SÝSLUMANNINUM á Keflavík hafa ekki enn borist gögn um mann- inn sem fannst látinn á gistiheimili í Reykjanesbæ á mánudag. Hafði hann verið stöðvaður með falsað vegabréf þegar hann hugðist fara til Bandaríkjanna og var í kjölfarið úr- skurðaður í farbann. Myndir og fingraför hafa verið send til alþjóða- lögreglunnar Interpol, bandarísku alríkislögreglunnar og til dönsku lögreglunnar. Von er á upplýsingum frá Danmörku innan skamms. Von á upp- lýsingum innan tíðar ♦ ♦ ♦ ÞINGFLOKKUR Samfylkingarinn- ar hefur sent Morgunblaðinu eft- irfarandi ályktun sem samþykkt var á fundi í gær „vegna stöðunnar sem upp er komin varðandi sölu Landsbanka Íslands“, eins og það er orðað: „Í afsagnarbréfi Steingríms Ara Arasonar, fyrrverandi fulltrúa fjár- málaráðherra í framkvæmdanefnd um einkavæðingu, koma fram mjög alvarlegar ásakanir vegna vinnu- bragða nefndarinnar. Steingrímur Ari sakar nefndina um ófagleg vinnubrögð, sem hafi leitt til að ekki hafi verið gengið til samninga við þá kaupendur, sem að hans mati áttu hagstæðasta tilboð- ið. Í reynd felur þetta í sér ásökun um að pólitísk afskipti hafi leitt til ákvörðunar um að selja bankann á undirverði. Ásakanir Steingríms Ara um ófagleg vinnubrögð nefnd- arinnar eru þeim mun alvarlegri sem hann segist aldrei hafa kynnst jafn slæmum vinnubrögðum í ellefu ára setu sinni í einkavæðingar- nefnd. Niðurstaða hans er sú, að óhjákvæmilegt sé að óhlutdrægur aðili verði fenginn til að fara ofan í saumana á vinnubrögðunum. Þingflokkur Samfylkingarinnar telur, að á meðan ávirðingar fráfar- andi trúnaðarmanns fjármálaráð- herra í nefndinni standa óhraktar þá sé framkvæmdanefnd um einka- væðingu rúin trausti. Meðan sá trúnaðarbrestur milli hennar og al- mennings ríkir er ekki verjanlegt að hún fari með sölu ríkiseigna. Þingflokkurinn lýsir því þeirri eindregnu skoðun, að þangað til bú- ið er að ganga úr skugga um, hvort þessar ávirðingar séu réttar eða rangar, sé óhjákvæmilegt að öll af- skipti nefndarinnar af sölu ríkis- bankanna séu tafarlaust stöðvuð og frekari sölu á hlutabréfum ríkisins í ríkisbönkunum báðum verði slegið á frest.“ Þingflokkur Samfylkingarinnar Einkavæð- ingarnefnd rúin trausti Í BRÉFI Steingríms Ara Arasonar, sem setið hefur í einkavæðingar- nefnd, til forsætisráðherra kemur fram að ástæða úrsagnar hans úr framkvæmdanefnd um einkavæðingu séu þau vinnubrögð sem viðhöfð hafi verið þegar ákveðið var að ganga til viðræðna við Samson ehf. um kaup á hlut ríkisins í Landsbanka Íslands. Hann hafi setið í nefndinni frá 1991 og aldrei kynnst öðrum eins vinnubrögð- um. Þá segir Steingrímur að aðrir áhugasamir kaupendur hafi verið sniðgengnir þrátt fyrir hagstæðari tilboð. Geir H. Haarde fjármálaráð- herra segir ávirðingar Steingríms vera mjög alvarlegar og því hafi for- sætisráðuneytið strax óskað eftir því við Ríkisendurskoðun að hún yfirfari þau vinnubrögð sem viðhöfð voru í málinu. Þá segist Geir einfaldlega vera ósammála Steingrími þegar hann segir önnur tilboð vera hagstæðari en tilboð Samson ehf. Það sé um þetta atriði sem ágreiningurinn snúist um. Tilkynnt hefur verið að Baldur Guðlaugsson ráðuneytisstjóri hafi verið tilnefndur í framkvæmdnefnd um einkavæðingu í stað Steingríms Ara Arasonar. Í bréfi Steingríms til forsætisráð- herra segir að í framhaldi af þeirri ákvörðun ráðherranefndar um einka- væðingu að ganga til viðræðna við Samson ehf. um kaup á umtalsverð- um hlut í Landsbanka Íslands hf. hafi hann ákveðið að segja sig úr fram- kvæmdanefnd um einkavæðingu. „Ástæðan eru þau vinnubrögð sem viðhöfð hafa verið í aðdraganda þess- arar ákvörðunar og hafa nú leitt til þess að aðrir áhugasamir kaupendur eru sniðgengnir þrátt fyrir hagstæð- ari tilboð fyrir ríkissjóð á alla hefð- bundna mælikvarða. Ég hef setið sem fulltrúi fjármálaráðherra í fram- kvæmdanefnd um einkavæðingu frá árinu 1991 og aldrei kynnst öðrum eins vinnubrögðum. Þar sem ég er bundinn trúnaði um einstaka þætti þessa máls treysti ég því að óhlut- drægur aðili verði fenginn til að fara ofan í saumana á þeim vinnibrögðum sem eru orsök afsagnar minnar.“ Önnur tilboð ekki hagstæðari að mati ríkisstjórnarinnar Geir H. Haarde fjármálaráðherra segir að skiljanlega sé ekki hægt að ræða tilboðin efnislega auk þess sem menn megi ekki gleyma að það eigi eftir að semja við Samson, málið sé engan veginn komið í höfn. „Við erum ekki sammála Stein- grími þegar hann segir önnur tilboð vera hagstæðari á alla hefðbundna mælikvarða. Þessu erum við einfald- lega ósammála og það er um þennan ágreining sem málið snýst. Við byggj- um afstöðu okkar á mati HSBC- bankans og einkavæðingarnefnd sendir málið áfram til ráðherranefnd- ar sem tekur þessa ákvörðun eins og henni ber. Hún er hinn pólitískt ábyrgi aðili í málinu. Ef menn ekki vilja una því er það rökrétt ályktun að þeir hætti.“ Geir segist ekki geta útskýrt stór- yrði Steingríms um vinnubrögð í að- draganda ákvörðunarinnar, hann verði auðvitað að vera ábyrgur fyrir þeim ummælum. Ráðherra tekur hins vegar fram að þegar sé búið að óska eftir því við Rík- isendurskoðun að stofnunin yfirfari þau vinnubrögð sem viðhöfð voru í málinu. Þetta sé auðvitað alvarleg ásökun og menn hafi orðið að bregð- ast því. „Nei, sala á hlut ríkisins í Lands- bankanum er engan veginn einfalt mál. En við fengum alþjóðlegan fag- aðila til þess að framkvæma mat fyrir okkur. En síðan ber ríkisstjórninni, sem axlar auðvitað mikla ábyrgð á efnahagsmálum hér, að taka tillit til fleiri atriða en matsins, t.d. hvað komi mikið af gjaldeyri inn í landið og hvaða áhrif salan muni hafa á gjald- eyrismarkaði, hlutabréfamarkaði, stöðu ríkissjóðs o.s.frv. Ríkisstjórnin verður að horfa til allra átta og hags- munir ríkissjóðs í þessu máli eru margþættir.“ Geir bendir einnig á að verðið liggi heldur ekki fyrir á þessu stigi málsins því þó menn hafi nefnt verðhugmyndir séu væntanlega alls kyns fyrirvarar og ýmislegt sem semja þurfi um. „Ég tel þó að ákvörðunin hafi þegar haft jákvæð áhrif á markaðinn, hann telur það greinilega vera jákvæð tíð- indi að ákveðið hefur verið að ganga til viðræðna við Samson um kaup þeirra á hlut í Landsbankanum.“ Geir segir augýsingu einkavæðing- arnefndarinnar á sínum tíma hafa verið mjög skýra hvað það varðar að taka verði tillit til nokkurra þátta. „En þar fyrir utan þarf ríkisstjórnin að taka tillit til enn fleiri atriða.“ Aðspurður segir Geir ekki liggja fyrir hvað menn ætli sér langan tíma í viðræður við Samson. Engin leið sé að segja fyrir um það. Allir nema Steingrímur sammála um niðurstöðuna Í tilkynningu fjármálaráðuneytis- ins segir að fimm aðilar hafi skilað inn tilkynningum og þrír hafi verið valdir til frekari viðræðna um kaup á Landsbanka Íslands hf. Nú hafi ákvörðun verið tekin og Samson eign- arhaldsfélagi ehf. tilkynnt um það. „Í framkvæmdanefnd um einka- væðingu eru fjórir fastir fulltrúar auk tveggja fulltrúa viðskiptaráðuneytis- ins þegar verið er að fjalla um sölu bankanna. Utan Steingríms Ara Ara- sonar voru allir þessir fulltrúar í nefndinni sammála um niðurstöð- una,“ segir í tilkynningu fjármála- ráðuneytisins. „Afstaða nefndarinnar byggðist á yfirferð og mati HSBC á gögnum málsins og þeirri niðurstöðu bankans að ganga ætti til samninga við Samson ehf. Í ráðherranefnd um einkavæðingu eru fjórir ráðherrar. Full samstaða var í ráðherranefnd- inni um þessa ákvörðun.“ Steingrímur Ari Arason gagnrýnir harðlega vinnubrögð einkavæðingarnefndar við sölu á hlut ríkisins í Landsbanka Íslands Segir önnur tilboð hagstæðari ríkinu Ráðherra hefur falið Ríkisend- urskoðun að fara yfir málið Morgunblaðið/Kristinn
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.