Morgunblaðið - 06.12.2002, Blaðsíða 62

62 FÖSTUDAGUR 6. DESEMBER 2002 MORGUNBLAÐIÐ






 





 
 

   


 

 BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
NÚ um síðustu helgi fór fram próf-
kjör sjálfstæðismanna í nýju Norð-
vesturkjördæmi. Þar voru í framboði
valinkunnir frambjóðendur og í for-
ystu fóru þingmenn sem sóttust eftir
endurkjöri. Eins og alþjóð veit tókst
þetta prófkjör óhönduglega og fyrir
prófkjörsdag komu fram ásakanir
um að haft væri rangt við og var það
staðfest að ekki hafi verið farið eftir
prófkjörsreglum flokksins. Upphafið
var á Akranesi og haft er fyrir satt
að þetta svindl hafi einnig átt sér
stað á Vestfjörðum og á Snæfells-
nesi. Eftir prófkjörið kom í ljós að
svindlið var mun stórfelldara en áður
var vitað um. Gengi og gangsterar í
hópi stuðningsmanna á þessum stöð-
um hafi ákveðið að fara frjálslega
með leikreglurnar og hafa rangt við,
hvort það var með vitund eða vilja
frambjóðenda læt ég ósagt. Í mínum
huga hljóta frambjóðendur að vera
ábyrgir fyrir athöfnum sinna stuðn-
ingsmanna með einum eða öðrum
hætti. Jafnvel formanni flokksins,
sem ávallt hefur haft hugsjónir lýð-
ræðisins í fylkingarbrjósti og er far-
sæll leiðtogi þjóðarinnar, er með
óbragð í munninum að þetta skyldi
hafa getað gerst í Sjálfstæðisflokkn-
um. Við getum aldrei leyft þessum
gangsterum að eyðileggja ímynd
Sjálfstæðisflokksins því þegar á allt
er litið er heiður flokksins í veði en
ekki stundarvinsældir einstakra
manna. Ef forystumenn flokksins
láta þetta svindl viðgangast, getum
við þá átt von á einhverju svipuðu í
skjóli flokksins í alþingis- eða sveita-
stjórnarkosningum? Nei, þetta mál
er dauðans alvara og engum líkar að
einstakir þingmenn og þar á meðal
ráðherra í þessu prófkjöri kunni ekki
mun á réttu og röngu heldur með
ótrúlegum yfirlýsingum lýsir sig
ótvíræðan sigurvegara vitandi af
svindlinu á meðan einstakir þing-
menn í prófkjörinu firra sig allri
ábyrgð og ætla að sitja í sínum sæt-
um í skjóli svindls og enn annar
sleikir sárinn. Reyndar er það
áhyggjuefni hvernig þessi ágæti ráð-
herra kemur sér í vandræði í einu
málinu á eftir öðru, er þetta einleik-
ið? Það hlýtur að valda okkur sjálf-
stæðismönnum áhyggjum hversu
veikur hlekkur hann er í forystusveit
flokksins.
Það er með ólíkindum hvernig
stuðningsmenn, kjördæmaráð og
síðan einstakir þingsmenn, sem tóku
þátt í prófkjörinu, hafa með ógeð-
felldum hætti afskræmt lýðræðið.
Þetta hátterni minnir einna helst á
kosningar í „lýðræðisþjóðum“ t.d í
Afríku þar sem sigurvegarar verða
að beita blekkingum og svikum til að
hljóta kosningu. Yfirlýsingar þing-
manns um að prófkjörsreglur hafi
ekki verið lesnar nægilega vel eru
léttvægar nánast hlægilegar og guð
forði okkur frá því að hafa ólæsa eða
leslata þingmenn.. Það er áhyggju-
efni ef þingmenn lesa ekki leikreglur
og kynna sér mál ofan í kjölinn sem
þeir eru að fjalla um og starfa eftir.
Hvernig er þá lagatextinn í frum-
vörpum sem þeir eru að afgreiða á
hinu háa Alþingi?
Ábyrgð forystumanna flokksins er
mikil og ég legg mitt traust á þá að
þeir uppræti þessa spillingu með því
að ógilda prófkjörið og koma þannig
skipan á mál að verði flokknum til
sóma og fyllsta ástæða til að snupra
þá er hlut eiga að máli.
GUÐNI ÞÓR JÓNSSON,
Neðstaleiti 20, Reykjavík.
Gengi og gangsterar
Frá Guðna Þór Jónssyni:
MIKIÐ er nú rætt um verndun rjúp-
unnar gegn skotveiðimönnum. Ég
vil leiða rök að því að einföld tækni-
leg lausn væri við hæfi; en hún er að
banna algerlega notkun haglabyssna
hér á landi, en að nota þess í stað
riffla.
Með þessu ynnist eftirfarandi:
Færri rjúpur myndu falla, vegna
þess að erfiðara er að hæfa þær með
riffli. Á hinn bóginn væri orðið karl-
mannlegra að skjóta á sitjandi
rjúpu, því það væri meiri íþrótt en
áður.
Vegna snarminnkaðrar þátttöku
manna sem væru eingöngu að veiða
sér í jólamatinn myndi einnig fækka
þeim afglöpum sem yrðu úti á heið-
um uppi við iðju sína. Að vísu myndi
á móti aukast hættan fyrir mann-
fólkið af riffilkúlum sem óvandaðir
menn freistuðust til að skjóta upp í
loftið á fljúgandi fugla.
Reyndar yrði svo erfitt að skjóta
fugla með þessu móti, að kannski
yrði þá raunhæft að aflétta algerlega
friðun á hvers kyns fiðurfé á heiðum
uppi, sem og á rúmsjó. (Nema
kannski á keldusvíninu, haferninum
og haftyrðlinum blessuðum.)
Von væri þá til að fleiri skotmenn
gengju til liðs við skotíþróttafélögin í
landinu, og tækju þar námskeið í
notkun og meðferð skotvopna sem
íþróttatækja.
Við þetta myndi kannski hagla-
byssan afsagaða hverfa úr farteski
glæpamanna undirheimsins okkar;
og yrði þá jafn sjaldséður fugl þar og
skammbyssan.
Einnig ættu grænfriðungar og
dýraverndunarsinnar þá að gleðjast,
af því blýmengun í náttúrunni ætti
að minnka við það að höglum fækk-
ar; svo og særðum fuglum.
Önnur rök mín eru meira tilfinn-
ingalegs eðlis:
Kannski yrðu þá Íslendingar her-
mannlegri þjóð ef þeir lærðu að bera
aukna virðingu fyrir rifflum og skot-
æfingum.
Auk þess er riffillinn fegurra
verkfæri fyrir augað; og gerir minni
hávaðamengun; sem og minna bak-
slag. (Hér er ég þó ekki að halla á út-
litsfegurð myndskorinna tvíhleyptra
haglabyssna af fínasta taginu.)
Ég vorkenni helst þeim húsmæðr-
um sem fengju þá ekki lengur sínar
blýmenguðu jólarjúpur frá fjöl-
skyldumeðlimi. En þá mætti lengi
notast við svartfugla, villigæsir eða
alifugla svosem kjúklinga eða kal-
kúna í staðinn. Að ekki sé talað um
innfluttar rjúpur frá Grænlandi.
Hætt væri þó við að erfitt yrði að
keyra í gegn slíkt allsherjarbann á
Alþingi án þess að einhverjir and-
stæðingarnir myndu tala um lög-
regluríki!
TRYGGVI V. LÍNDAL.
Rjúpan og riffillinn
Tryggvi V. Líndal skrifar: