Morgunblaðið - 17.12.2002, Blaðsíða 1
STOFNAÐ 1913 295. TBL. 90. ÁRG. ÞRIÐJUDAGUR 17. DESEMBER 2002 mbl.is
Hrein perla
og þarfaþing
Tónlistarsagan Beethoven í bréfum
og brotum ritdæmd Listir 34
Norræna húsið
opið og sterkt
Riitta Heinämaa forstjóri kveður
eftir fimm ára starf Miðopna
SLOBODAN Milosevic, fyrrverandi forseti
Júgóslavíu, ber höfuðábyrgð á þjóðernis-
hreinsunum Serba í Bosníu-Herzegóvínu á
meðan á Bosníustríðinu
stóð 1992–1995. Þessu lýs-
ir Biljana Plavsic, sem var
um hríð forseti lýðveldis
Bosníu-Serba, yfir í skrif-
legri játningu vegna
ákæru fyrir stríðsglæpa-
dómstóli Sameinuðu þjóð-
anna í Hollandi um aðild
að ofsóknum gegn músl-
ímum og Króötum í Bosn-
íu. Plavsic kom fyrir rétt í gær en vitna-
leiðslum í máli hennar lýkur í vikunni.
Plavsic, sem er 72 ára gömul, er fyrsta
konan sem kemur fyrir stríðsglæpadóm-
stólinn. Hún er jafnframt hæst setti leiðtog-
inn frá fyrrverandi lýðveldum Júgóslavíu
sem gengist hefur við ábyrgð á atburðum
sem áttu sér stað á Balkanskaga 1991–1995.
Yfirlýsingar Plavsic gætu reynst sak-
sóknurum í réttarhöldunum yfir Milosevic
mikilvægar. Hún hefur hins vegar sagt að
hún muni ekki bera vitni gegn Milosevic.
Plavsic segir
Milosevic
ábyrgan
Haag. AFP.
Biljana Plavsic
AÐ minnsta kosti 48 fórust þegar ferju
hvolfdi í Afríkuríkinu Líberíu sl. laugardag.
Meira en eitt hundrað manns er enn saknað
og er óttast um afdrif fólksins.
Um 200 manns voru um borð í ferjunni,
mun fleiri en henni var heimilt að flytja, er
hún fór á hliðina á ánni Mofa. Búið er að
finna 48 lík en aðeins 15 hefur verið bjargað
á land. „Ég held að við getum ekki gert ráð
fyrir að finna fleiri á lífi,“ sagði Daniel
Chea, varnarmálaráðherra Líberíu, í gær.
Atburðurinn átti sér stað um 80 km norð-
vestur af Monróvíu, höfuðborg Líberíu.
Chea sagði orsök slyssins líklega þá hversu
margir voru um borð í ferjunni. Meira en
1.100 manns biðu bana í Senegal í svipuðu
atviki í september á þessu ári.
Tugir manna
fórust í Líberíu
Monróvíu. AP.
HALLDÓR Ásgrímsson utanríkisráðherra
kannast við hugmyndir innan Evrópusam-
bandsins, ESB, um að Tyrkland fái mögulega
aðild að samningnum um Evrópska efnahags-
svæðið, EES. Embættismenn hafi viðrað þessar
hugmyndir á leiðtogafundi ESB í Kaupmanna-
höfn í síðustu viku með vísan til nýlegrar ræðu
forseta framkvæmdastjórnar ESB, Romanos
Prodis, um að EES geti hentað þeim ríkjum
sem vilja dýpka samband sitt við ESB. Halldór
segir hugmyndir sem þessar sýna vanþekkingu
á eðli Evrópska efnahagssvæðisins.
Ræðuna flutti Prodi á fundi í Brussel í byrjun
mánaðarins þar sem hann gerði samskipti ESB
við nágrannaríki sín að aflokinni stækkun sam-
bandsins að umtalsefni. Á leiðtogafundinum í
Kaupmannahöfn var sem kunnugt er ákveðið að
fresta ákvörðun um hvort hefja skyldi aðildar-
viðræður við Tyrki. Ræddi Prodi m.a. hvernig
ríki sem hugsanlega vildu gerast aðilar að ESB
á síðari stigum gætu þróað samskiptin á sem
bestan hátt. Nefndi hann ekki Tyrki á nafn í
þessari ræðu heldur tók dæmi af löndum eins og
Úkraínu, Moldóvu og Hvíta-Rússlandi. ESB
ætti að vera tilbúið að bjóða löndunum upp á
ákveðna nálægð í samskiptum sem ákvarðaði
fyrirfram að full aðild yrði til umræðu. Prodi
gerði því skóna í ræðu sinni að rétt væri að ríki,
sem ekki ættu aðild að ESB, en vildu dýpka
samband sitt við ESB, horfðu til EES-samn-
ingsins sem þrjú EFTA-ríki, Noregur, Ísland
og Liechtenstein, hefðu gert við ESB.
Halldór Ásgrímsson segir þessar hugmyndir
innan Evrópusambandsins ekki hafa komið til
tals meðal EFTA-ríkjanna. Þær sýni hins vegar
vel hve margt sé á lofti í tengslum við framtíð
EES. Halldór sér ekki hvað þessar hugmyndir
eigi að leysa varðandi hugsanlega aðild Tyrkja
að Evrópusambandinu.
„Við verðum varir við það í vaxandi mæli að
EES-samningurinn er lítt þekktur og upp kem-
ur ítrekað að aðilar hafa ekki miklar áhyggjur af
því að brjóta ýmis ákvæði hans. Við þurfum að
vera vel á varðbergi og undirbúa okkur fyrir
framtíðina. Alltaf erum við að lenda í meiri og
meiri vörn með þann samning sem við gerðum.“
Hugmyndir innan ESB um
að Tyrkir fái aðild að EES
Sýnir vanþekkingu á
eðli EES, að mati Hall-
dórs Ásgrímssonar
Vill að/10
HELGILEIKURINN Bjartasta stjarnan eftir
Benedicte Riis var sýndur í Grafarvogskirkju í
gær en nemendur Korpuskóla tóku þátt í sýn-
ingunni ásamt kennurum auk annars starfsfólks.
Hópurinn æfði helgileikinn í leikstjórn Anne
Sofie Kjeldsen, dönsku-, ensku- og tónmennta-
kennara við Korpuskóla. Um 170 nemendur eru
við skólann og allir í einhverju hlutverki. Leikn-
um var vel tekið og er ekki ofsögum sagt að
Bjartasta stjarnan sé í Korpuskóla.
Morgunblaðið/Halldór Kolbeins
Bjartasta stjarnan í Korpuskóla
SETTUR umhverfisráðherra, Jón
Kristjánsson heilbrigðisráðherra,
segist í samtali við Morgunblaðið
ekki ná því að úrskurða um um-
hverfisáhrif af Norðlingaölduveitu í
þessari viku eins og að hafi verið
stefnt. Enn sé dálítið í land í þeirri
vinnu sem embættismenn í heil-
brigðisráðuneytinu og sérstakir
ráðgjafar hafi tekið að sér.
Jón segir að skoða þurfi vandlega
allar hliðar málsins, en sem kunn-
ugt er lýsti Siv Friðleifsdóttir um-
hverfisráðherra sig vanhæfa, vegna
fyrri ummæla um Þjórsárver, þegar
kærur bárust ráðherra vegna úr-
skurðar Skipulagsstofnunar um
mat á umhverfisáhrifum Norðlinga-
ölduveitu.
Jón segir að þessi vinna hafi tek-
ið lengri tíma en hann hafi átt von
á, vanda þurfi til verka og ljóst sé
að úrskurðurinn komi ekki í þessari
viku. Fáir vinnudagar eru milli jóla
og nýárs en Jón vill á þessu stigi
ekki fullyrða um hvort málið frest-
ist fram yfir áramót. Vinnan verði
áfram í fullum gangi.
Úrskurður
um Norð-
lingaöldu-
veitu dregst
BASHAR al-Assad, forseti Sýrlands,
(t.h.) fundaði með Tony Blair, forsætis-
ráðherra Bretlands, í London í gær.
Þetta er í fyrsta sinn sem sýrlenskur
forseti heimsækir Bretland en Blair
heimsótti Sýrland hins vegar í fyrra og
deildu leiðtogarnir tveir nokkuð harka-
lega þá. Assad sagðist í gær vongóður
um að komast mætti hjá stríði í Írak.
AP
Sýrlandsforseti
hitti Tony Blair
Bjartsýnn/18
♦ ♦ ♦
♦ ♦ ♦
UM 23 þúsund manns eru í vanskil-
um með lífeyrisiðgjald til lífeyris-
sjóða vegna tekna síðasta árs. Um
helmingurinn er einstaklingar með
eigin atvinnurekstur. Meðalvanskil
eru um 79 þúsund krónur, en margir
skulda nokkur hundruð þúsund.
Eftir að lög um skyldutryggingu
lífeyrisréttinda tóku gildi árið 1998
hefur eftirlit verið hert með því að
allir 16–70 ára launþegar greiði af
launum sínum iðgjald í lífeyrissjóð.
Um 23.000
í vanskilum
23 þúsund/4
Kristín Rós sigursæl í
Argentínu Íþróttir 9
Nú er það jólasteikin
heima á Fróni
♦ ♦ ♦