Morgunblaðið - 28.07.2003, Blaðsíða 1

STOFNAÐ 1913 202. TBL. 91. ÁRG. MÁNUDAGUR 28. JÚLÍ 2003 PRENTSMIÐJA ÁRVAKURS HF. mbl.is
Raddir frá
New York
Flytjendur á Djasshátíð
kynntir | Fólk 29
Íslandsmót
í Eyjum
Ragnhildur og Birgir Leifur
meistarar | Íþróttir B2
14 þúsund
Mosfellingar?
Nýtt aðalskipulag Mosfells-
bæjar | Fasteignablaðið C1
BANDARÍKJAMENN vilja að
Sameinuðu þjóðirnar (SÞ) og ná-
grannaríki Líberíu hafi frumkvæði
að því að binda enda á óöldina sem
ríkir í landinu, sagði Paul Wolfowitz,
aðstoðarvarnarmálaráðherra
Bandaríkjanna í gær.
Á föstudaginn sendu Bandaríkja-
menn herskip upp að ströndum
landsins, en George W. Bush Banda-
ríkjaforseti sagði ekki af eða á um
hvort þeir myndu taka beinan þátt í
friðargæslu í Líberíu, þar sem upp-
reisnarmenn eru að reyna að steypa
forsetanum, Charles Taylor, af stóli.
Wolfowitz sagði að Bandaríkja-
menn væru ekki að víkja sér undan
því að veita aðstoð. „Við veitum að-
stoð og öxlum ábyrgð með sama
hætti og Bretar hafa gert í Sierra
Leone og Frakkar á Fílabeins-
ströndinni.“
Aðstoðarráðherrann sagði aftur á
móti að mikilvægt væri að til að
Bandaríkjamenn gætu náð árangri
við að stilla til friðar á mörgum óróa-
svæðum í heiminum yrðu ríki á þeim
svæðum, ásamt SÞ, að taka frum-
kvæðið.
Að minnsta kosti 16 óbreyttir
borgarar féllu í Monróvíu, höfuð-
borg Líberíu, í gær, þegar sprengi-
kúlur lentu á íbúðarhúsum. Upp-
reisnarmenn í borginni hertu
atlögur sínar að tveimur brúm er
liggja að miðborginni, sem stjórn-
arherinn hefur enn á valdi sínu.
Uppreisnarmennirnir höfðu fyrr um
daginn náð þriðju brúnni, og gætu
því hafið sókn inn í borgina úr
austri.
Uppreisnarmennirnir höfnuðu
vopnahléstillögu bandaríska sendi-
herrans í landinu, er kvað á um að
þeir skyldu hörfa með lið sitt 12 km
norður fyrir borgina. Sendiherrann
sagði að Taylor hefði fallist á tillög-
una.
SÞ hafi
frumkvæði
í Líberíu
Washington, Monróvíu. AP, AFP.
VIÐRÆÐUR, sem áttu sér stað milli
fulltrúa olíufélaganna og Samkeppn-
isstofnunar síðastliðinn vetur um að
sátt yrði gerð um þau málefni olíufé-
laganna, sem Samkeppnisstofnun hef-
ur til rannsóknar, strönduðu á deilum
um fjárhæð sekta. Fundirnir voru
haldnir að frumkvæði olíufélaganna.
„Það náðist ekki niðurstaða og því
hlýtur skýringin að vera sú að menn
hafi ekki haft alveg sömu sýn á hlut-
ina,“ sagði Ásgeir Einarsson lögfræð-
ingur Samkeppnisstofnunar. Hann
minnti á að í reglum um málsmeðferð
samkeppnismála væri Samkeppnis-
ráði veitt heimild til að ljúka öllum
málum með sátt. Í slíkum tilfellum
hefðu fyrirtæki og samkeppnisyfir-
völd verið sammála um hvaða brot
hefðu verið framin og um hæfileg við-
urlög. Það hefði ekki átt við í þessu til-
felli.
Hærri sektir en í
nágrannalöndunum
Fundirnir voru að hluta til formleg-
ir en að hluta til óformlegir og ekki
voru haldnar fundargerðir. „Við gerð-
um [Samkeppnisstofnun] grein fyrir
því að á grundvelli þessarar skýrslu
sem fyrir lægi og þeirra gagna sem
um er að ræða, töldum við rétt að leita
eftir því að ljúka þessu máli með sátt á
þeim grundvelli að félögin gengjust
undir að greiða sektir vegna brota
sem áttu sér stað eftir að ný sam-
keppnislög tóku í gildi. Og við gerðum
þeim grein fyrir hugmyndum um
hvernig það gæti orðið. Af hálfu Sam-
keppnisstofnunar var einnig greint
frá því að slíkt gæti komið til álita en
þeir gerðu grein fyrir hugmyndum
um sektir sem við töldum ekki inni í
myndinni,“ sagði Gestur Jónsson, lög-
maður Skeljungs, í samtali við Morg-
unblaðið í gær. Hugmyndir félaganna
hefðu tekið mið af niðurstöðum um
sektir í samkeppnismálum sem hefðu
verið dæmd á Íslandi, Danmörku, Sví-
þjóð og Noregi. „Hugmyndir Sam-
keppnisstofnunar voru miklum mun
hærri en við teljum að séu nokkur
dæmi um í þessum löndum.“
Framtíðin mikilvægust
Gestur sagði að í hugsanlegri sátt
hafi ekki falist að félögin féllust á nið-
urstöður í skýrslu Samkeppnisstofn-
unar. „Hugmyndin var sú að í stað
þess að gera svo mikið úr fortíðinni, en
það er alveg ljóst að þá voru hnökrar á
framkvæmdinni hjá félögunum, þá
myndu menn snúa sér að framtíðinni,“
sagði hann. Félögin hefðu verið tilbúin
til að fara yfir hugsanlega galla á
starfsemi sinni og gangast undir öll
skilyrði Samkeppnisstofnunar varð-
andi starfsemi þeirra.
Olíufélögin höfnuðu hug-
myndum um upphæð sekta
Árangurslausar samningaviðræður um málefni olíufélaganna í vetur
BANDARÍSKI hjólreiðakappinn
Lance Armstrong (í gulri treyju)
sigraði í frönsku hjólreiðakeppninni,
Tour de France, sem lauk í París í
gær. Var þetta í fimmta sinn í röð
sem Armstrong sigrar í þessari
keppni, og jafnaði þar með met Spán-
verjans Miguels Indurains, sem sigr-
aði fimm sinnum í röð 1991–1995.
Armstrong sagðist staðráðinn í að
reyna að ná sjötta sigrinum á næsta
ári.
Reuters
Fimmti sigurinn í röð

Armstrong/B1
YFIRMAÐUR bandaríska herliðs-
ins í Írak, Ricardo Sanchez, sagði í
gær að fréttir um að bandarískir
hermenn í landinu hefðu orðið 24
klukkustundum of seinir að ná Sadd-
am Hussein væru einungis „getgát-
ur“.
Leit Bandaríkjamanna að Saddam
hefur verið hert og beinist nú aðal-
lega að heimaborg hans, Tikrit, og
bárust fregnir af því í gær að litlu
hefði munað að forsetinn fyrrverandi
næðist þegar Bandaríkjamenn
gerðu áhlaup á þrjá bóndabæi í
grennd við borgina, eftir að hafa
fengið vísbendingar um að þar væri
yfirmaður lífvarðar Saddams og
jafnvel hann sjálfur.
Sanchez sagði að gengið væri út
frá því að Saddam væri á lífi. „Hann
er enn aðalskotmarkið okkar. Það er
mikilvægt að við finnum hann, með
einum eða öðrum hætti. Verkefni
okkar er að ná honum eða drepa
hann og við munum ljúka því verki.“
Herða
leit að
Saddam
Washington, Tikrit. AFP, AP.
ÍSRAELAR ætla að láta lausa
540 palestínska fanga, sagði ísr-
aelskur embættismaður í London
í gær, er þota Ariels Sharons for-
sætisráðherra, er var á leið til
Washington, lenti þar til að taka
eldsneyti.
Meðal fanganna er látnir verða
lausir á næstu vikum eru 210
meðlimir Fatah-samtaka Yassers
Arafats Palestínuleiðtoga og 120
menn sem handteknir hafa verið
fyrir afbrot, sagði embættismað-
urinn, sem var í för með Sharon.
Ísraelska útvarpið greindi frá
því fyrr í gær að ísraelska þingið
hefði samþykkt að láta 100 Pal-
estínumenn lausa, sem lið í því að
sýna sáttavilja í tengslum við för
Sharons til Washington.
540 Palestínumenn
verða látnir lausir
London. AFP.
TILVIST Loch Ness-skrímsl-
isins skoska hefur verið afsönn-
uð, að sögn breska ríkisút-
varpsins, BBC, sem sendi hóp
sérfræðinga til að leita í stöðu-
vatninu sem sagnir herma að
skrímslið eigi heima í. Ekkert
fannst.
Við leitina var beitt fjölda
sónartækja auk nýjustu gervi-
tunglastaðsetningartækni til að
tryggja að enginn afkimi vatns-
ins væri ókannaður. Engin
merki fundust um stórt dýr í
vatninu.
Ekkert
skrímsli