Morgunblaðið - 17.01.2004, Blaðsíða 28

LISTIR
28 LAUGARDAGUR 17. JANÚAR 2004 MORGUNBLAÐIÐ
Nýárstónleikar verða íSalnum, tónlistarhúsiKópavogs, í dag, laug-ardag, og endurteknir á
morgun kl. 16. Á tónleikunum verð-
ur fjölbreytt efnisskrá þar sem flutt
verður sívinsæl Vínartónlist með
sérstakri áherslu á tónlist sem hefur
skírskotun til ungverskrar sígauna-
tónlistar. Má þar nefna aríur úr
Sardasfurstynjunni eftir Kálmán,
Sígaunabaróninum eftir Strauss og
Rapsódíu eftir Liszt. Veg og vanda
að undirbúningi tónleikanna hefur
Sigurður Ingvi Snorrason klarinett-
leikari átt en ásamt honum sjá sjö
hljóðfæraleikarar um flutninginn,
þau Sigrún Eðvaldsdóttir, Roland
Hartwell, Bryndís Halla Gylfadótt-
ir, Hávarður Tryggvason, Martial
Nardeau, Anna Guðný Guðmunds-
dóttir og Pétur Grétarsson.
Sönkona á tónleikunum verður
Hanna Dóra Sturludóttir sópr-
ansöngkona sem kemur sérstaklega
frá Berlín til þess að syngja á tón-
leikunum.
Endurtaka leikinn
Hanna Dóra hefur áður unnið
með Sigurði Snorrasyni því fyrir ári
héldu þau tónleika á svipuðum nót
um í Eyjafirði, ásamt salon-
hljómsveit.
„Það gekk mjög vel,“ segir Hanna
Dóra, „vinnan var skemmtileg og
viðtökurnar sérlega góðar svo við
ákváðum að endurtaka leikinn. Við
ætluðum að vera með eina tónleika
hér í Salnum um helgina en þeir
seldust strax upp, svo við ákváðum
að endurtaka þá daginn eftir.
Næstu helgi þar á eftir verðum við
svo með tónleikana í Bifröst í Borg-
arfirði.“
Eruð þið með sömu hljóðfæraleik
ar og í fyrra?
„Nei, núna erum við með eð-
alsveit fólks frá Sinfóníuhljómsveit
Íslands, þannig að tónleikarnir
verða með virkilegum glæsibrag.“
Hanna Dóra hefur verið búsett í
Berlín síðustu ellefu árin þar sem
hún hefur nóg að starfa. „Ég er í
lausamennsku,“ segir hún, „sem
býður upp á mjög fjölbreytta mögu-
leika.
Ég hef unnið mikið í óperunni í
Kassel og óperunni í Magdeburg.
Síðan hef ég tekið þátt í mörgum
spennandi verkefnum, eins og ýms-
um tónleikaferðum, meðal annars til
Persaflóa og í hálfsmánaðar siglingu
um Karíbahaf á stóru skemmtiferða
skipi. Það var alveg gríðarlega
skemmtileg ferð. Stór hluti farþeg-
anna á skipinu eru mjög auðugir og
því mjög hár gæðastandard á
skemmti atriðum. Og það var síður
en svo að við þyrftum að syngja all-
an daginn, þannig að við tónlist-
arfólkið fengum mikla og góða hvíld
út úr vinnunni á þessu glæsiskipi.
Prógrammið hjá okkur var ýmist
ljóðasöngur eða óperutónlist og við
fengum mjög góðar viðtökur.
Eftir að ég kom heim úr þeirri
ferð söng ég í óperuhúsunum í Kas-
sel og Magdeburg og hef haft nóg
að gera þar.“
Mikil gróska í Berlín
Er ekkert erfitt að vera í lausa-
mennsku?
„Það hefur gengið mjög vel hjá
mér, þrátt fyrir samdrátt. Annars
eru bara tveir kostir í þessari list-
grein, að vera lausráðin eða fastráð-
in. Það eru margir sem vilja vera
fastráðnir vegna öryggisins sem því
fylgir, en svo hentar öðrum að vera í
lausamennsku, vegna þess að það
býður upp á meiri fjölbreytni og ótal
möguleika. Að vísu þýðir það að
maður fyllist hálfgerðri skelfingu ef
síminn hringir ekki í nokkra daga,
eða þegar maður veikist. En á með-
an ég hef nóg að gera í lausa-
mennskunni og get valið um verk-
efni, hef ég ekki áhuga á að breyta
stöðunni.
Ég er líka mjög vel staðsett í
Berlín. Ég get sótt öll óperuhúsin
og heyrt aðra söngvara og hljóð-
færaleikara þegar ég er ekki upp-
tekin sjálf. Það er mikið um að vera
í borginni. Svo er ekki ónýtt að geta
komið hingað heim, einkum að vera
beðin um að koma til þess að syngja
yndislega Vínartónlist sem er svo
gott að hlusta á á þessum árstíma.“
Reyni að halda í
mitt íslenska eðli
Þig langar ekkert til að flytja
heim?
„Sú löngun kemur alltaf upp öðru
hverju, en ég er gift Þjóðverja svo
það er ekki hlaupið að því. Hann er
að vísu söngvari líka svo kannski
verður einhvern daginn hægt að
flytja hingað. Þangað til reyni ég að
halda í mitt íslenska eðli, hlusta
mikið á íslenska tónlist og kem heim
eins oft og ég get.“
Hvað tekur við hjá þér eftir Vín
artónleikana?
„Ég byrja á því að undirbúa ljóða-
tónleika sem ég syng ásamt Viðari
Gunnarssyni í Kassel. Óperustjór-
inn þar hefur unnið með okkur báð-
um og fannst mjög spennandi hug-
mynd að fá okkur til þess að syngja
íslenska ljóðadag skrá. Síðan fer ég
að æfa í óperu í Berlín með sjálf-
stæðu óperukompaníi sem hefur
verið að gera mjög góða hluti á und-
anförnum árum. Í þetta sinn verður
færð upp barrokó pera sem ber
heitið Antigone og ég er mjög
spennt fyrir þessu verkefni vegna
þess að þetta er í fyrsta sinn sem ég
vinn með þessum hópi. Síðan kem
ég heim í júní og ætla á tónleikaferð
um landið með manninum mínum en
það verður í fyrsta sinn sem hann
syngur hér á Íslandi.“
Vínartónlist,
ljóðatónleikar
og barokkópera
Morgunblaðið/Árni Sæberg
Flytjendur á tónleikunum. Hanna Dóra Sturludóttir er lengst til hægri.
Sópransöngkonan Hanna Dóra Sturlu-
dóttir syngur á Vínartónleikum Salarins
í Kópavogi um helgina. Súsanna
Svavarsdóttir ræddi við hana um
hið fjölbreytta sönglíf sem hún lifir.
EFTIRFARANDI áskorun var
samþykkt samhljóða á fundi Fé-
lags kvikmyndagerðarmanna í vik-
unni:
„Félagsfundur Félags kvik-
myndagerðarmanna haldinn 14.01.
2004 skorar á Kvikmyndastofnun
Íslands að ganga eftir fjárhagslegu
uppgjöri á kvikmyndinni Opinber-
un Hannesar vegna þeirra ásakana
sem fram hafa komið um að kostn-
aður við framleiðslu myndarinnar
hafi verið mikið minni en áætlanir
sögðu til um.“
Hrafn Gunnlaugsson fékk 22
milljóna króna styrk úr Kvik-
myndasjóði vegna myndarinnar en
fram hefur komið að heildarkostn-
aður vegna hennar er tæpar 60
milljónir króna, að sögn höfundar.
„Það er sjálfsagt að gera þetta
við allar myndir, og mín mynd á
ekki að vera nein undantekning á
því,“ sagði Hrafn Gunnlaugsson
þegar Morgunblaðið leitaði við-
bragða hjá honum við áskoruninni.
Laufey Guðjónsdóttir, forstöðu-
maður Kvikmyndamiðstöðvar Ís-
lands, segist ekki eiga von á öðru
en að Hrafn skili inn uppgjöri
vegna myndarinnar um leið og það
liggur fyrir.
Hefur sex mánuði
til að skila uppgjöri
„Kvikmyndamiðstöð tók verkefni
Kvikmyndasjóðs yfir með nýjum
lögum og nýrri reglugerð og við
auðvitað fylgjum þeim samningum
eftir um framleiðslustyrki sem
voru gerðir áður og það sama á við
um þennan. Ég á ekki vona á öðru
en að styrkþegar standi við sinn
hlut líka. Honum ber að skila upp-
gjöri í samræmi við þá reglugerð
sem var í gildi eða var til grund-
vallar þegar samningur var gerð-
ur.“ segir Laufey.
Reikna má með að einhver tími
líði áður en endanlegt uppgjör ligg-
ur fyrir en samkvæmt nýrri reglu-
gerð sem tók gildi í apríl 2003 hef-
ur framleiðandi myndar sex
mánuði frá því kvikmynd var frum-
sýnd til að skila inn uppgjöri.
Á fundinum í fyrradag var spurt
hvor Opinberun Hannesar félli
undir ný kvikmyndalög sem öðl-
uðust endanlega gildi í byrjun
mars á síðasta ári og reglugerð
með lögunum sem öðlaðist ekki
gildi fyrr en eftir að fénu hafði ver-
ið úthlutað. Hefur á það verið bent
að í nýju reglugerðinni sé mun rík-
ari eftirlitsskylda varðandi hvernig
styrkfénu er varið en var í gömlu
lögunum. Forstöðumaður Kvik-
myndamiðstöðvarinnar bendir á að
samningar sem greiddir hafi verið
út fyrir miðjan apríl á síðasta ári
og þar með kvikmynd Hrafns falli
ekki undir nýju reglugerðina.
Kvikmyndamiðstöðin taki í þessu
tilviki og fleirum við samningum
sem gerðir voru á grundvelli gömlu
reglugerðarinnar sem í gildi var.
„Það er orðað þannig í henni að
hafi umsækjanda eða fyrirtæki
sem hann átti aðild að áður verið
úthlutað framleiðslustyrk úr Kvik-
myndasjóði og verki sé lokið skuli
viðkomandi hafa gert fullnaðarskil,
samkvæmt gömlu lögunum áður en
hann sækir um aftur. […] En ég á
ekki von á öðru en að Hrafn skili
inn uppgjöri að einhverjum tíma
liðnum.“
Deilt hefur verið um hvort laga-
legur grundvöllur hafi verið fyrir
úthlutun á þeim tíma er Opinberun
Hannesar fékk styrk í aðdraganda
nýju reglugerðarinnar og hefur
menntamálaráðuneytið litið svo á
að ekki væri lagalegur grundvöllur
fyrir úthlutun fyrr en eftir að
reglugerðin öðlaðist gildi.
Laufey undirstrikar að almenn
sátt sé meðal hagsmunaaðila um
nýju reglugerðina um kvikmynda-
sjóð sem tók gildi í fyrra og að með
henni hafi verið hnykkt á ýmsum
þáttum sem ekki hafi legið ljósir
fyrir í úthlutunarferlinu samkvæmt
eldri lögum. Bæði sé eftirlitsskyld-
an ríkari og lögin skilvirkari hvað
úthlutanir snertir.
Félag kvikmyndagerðarmanna skorar á Kvikmyndastofnun
Óskað eftir að Hrafn
skili inn uppgjöri
Úr kvikmyndinni Opinberun Hannesar eftir Hrafn Gunnlaugsson.
SIGRÍÐUR Guðný Sverrisdóttir
opnar málverkasýningu í Baksaln-
um í Galleríi Fold, Rauðarárstíg kl.
15 í dag. Sýninguna nefnir hún Gul-
ur, rauður, grænn og blár.
Sigríður Guðný stundaði nám við
Myndlista- og handíðaskóla Íslands
og lauk prófi í grafískri hönnun.
Síðar stundaði hún myndlistarnám
við Accademia del Giglio í Flórens á
Ítalíu og lýkur nú í vor námi við
Listaháskóla Íslands sem mynd-
menntakennari.
Sýningin stendur til 1. febrúar.
Í Rauðu stofunni gefur að líta ný
olíumálverk eftir Harald (Harry)
Bilson.
Opið virka daga kl. 10–18, laug-
ardaga til 17 og sunnudaga kl. 14–
17.
Sigríður Guðný Sverrisdóttir við eitt verka sinna í Galleríi Fold.
Litir regnbogans á sýn-
ingu í Galleríi Fold
Náttúra norðursins - Náttúruvernd á
Norðurlöndum á 20. öld er komin út í
þýðingu Hálfdáns Ómars Hálfdáns-
sonar. Bókin er samstarfsverkefni
margra höfunda og var ritstýrt af fasta-
nefnd um náttúruvernd, útivist og
menningarminjar á vegum Norrænu
ráðherranefndarinnar. Bókin hefur ný-
lega verið gefin út á öðrum norrænum
tungumálunum og á ensku.
Með þessari ríkulega myndskreyttu
bók er Norræna ráðherranefndin að
kynna náttúruauðlegð Norðurlanda og
vekja athygli á aðgerðum sem gripið
var til á síðustu öld til að vernda ein-
stakar náttúruperlur.
Lýst er í máli og myndum 53 þjóð-
görðum og friðuðum svæðum, frá
Grænlandi í vestri til Finnlands í
austri, og fjallað er um verndargildi
fjölbreyttra náttúruminja, svo sem
jökla og fjalla, straumvatna og strand-
svæða. Þá er greint frá nauðsyn frek-
ari verndunaraðgerða á 21. öldinni
m.a. til að tryggja líffræðilega fjöl-
breytni.
Þeir sem skrifa um íslenska náttúru
eru Auður Sveinsdóttir landslags-
arkitekt, Árni Einarsson líffræðingur,
Haukur Jóhannesson jarðfræðingur,
Kári Kristjánsson landvörður og
Trausti Baldursson líffræðingur. Í bók-
inni eru kaflar um náttúru við Breiða-
fjörð, Þjórsárver, lífríki við Mývatn,
þjóðgarðana á Þingvöllum og í Skafta-
felli, Herðubreiðarlindir og friðlýst
svæði á gosbeltinu.
Fjölmargar litmyndir prýða bókina
og eru þær teknar af fremstu lands-
lags- og náttúruljósmyndurum Norð-
urlanda.
Bókin er 258 bls., með ítarlegri ör-
nefna- og tegundaskrá. Verð: 4.995
kr.
Náttúruvernd