24 stundir - 15.03.2008, Blaðsíða 28

28 LAUGARDAGUR 15. MARS 2008 24stundir
Ég fór í bíó um daginn. Það telst
eiginlega til tíðinda núorðið; yfir-
leitt horfi ég bara á bíómyndir af
diskum heima hjá mér. En í þetta
sinn var verið að frumsýna nýja ís-
lenska mynd svo ekki tjóði annað
en drífa sig – Heiðin heitir hún,
eftir Einar Þór Gunnlaugsson, sem
er lítt þekktur maður í íslenskri
kvikmyndagerð en hefur starfað í
London, skilst mér.
Og skemmst er frá því að segja
að mér fannst þetta svo dáindis góð
bíómynd að ég má til með að fara
um hana fáeinum orðum. Ekki síst
af því lítill fugl hefur hvíslað því að
mér að þessi mynd muni kannski
ekki vekja alltof mikla athygli og
ýmsir þeir sem alist hafa upp við
hinar snöggu klippingar nútímans
og skýrar línur muni kannski ekki
vera mér sammála um hvað þetta
er skemmtileg mynd. Því þykir mér
enn mikilvægara ef ég gæti stuðlað
að því að sem flestir skelltu sér í
bíó.
Vafstur með kjörkassa
Söguþráð myndarinnar er hægt
að rekja í fáeinum orðum án þess
að það skemmi á nokkurn hátt fyr-
ir áhorfendum. Alþingiskosningar
standa yfir í lítilli sveit úti á landi
og sveitarstjórinn ætlar að halda
upp á afmælið sitt með mikilli
veislu um kvöldið. Emil heitir einn
sveitarstólpinn og honum er falið
að koma kjörkassa sveitarinnar til
skila en lendir í ýmsum hrakning-
um sem verða á endanum ekki síst
tilfinningalegir. Því um sveitina eru
líka á ferð tveir synir hans í stórum
jeppa og hafa ýmislegt upp á pabba
sinn að klaga, en gengur illa að
koma því til skila.
Jafnframt fáum við að kynnast
mörgum öðrum persónum,
stórum og smáum, og myndin
verður að lokum bæði uppgjör
feðganna og um leið furðu áhrifa-
mikil mynd af fólkinu í sveitinni.
Ég heyrði að það hefði tekið suma
dálítinn tíma að átta sig til fulls á
tengslum persónanna, og kannski
má það til sanns vegar færa – en
pirraði mig reyndar ekki neitt; mér
fannst þetta svolítið eins og að vera
óvænt lentur inni í selskap þar sem
allir eru uppteknir af því að kjafta
saman og mega ekki vera að því að
kynna sig sérstaklega fyrir að-
komumanni, svo maður þarf að
hafa svolítið fyrir því að fatta hver
er hver. En að lokum fannst mér
það bara partur af sjarma mynd-
arinnar – hún kastaði manni beint
inn í lífið í sveitinni og myndin
varð þeim mun sannferðugri þegar
upp var staðið.
Emil og synir hans
Þótt fjölmargar persónur komi
við sögu er það Emil sem allt snýst
um. Og þá er komið að helsta kosti
myndarinnar. Hvað persónurnar
eru sannfærandi og skýrar – og
hvað Einari Þór hefur tekist að
galdra góða frammistöðu upp úr
leikurum sínum. Jóhann Sigurðar-
son leikur hinn breyska Emil af
miklu tilfinninganæmi; þetta er
maður sem sífellt er að reyna að
hjálpa öðru fólki uns hann er með
alla sveitina á herðunum, en hann
sjálfur situr á hakanum – ég minn-
ist þess varla að hafa séð Jóhann
betri. Gaman að geta þess að tveir
litlir strákar sem hann hittir í mjög
skemmtilegri senu eru listavel
leiknir af sonum Jóhanns.
Sú sena er reyndar líka dæmi um
hve handritið er vel skrifað, því
hún reynist upptaktur að sniðugu
lokaatriði myndarinnar.
Synir persónunnar Emils eru
aftur á móti leiknir af Gísla Pétri
Hinrikssyni og Ólafi S.K. Thor-
valds. Gísli Pétur er drungalegur
ungur maður að sunnan sem hefur
eitthvað upp á pabba sinn að klaga
– maður veit aldrei hvað það er, en
persóna Gísla Péturs er firnasterk í
drunga sínum. Hann virkar eins og
tilfinningalegur handrukkari og ég
hef sjaldan séð persónu sem nærist
jafn augljóslega á því hvað allir eru
hræddir við hann. Ólaf hef ég aldr-
ei séð áður en mun fylgjast með
honum í framtíðinni; mjög lifandi
og frískur leikari þar á ferð. Ungu
stúlkurnar Ísgerður Elfa Gunnars-
dóttir og Birna Hafstein sem fylgja
bræðrunum alla myndina eru enn-
fremur skemmtilega dregnar og
leiknar persónur. Myndin af unga
fólkinu í fásinni sveitarinnar er öfl-
ug. Aðrir leikarar standa sig líka
undantekningarlaust með prýði:
Gunnar Eyjólfsson með skemmti-
lega hárgreiðslu, o.s.frv. o.s.frv.
En allra best stóð sig eiginlega
lambið …
Rammíslensk saga
Ég er að fara um þetta orðum af
því ég held það sé nauðsynlegra en
kannski liggur í augum uppi við
fyrstu sýn að myndir eins og Heið-
in fái góðar viðtökur. Þetta er
mynd sem lætur lítið yfir sér en er
betri og sannari sneið af Íslandi en
sumar þær hérlensku „stórmyndir“
sem mest ber á. Og til þess að ís-
lensk kvikmyndagerð geti blómstr-
að þurfa að verða til margar mynd-
ir eins og Heiðin – þar sem lítil
rammíslensk saga er sögð á einlæg-
an og skemmtilegan hátt, tilgerð-
arlausan en persónulegan.
Lítil saga,
skemmtileg mynd
aIllugi Jökulsson skrifar um kvikmyndir
Gísli Pétur virk-
ar eins og til-
finninga-
legur hand-
rukkari og ég
hef sjaldan
séð persónu
sem nærist jafn aug-
ljóslega á því hvað allir
eru hræddir við hann.
Heiðin Jóhann Sigurð-
arson í hlutverki sínu.
Fallegt einbýlishús til sölu ásamt tvöföldum bílskúr á Eyrarbakka
Um er að ræða fasteign sem er 201 fm. Einbýlishús 145 fm og bílskúr 56,3 fm.
Komið er inn í bjart og rúmgott flísalagt anddyri og inn af því er góð geymsla. Því
næst er komið inn í sjónvarpshol. Gegnheilt fallegt parket á gólfi. Svefnherbergis-
gangi er hægt að loka af, þar inni eru 3 barnaherbergi parketlögð og hjónaherbergi
með spónaparketi. Baðherbergi er einnig á gangi, nýlega tekið í gegn, flísalagt í
hólf og gólf, hiti er í gólfi. Stofan er stór og björt, hátt til lofts (upptekið). Út frá
stofu er gengið út í garð þar er pallur og mjög gróinn og fallegur garður. Eldhúsið
er með glænýrri innréttingu, hvít fulningainnrétting og gaseldavél, glæsileg í alla
staði. Inn af eldhúsi er þvottahús og búr og yfir búrinu er geymsluloft. Bílskúrinn
er tvöfaldur og mjög rúmgóður og góð aðkoma að honum. Húsið er staðsett í
botnlanga í mjög rólegu og grónu hverfi. Stutt er í þá þjónustu sem er á staðnum
svo sem verslun, leik- og barnaskóla.
Hagstætt lán áhvílandi.
Eggert Sk. Jóhannesson, Jóhannes Eggertsson, Ólafur Thoroddsen hdl.
Nánari upplýsingar veitir
Fasteignasalan Eignaver
Sími 553-2222 • eignaver.is
Síðumúli 13 • 108 Reykjavík
Einbýlishúsið við Túngötu 3,
Eyrarbakka til sölu