24 stundir - 26.08.2008, Blaðsíða 20
20 ÞRIÐJUDAGUR 26. ÁGÚST 2008 24stundir
Eftir Hauk Johnson
haukurj@24stundir.is
„Ég er að æfa um 10 til 13 sinnum
á viku, en það er misjafnt eftir
tímabilum. Á veturna hleyp ég um
það bil 160 kílómetra á viku en á
sumrin hleyp ég svona 110 til 120
kílómetra á viku,“ segir Kári Steinn
Karlsson en hann kláraði Vatns-
mýrarhlaupið á besta tíma á dög-
unum. Þar hljóp hann fimm kíló-
metra á 15 mínútum og þremur
sekúndum og er það besti árangur
í öllum fimm kílómetra hlaupum á
landinu á þessu ári.
„Það var nokkuð góð þátttaka.
Ég held reyndar að það hafi verið
metþátttaka en það voru hátt í 300
manns sem tóku þátt.“
Þetta er þó ekki eina afrek Kára
Steins á árinu því að í vor varð
hann Íslandsmeistari í karlaflokki í
bæði fimm og tíu kílómetra hlaupi
á keppnisbraut, en hann hefur lagt
mesta áherslu á þessar lengdir.
Tekur örugglega maraþon
Kári Steinn hefur enn ekki keppt
í maraþoni, þó svo að hann hafi
áður hlaupið heilt maraþon á æf-
ingu.
„Ég hugsa að ég endi nú ein-
hvern tímann á maraþoni en ann-
ars er ég að stíla inn á brautina
núna. En ef ég ætla að verða virki-
lega góður maraþonhlaupari þá
þarf ég að ná í góðan grunn fyrst á
þessum styttri vegalengdum.
Og svo þegar ég er orðinn
þroskaðri hlaupari þá get ég fært
mig yfir í maraþonið. “
Aðspurður segist Kári Steinn
ekki hafa stundað hlaup allt sitt líf,
í raun hafi hann ekki stundað það
mjög lengi.
„Ég byrjaði á að æfa fótbolta og
körfubolta þegar ég var ungur. En
pabbi var í skokkhópi og ég fór
stundum með honum. Svo fór ég
að taka þátt í þessum götuhlaup-
um til þess að fá medalíu og vera
með. En þegar ég var farinn að ná
ágætis tíma var ég fenginn á frjáls-
íþróttaæfingu og þegar ég var
fimmtán ára þá hætti ég í körfu-
bolta og fótbolta og hef verið í
þessu síðan.“
Hleypur fyrir Berkeley
Síðustu misseri hefur Kári lagt
stund á verkfræðinám í hinum
virta Kaliforníuháskóla í Berkeley
þar sem hann hlaut styrk.
„Ég er í rauninni bara að læra og
æfa allan daginn. Ég er á ein-
hverjum smástyrk þarna en ég er
samt líka að hugsa um námið. Mér
bauðst fullur styrkur en ég ákvað
að taka minni styrk og setja frekar
fullan kraft í námið.“
Hann heldur brátt aftur vestur
um haf og verður spennandi að
fylgjast með afrekum þessa unga
manns í framtíðinni.
24 stundir/Valdís Thor
Kári Steinn náði besta tíma frá upphafi í Vatnsmýrarhlaupinu
Dagurinn fer aðallega
í æfingar og lærdóm
➤ Hlaupið hefur farið fram 14sinnum og er 5 km langt. Á
næsta ári verða líklega fleiri
vegalengdir í boði.
➤ Brautarmetið sem Kári sló varfrá árinu 1994 og hljóðaði
upp á 15:31.
➤ Alls tóku 285 manns þátt íhlaupinu sem er mikil aukn-
ing frá fyrri árum.
VATNSMÝRARHLAUPIÐHinn 22 ára gamli Kári
Steinn Karlsson tók fyrst
þátt í götuhlaupum til
þess að vera með og fá
medalíu. Í dag er hann Ís-
landsmeistari í tveimur
hlaupagreinum og keppir
fyrir virtan bandarískan
háskóla.
Sló met Kári Steinn sló
brautarmet frá 1994.
Á tímum kreppu og slæmrar
eiginfjárstöðu er það skylda hvers
borgara að sýna aðhald í heim-
ilisrekstri.
Snyrtivörur eru með því dýrara
sem hægt er að kaupa en samt
freistast margir til að kaupa dýra
maska og líkamsskrúbb. Það er yf-
irleitt alger óþarfi því í flestum eld-
húsum er að finna allt það sem
þarf til að búa til sinn eigin maska
eða skrúbb.
Salt og olía
Helstu innihaldsefni líkams-
skrúbbs eru sjávarsalt og olía.
Hversu mikið fólk notar af hvoru
fer eftir smekk en gott er að byrja á
að setja salt í skál og blanda svo ol-
íunni smám saman út í. Gott er að
nota til dæmis ólífuolíu eða kókos-
olíu.
Fyrir þá sem hafa viðkvæma húð
er hægt að skipta út sjávarsaltinu
fyrir sykur sem er mýkri.
Ilmkjarnaolíur setja svo punkt-
inn yfir i-ið, en það nægir að setja
aðeins nokkra dropa út í blönd-
una. Það hver er notuð fer eftir því
hvaða áhrif skrúbbnum er ætlað að
hafa. Þannig hafa lofnarblóm slak-
andi áhrif, sítrónugras hefur frísk-
andi áhrif en rósmarín er örvandi.
Jógúrt og ávextir
Ávaxtasafi, agúrka eða ávextir,
blandaðir saman við jógúrt eða
haframjöl, verða að fyrirtaks and-
litsmaska. Gott er að saxa hafra-
mjölið í matvinnsluvél og blanda
svo öðru saman við. Þá má líka
nota sykur í maskann eða eggja-
hvítu, en aðalatriðið er að láta hug-
myndaflugið ráða ferðinni.
Hagsýnir búa til sínar eigin snyrtivörur
Fegurðarverksmiðjur
LÍFRÆNIR SAFAR
Fæst í heilsubúðum og helstu
matvöruverslunum landsins
Ég hef þurft að glíma við aukakíló í nokkur ár. Hef prófað ýmsa kúra
og ekkert gengið. Það er ekki fyrr en ég kynnist Ultratone að
sentímetrar og kíló fjúka af. Komin úr stærð sextán í stærð tólf í
buxum og úr átján í fjórtán í bolum. Og svo er ég komin með mitti
sem eg vissi ekki af. Er líka ánægðari með sjálfa mig. Staffið er
æðislegt og umhverfið þægilegt. Búin að vera í Ultratone í fimm
vikur og mæli með þessu.
- Rósa Sigurðardóttir
Loksins eitthvað vem virkar! Á þessum mánuði, sem ég er
búin að vera í Ultratone hef ég misst sex kíló og mittismálið
minnkað um ellefu sentímetra. Maginn, sem var togaður og
teygður eftir fimm meðgöngur er loksins stinnari (og ekki bara
skvap). Ég hlakka alltaf til að mæta, þjónustan er frábær og svo líður
mér svo vel, líkamlega og andlega eftir hvern tíma. Bara frábært í alla staði.
- Margrét Sigurpálsdóttir
Vallý s.510 3728
Böddi s.510 3726
atvinna@24stundir.is
PANTIÐ
GOTT
PLÁSS
Í TÍMA